انا تعلمت من تجربتي ...وابي اتعلم من تجربتكم

[*أم*خالد*]

عهود اسم البرنامج ميكروسوفت اوفيس ون نوت
اقري طريقته شلون تستخدمينه سهل وروعه

لا انا توني يديده بالروضة هذي ثاني سنه لي وابتلشت .. استغفرالله توووبه ياختي تووبه

 

[cancel]

انا تخرجت ماتعينت لي اللحين

بس برد بالاشياءالي اسفتدت منهم بالميداني

 

[عهود الحب]

ام مناف والله عبالي مخضرمة ماادري حسيت جذي ههههههههههههه
يمكن من كثر ما تتحلطمين عبالي لج قرن بالتدريس
المهم انا لقيت البرنامج بس ماعرفت له للحين
اشرحي لنا شلون تستفيدين منه
ان كان جدا مفيد لهدرجة انا واثقة بكلامج وتجربتج طبعا
بس مافهمت شلون يعني تحطين الي تبينهم بالبرنامج
هل هي صور ولا قوائم وجداول ولاشنو ؟؟؟ ولامجرد كتابة




بالنسبة للبرامج بالكمبيوتر

انا اتوقع محد استخدم برنامج الاوفيس بوبليشر
يمدحونه بناتنا حيل
بناتنا اللي بابتدائي مدربينهم عليه

وهو مطور حيل وحلو يسوي بطاقات وشغلات روعة

بس ما استوعبته الحق ينقال :/

 

[عهود الحب]

كانسل ان شاء الله تتعينين عن قريب وتصيرين ابلة مثلنا وتنورينا بافكارج وتجاربج

ماقصرتي انا بانتظارج

 

[*أم*خالد*]

وييه لايبا انا توني عنونه ومنبطه جبدي كل من شافني قالي ( انتي مدرسه شكلج صغير ) ووليه امر خايسه بالتربية العمليه تسأل ولدها تقوله منو هالبنيه .. بس الحمدلله يا معوده يقولون صغيره ولا يكبروني حزتها صج بسمي روحي ام الاسنكدر المقدوني :tomato2:

المهم

النوت طريقته سهله .. اهيه فكرته مثل النوته .. تقدرين تحطين فيه كل مايخطر ابالج حتى تنسخين من مواقع من النت
وجداول وحتى تقدرين تسجلين فيديو او صوت اذا في كام مركب بالجهاز وتسوين أكثر من نوته ولكل نوته اقسام ولكل قسم اوراق

ينفع حق اي شي تبين تسوينه سواء شخصية او خاصة بالعمل او group او مشروع يعني حق كل شي على حسب حاجتج اهوا يلبيها لج

ونصيحتي لج يبا روحي جرير اكو كتاب اسمه تبسيط اوفيس 2007 وايد حلو ومفيد وانا استفدت منه حق الإكسل حالتي مع الكمبيوتر كسيفه من جذي ماقدر احطلج صورة الكتاب بس انا شاريته من جرير سئلي عنه هناك تحصلينه باذن الله

اما الببلشر هذا تسوين فيه أي شي للنشر من مطويات او بطاقات تهنئة بريديه أي شي تبينه يسويه لج وبالكتاب انشالله بعد تلقين طريقته وانصحج فيه وايد مفيد وحلوو

والبرنامج نفسه فيه طريقه الاستخدام بس بالانجليزي يعني اللي ثقافتها منطلقه او عندها قاموس سنع وولد حلال خل تتوكل على الله

على طاري القواميس عهود طحتي على قاموس قوقل اللي يحول عربي وانجليزي ؟ ترى وايد مفيد تنسخين الفقره كامله ويترجمها لج حتى اللي لغتها ضعيفه تقدر تتعلم على البرامج بدون الكتاب

 

[أم شواقه]

موضوووعج مثلج

انا على طووول ايمع قوااطي الروب والكلينكس وعلب الاحذيه على طووووووول

قواطي الروب ممكن اسوي منهم منبهات ومشاريع لركن الفنيه والحيييين قاااعده ايمع اشكثر حق خبرة النفط ... اسوي منهم خزانات النفط

وغلب الاحذيه اغلفهم واستخدم لشغلات وااايد ،، حق التغذيه الراجعه ،،، اسوي تلفاز منهم ،،، اشارة مرو ونفس الشي علب الكلينكس

 

[*أم*خالد*]

ام شواقه يعني شلون تغذيه راجعة ؟ متى تستخدمينها ؟ ممكن بس مثال

 

[عهود الحب]

هلا ام مناف
انتي بتئولي فيها
ده انا عميلة دائمة لجرير
يعرفوووووووني من كثر ما انام بين الكتب
بس من كثر الكتب قمت اخفف زيارتي لهم
والله زوجي بيسوي مزاد علني جدام بيتنا للكتب
الكتب ببيتي وصلت يمكن لو اقول خمسمية كتاب ما ابالغ


احب القراءة
وبشتري هالكتاب ليش لأ


جزاج الله خير

حلوة سالفة صغيرونه ما اتخيلج
ياااخي نك نيمج شكبرررررررررررررررررررره

ام مناف احس عملاقة ههههههههههههههههههههههههههههههه
لاتعصبين فديتج والله اسمج شكبره جنه اسم ولدي
ماكو الا ينادوني ام فلان الحفافة
محد يسمي هالاسم الا راعيات الشيرة ولا الي يسووون ملفوف
مشكلة كله من زوجي الله يسامحه والله
وعذره يبي اسم محد يسميه غيرنا
وفعلا صدددددددددددددق بهذي هههههههههههههههههههههه





بالنسبة للكتاب باذن الله اطلبه من اختي لأنها مهندسة كمبيوتر
مهندسة ومانفعتني كمبيوتري شوي ويكح

 

[عهود الحب]

ام شواقة الله يذكرج بالشهادة يارب
والله وقام حظك يالكيديدي هههههههههههه

انا القواطي اللي عندي سويت منهم لعبة الدامة الشعبية

شحلاتها لكل شي يطري عليج
اول شي لعبة للنشاط الصباحي
ثاني شي استخدمها كلعبة جماعية بنهاية الحلقة
نتوصل منها على شغلات


علب الكلينكس احب العلب المربعة واستخدمها اني احطها كلعبة تربوية يطابق فيها بين العدد ومدلوله
حلوة حيل

علب الكلينكس العادية مغلفينها انا واطفالي بالكريشة ومخلينها مثل لعبة الدومنة الصغيرونه
حلووووووووة حيل لكل شي

علب الاحذية اانا حاطة منهم بالمخزن بالصف للمشاريع اليومية ولزوم الانقاذ


احب استخدمهم لفكرة لعبة التذكر وانصحج فيها والله خوش لعبة للاطفال

 

[عهود الحب]

التغذية الراجعة
هي ختام الحلقة
وتكون بأي طريقة تبينها
الهدف منها تذكير الطفل بما درسه اليوم بالحلقة
بس شلون تستخدمها ام شواقة بالتغذية الراجعة ما ادري :/



ام شواقة جااااااااااوبي عالسؤال تكفين

 

[عبق الورد]

انا للاسف استخدم المستهلكات في ركن الفنيه للمشاريع لان الموجهه ما تحب المستهلكات تستخدم في الحلقه فنبعد عن اللي ماتحبه الموجهه احسن ههههههههه
مع انه عندي افكار مثل بطول الماي الزق عليهم اعداد واسوي لعبه البلولينغ تستخدم كتغذيه راجعه اخلي الطفل يحذف بالكره العدد اللي تعلمناه
بعد في لعبه التنس اخذ مضارب التنس عند ابو اميه اسوي وجه مبتسم وجه حزين بعد الاركان اذا الاركان مو مرتبه ارفع الوجه الحزين فالاطفال بدون لا اتكلم يدرون ان الركن مو مرتب واذا رتبوا الاركان ارفع الوحه المبتسم حيل استانسوا عليهم الاطفال واي سلوك مايعجبني ارفع الوجه الحزين فالاطفال تلاقينهم ينبهون الطفل المزعج ويستانسون اذا رفعت الوجه المبتسم المشرفه عجبتها الفكره .
عندي افكار بعد اذا تذكرت ارد اكتبهم ان شاء الله

 

[عيودة]

مشكوريين عالموضوووع

انا حب الستيكرز الجاهز عند بو مية للعبة تصنيف العدد مثل الحين خبرة بلدي الكويت
قصصت الستيكرز صغار أعلام وغلفتهم لعمل مجموعتين او وضع العدد للمدلول او العكس

 

[أم شواقه]

ام شواقه يعني شلون تغذيه راجعة ؟ متى تستخدمينها ؟ ممكن بس مثال[/QUOT

اغلف العلب بطريقه حلوة بجلاد الهدايا او الكريشه ومثلا احط داخلهم كور ملونه بلون الملفات الي اوزعهم بالصف ومع الموسيق توقف عند طفل ويطلع كورة من العلبه ويدور على الملف

اممممم ،،، ااسوي حفرة من النص يعني الصندوق السحري ونفس الشي يطلع طفل ويسحب كورة

بدال لا اشتري علب كشخه انا اسويييهم :wqedqw:

 

[طيرشلوا]

ماقصرتى ياعهود
- تعلمت من السنوات ان كراتين البيض اقدر اسوى منها بلاوى مثل لعبة الدامة \ثعبان \شارع \ مثيرات كثيرة
-خام الجوخ الاشغال فية روعة
-تعلمت انى انظم كل شئ عندى مثل المثيرات كل واحد بظرف ومكتوب علية اسم المثير
-دايما احب الفلين الامريكى الابيض على الجهتين علشان استغلة لمسابقات الخبرة واقصة بالنص علشان ماتكون المسابقة كبيرة واسهلى بالتخزين فمن فلينة وحدة تكون عندى مسابقتين
-علب البهارات الى بالاسواق الشعبية روعة لتجربة الملمس لما تلبسينها بالخوج وشكلها قمة يطلع
-المكعبات الى بابو مية فلس الى عليها احرف انجليزية روعة لركن الالعاب لمطابقة الصور اولعبة الدومنة
-علب العطور الى تجى كانها علبة هدية ما اقطها واستغلها لدومنة الاعداد او حتى الكلمات
-الصور الى تطيح بايدى مااقطها لان ممكن تفيدنى بمناظر القصة
-الحركية ورسالة ولى الامر والفنية والاعداد والكلمات كل واحد لة ملف او اكثر الى يجى فية اوراق شفافة
ولى عودة لاتذكرت الى موجود عندى

 

[عهود الحب]

انا للاسف استخدم المستهلكات في ركن الفنيه للمشاريع لان الموجهه ما تحب المستهلكات تستخدم في الحلقه فنبعد عن اللي ماتحبه الموجهه احسن ههههههههه
مع انه عندي افكار مثل بطول الماي الزق عليهم اعداد واسوي لعبه البلولينغ تستخدم كتغذيه راجعه اخلي الطفل يحذف بالكره العدد اللي تعلمناه
بعد في لعبه التنس اخذ مضارب التنس عند ابو اميه اسوي وجه مبتسم وجه حزين بعد الاركان اذا الاركان مو مرتبه ارفع الوجه الحزين فالاطفال بدون لا اتكلم يدرون ان الركن مو مرتب واذا رتبوا الاركان ارفع الوحه المبتسم حيل استانسوا عليهم الاطفال واي سلوك مايعجبني ارفع الوجه الحزين فالاطفال تلاقينهم ينبهون الطفل المزعج ويستانسون اذا رفعت الوجه المبتسم المشرفه عجبتها الفكره .
عندي افكار بعد اذا تذكرت ارد اكتبهم ان شاء الله

ليش ماتحب المستهلكات بالحلقة
وش دراها انها مستهلكات ؟
المستهلكات كمثال كرتون البيض او كرتونة الحليب او علب الماي مثال يعني
اذا سويتي لهم اعادة تدوير شنو بيكون شكلهم
بيكون شكلهم حسب ما انتي سويتيهم ماراح يبين شنو اهمه اصلن كانوا
واذا سألوج قلتي كانوا قوطي كذا او علبة كذا وانا شكلت منهم هالوسيلة التعليمية :eh_s(1):


مومهم الوسيلة من شنو كانت المهم شنو فايدتها وشنو استخدمناها فيه


لعبة البولينغ ببطول الماي او البيبسي خوش فكرة ترى وحلوة
انا سبق قلت لج اسوي فيهم الاستنبات بعد
واسوي منهم شخصيات ويستانسون منها الجهال حييييييييييل


المضرب التنس حلو حيل
وانا مبتكرة فيها شغلة للصف كله بعلمكم عليها بعدين
حلوة افكارج يا عبق
لاهنتي وجزاج الله خير

 

[عهود الحب]

مشكوريين عالموضوووع

انا حب الستيكرز الجاهز عند بو مية للعبة تصنيف العدد مثل الحين خبرة بلدي الكويت
قصصت الستيكرز صغار أعلام وغلفتهم لعمل مجموعتين او وضع العدد للمدلول او العكس

الستيكرز روعة وحلو ويؤدي اغراض كثيرة
انا اخلي يم سبورتي ستكرات زاهبين للتعزيز الفووري للطفل العبقري باجاباته
تطوووووول رقبته لما اشجعه تشجيع مختلف واعطيه فورا ستكرز الهابي فيس او بطل الصف وهو شخصية كرتونية
او اي شي ثاني
الستكرات اخذي لج فرة قوية عندهم
تلاقين شغلات تخص الخبرات
وتثري ركن الفنية وركن الالعاب
فانا عندي سلة فيها دفاتر ستكرات لزوم المشاريع الفنية
ولزوم التطبيق اليومي وتنويع بالركن موبس رسم وتلوين وخامات
مرات يستانسون لما يشوفون حاطة ورقة ستكرات وبنركبهم بشكل حلو
مشكوووورة عيودة ياهلا فيج لاهنتي عالمشاركة الحلوة مثلج

 

[عهود الحب]

اغلف العلب بطريقه حلوة بجلاد الهدايا او الكريشه ومثلا احط داخلهم كور ملونه بلون الملفات الي اوزعهم بالصف ومع الموسيق توقف عند طفل ويطلع كورة من العلبه ويدور على الملف

اممممم ،،، ااسوي حفرة من النص يعني الصندوق السحري ونفس الشي يطلع طفل ويسحب كورة

بدال لا اشتري علب كشخه انا اسويييهم :wqedqw:

صح كلامج انا احب التغليف واحب اقزر وقتي بالصف اشتغل بايدي
مااحب اقعد بطالية بالاركان
لازم ننجز شي
حلوة سالفة التغليف للعلب
مبطي ماسويت وسيلة من علب بس عندي بالصف خمس وسائل جديدة لدروسي ما استخدمتهم لحد الحين
مشكورة يا ام شواقة

 

[عهود الحب]

ماقصرتى ياعهود
- تعلمت من السنوات ان كراتين البيض اقدر اسوى منها بلاوى مثل لعبة الدامة \ثعبان \شارع \ مثيرات كثيرة
-خام الجوخ الاشغال فية روعة
-تعلمت انى انظم كل شئ عندى مثل المثيرات كل واحد بظرف ومكتوب علية اسم المثير
-دايما احب الفلين الامريكى الابيض على الجهتين علشان استغلة لمسابقات الخبرة واقصة بالنص علشان ماتكون المسابقة كبيرة واسهلى بالتخزين فمن فلينة وحدة تكون عندى مسابقتين
-علب البهارات الى بالاسواق الشعبية روعة لتجربة الملمس لما تلبسينها بالخوج وشكلها قمة يطلع
-المكعبات الى بابو مية فلس الى عليها احرف انجليزية روعة لركن الالعاب لمطابقة الصور اولعبة الدومنة
-علب العطور الى تجى كانها علبة هدية ما اقطها واستغلها لدومنة الاعداد او حتى الكلمات
-الصور الى تطيح بايدى مااقطها لان ممكن تفيدنى بمناظر القصة
-الحركية ورسالة ولى الامر والفنية والاعداد والكلمات كل واحد لة ملف او اكثر الى يجى فية اوراق شفافة
ولى عودة لاتذكرت الى موجود عندى

الدامة بكرتون البيض شلون ممكن تشرحين لي ياقلبي
عندي 3 كراتين بيض مجمعتهم للمشاريع وبستغلهم
؟

انا تعلمت منج اني انظم المثيرات واهتم فيهم
سبحان الله قبل ماكنت اهتم بس انتي مرة قلتي لي انج تحطين كل شي بملف مخصص للمثيرات
وفكرت ليش لأ
وبديت اسجل مثيراتي شنو بدروسي عشان السنة الجاية مايشيب رمشي وماالاقي مثير مناسب

انا اسوي من الفلينة مسابقتين مثلج بالضبط
بس فرقي عنج اني اخلي للمسابقة وجهين
وجه جوخ عشان التشك تشك
ووجه جيوب
جذي اخلي مجال للاستغلال اكثر واكثر
وبصراحة هالفكرة حيل مونسة مشرفاتي

شلون طريقتج بعلب البهارات
تبين الصج مافهمتج
وانا لي طريقتين للملمس ااشرحهم لج بعدين

مافهمت سالفة المكعبات كلش

علبة العطور < ماتدور عندي لانه انا مبطي متقشفة وماشريت عطر لي سنة تقريبا !!!!
هم انا اجمع الصور واحتفظ بكمية كبيرة من التطبيقات االابيض واسود وحتى الملون بعدد



احبج طير شلوا


وانتظر منج عودة للشرح اكثر
ياليت والله

 

[عهود الحب]

العاب عيالي المكسرين
سيارات اخذ منها العجلات عشان المشاريع

اخذ العرايس الصغار ملابسهم
اللي يقططونهم ومايبونهم

مرات علب البلاستيك الي مايبونهم او نستغني عنهم بالبيت
مثال علب الجلكسي الجواهر
علب الحلاو علب الكاكاويات
المصاص

اجمعهم واخليهم بالصف
استغلهم بعدة نواحي
العلمية احط فيهم ادوات كل تجربة على حدة واكتب عليها التجربة الفلانية

احطها بالمطبخ واخلي فيها عجينه جاهزة وسكر وملح وعصير بودرة للخلط والتذوق

احطها بالفنية واقطط فيها ادوات للمشاريع الفنية محسوسة مثل ماقلت لكم بقايا الالعاب
ومرات اجمع صور طيارات وسيارات وبيوت من المجلات الي ما ابيهم
خضراوات فواكه
معجون
دعايات
ولد يصلي بنت تقرا قرآن
ام اب
صور وجيه معبره
صور لأي شي يطري عليج
مصورات عن الكويت


اجمعهم كلهم واخليهم بركن الفنية
لزوم القص واللصق ولزوم المشاريع
وصدقوني شي موطبيعي ولاتخسرين شي


بدال هالتكود بالكبت على غير عوزة
نلاقي الصور هذي تنفعنا ونقط المجلة بالزبالة نوفر مكان ببيتنا
وبنفس الوقت ترى تنفع لعيالنا لمدارسهم بعد < عشان امهات العيال يعني يستفيدون وانا متأكدة انهم يسوون مثلي واكثر

 

[طيرشلوا]

هلاواللة عهود ياقلبى مقصصة كرتون البيض قطع صغيرة و الجهة البارزة ارشها اى لون ابى انا مخليتهم لونين اخضر واصفر
وعندى قطعة من السماط صغبرة ومخططتها مربعات مثل الدامة ودايما مخليتهم بركن البيت حق خبرة بلدى الكويت

المكعبات الى تجى الوان برتقالى وازرق واصفر وغيرة قبل كان فية منها كبار نسويهم مثل قطعة الزولية هذولى منهم صغار تلقينهم عند المحاميد وربعة من الاسواق احط على كل وحدة الصور الى تجى ستكر عن الخبرة وجذى تصير عندج لعبة الدومنة

علب البهارات مالوت ركن العلوم عرفتيهم مكودتهم عندى شكثر لانى اجهز دايما الاركان غسلتهم ونظفتهم عدل مدل وعندى ربع فلينة
حددت عليها الدوائر بالعلبة وقصصتهم ولبسته خام جوخ وكل علبة لبستها بنفس لون الخام ودخلتهم بالاماكن الى قصصتها وثبتهم بالسيليكون
وعندى هم قطع فلين مقصصتم بالنص يعنى كل وحدة نص فلينة ومخليتهم لوحات وبرية عدد4 الاولى سودة كاملة والثانية نص سما ونص خضار والثالثة نص سما ونص لون البر والرابعة زرقا ورووعة للعددى والكلمة والمثير والاركان مثل الالعاب التربوية والاصفى وشرح القصة