انا تعلمت من تجربتي ...وابي اتعلم من تجربتكم

[عهود الحب]

حلوة فكرة الدامة حيل عجبتني حيل
انا مسوية دامة لبناتي بالبيت
حقهم
مو يقولون علموا اعيالكم الالعاب الشعبية
ومخططتلهم بالحوش الحجلة عشان يخف وزنهن هههههههههههه ولولا الحمل جان اطامر معاهن


حلوة حيل فكرة كرتون البيض انا بصفي مستخدمة قواطي الروب
وصابغتهم

المكعبات انا عندي جميع الاحجام منها بس بناتي باقوا الصغار منهم ههههههههههههه
بس بحاول اسوي فكرتج
اموت انا بالنرد الي يصير اشكال واعداد عالخبرة خاصة لركن الالعاب وللحلقة بعد

علب البهارات الواقع والحقيقة مافهمت الفكرة كلش
مادري شكل النشلة بلشت تلعب فيني



الفلينة تقصدين مخليتهم خلفيات لزوم الشرح والقصص والحلقة
وتستفيدين منهم
انا جذي عندي بس مسويتهم بيدي
رسم بالالوان

 

[طيرشلوا]

اللة يسهل عليج وتقومين بالسلامة ويخليلج بنياتج ويرزقج بالولد الصالح الى يفرحكم بالضبط انا بالرسم فاشلة درجة اولى بس بالاشغال الفنية واللزق الحمدللة مبدعة
وفكرة الوبريات حيل ريحتنى وعلى فكرة انا ما احب اودى شغلى للمكتبة لانى احب يكون مميز ومومكرر ودايم علشان جذى شغلى كلة مد ان ماى هاوس

 

[طيرشلوا]

الظاهر النشلة لاعبة دور عاد سهلة فكرة العلب

 

[عهود الحب]

طير شلوا يابعد قلبي انتي ماقصرتي
شوفي انا اعترف اني قريت شرح الطريقة عشر مرات
وما استوعبت
يمكن عشان مصدعة منشولة ماكو استيعاب
مادري
بس انا تخيلت شكل معين ويمكن هذا قصدج ماادري


انا مسوية لتجربة الملمس طريقة ثانية


ماخذة وسادة قديمة
ومخيطة عليها عدة ملامس
مقسمتها اقسام
وطالعة تهبل
اهي كوشية وقديمة ومربعة شحلاتها


ومرة شفت بنت معانا مسوية مكعب ملامس هم حلو
كل صوب ملمس
نفس النرد مسويته فهمتيني بس يلمسونه مو يقطونه :/

انا احب البزل الي شرحتيه وودي اشتريه
بس ياخوفي بناتي يبوقونه ثاني مرة
مسمين اغراضي السوق :/
ووامي تقول روحي لبقالة فلانه الي هي انا كله العاب { تقصد بيتي

 

[عهود الحب]

بالنسبة للرسم
انا قبل كنت احس اني فاشلة
بعدين قمت انسخ عالتمبليت من النت ومن المجلات ومن كتب التلوين ملوت عيالي
تعلمت شوي شوي الرسم وصار حلو رسمي
واميل للرسم الكرتوني يعني شخصيات كرتونية طفولية


وبعدين تقدرين تسحبين صور ابيض واسود من النت وتنسخينها على الوبري بالفازلين وتصير والله رووووعة يطلع
وخلي الصور الي ترسمينهم عالورق ملونين
انا قبل ارسم شخصيات واخليها ملونة اشكال والوان وخامات
واخليها واقفة على عود السيخ مال الشوي تعرفينه الي عند ابو مية
وبعدين اكون جذي سويت شخصيات من شغل ايدي وشحلاااااااااتهم مميزين


بالنسبة للوسائل انا مثلج احب شغل ميد ان هوم ولازم انا مسويته
والله له طعم ومتعة حلو تتعبين بالوسيلة وتسوينها بيدج وناسة صج صج
مادري انا مجنونة بالشغل واحب اشتغل زود على طاقتي مثل مايقولون

 

[طيرشلوا]

عهود شلون انسخ الرسمة على الوبرى بالفازلين خوش فكرة واللة

على الشغل نفس الحالة امس ارتحت وخلصت شغل دروسى هالاسبوع بس هم مصيبة لازم احوس وافكر ادور عن شئ جديد ينفعنى

 

[عهود الحب]

تصدقين انسخي من النت الرسمة اللي تبينها وترتاحين حيل
انا متعلمة الرسم فما يعسرني خصوصا اني اقلد احط جدامي الشكل وارسم لازم اتعبث الين اوصل للي ابيه

واما بالنسبة للرسم حاولي تحطين بقوقل كلمات جي
printable
او

template

يطلع لج مثل هالشكل تقريبا

ويكون سهل بالقص وتحطينه عالفازلين وترسمينه رسم بالقلم فوقه وممكن ورق الكربون يسهل لج المهمة
وبعدين تكوين الفازلين عالخام الجوخ مقلوب
وتقصين عقب وبالعافيه



طير شلوا كلنا نجرب الين نعرف ونتعلم
والفايدة للجميع يارب

 

[طيرشلوا]

عز اللة رايتج بيضة مكفية وموفية

 

[عهود الحب]

طير شلوا بعد عيني عينج ياعين السيح
انتي تامرين امر
ماتقصرين والله
بس صوري لي البهارات < يا دي البهارات هههههههههههههه
مو راضية اخليج بحالج ههههههههههههههههههههههههه
لعوزتج عالقواطي ادري
اتغشمر

 

[طيرشلوا]

لا واللة ياحياتى عزيزة وغالية
بس واللة واللة قاعدة اتعلم انزل الصور شوى شوى وان ضبطت معاى ابشرى