انا حيوانه وحاقده !!!!!!!!(الدخول للمتفتحات ذهنيا)

[جروح ودموع]

الله يعينج على هالاخت ويكافيج شرها والله ينصرج ويفرج همج يااارب وان شالله تمشين بنصيبج وتتزوجين اللي يقدرج ويسعدج ويخاف الله فييج يا قادر ياكريم والله انقهرت عشانج لاني جربت ظلم وحقد الخوات الله لا يسامحهم

 

[Pink.Barbie]

اختك عندها مشكلة نفسية

وبعدين سته و عشرين مو كبيره لسه قدامها وقت هذا اولا

وترى خلاس ما عاد احد يتشرط و يقول الكبيره تتزوج قبل الصغيره

هاذي الايام ولت

الناس سارت تعرف انو نصيب
ا
انا اشوف انك تكلمي امك و ابوكي باسلوب و تفهمينهم انو هيا رافضه مبدآ الزواج

وانو انتي عندك رغبة تكوين اسرة

و بالعكس تسير فرصة بخطوبتك و فرحك انو الناس تشوفها و يمك احد يتقدم لها و يجي نصيبها ورى نصيبك

انا اشوف ازا الولد عاجبك و مرتاحتلو استخيري و كلمي اهلك و لا تتنازلي عن موقفك

الله يقدم الي فيه الخير

 

[قسوة الزمن]

ما عليج منها استقلبوا الخطاب وبس

 

[mouzza]

يزاكم الله خير بنات اللي ردو ودعو لي

نجمه كويتيه شلون خايفه علي اني اعيش مثل عيشه اختي ؟ لا كان ماتصرفت معاي بهالتصرف اهيا نفسها خايفه من الزواج وبنفس الوقت ماتبيني اتزوج ثاني شي احنا عندنا تقوم القياااااامه عااااااااااار لو الصغيره تزوجت قبل الكبير

قسوة الزمن ياحلوج اهيا المساله مو استقبال خطاب بتقوم القيامه لو استقبلتهم

 

[:: Diva ::]

ميخالف حبيبتي انتي
الموضوع حساس بالنسبه لها
فارحميها شوي


لا تشوفينها حسوده حقوده مجرمه
لا شوفيها متشفقه و ودها بزوج و بيت و عيال


الله لو كاتب نصيبج
راح تتزوجين قبل و غصبن على الي ما يرضى
فالدعاء لها اولا و أخيراً

و الله يصبرج و يرزقج و يرزقها احسن الرياييل

 

[توتا الكتكوته]

حسبي الله ونعم الوكيل في كل اخت او انسانه تكون السبب في توقيف نصيب ورزق

اختها هذا رزق الزواج

انشاءالله تعرسون ثنتينكم بليله وحده وتفتكين من وجههاا للابد

 

[@ كويتيه @]

خلي اختج تراجع طبيب نفسي مو عييييييب !!

وعسى الله يفرج كربتج وو يسسسهل امورج ووين ماتروحين:eh_s(7):

 

[mouzza]

آآآمين يارب

@كويتيه@ تصدقين اهما يقولون لي روحي طبيب نفساني؟

 

[فدوووو]

المفروض هي تراجع طبيب نفسي مو انتي ياقلبي

واضح عنده مشكله نفسيه

الله يعينك حبيبتي ادعي لها

 

[طموحه بزياده]

اختج حسوده و حقوده اعوذ بالله

الله يرزقج وتتزوجين وتتفكين من البيت كله

 

[mouzza]

آمييين يارب
ماقصرتو يابنات

 

[ساره أمها كويتيه]

الله يعينج ويفرج عليج
أصبري وحاولي تتحاشينها ليما تتزوجين
وأدعي أن الله يهديهاااااااااااااااااااامهما كان هذي أختج خليج متعاطفه معاهاااااااا
ومافيها شي اذا تزوجتي قبلهاااااااااا
هذه قسمه ونصيب
الله يوفقج أن شاااااااء الله

 

[Unusual]

اختك غريييييبة ،، شكلها متعقدة من شي ،، وهو اللي لاعب في نفسيتها والله آعلم ..
عموما انتي لو جاك نصيبك ،، لا توقفينه عشانها خصوصا انه هي اللي مستقعدة لنفسها والرفض دائما من جهتها ..

الله يهديها وينور بصيرتها .. تصرفاتها غريبة ..

 

[الحللللوه]

الله المستعاااااااااااااااااااااان ياارب

 

[دلوعة أبوهآ]

رددي دايماً حسبي الله ونعم الوكيل ..,


وربي راح يفرجها عليكِ ..
والله يهديها اختك

 

[فجرر]

اقوووول اختك هذي عندها حالة نفسية عالجوها وانتي وافقي ع الخطاطيب وشوفي طريقك لانك ماشيا صح والله يوفقك يارب وتشوفين السعادة في ظل من تحبين الله يرزقك الزوج الصالح امين يارب العالمين وبالتوفيق الله يسعدك دنيا واخره .. آمين

 

[Ԏỡґἰᾷ]

حبيبتي انتي جم عمرج الحين ؟
ومايخالف اقعدي بينج وبين اختج وقوليلها انج بتملجين وبتنطرينها تزوج معاج
وصفي القلوب
ماتدرين بهالكلام لطيب ربي يرزق اختج ويتزوجون بنفس اليوم
اكسبي اختج
بينيلها انج كنتي غلطانة يوم تهاوشتي معاها
وقوليلها هذا نصيب
ومكتوب من قبل ما ننولد وربي يرزقج برجال احسن من رجلي
ومن هالكلام
ورددي انج مراح اتزوجين قبلها
وختروح عروس ربي يكتب لها الزوج الصالح
وادعيلها بصلاتج عسى ربي يقبل دعائج
وحبيلها الخير عشان ربي يوفقج بزواجج

ترا انا كانت معاي مشكلة تقريبا مشابهه لج
كانوا يجون خطاب لختي الكبيرة
ولمن يشوفوني يهونون ويقولون نبي الصغيرة
بس اهلي كانوا يقولون اني صغيرة ( فعلا كنت صغيرة - 15 )
وربي كتب لها الزوج وربي وفقها
وتقريبا 3 خطاب يغيرون رايهم ويبوني
والحمدالله هي تزوجت بعد الثنوية وانا وراها تزوجت بعد ما خلصت الثنوية بعد ملجة تقريبا سنتين
هي اكبر مني بـ 5 سنين

وادعي ربج يزقها لانها اختج ماتدرين يمكن ربي يعاقبج عليها
راعي شعورها
هي متعقدة داوي جرحها .. مهمن كانت هذي اختج

وربي يوفقكم ان شاءا لله

 

[Ԏỡґἰᾷ]

ع فكرة الرجال ما يحب المره الي 24 ساعه عنده
ولا الي 24 ساعه عند اهلها
فلا تقطعين صلتج بهلج بسبة هالزواج .. بعدين بتحسفين
لاتزوجين الا برضاهم
وسايري اختج بالكلام ولو تزوجين برضاهم بعد ماتقنعين اختج ان قدامها العمر
وان نصيبها بيجيها

 

[شرغوفة]

السلام عليكم حبيبتي الله يعينك والمؤمن مبتلي أنا حاسة فيج واختج مثل ما قلتي عندهاا عقدة ولازم اتعالج عند دكتور لا تزعلين من كلامي بس هذي سنة الحياة والكل ماشي فيهااا واختج ماتبي لا زواج ولا أعيال فكيفهاا مو من المعقول انهاا توقف بطريجكم مايصير بعد والله يهداهاا الوالدة ليش جذي موقفها اضعيف وسلبي أتجاااه المشاكل الي التصير فالبيت كل بيت لتصير في مشاكل وآلام هي الوحيدة الي ياااا لتزيد الموضوع نار وشرار ولا تحااول تحله بسلووب حلو وراقي وتصلح الامور أنا من وجهة نظري انج تتزوجين ووتفتكين من كل هالامور وانا متأكدة انج بتفتحين بيت واتصيرين زوجة وام مثاليه لإنج راح تتعلمين من الي صارلج بحياتج فبيت أبوج ومع والدتج وبعدين راح أتين اتزورينهم يوم او يومين بالأسبوع وخلاص يعني بإختصار حاولي تبدين حياة جديدة مع زوج يشيلج من هالهموم والمشاكل والوحده الي انتي فيهاا ويارب يرزقج بالزوج الصالح الي يعوضج خير أنا حبيتج ياختي لله فالله موفقة يا الغالية

 

[مياسه الحساسه]

حبيبتي اللي سويتيه عين العقل
وربي عندي صديقه من عمري ماتزوجت والسبه اختهم اللي في الثلاثين
والمشكله هي الي رافضه الزواج
طيب حرام توقف نصيب اخواتها ..كل ما احد تقدم قالو الكبيره اول تتزوج
..... انتي حبيبتي ماغلطتي تزوجي وربي يتمملك على خير
وانتي ماجرحتي اختك عادي هاذا زواج واللي يجيها نصيبها تتزوج
وماعليك من احد
والله اعرف عايله نفس تفكير اهلك بسبب الكبيره الحين البنات كلهم فوق 28 وجالسين لا زواج ولا شي
بسبب ابوهم وامهم ان الكبيره اول تزوج
والله انا اقول هالقصه مو اتشمت اعوذ بالله
بس اقولها عشان انتي وغيرك ياخذون منها العبره
والله يوفقك ياارب