انا خايفه .. اثر السحر ليلحين موجود

[سمر20]

استمري واضغطي على نفسك واصبري واعتبري نفسك بحرب ولااااااااااااااااازم تنتصرين

 

[salwa93]

حسبي الله ونعم الوكيل على السحره


يارب يشفيج وينصرج وتتعافيين قريب بأذن الله

 

[دلال و غلا]

حبيييبتي اسأل الله العظيم رب العرش العظيم ان يشفييييج شفاء تام
احلامج اكبر دليل انج بتقدم يا ربي لك الحمد و خليج مداومه ع قراءة القرآن و صلي آخر الليل و ادعي الله يشفيج شفاء تام عاجل غير آجل
و بإذن هالموضوع اللي نزلتيه يفيدج و گل من يدخل الموضوع يدعي لج

 

[‏ڝڋٸ ٵڸڪٿہـآڻ]

إنتي مظلومه ودعاء المظلوم مستجاب إدعي في سجودكـ كل صلاة ان ربي يرحمكـ ويفرج عنكـ ويكشف الضر ... (أني مسني الضر وأنت أرحم الرحمين ) دعاء سيدنا ايوب عليه السلام ..ودعا رسولنا صلى الله عليه وسلم (اللهم اليك اشكو ضعف قوتي وقلة حيلتي وهواني على الناس يا ارحم الراحمين انت رب المستضعفين وانت ربي الى من تكلني اليه بعيد يتهجمني ام الى عدو ملكته امري ان لم يكن بك علي غضب فلا ابالي ولكن عافيتك اوسع لي اعوذ بنور وجهك الذي اشرقت له الظلمات وصلح عليه امر الدنيا والاخرة من ان تنزل بي غضبك او يحل علي سخطك لك العتبى حتى ترضى ولا حول ولا قوةالا بك) وتحسبي كثير والله رح ينصركـ عليهم لازم الثقه بالله لان هذا يضعف السحر .. حسبنا الله ونعم الوكيل على كل ظالم ..... الله يفرجها عنكـ ويجعلها في ميزان حسناتكـ هالصبر اللي تحملتيه قد ايش الواحد يتألم من الظلم لكن الامل بالله دايم كبيييييييير ...

 

[‏ڝڋٸ ٵڸڪٿہـآڻ]

الرقيه الشرعيه ماهر المعيقلي سورة الفاتحه مكرره ساعه و 46 دقيقه

ROQIA ROKIA الرقيه الشرعيه ماهر المعيقلي سورة الفاتحه مكرره ساعه و 46 دقيقه - YouTube

 

[ضــمــاد]

^^

قموش شفت سحوره انواع واشكال بعيني مو نوع واحد

اهو بطل بول يم باب البيت عزج الله

اهو اكل ومعكرونه وبيض مطشر عالسياره

اهو راس خروف عند عتبة الباب

اهو بقشه تحت فراشي

اهو سعفه نخل بكبت هدومي

والله شفت اشياء غريبه عجيبه وفي شغلات مادري شلون وصلت داخل البيت ..!!!!!!!!!!

مو بس حقي حقي وحق اهلي

لا اله الا الله


عسى الله يحفظج حبيبتي وعسى الله ياخذ حقج من هاللي مسويلج هالسحور


أنزين قلبي


بما انه كل هالاشياء شفتيها .. ليش ماتحطين ( كاميرا )


حطي بكل مكان .. داخل بيتج وبرى بيتج .. ولا تقولين حق أحد


بس أنتي وريلج اللي تدرون .. وريلج وصيه انه مايقول حق احد


وشوفوا منو .. حسبي الله على من كان السبب


قلب .. سوي سيرج بالنت عن الحجامه وفايدتها مع المسحور والمعيون


شوفي هالموضوع


http://www.q8yat.com/t1094133.html


وهذا بروفايل العضوه


http://www.q8yat.com/search.php?searchid=12133137



مثل ماقلت لج .. حطوا كاميرا


بقولج سالفتين :


الأولى : خالتي حاطه كاميرات بكل بيتها .. برى عالشارع


وبالحوش .. وعند مداخل البيت .. وبالمطبخ


وبغرفتها في مثل تلفزيون يعرض مكان الكاميرات يعني بث مباشر لووول


المهم تقول خالتي ذاك اليوم زوجها رجع مبجر من الدوام ..


فقال لها خلاص انا بييب/ بجيب البنت من المدرسه


فالخدامه عارفه الوقت اللي خالتي تطلع فيه عشان تاخذ بنتها من المدرسه


المهم الخدامه على بالها انه خالتي طلعة نفس العاده ..


وخالتي كانت بغرفتها .. تخيلي .. الخدامه بالمطبخ خذت طاسه ستان ستيل


و تبي تتبول بالطاسه .. وتطير لها خالتي وتلعن بو أسلافها


وتوديها المكتب ..



الثانيه : في عضوه معانا بالمنتدى .. ماني ذاكره قصتها بالضبط

بس مرت حماها راعية سحور .. تقول العضوه لما نزلت بيتها

عزمة الكل .. واساسا لما نزلت بيتها كانت حاطه كاميرات بس ماقالت لأحد

المهم بعدها العضوه بدت تحس بأشياء غريبه تصير لها بدت تتكرر الاحلام المرعبه

والكوابيس .. وبيوم من الأيام خدامتها كانت تنظف الصاله .. فكان عندها فازه

فـ والخدامه تنظف هالفازه/المزهريه .. ولما شالت اللي فيها .. شافت ( خرجه معقده )

عطتها العضوه .. فـ العضوه بعدها تذكرت الكاميرات وشغلت الشريط

الصدمه انه هاللي حاطه لها هالسحر مرت حماها .. حطته بنفس اليوم اللي

العضوه عزمة حمولتها


الكاميرا وايد تنفع .. خصوصا معاج ..

لانه السحر وصل لي كبتج .. فنصيحتي .. حطي كاميرا

وباليوم اللي بتركبونها فيه .. الخدم لا يشوفونكم

واذا كلش كلش .. ودي خدامتج بيت اهلج عشان ماتشوف

ودايما شغلي سورة البقره ..

ولاتنسين تحصنين نفسج بالأذكار

ودايما رددي :


1:بسم الله الذي لا يضر مع اسمه شي في الارض ولا في السماء وهو السميع العليم (3) مرات

2: أعوذ بكلمات الله التامات من شر ماخلق (3)

3: أعوذ بكلمات الله التامات من كل شيطان وهامه ومن كل عين لامه (3)

4: آية الكرسي​

 

[ضــمــاد]

ايه تذكرت

أول ماتقعدين من النوم .. فتحي ريجج على 7 عجوات

لما تروحين محلات التمور قلي أبي عجوة المدينه

::


أقتبست لج هالكلام .. هذا واحد يسأل أحد أهل الاختصاص



‏قال النبي ‏ ‏صلى الله عليه وسلم ‏ ‏من ‏ ‏اصطبح ‏ ‏كل يوم سبع تمرات عجوة لم يضره سم ولا سحر ذلك اليوم إلى الليل وقال غيره سبع تمرات ‏ ...

هل يجب ان تكون التمرات من عجوة؟ أي عجوة بالضبط .. هل هو مايباع في محلات التمور الكيلو ب 60 او 70 ريال .. لونها سوداء مختلفة في احجامها..

العجوة لها تاثير اقوى من بقية التمور في جانب السحر ، ومن لم يجد عجوة يستطيع أن يتصبح بغيرها من التمور .
وأفضل العجوة ، عجوة عالية المدينة كما ورد في الأحاديث ، وهذه تستطيعين الحصول عليها من المدينة النبوية .
وكما تفضلتي العجوة لونها اسود قاتم .
فيكون الشخص الذي يحب أن يحميه الله تعالى من أثر السم والسحر أن يتصبح بـ :
ـ عجوة عالية المدينة
ـ فإن لم يجدها ، فعجوة المدينة بشكل عام
ـ فإن لم يجدها فأي تمر جيد

- هل يجب أخذ 7 حبات تماماً كل يوم أو أن المقصود أخذها وتراً ؟

نعم الحديث نص على ( 7 ) وورد في آثار الصحابة أن تكون سبعة عددا

- هل العجوة تحمي من العين خاصة الاعين القوية أم أنها فاعليتها محصورة في السم والسحر؟

العجوة ( تمر ) مبارك
فله تأثير بمنع أثر السحر على البدن ، ففاعليتها وقوتها هي على السحر ، لكن لا يعني عدم تاثيرها على بقية الأمراض الروحية التي يصحبها مس شيطاني . فأثرها على العارض قوي بفضل البركة التي استودعه الله فيها .

ارجوا منكم شرح الحديث والاجابة على أسئلتي .. شاكرة لكم وداعية لكم بكل

الحديث واضح وبيّن ، فمن أراد الوقاية من تأثير السحر بشكل عام ومن تاثير السموم بشكل عام كذلك فعليه أن يستفتح يومه ، وهو على معدة خاوية ( سبع تمرات من عجوة المدينة ) فلو أصيب بسحر أو سم فلن يضره بحول الله تعالى .
وأقول لمن به سحر أو مس من الشيطان أن يجعل تمر العجوة من ضمن برنامجه العلاجي ، فلها تاثير على السحر وعلى العارض .
والله أعلم

 

[برنسيسة2007]

ماشاء الله تبارك الرحمن شي طيب احلامج واصرارج

حبيبتي سورة البقره قال عنها الرسول صلى الله عليه وسلم بما في معناه اخذها بركه وتركها حسره ولايستطيعها البطله والمقصود السحره

اختي كانت مسحوره والحمد لله في سنه تشافت نهائيا بس اهي صارت دينه حييييل بيتها ولا احد يتررك الصلاة ومافيه اغاني ولامنكرات حتى التلفزيون مافيه الا القنوات الدينيه


ونصيحه احضري مجالس ذكر مثل الندوات وحلقات تعليم القران لانها سبحان الله تفك السحر اعرف واحد بخطبة الجمعه رجع واستفرغ شي نجس تشافا من السحر

وموفقه يارب وبندعيلج ان شا الله

 

[Patcholli]

مشكورين بنات ماقصرتو والله العظيم وايد مرتاحه وانا اقرى كلامكم
طمنتوني وشجعتوني وحسستوني اني قويه وان راح انتصر ..
لاتنسوني من دعائكم ماقصرتو والله العظيم بطبق كل كلامكم ونصايحكم اللي قلتوها

ظبية بوظبي وضماد براسلكم بالخاص ان شاء الله

 

[.حــنــان.]

اتوقع هالسحر من الخدامه

شلون وصلو يحطون شي تحت الفراش


مادري انتي تاكدي مابي اظلمها