الفرفورةرفرف
New member
- إنضم
- 8 يونيو 2008
- المشاركات
- 1,681
- مستوى التفاعل
- 0
- النقاط
- 0
مرحبا يا بنات :68_asmilies-com:
انا رديت بسلامة من سفرتي لأسبانينا وبالتحديد من برشلونة
طبعا انا حطيت موضوع من قبل اسأل فيه عن اسبانيا
وهذا الرابط حق اللي حابة اتشوف ردود البنات
http://www.q8yat.net/showthread.php?t=545560 طبعا رحنا في يوم 10\1 لمطار الكويت الساعة 10 انا وولدي 3 سنوات وريلي
طيرانا على اللفتانزا الالمانية خوش طيران والطيارة نظيفة ممتازة الصراحة اول مرة اجربها
طيراتنا كانت الساعة 12,30 بالليل
6 ساعات طيران لي المانيا مطار فرانكفورت ترانزيت ساعة بس هالساعة تروح منج بسرعة البرق لأ مطارهم كبييييييييييييييييييير حيل
بس حمدالله انا اللي نقذني من بعد الله اني حامل وطلبت سيارة
طبعا هالسيارة داخل المطار تنقلج من بوابة لي بوابة يوفرونها للمعاقين او كبار السن او الحوامل
واحنا نمشي بالسيارة للبوابة اللي نبيها عشان ناخذ طيارة لبرشلونة اشوف مساكين الناس اللي كانو معاي بالطيارة اشلون يركضون عشان يلحقون على طياييرهم واحنا سبقناهم يعني اللي بتروح لأسبانيا وترانزيتها المانيا لازم قبلها تاخذ تمرين سباق بالمرثون
ههههه
المهم ركبنا الطيارة وطبعا كان حزة الصبح اول النهار والمانيا كانت بيضة من الثلج وبرد واحنا بالطيارة اشوف السنو اشلون ينزل
وولدي مسكين مو مستوعب
يصارخ بالطيارةماما تلج باررد ماما ماما بارد هذا تلج)طبعا تلج يعني ثلج بس مايقول الثاء
ووصلنا بسلام لمطار برشلونة خذنا جناطنا وركبنا تكسي ونعمة كان مغربي التاكسي
وقعد زوجي يسولف معاه عن اسبانيا وقال ان بالشتا ماكو سواح وايد عندهم بس شهر 3 عندهم ربيع احلى جو وفي قليل من السواح
اما بالصيف اتشوفون عرب وايد وكروزات واجانب سواح
وصلنا لفندقنا اسمة A C BARCELONA
الصراحة الفندق عادي ومافي خدمات كلش يعني كل شي تطلبينة عليه فلوس حتى لو طلبتي تتنفسين هههه وريوقهم كان مو متنوع ومافيه شي كليوم نتريق بيض اومليت وشاي وفي كورن فلكس حق ولدي
انا غلطت اغرتني صورة بالنت ومعاي وحدة بالدوام وصلتا لي السما فا قلت يالله ناخذة بس اختيار غير موفق
بس في ميزة كانت لنا انا وريلي وولدي
ان يمنا مجمع يعني نخطر شارع بس وندخل المجمع هالمجمع في سوق والعاب ومطاعم وجمعية فا كل مرة اذا خلصنا من رحلاتنا وفي وقت ناخذ ولدي انوديه الالعاب
طبعا الجو خياااااااااااااااااااااااااااااااااااااال اخيرا حسيت بالشتا ملابس داخلية واتريننق وكوتات وكبابيس صوف وادسوس وشال عشان اغطي ارقبتي من البرد طبعا انا رحت 10 ايام من 10\1-20\1
بهالايام يمكن بس يومين اللي اشرقت فيهم الشمس وبعد كان برد وباجي الايام مطر وبرد حتى الصبح
طبعا المطر يهبل تستانسين تطلعين فيه مو مثل مطرنا يتلفج حمدالله على كل حال
طبعا الصراحة 10 ايام كانت وايد على برشلونة خصوصا ان احنا ماتنقلنا لأماكن ثانيا لأن كان معاي ولدي ولما اسال محطات القطارات هناك يا اما تكون الرحلة طويلة بالقطار او المدينة اللي بنروح لها فيها ثلج
برشلونة كانت باردة بس مانزل ثلج عندهم
طبعا مارحنا متاحف
بس رحنا الاكواريوم ويم الاكوايوم سينما عادية وسينما للفلام ال3 دي ومجمع صغير فيه مطاعم على البحر
ورحنا حديقة الحيوانات كانت عجيبة استانس ولدي عليها اسنها سيوتاديلا زوواسوقتهم اصدمتني الصراحة لندن وايد احلى منهم
مادري ليش بعد انا رايحة بوقت في سيل؟؟؟
ماعندهم ماركات وايدة
بس وين ما تمشين بشوارعهم او مجمعاتهمم اتشوفين محل مشهور حلو يمكن اتعرفونة اسمة دسكوال
وبعد برشكا اتام مال ملابس الداخلية واوشو وجم محل موجودين عندنا بالكويت بس هناك لأن سيل فا كانت المحلات عفيسة
طبعا المجمع اللي يم فندقنا اسنة دياجونال مار
وعندهم الكورت انجليه هذا مجمع عباره عن 7 او 8 ادوار في كلشي يطري على بالج
سواء شغل رجالي او حريمي او اطفال او اثاث او مكتبة او رياضة كل شي كل ما تتصورين
وهالمجمع في منه 4 بمكان اسمة بلازا كاتالونيا وفي بمكان اسمة دياجونال
والكورت انجليه اللي في دياجونال في تحت بالدور الارضي محلات ماركة مثل الفي وفرغامو ولويي
ويمه في مجمع اسمة ليلا
مادري انا ماعجبني سوقهم وايد يعني 1000 دينار اتكفيج وانتي راهية اذا ماتبين تاخذي صوايغ
الصوايغ بلشة ووهقة
وطبعا رحنا ملعب نيوكامب مال لاعبين برشلونة وزوجي حضر عندهم مباراة
واخذنا باص برشلونة السياحي اتلاقين كشك في بلازا كاتالونيا لونة احمر اتقصين منه تذكرة ياخذج هذا الباص ويفتر فيج اماكن وايدة ويعطونج سماعة تسمعين باللغة اللي تبين يعلمج على الأماكن اللي يمر عليها الباص ووين ما تبين تنزلين في اي مكان يوقف فيه الباص
لأن محطات ولاتخافين اذا زهقتي وبترجعين في مثل اشارة حق هالباص وين ماتروحي على نفس التذكرة تركبين الباص مرة ثانية ويردج لي المكان اللي تبين او يوديج مكان ثاني
طبعا بلازا كاتالونيا هذا مكان مثل ساحة الحمام بلندن في نافورة وفي حمام ودار مدارج شوارع كلها محلات وفي مطاعم لكن مومثل مطاعمنا وهالشي انصدمت فيه يعني بس في بلازا كاتالونيا هارد روك وبعدين على مستوى برشلونة باي شارع
باي مجمع في برجر كنج وماكدونالدز والباجي مطاعمهم واكلهم اكثرة بيتزا ولحوم او باستات
وانا من طبعي احب السلطات بس ما عندهم واذا في يحطون مع السلطة خضار مرّة مو حو طعمها
عموما بغينا نروح مدينة ملاهي اسمها بورتافنتورا عن طريق قطار برا برشلونة طبعا هالمدينة بس تفتح بالويك اند ورحنا الاحد بالويك اند كانت مسكرة بسبب المطر
يعني اللي ماتبي تطلع برا برشلونة نصيحة لاتروح اكثر من اسبووووووووووع راح تزهق
وطبعا يم الاكوايوم في البحر ومنظر اليخوت والكروزات وتاخذين طراد كبير يفتر فيج عالبحر كان يعقد
والجو عموما كانت السفرة ممتعة بالجو البارد
طبعا اللي بتروح مجمع الكورت انجليه اللي في دياجونال لازم تزل الجمعية الصراحة انهبلنا انا وريلي وولدي هناك
اغراضهم وفواكتهم وخضارهم شي عجيب شرينا منها توت وفراولة ومنجا وخوخ ناعم بس كانت الفواكة خيال
ئي صج تذكرت بنات اهناك انصحكم اتجربون الكولا مالهم طعمة امبيييييييييييييييييييييه مو صج موصج مو مثل الكولا اللي عندنا
طبعا انا طول فترة حمالي ماكنت اشرب الكولا او البيبسي بس رحت عندهم قمت اشرب الكولا بدال الماي واقول حق ريلي خل ناخذة للكويت انبيع وانوزع صوغة
في يوم 22\1 سوينا الجك اوت ورحنا المطار ورجعنا على المانيا ومن المانيا للكويت
والصراحة ماكو مثل الكويت
تعالو صج نسيت لا اقول لكم انا حق السفرة خذيت كاكاو وبطاط وكرواسون واخذت ديفيدي صخيروديفديات مسرحيات لأن تلفزيونهم ماكو شي واخذو معاكم شاي لأن شايهم مو معروف وطعمة غريب واذا اتحبون بعد اخذو شاي اخضر
واللي يبط الجبد ان لغتهم عجيبة غصب نتفاهم معاهم انكلمهم انجليزي مايفهمون يردون بالاسباني فا اختصرنا الموضوع وقمنا ناخذ خرايط من الفندق حق اي مكان وانتكلم بالاشارة هااههاهاهاهاها
بتقولون اشلون بقولكم يعني السي ما ينطقونها سي لأ اقولون ثي وبعض الاحرف محورفين فيها
مادري انا استمتعت الجو حلو ولاتحاتون الميزانية خلي معاج 1000 دينار للسوق كافي
طبعا في تلفريك بس ماركبت اخاف
وفي فندق مكانه حلو وايد عالجبل يطل عالبحر اسمه (ميرامار) اللي تبي تروح خل اتجربة
هذي كانت رحلتي ويارب اكون كفيت ووفيت لأي استفسار انا حاضر:33_1185028183:
انا رديت بسلامة من سفرتي لأسبانينا وبالتحديد من برشلونة
طبعا انا حطيت موضوع من قبل اسأل فيه عن اسبانيا
وهذا الرابط حق اللي حابة اتشوف ردود البنات
http://www.q8yat.net/showthread.php?t=545560 طبعا رحنا في يوم 10\1 لمطار الكويت الساعة 10 انا وولدي 3 سنوات وريلي
طيرانا على اللفتانزا الالمانية خوش طيران والطيارة نظيفة ممتازة الصراحة اول مرة اجربها
طيراتنا كانت الساعة 12,30 بالليل
6 ساعات طيران لي المانيا مطار فرانكفورت ترانزيت ساعة بس هالساعة تروح منج بسرعة البرق لأ مطارهم كبييييييييييييييييييير حيل
بس حمدالله انا اللي نقذني من بعد الله اني حامل وطلبت سيارة
طبعا هالسيارة داخل المطار تنقلج من بوابة لي بوابة يوفرونها للمعاقين او كبار السن او الحوامل
واحنا نمشي بالسيارة للبوابة اللي نبيها عشان ناخذ طيارة لبرشلونة اشوف مساكين الناس اللي كانو معاي بالطيارة اشلون يركضون عشان يلحقون على طياييرهم واحنا سبقناهم يعني اللي بتروح لأسبانيا وترانزيتها المانيا لازم قبلها تاخذ تمرين سباق بالمرثون
هههههالمهم ركبنا الطيارة وطبعا كان حزة الصبح اول النهار والمانيا كانت بيضة من الثلج وبرد واحنا بالطيارة اشوف السنو اشلون ينزل
وولدي مسكين مو مستوعب
يصارخ بالطيارة
ماما تلج باررد ماما ماما بارد هذا تلج)طبعا تلج يعني ثلج بس مايقول الثاءووصلنا بسلام لمطار برشلونة خذنا جناطنا وركبنا تكسي ونعمة كان مغربي التاكسي
وقعد زوجي يسولف معاه عن اسبانيا وقال ان بالشتا ماكو سواح وايد عندهم بس شهر 3 عندهم ربيع احلى جو وفي قليل من السواح
اما بالصيف اتشوفون عرب وايد وكروزات واجانب سواح
وصلنا لفندقنا اسمة A C BARCELONA
الصراحة الفندق عادي ومافي خدمات كلش يعني كل شي تطلبينة عليه فلوس
حتى لو طلبتي تتنفسين هههه وريوقهم كان مو متنوع ومافيه شي كليوم نتريق بيض اومليت وشاي وفي كورن فلكس حق ولديانا غلطت اغرتني صورة بالنت ومعاي وحدة بالدوام وصلتا لي السما فا قلت يالله ناخذة بس اختيار غير موفق
بس في ميزة كانت لنا انا وريلي وولدي
ان يمنا مجمع يعني نخطر شارع بس وندخل المجمع هالمجمع في سوق والعاب ومطاعم وجمعية فا كل مرة اذا خلصنا من رحلاتنا وفي وقت ناخذ ولدي انوديه الالعاب
طبعا الجو خياااااااااااااااااااااااااااااااااااااال اخيرا حسيت بالشتا ملابس داخلية واتريننق وكوتات وكبابيس صوف وادسوس وشال عشان اغطي ارقبتي من البرد طبعا انا رحت 10 ايام من 10\1-20\1
بهالايام يمكن بس يومين اللي اشرقت فيهم الشمس وبعد كان برد وباجي الايام مطر وبرد حتى الصبح
طبعا المطر يهبل تستانسين تطلعين فيه مو مثل مطرنا يتلفج
حمدالله على كل حالطبعا الصراحة 10 ايام كانت وايد على برشلونة خصوصا ان احنا ماتنقلنا لأماكن ثانيا لأن كان معاي ولدي ولما اسال محطات القطارات هناك يا اما تكون الرحلة طويلة بالقطار او المدينة اللي بنروح لها فيها ثلج
برشلونة كانت باردة بس مانزل ثلج عندهم
طبعا مارحنا متاحف
بس رحنا الاكواريوم ويم الاكوايوم سينما عادية وسينما للفلام ال3 دي ومجمع صغير فيه مطاعم على البحر
ورحنا حديقة الحيوانات كانت عجيبة استانس ولدي عليها اسنها سيوتاديلا زوواسوقتهم اصدمتني الصراحة لندن وايد احلى منهم
مادري ليش بعد انا رايحة بوقت في سيل؟؟؟
ماعندهم ماركات وايدة
بس وين ما تمشين بشوارعهم او مجمعاتهمم اتشوفين محل مشهور حلو يمكن اتعرفونة اسمة دسكوال
وبعد برشكا اتام مال ملابس الداخلية واوشو وجم محل موجودين عندنا بالكويت بس هناك لأن سيل فا كانت المحلات عفيسة
طبعا المجمع اللي يم فندقنا اسنة دياجونال مار
وعندهم الكورت انجليه هذا مجمع عباره عن 7 او 8 ادوار في كلشي يطري على بالج
سواء شغل رجالي او حريمي او اطفال او اثاث او مكتبة او رياضة كل شي كل ما تتصورين
وهالمجمع في منه 4 بمكان اسمة بلازا كاتالونيا وفي بمكان اسمة دياجونال
والكورت انجليه اللي في دياجونال في تحت بالدور الارضي محلات ماركة مثل الفي وفرغامو ولويي
ويمه في مجمع اسمة ليلا
مادري انا ماعجبني سوقهم وايد يعني 1000 دينار اتكفيج وانتي راهية اذا ماتبين تاخذي صوايغ
الصوايغ بلشة ووهقة
وطبعا رحنا ملعب نيوكامب مال لاعبين برشلونة وزوجي حضر عندهم مباراة
واخذنا باص برشلونة السياحي اتلاقين كشك في بلازا كاتالونيا لونة احمر اتقصين منه تذكرة ياخذج هذا الباص ويفتر فيج اماكن وايدة ويعطونج سماعة تسمعين باللغة اللي تبين يعلمج على الأماكن اللي يمر عليها الباص ووين ما تبين تنزلين في اي مكان يوقف فيه الباص
لأن محطات ولاتخافين اذا زهقتي وبترجعين في مثل اشارة حق هالباص وين ماتروحي على نفس التذكرة تركبين الباص مرة ثانية ويردج لي المكان اللي تبين او يوديج مكان ثاني
طبعا بلازا كاتالونيا هذا مكان مثل ساحة الحمام بلندن في نافورة وفي حمام ودار مدارج شوارع كلها محلات وفي مطاعم لكن مومثل مطاعمنا وهالشي انصدمت فيه يعني بس في بلازا كاتالونيا هارد روك وبعدين على مستوى برشلونة باي شارع
باي مجمع في برجر كنج وماكدونالدز والباجي مطاعمهم واكلهم اكثرة بيتزا ولحوم او باستات
وانا من طبعي احب السلطات بس ما عندهم واذا في يحطون مع السلطة خضار مرّة مو حو طعمها
عموما بغينا نروح مدينة ملاهي اسمها بورتافنتورا عن طريق قطار برا برشلونة طبعا هالمدينة بس تفتح بالويك اند ورحنا الاحد بالويك اند كانت مسكرة بسبب المطر
يعني اللي ماتبي تطلع برا برشلونة نصيحة لاتروح اكثر من اسبووووووووووع راح تزهق
وطبعا يم الاكوايوم في البحر ومنظر اليخوت والكروزات وتاخذين طراد كبير يفتر فيج عالبحر كان يعقد
والجو عموما كانت السفرة ممتعة بالجو البارد
طبعا اللي بتروح مجمع الكورت انجليه اللي في دياجونال لازم تزل الجمعية الصراحة انهبلنا انا وريلي وولدي هناك
اغراضهم وفواكتهم وخضارهم شي عجيب شرينا منها توت وفراولة ومنجا وخوخ ناعم بس كانت الفواكة خيال
ئي صج تذكرت بنات اهناك انصحكم اتجربون الكولا مالهم طعمة امبيييييييييييييييييييييه مو صج موصج مو مثل الكولا اللي عندنا
طبعا انا طول فترة حمالي ماكنت اشرب الكولا او البيبسي بس رحت عندهم قمت اشرب الكولا بدال الماي واقول حق ريلي خل ناخذة للكويت انبيع وانوزع صوغة
في يوم 22\1 سوينا الجك اوت ورحنا المطار ورجعنا على المانيا ومن المانيا للكويت
والصراحة ماكو مثل الكويت
تعالو صج نسيت لا اقول لكم انا حق السفرة خذيت كاكاو وبطاط وكرواسون واخذت ديفيدي صخيروديفديات مسرحيات لأن تلفزيونهم ماكو شي واخذو معاكم شاي لأن شايهم مو معروف وطعمة غريب واذا اتحبون بعد اخذو شاي اخضر
واللي يبط الجبد ان لغتهم عجيبة غصب نتفاهم معاهم انكلمهم انجليزي مايفهمون يردون بالاسباني فا اختصرنا الموضوع وقمنا ناخذ خرايط من الفندق حق اي مكان وانتكلم بالاشارة هااههاهاهاهاها
بتقولون اشلون بقولكم يعني السي ما ينطقونها سي لأ اقولون ثي وبعض الاحرف محورفين فيها
مادري انا استمتعت الجو حلو ولاتحاتون الميزانية خلي معاج 1000 دينار للسوق كافي
طبعا في تلفريك بس ماركبت اخاف
وفي فندق مكانه حلو وايد عالجبل يطل عالبحر اسمه (ميرامار) اللي تبي تروح خل اتجربة
هذي كانت رحلتي ويارب اكون كفيت ووفيت
لأي استفسار انا حاضر:33_1185028183:
