انا شفت وحدة ماتستحي بس زي ذي ماشفت

[عزوتي خمس صقور]

السلام عليكم ورحمة الله
شحالكم كويتيات
ان شاء الله تمام
ومباركم عليكم الشهر الفضيل
والله يعودة علينا باليمن والبركات
بدش بالموضوع احنا عندنا مرت اخو لاحيا ولا مستحي لاتحشم جبير ولا صغير ولا تقدر احد من تسمع صوت امي حتى لو مانت بالدار اللي يمنا تقوم تضحك جنها شايفة مسرحية عادل امام
وامي عازتها ورازتها وهي لاحيا ولا حشيمة فوق جية امي تتسلف علشان تعطيها زي يوم ولدت خدت من اختي مكافاءتها 1000ريال يوم ولدت وبعدها باسبوع طاحت اختي وانكسر الحوض جات هي واهلها ماجابت ريال وابوي دايم يعطيها كل شهر 500ريال وهي لا حيا ولا مستحى ماتوجب احنا عزيناها وكرمنها ووجبناها وهي لاحيا ولا مستحى قواة عين وكل يوم تيي عندنا للعلم عندنا مرضى بالبيت يدي ويدتي ماتيي الاوقت متاخر 10 وفوق عادي الليل ماكو مشكلة لاحيا ولا مستحى وصار لها متزوجة سنة و7شهور ماقالت تعالو تفضلو
انا ابي كلام بالصميم بس باسلوب انها تحس ع دمها وتستحي شوي
ابي ردودكم وارائكم ناطرتكم مابيكم تخيبون ضني ​

 

[عل ماباس]

امممم مادري سراحه شنو تقولين لهااا بس دام قلتي انهااا تجي عندكم بليل وهيك اكيد تبي تسهر وياااكم سح يعني تبيكم ؟؟؟

 

[al7lwaa]

اذا انت اكرمت الكريم ملكته واذا انت اكرمت اللئيم تمردا​

حبيبتي اذا شفتيها تسوي ذي الحركاااااااااات مره ثانيه هاوشيها قولي خير ان شاء الله

وين احنا عايشين فيه اذا تجينا باحترام ولا بيتنا يتعذرج صدق قليله ادب​

 

[ملــحْ !]

احققققققروها ..

مآتنعطى ووجه > تلقينهآ تبي تلفت الانتباه وووبسس

 

["ملح بدويه"]

والله بالضبط مدري شقول

لان في مثل (( عامل الناس باخلاقك وليس باخلاقهم)))

بس مع هل الاشكال انا اقووولج صيري اعوب منها وعلمي اخوج بكل شي وجعميها

وهذا رايي

بس لي صرتي طيبه قامت عليج وطلعلج كلام

تغدي فيها قبل تعشا فيج

صيري بنت جيده وعووبه عليها بس

 

[دلوعة المنتدى]

عندناا وعندج خيير هع هع
الله يهديهاا بس​

 

[om salem]

شكلج ما تحبينها لانج مو شايفه خصله حميده فيها

هي مرت اخوج وهو مرتاح معاها

شنو مشكلتج معاها ما تقدر ما توجب ما تشوف شر

اخوي مرتاح خلاص هذا المهم

 

[منار البربرية]

اذا انت اكرمت الكريم تملكته ،،،،واذا اكرمت اللئيم تمردا

اذا جت عندكم جيبي وحده من رفيجاتج وخل رفيجتج تتشكى جدامها فلم طبعا شرايكم
بمرت اخوي تسوي جذي وجذي عاد هي تحس على دمها واخذوا رايها هههه

تخيلي شكلها بهالموقف ،،،

يبيلها دقه محترمه لان من كلامج مبين ان خذت علا جو انها تكون الكل بالكل

 

[المعلمة لطيفة]

اللي ما يستحي منكم لا تستحون منه قولولها ع سالفة الجيات الكثيرة و هم فهموا امكم انه مو كل شخص يستاهل الحشيمة عاملوها باسلوب الرسميات ..ترى انتم راح تحسون ان مصارحتكم لها صعبة بس تشجعوا و قولولها لو تزعل مردها ترضى بس اهي متقوية لانكم تستحون منها

 

[عالمي انا غير]

قولها يابنت الناس ربج ما جى ع بالج شلون تعاملين الناس هشكل وتقابلين الاحسان بالاساءه خاف ربج

وحسبي الله عليها

 

[عالمي انا غير]

وقوليلها الدنيا دوارة اليوم انتي الدنيا معاج بس بكره عليج

 

[مزاج]

والله حبيبتي هالوقت يجونج حموله سنعين ويوجبون ومرتهم واهلها مايعرفون السنع ولاحتى بصحن حلو ابو دينار ونص

والعكس صحيح كل هذا حظوظ

يبا اللي مايوجبكم لاتوجبونهم واعليا ابوج ليش يعطيها فلوس تنقلع ماتستاهل

 

[ام ميميتو]

حبيتي الله يعينكم بس اغلب الحريم صايرين جذي مادري ليش حتى لو اهل الزوج احبونها و يحترمونها ما يعجبها بصراحه انتي لازم تكلمين اهلج هي مالها شغل يعني هما مدلعينها مو مشكله احبونها و يحترمونها بس شكو تتسلفون عشانها ولا ليش ابوج يعطيها فلوس كل شهر وين اخوج عنها ليش ما يعطي زوجته فلوس و بالنهايه كل واحد يعامل الناس بأصله

 

[رهشRAHASH]

حبيبتي اذا ما وجبت هذا قله سنع منها لا تعوريين قلبج أهم شي
اخوج مرتاح معاها خلاص طوفي وسالفه جياتها بالليل وعندكم مرضى وتضحك بصوت عالي يمكن طبيعتها دفشه وترى توها شوى شوى راح تفهم ان طبايعكم هاديه وراح تتغير باذن الله بس انتى شيليها من بالج راح ترتاحيين

 

[أم توتو]

عسى ربي يهديها

 

[miss mama]

اذا اهي دفشه وماتعرف توجب. انتي ليش حارقه جبدج ؟ اذا وجبت الناس بيوجبونها. واذا طبايعها الشينه ماتوجب ولا تحترم صدقيني راح تحس وتشوف هالشي لما الناس ينبذونها. وبعدين توها جديده مرت اخوج سنه ونص. باجر تعودون عليها واهي تعود عليكم. وجزاها الله خير امج لما وجبتها وحشمتها الله يهديها ادعيلها بدال لاتدورين اسلوووب او طريقه تخلينها تشن الحرب وتزيد النار حطب. تحملوها.

 

[قارورة عطر]

صدقيني اذا معدنها اصيل بتتغير ويجيها يووووم تقول حسااافة شنوسويت بعمري

بس فيه نصيحة بينولها انكم مومهتمين فيها وخلي امك تثقل شوي وبينولها انكم موحابينها بتركض ركض ورااااكم انا خبرة بالحريم هذووولبس ممكن سؤال ههي اول زوجة لكم
واعلمك وشلبووون تغيرونها

 

[ڕۆۆحــي ڣــڍااگ]

االله يعيين

 

[((ام فروسي))]

اللي ماتربت في بيت اهلها صعبه تعلمونها الادب
وبعدين امك اذاكانت طيبه معها زياده عن اللزوم اعرفي انها راح تمادى وكلامك معها ضايع ويمكن تشيش اخوك ويكرهك خليها تربيها الليالي

 

[نونو العصله]

جنج تحجين عن مرت اخوي
تكرهنا و تافف و تغلط على امي واللي قاهرنا امي ما تقولها شي

وهي ويهها منجب
رقم انها ما تحبنا
وتدري ما نحبها ونعاملها رسمي
الا انها تجي ولا كنه في شي