انا في ورطه

[fri2010]

من اول ما قالو لي اني بدرس ثانوي وانا حاطه ايدي علي قلبي من سالفه تدريس الوطن العربي
لأني ما اعرف بالجغرافيا والخرائط شي وأخاف ما اوصل عدل معلومات
ولما رحت مدرستي عطوني ادرس هالماده واحضر حق كل درس حق ابله عشان اعرف اشلون الشرح
وهم مو عارفه لما ادش الصف لتوخي وارتبك ماكو جمله مفيده
واسأل البنات في نقطه تبون أشرحها يقولون لا ابله فاهمين
وانا اصلا مو فاهمه اشلون اهم ؟؟؟؟

وطبعا لما اشرح تاريخ اسلامي من احسن ما يمكن وحلوه تكون الحصه اطلع وانا مرتاحه
لدرجه اني امسح اللي كتبته باللوحه واسألهم شفوي ويجاوبون طبعا هذا بالنسبه 11


وقلت حق رئيسة القسم ما افهم ألا بتخصصي بس ماكو فايده

عندنا نقص

شسوي بنات الحين انا بورطه

 

[fri2010]

للرفع

 

[&دلوعة القمر&]

اااب

 

[منال القلب]

لا توسوسين ولا شي.. دام الطالبات قالوا انهم فاهمين بعد ليش الخوف..
ميخالف يوم عن يوم تتحسنين.. ودامج معلمة اجتماعيات ف اهم يشوفون ان كل تخصص بالاجتماعيات الابلة مطالبة فيه
سواء فلسفة او تاريخ اسلامي او تاريخ عربي.. ما يعترفون على سالفة تخصص ما تخصص..
سوي الي عليج ولا تحملين نفسج فوق طاقتج والله يوفقج يارب..

 

[PuPa^^SWeeT]

انتي شنو اتدرسين اساسا


بعدين دام البنات فاهمين شفيج خايفة

وليش مو فاهمة الوطن العربي

الاجتماعيات شوي سييدة يعني مافيه شغلات وصفية وايد


كله تاريخ و جغرافيا


هدي بالج

 

[fri2010]

لو ما يطالعون التخصص جان خلوني ادرس جغرافيا ولو قالو لي درسي فلسفه ما راح يكون عندي مانع لان مساندي
بس الجغرافيا ما افهم فيه ما اعرف احدد علي الخرايط شي دائماً امسح واعدل والرسوم البيانيه والدوائر ما اعرف لها
اصلا الماده بكبرها مو حابتها وللوطن العربي كل جغرافيا ما عدا اخر ١٠ صفحات من الكتاب يتكلم عن التاريخ
يمكن هذا الشي الوحيد اللي مضايقني من الوزاره:/ واصلا قبل ما أصير مدرسه كنت خايفه يعطوني ادرس هالماده. ورئيسه القسم دشت علي فجاه تقول شرحك. زين مافيه شي بس انا احس نفسي مو فاهمه وما اشرح صح خاصه اذا كان الدرس طويل:/

 

[كويتيه cool]

عاد تصدقين صج ان الوطن العربي تخصصه جغرافيا اكثر

بس ما تبدعين في الوسايل والصور وطرق التدريس الا فيه

اما تاريخ اسلامي ومعاصر جامدين مافي شي يسوى نسويه فيها

انا عاجبني المقرر مع ان على قولتج الجغرافيا فيه اكثر

 

[كويتيه=)]

نفس حالتج

بس الظاهر لان ناخذ كمية في التحضير من جذي نكون مو فاهمين

بس لو اخذتي جزء جزء بيكون سهل بس هم جزء جزء متى بتخلصين المنهج بالوقت المحدد هذي اهي المشكله