انا ماايد البنت تتزوج صغيره ومن غير شهاده خاصه هالايام ,,, مثل مانتي عارفه كل شي تغير الحين ,,, والعيشه صارت صعبه ,,, وشبابنا هالايام للاسف ... ,,, قبل لما البنات يتزوجون صغار ومن غير شهاده ولا شي كانوا ياخذون رياييل ,, رياييل بكل معنى الكلمه ,,, يحافظون عليهم ويتكفلون فيهم ,,, بس الحين وين الرياييل ؟!! ينعدون عالاصابع ,,, يعني موضامنه الي بياخذها شنو راح يكون ,,, وعصرنا هذا واايد مهم فيه التعليم ,,, والزواج يمكن يعطلها عن الدراسه ,,, مثلا وحده تزوجت وماعندها شهاده ولا تشتغل واعتمادها كله على ريلها ,,, بس ريلها يبخل عليها ويذلها على الفلس ,,, او ان ماتوفقت معاه ,,, شنو بتسوي ساعتها ؟؟ ,, بس لما الوحده تدرس وتشتغل هذا راح يغنيها عن المذله ,,, وتكون واثقه من نفسها وماتنطر المنه من احد ,,,,
واذا عن الخوف على البنات وسمعتهم ,,, عاد هذا يعتمد على البنت نفسها ,, شنو تفكيرها ,, شنو ابالها ,,, اشلون تربيتها ,,,
والبنت الزينه زينه لو شنو ,,, ودور الام واايد مهم في تقويم سلوكها ,,, ووانا انصح كل ام تكون صديقه بنتها ,,, وتسولف معاها عن كل شي بانفتاح ,, وتشرح لها الصح من الغلط ,,, وتعلمها اشلون تختار حياتها ,,, اشلون تكون راقيه باسلوبها وايمانها واخلاقها ,,, واهم شي اشلون تختار صديقاتها ,,, واذا البنت غلطت ,, تاخذ الموضوع بعقلانيه ,,, وتفهم مشاعرها ,, وتعرف الاسباب الي خلتها ترتكب هالغلطه ,, وتحل الموضوع بكل هدوء ,, واهم شي تحسسها بالثقه ,,, وماتظل تذكرها بالغلطه ,, وتكتم اسرارها هذا شي مهم وايد ,,, وجذي البنت راح تلجأ لأمها عند اي مشكله ,, وتستحي من نفسها لو غلطت مره ثانيه ,,,
والله يهدي البنات جميعا ويستر عليهم ان شاء الله
![[]نهاوند[]](/data/avatars/m/10/10135.jpg?1621060227){kind=avatar}
