انا قررت ازوج بنتي !!!!!!!!!!!!!

[كل الأسامي مأخوذة ليش؟]

والله الراي الاول والاخير حق البنت يعني يمكن اهي ما تبي الزواج الحين ما يصير تنغصب
وصج الزمن يخرع بس كل واحد يمشي بتربيته وانا اللي معاي بالكلية يالله نلحق على الدراسة هالمرة ريل بعد

الراي للبنت حتى لو الزمن يخرع ترى الريل يخرع اكثر هالوقت لا وبدون شهادة اصعب
اللحين الرياييل ينعدون على الاصابع

 

[المبدعة]

اختي حساوية


مكورة على النصيحة و على مشاركتج

 

[د.شريفة]

لا والله تكمل دراستها احسن لها
تكون شهادة في ايدينها
احسن مليييييييووووووووووووووووووووون مره من الريل
ولاحقه على الشقا والتعب

 

[المبدعة]

اختي كل الاسامي

مشكورة على النصيحة يا قلبي

 

[Lemon Juice]

عن نفسي انا ضد الزواج المبكر سواء للبنت أو للولد , حتى لو الزمن يخرع , كل انسان متربي وعارف حدوده

واللي يمشي صح بإذن الله ماراح يأثر عليه شي

الدراسه والشهاده ومن بعدها الوظيفه برايي أهم من كل شي بالوقت هــذا

والريال مو اهو اللي بيأمن حياة البنت.. محد لحد الحين , الانسان اهو اللي يحافظ ويبني نفسه بإيده.. أما زواج من بعد الثنويه حيل صعبه.. احنا أساسا بيتنا ما عندنا جذي زواج من بعد الثنويه.. رافضين هالمبدأ..

دراستنا وشهادتنا و وظيفتنا فوق كل شي

بس ما يمنع انه البنت إذا يالها نصيبها في سن مبكر انها ما تتزوج .. النصيب محد يقدر يردّه

لكن مو يقعدون يقلبون الدنيا ويقعدونها بس عشان يزوجونها وهي صغيره على بو انه هالوقت يخرع !!

 

[pure feminine]

ليش هو الزواج بالمخبى ؟؟؟


الله يكتب الي فيه الخير لا تستعجلين على بنتج من وجهة نظري الشهاده اولا لانها شي مظمون والزواج متى ما جا النصيب والشخص الي يستاهل مو خذوه فغلوه ..

بعدين صايره البنت ازمه عند بعض الناس قامت توسوس حتى من ظلها لا يبه الدنيا مو جذيه

فيه الصالح وفيه الطالح

وبعدين وين الايمان والدين ( لا تقنطوا من رحمة الله) ربي ما عطاج البنت عشان تعيشين بهم


وبالدعاااااء كل شي يصير ادعيلها ان ربي يهديها للطرق المستقيم ويحفظها من عيال الحرام


مو تطيرينها بالزواج

وخليج صديقتها سولفي معاها وتعاملي معاجا كأنج بعمرها مو امها


والله يخليها لج ويستر عليها وعلى بنات المسلمين

 

[لؤلؤية]

والله ياقلبي...اذا النصيب اللي متقدم لها يسوى وممكن يساعدها
اوااافق على طووول
اما اذا عكس جذيه لا حرااام اعطلها عن دراستها

 

[غروب@@@]

شوفي حياتي أنا قبل لأروح لافنيوز كنت أأيد البنت تتزوج وره ماتخلص الجامعه لاوتستلم شغلها بعدين تتزوج بس يوم رحت لافنيوز لازوجيها لانه الدنيا تغيرت والشباب صارو ذيابه والبنات ياحافظ تفصخوا مادري يوم طلعو من بيوتهم ماعندهم ناس تشوف ملابسهم حبيبتي زوجيها وخليها تدرس وراح تخلص انشالله دراستها وبعدين البنات المتزوجات بين البر يكات تروح بيتها شوي ترتاح ولي مو متزوجه تروح تمشه بشارع الحب شوي فزوجيها احسن

 

[pineapple]

هذي النظرة اصبحت قديمة


الدراسة راح تشغل البنت كثير عن دورها كزوجة وصدقيني صاحب البالين كذاب


والقسمة والنصيب اذا جا كل هذا الكلام ما ينفع --- لكن لما تكون خالصة دراسة تلقينها متفرغة لهذه الحياة ومستعده لها بالنسبة للزوج والحمل والولادة والتزاماتها تجاهكم وتجاه اهل زوجها

 

[om mariam]

والله عن تجربتي انا تزوجت بالثانويه حلوة التجربة ومو حلوة
حلوة لاني صغيرة وعندي عيال لما تشوفينهم تقولين خواتج (ترى مو عيوزه انا) ومو حلوة لان البنت ودها تروح وتت مع صديقاتها ما تبي الريل ومسؤليه
والله يرزق ها الزوج الصالح

 

[سنابل الريح]

اذا الرجال تمام زوجيها لا تقولي صغيرة الحياة تعلمها وتبني عش الزوجية معاه وتفرح بعيالها وهي صغيرة ومين قال ان بعد ماتخلص دراستها بتلقى العرسان ينتظروها الزواج المبكر هو الافضل

 

[المبدعة]

زين مشكورة على النصيحة و المشاركة

 

[المبدعة]

حياوية مشكورة على النصيحة و المشاركة

 

[المبدعة]

ام فيصل مشكورة على النصيحة و المشاركة

 

[المبدعة]

غروب مشكورة على النصيحة و المشاركة

 

[المبدعة]

باينبل مشكورة على النصيحة و المشاركة

 

[المبدعة]

اختي ام مريم

مشكورة على النصيحة

 

[المبدعة]

اختي سنابل مشكورة على النصييحة

 

[القرآن ربيع قلبي]

الله يستر على بنات المسلمين
اناوجهة نظري انه البنت اذا جاها نصيبها وواحد زين يخاف الله مصلي صايم مسمي والله ازوجها لو ما خلصت لان هالفرصة يمكن ماتتكرر طوووووووووووووول عمر البنت واقعد اكل نفسي واقول ياليت الي جرى ما كان لا والله ازوجها واساعدها بحياتها ما سمعتي المثل يقول زوجوهن وعينوهن والبنت وشطارتها وطموحها تكمل دراستها الدنيا مو طايرة الحمد لله شوفو جم دكتورة وجم مهندسة وجم متعلمة الحين تبيع شهادتها والله عشان تتزوج وتستقر وتجيب لها جم طفل تربيه وتعيش بسعادة مع زوجها وعيالها تسوى شهايد جامعات العالم كلها ترى الامومة ودور الزوجة فطريا بدم الانثى لو توصل لاعلى مراحل العلم تلقينها ضعيفة جدام هالشغلة ليش لانها فطرة فيها سبحان الله
المبدعة لا تضيعين نصيب بنتج بحجة الدراسة لا والله زوجيها اذا جاها من يستاهلها والله يخليها لج ويفرحج فيها عروس قمر وتشوفين عيالها وعيال عيالها ان شاء الله

 

[طووم]

انا معاج صح والله تتزوج وتكمل دراستها الله يستر على البنات بهزمن ولاتقولون التربيه الحين مهما تربي بالبيت المجتمع وكل شي صار يربي ويانا و الله يستر عليهم