انا ما اعرف اتكلم شسوي :(:(

[~ FOOSY ~]

حبيبتي لا تضيقين عمرج ولا شي,

انا أتأتـأ بالحجي من صغري وووايد ظحكوا علي وعاادي بالعكس اظحك ، وكلامي سريييع يعني اتكلم واخلص عقب يقولون ترى ما فهمنا واعيد عـــــآدي لا تشيلين هم ولا شي .. وخلج واثقه من نفسج وسولفي وعادي .. انا يوم كنت صغيره كانت امي كلا بالمدرسه تشركني بمسابقات وجذي عشان يتعدل لساني حتى مره موجه قالي انتي سيلانيه ؟؟!! لاني كنت اقول حرف ( هـ ) بدال ( ح ) بس عادي ما تعقدت ولا شي وبالمدرسه اشتركت بالاذاعه .. فخلج واثقه من عمرج ومالج شغل بحجي الناس

وايد قرقت

 

[أم توتو]

عادي الواحد اذا اندمج بالضحك يضحك بدون شعور لاتصيرين حساسه وخليج واثقه من نفسج والبدليات عندنا وعندج خير

 

[حلاوه تمشي]

يعني ان كلامك سريع

 

[Lourdez]

حبيبتي اذكر كان عندنا دكتووور لغه انجليزية قال لناا بنااتي ثنتيين كل يوم كل يوم لازم يقرون صفحه وحدة من القران بصوت عالي جداامي و الهدف تقوية اللغه بالمخ و اتوقع هذا احسن تمرين حقج و الحين ياينا رمضان استغلي الفرصة ختمي القران ولكن اقري بصوت جهوري

 

[الزين اللعوب]

رددي دعاء موسى عليه السلام

(((قَالَ رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي ))

 

[mire.fares]

حالتك رهاب اجتماعي المريض فيها يتلعثم ويحس إن السوالف كلهاخلصت من رأسه وإذا كلمه أحد أو سأله حس بالإحراج وبدأ يتطمش في وجهه ما يعرف يرد لأنه يخاف إن اللي جدامه يتطنز على كلامه ويقول في داخله أنه بارد أو ما يعرف يسولف.
دايم إذا قربتي من جمعة ناس أو شي تخافينه رددي ( قلنا لا تخف إنك أنت الأعلى ) أفضل طريقة هو أنك تدربين على صديقة مقربة لج أنت تبيدين الكلام وتسولفين بغض النظر عن تعليقاتها ثم توسع الدائرة إلى أن ينطلق لسانج بس اهم شي ما تخافين أو تقليين من قدر نفسك بالعكس حفزيها ودايم رددي بينج وبين نفسك بأني أقدر أعمل هالشي واللي يسوونه مو أحسن مني هذا يسمونه ( تحفيز ذاتي ) وأي أفكار سلبية مثل ( ما أقدر أو يضحكون على أو وش يقولون عني ) أطرديها من راسج ... والله يوفقج