انا متينة و ابي اضعف وزني 86 و طولي 155 و عمري بصير 15 هالشهر

[بنووتة البحرين]

هااي بنات شخباركم؟؟

انا متينة و ابي اضعف وزني 86 و طولي 155 و عمري بصير 15 هالشهر


ادري ان وزني وااااااايد


ابيكم تساعدوني انزله لان الصراحة تمللت :eh_s(17)::eh_s(17):

و انا قايله ماروح الثنوي الا انا رشيقه بليز تساعدووني


تم تعديل العنوان بواسطة مشرفة القسم سمسميه

 

[daloO3a]

رد: ســاعدوني بناااااااات

حبيبتي حياج الله معانا في حملة حلمي تحقق سجلي و هناك كلنا قاعدين نشجع بعض و انشاء الله نضعف كلنا مع بعض بصحه و عافيه

 

[oum 5ald]

رد: ســاعدوني بناااااااات

امممممم اي صح شاركي بحمله

ولا تدرين مرت حماي عمرها 22 سنه كان وزنها 90 صارت 83 بشهر او اقل
كانت تخفف اكل لييين قدرت تصبر باليوم على وجبه وحده وتالي قامت تاكل بس سلطه واذا صار في عشا تنقنق معاهم على قولة القايل يعني انزلت عالرااااحه حدها وتاكل ساعات كاكاو وجذي سوالف

ترى انتي صغيره بسررررعه تضعفيه سأليني

 

[بنووتة البحرين]

رد: ســاعدوني بناااااااات

تسلموون حبايبي على النصايح و ادعوا لي اضعف

 

[alfajr alb3eed]

رد: ســاعدوني بناااااااات

شدي حيلك حبيبتي انتي صغيره والعمر قدامك ابتدي من بكرى 3 وجبات تركي عنك النشويات والسكريات اهم شي والمشروبات الغازيه بالبدايه صعب يمكن عليك لانك تعودتي بس بعدين بتتعودين وبتاخذ معدتك على كذا وكلنا معاك ونشجعك عليك بالخضره والفاكهه والمسلوق والمشوي وخففي العشاء قد ماتقدرين انتي الوحيده الي تقدرني تساعدين نفسك بالاراده لاتنسين تشربين ماء كثير وشاهي اخضر بعد الوجبات
امشي ساعه باليوم قسميها نص نص عشان ماتعبين وزي ماقالت ام خالد انتي صغيره تنزلين بسرعه شهرين بالكثير او 3 الا انتي نحيفه حبيبتي
وموفقه

 

[LiBra LaDy]

رد: ســاعدوني بناااااااات

بما انج صغييره انا انصحج تروحين حق دكتووور
لأنه صعب تسوين الرجيم اللي احنه قاعدين نسوي بعدين جسمج ليلحين ما ا كتمل نمووه

الله يوفقج

 

[حنوشه الحلوه]

تخفيف الاكل على قد ما تقدرين لا تحرمين نفسج من شئ
كل ما يعتي اشربي سوائل الساخنه مثل شاي حليب او شاي اخضر او حليب او قهوه او كباتشينو
مع سكر دايت
مع شرب الماء بكثره
ومشي من نص الي ساعه يوميا
و التوقف عن الاكل 4 ساعات قبل النوم يعني تنامين الساعه 12 وقفي على الساعه 8
بتضعفين اقل شئ 10 كلو بالشهر
اسئل مجرب

موفقه

 

[بنووتة البحرين]

تسلمون حبايبي على المعلومات و ان شاء الله اطبقها من بداية لاسبوع الياي يعني تاريخ 11-4-2009

 

[أمولتي]

حبيبتي ليش ماتروحين عند دكتور تغذية وهو يقدم لج الريجيم المناسب................لأنج صغيرونة ياحياتي لازم يكون ريجيمج صحي وما يأثر سلبيا عليج .................... وشدي حيلج كلنا لازم نحاول .....

 

[mn.mn]

شوفي رجيمات المطوع حلوة وما فيها حرمان وموجودة بقسم الانظمة

وانتي صغيرة راح تنزلين بسرعة بس اهم شي التزمي

 

[حلم بحرينيه]

هلا ببنت ديرتي :fun:

وأنصحج قبل أي ريجيم تروحين تسوين تحاليل أضمن لج حبوبه :nbvppw:

وبالتوفيق انشالله ونجوفج سمبتيييييييك وعروس :sfg:



:bye22:

​

 

[بنووتة البحرين]

تسلمون حبيباتي و اكثر شي اشكر بحرينية موت

و يارب اضعف

 

[AmOoNa-]

حبيبتي انتي توج صغيره يعني راح تضعفين بسرررعه وجسمج يشد)
بس انتي بفتره نمووو لازم رجيمج يكون متكامل لاتحرمين نفسج من شي بس كل شي بعتدال واهم ششي خففي من الخبز والمعكرونيه والعيووش وقطعي وجبات المطاعم والمشروبات الغازيه

 

[بستان روحي]

حبيبتي كل متبين تأكلين شى تخيلي شكلج بمريول الثانويه رشيقه راح تبطلين اكل​

:ggdw: