انا مـــــلـــــيـــــت

[بنوته الحقوق]

قوهـ..

شخباركم...

انا مليت من حياتي من روتيني المعتاد...

كل يوم اقعد بحزه معينه..

ادرس بحزه معينه..

اكل بوقت معين..

مليت يا ناس شسوي..

ودي اسافر في ديره مافيها احد واقعد بروحي ..

مادرس ولا اكل ولا انام..

بس اقعد وبالي يكون رايق مافيه ولا ذره تفكير..

الحياه ممله ابي اادي فروضي و الي فرض عليي واموت..

اموت بسكات محد يبجي ولا يتضايق..:eh_s(16):

ويدعي لي كل الي يعرفني ..:yaaaaaarb:

مليت وانا اراعي دمعه فلان وضيقه علان..

مابيه يتضايق انا الغلطان وحقك عليي ... صرت احفظها اكثر من اسمي..

شسوي علموني ..:bbbiu:

 

[بنوته الحقوق]

شكلي اكلم اليني ..

 

[HoT P!nk]

تعوذي من بليس و الي يبيعچ على سالفه سخيفه و لا يهمج و اذا حسيتي انج مو غلطانه لا تحاولين تعتذرين ابدا وهالحاله انا مريت فيها بعد و كنت ابجي بدون سبب بس الله عداها على خير ؛)

و لا تقولين انج اتموتين ما احب هالطاري خصوصا من الناس الي احبهم

 

[بنوته الحقوق]

انا مليت من كل شيء .. مليت من يومي المعتاد مليت من غرفتي من اغراضي ..

صرت مااهتم بالي حولي وكثير انسى ..

اقدم امتحان وارد ابجي سواء مسويه زين ولا شين واقول ساقطه ساقطه ..

شلي تغيير فيني ...!!!!!!

صرت اشك بقدراتي ...

 

[HoT P!nk]

ذكري الله يا حياتي و اقريلچ قران ترى يهدي النفوس و انچ اتشكين بقدرات هذي مرحله الكل يوصلها و بعدين يصير شي يرد هذي الثقه مره ثانيه

 

[*لبيه*]

تعوذي من ابليس يا قلبي ..

وغيري روتينج ادري صعب صعب بس حاولي غيري اي شي تقدرين عليه مثلا غرفتج غيري ستايلها وجذي ..

الله يوفقج يآرب بحياتج ويبعد عنج الضيق وين مارحتي يابنونه الحقوق واشوفج اكبر محاااااااااميه بالديره يارب ..~ قولي امين بس ..~

 

[كويتيه و اافتخر]

و الله حتى انا مثل ححالتجج 0.0

 

[$ بنت علمي $]

يمآآآ اسم الله عليج حبيبتي بنووته’’’

لاتخرعيني

اسم الله عليج كل واحد يجيله فتره يحس بضيق وخوف عااادي ياقلبي ’’’

انتي تعووووذي من ابليس

واقري لج المعوووذتين وصلي لج ركعتين

وانتي الحين قاعده على النت حطي قراان بصووت الشيخ فهد الكندري بيرتااح صدرج,,,

ووياقلبي اذا تبين شئ او ودج تفضفضين لاحد انا موجوده ياقلبي,,,

 

[بلسم الجرح]

مريت انا بنفس الحاله مليت من غرفتي غيرت ترتيبها حسيت بتجديد
وحاولي تقولين بينك وبين نفسك انا بسوي جذي وجذي بإيجابيه
موسلبيه وانتي تقولين اخذي نفس عميق واقنعي نفسك انك طلعتي السلبيه ودخلتي بدالها ايجابيه
وان شاءالله ترتاحين

 

[ϻʟǎƙ ཞǿ7ყ*]

حبيبتي حمدي ربچ عيل لو شفتي حالتي انا شتسوين تخيلي مر اسبوعين بس ابچي و متضايقه و خانقتني العبره مو قادره اتكلم و لا اطلع اللي بداخلي وصلت فيني لدرجة اني فكرت اوقف قيدي و اضيع سنه من عمري بس يا حبيبتي مالچ الا ذكر ربچ و اقري القرآن و خلي امچ توديچ لوحده تقره عليچ و كل ما حسيتي بضيقه صليلچ ركعتين لربچ و الله يهونها عليچ و علي انشالله تكفون بنات لاتنسونه من دعائكم انه ربي يفك هالضيقه عنه والله اني كرهت نفسي من هالحاله اااااه ...

 

[بنوته الحقوق]

يارب يا فارج الكرب ..فرج عليي كربي وكرب المسلمين..

يا ميسر المحن.. يسر عليي اموري وامور المسلمين يا ارحم الراحمين ..

- بالقران والصلاه بنحرص وبنصبر لانه موقنين بقول الله سبحانه (الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ الا بِذِكْرِ اللَّهِ تَطْمَئِنُّ الْقُلُوبُ ) صدق الله العظيم ..

 

[جوجو؟]

والله مادري شقول

 

[أم توتو]

تعوذي من ابليس لو تضيق الدنيا تذكري ان مردها بتفرج والدعااااء عليج بالدعاء وقيام الليل صدقيني بتحسين براحه مالها مثيل وجو الدراسه جذي يزهق ويجيب الهم بس ماتوصل انج تتمنين الموت الله يشرح صدرج قولي ربي اشرح لي صدري ويسر لي امري واحلل عقدة من لساني يفقههوا قولي الله يسهل عليج

 

[شاطىء الذكريات]

حياتي بنوته اصبري و انظري للحياه نظرة تفاؤل وبعدين ماسمعتي الحديث القدسي يقول الله تعالى فيه: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ، ذكرته في ملأ خير منهم، وإن تقرب إليّ بشبر تقربت إليه ذراعًا، وإن تقرّب إليّ ذراعًا تقربت إليه باعًا، وإن أتاني يمشي أتيته هرولة .
لا تلتفتي للي يحب يحبطك ويقلل من عزيمتك كوني فوق ناظري للقمه وانا والله يابنوته مااعرفك الا من خلال مشاركاتك وتدرين وش اخذت انطباع عنك انك بنت طموحه متفائله وبجد لمست الطموح فيك
ونصيحه خلي قلبك معلق باللي خلقك ولا تفكرين في الناس انتي اذا اصلحتي علاقتك مع ربك ثقي ثقه تامه ان الناس اهي اللي تجيك مو انتي اللي تروحين لها وبعدين والله الدنيا ماتسوى كل هذا الحجم اللي معطيتها الدنيا ماتسوى جناح بعوضه واحنا نكبر من حجمها

قال رسول الله صلى الله عليه وَ سلم : ” لو كانت الدنيا تعدل عند الله جناح بعوضة ما سقى كافراً منها شربة ماء “
انتي خلي همتك فوق ولا يهمك احد
واسال الله العظيم رب العرش ان يوفقك في الدنيا والاخره ويكتب لك ماتتمني ويحققه لك عاجل غير اجل ويبعد عنك الضيق والكدر وتعيشين في سعاده دائمه ياحي ياقيوم
والله دعيت لك من كل قلبي
وهذا المقطع اهداء لك اتمنى تسمعيه ​

http://www.youtube.com/v/6Y0T9zUralI&hl=en&fs=1&rel=0

 

[‏ڝڋٸ ٵڸڪٿہـآڻ]

أفااااااااا يــ بنوتـــــــة وش ذا العــــــلم .....

ترى عااادي دايم النفسية في وقت الإختباااار تتغير سبحان الله .... خاصة إذا كانت المادة صعبة وكثيير وماينفهم

بكــــــرة إن شاء الله تنجحين وتفرحين وتنسين التعب بس لازم الصبـــــــــر

وغيري في الروتين شوووي ......وكافئي نفسكـ اذا خلصتي مذاكرة ... وخلي فيه وقت مستقطع تتفرجي تي في أو تجلسي مع العائلة الكريمة .... أو أقرأي قرآن أو أتصلي على رفيجاتج ....

والله يوفقك يااارب.....

 

[شاطىء الذكريات]

نصيحه اخيره بنوته عليك بصلاة الليل اسالي مجرب والله العظيم بفضل الله اولا ثم بفضل الدعاء في الثلث الاخير من الليل انها تحققت لي احلام وان شاء الله ربي مايحرمني من تحقيق احلامي وامنياتي الباقيه ولا يحرم كل المسلمين من اجابة دعائهم

 

[شاطىء الذكريات]

اب اب اب لعيونك

 

[شاطىء الذكريات]

اب اب اب

 

[aso0osh_q8]

تعوذي من ابليس حبيبتي .. غيري غرفتج يمكن تحسين براحه شوي .. كلمي رفيجااتج طلعي معااهم ... استانسي غيري شوي

رووتينج طلعي السووق تسوقي ... ان شاءالله جذي بتتغير نفسيتج ..

 

[شاطىء الذكريات]

كُلْ آلنِدآء إذآ نَآديّتُ يَخذُلنِي , إلآ آلنِدآء إذآ نَآديَت يَ رَبْ
كُلّ سَحَابَآت الضيَق الكَثيَفَة سَتَنقَشِعْ حَيَن نُرَدِد يَ الله
وَنُتبَعَهَآ بِدَعَوة نَرتجي فيهَا الفَرَجَ
سَأجمَع أُمَنيَاتِي فِي بَالَونّ وَأُطَيِرُهَا فِي سَمَآءِ الدُعَاء ،
فَأبوَابُ الله وَرَحَمتُهُ الوَاسِعَةِ لاَتُغُلَق
يّـآإرَپ يَسّرٌ لَنا مَآ نخّآفٌ تَعّسٌيرُهً

* يَقُولُ نَبَيُنَآ ــ صلى الله عليه وسلم ــ:
[ينزل ربنا إلى السماء الدنيا كل ليلة حين يبقى ثلث الليل الآخر
فينادي فيقول: من يدعوني فأستجيب له؟،من يسألني فأعطيه؟،من يستغفرني فأغفر له؟] ..

* أوتِروآ وَتذّوقوآ جنّه الدنيآ
ركعَآتان

​