انا مو طوفــه والله احـــس .. بنات عطوني من خبرتكم

[ابتسامتي عسل]

الله يكون بعوونك

هذى حاله مالك الا حقران وربي راح تنقهر

حتى يوم سكرتي باب وريلج عصب اخته ضحكت

كان مفروض قلتي يؤ مادري على باله ماتدرين

انتبي لاتتهوشين مع ريلج ولا تفتحين سالفه الا يوم يتقفل باب

والله نصحيه حتى اذ بروحكم لاتقولين له شئ هو عارف منو غلط عليه بس رجال مايحبون سوالف حريم

اذ شافك مطنشه وحقره اخته بيصير بصفك

اما كل اشوى بتقولين اخته واهله بيعصب عليك

خليه خاتم باصبعك ربي يوفقك ويشيل همك

 

[shak!shoka]

صدقيني غيرااااااااانه و ميته سألييييييني
حماتي كانت ترتز عندي بشقتي من يطلع اخوها لمن يرد والله العظيم على قعده وحده و تييب جرايدها و تطلب عشاها فوق عندي وانا كنت توني اسبوعين ما صارلي
اغسل ملابس و اتسبح و ابدل و اكشخ و اتمكيج و اهيا مرتزززززه

ما تطلع من عندي لمن يفتح اخوها باب الشقه شرااااايج ؟؟؟؟

تحملي والله تبي تستفزج باجر تلتهي و تنشغل ما عليج

ولا تغارين من بنات عمه و خلج طبيعيه
مرده يمل و تسمعينه يزفها هذيج الزفه الي تبرد قلبج

و بعدين تو الناس ع النفسيه و المشاكل توج شهر بسج
قوي قلبج و يا جبل ما يهزك ريح

 

[mysterious sea]

صح عدل 100% < مع <<<<<<<< طبعي شيوخي

 

[محتارة وبصيح]

ماعليج منهم استانسي مع ريلج ودلعيه جدامها خلها تحتر

 

[ام زايد العتيبي]

انتي من كلامج شكلج بدويه لانه احنا ما عندنا اسامي في العروس وهل الخرابيط وحماتج غيرانه اشكره انا حضريه وماخذه بدوي وحماتي نفس حماتج بس لساني مو نفس لسانج والله صارت تخاف تكلمني لانه من الاساس انا مجعمتها حبيبتي وريها العين الحمره لا تسكتين عن حقج واللي يغثج غثيه لا تخلين شي بقلبج حتي مع ريلج قولي كل شي بقلبج نصيحه لا تحرين روحج

 

[Queenleo]

اول شيء استخيري بموضوع الطلعه من عندهم
ثاني شيء حبيبتي هالنوعيه اعرفها
دام انها عارفه انها قادره تاثر عليج وتلعب باعصابج فاخذي من فعايلها اكثر واكثر
خلج حيليه
لاتحسسينها انها قدرت تاثر عليج كلش
وليش ابين لها اني معصبه واحر نفسي واحر ريلي واخرب طلعتنا
بالطقاق فيها حسبي الله عليها وعلى نوعيتها
مثلا يوم قالتلج عن ولد اخوج وعن نسلج اجلح املح
جان ابتسمتي والتفيتي على ريلج وقلتي ربي حبيبي ماقصر وعطاني شيخ الشباب حبيبي فماراح يقصر معاي وان شاء الله بيرزقني منه بولد اينن على ابووه
خليها تطبخ
واذا قالتلج شيء ثاني ضحكي ولفي المووضوع
وكسبي ريلج لاتبينين له انج كارهه خواته
طلعي معاه وقوليه حبيبي اشتهيت هالشغله حق اختك شرايك عادي حتى لو من ورى قلبج
واخذي حق امه وابوه
كسبي والديه بالاول عشان يوقفون معاج
طلعي معاهم تريقوا واستانسوا
وشوي شوي ان شاء الله بتقدرين تسحبينه ووحبيبيه بالقعده معاج
الله الله بالدلع والمساج ووالغشمره
خلج بشوووشه
واذا بيطلع قوليله حبيبي ماشبعت منك ووين بترووح
خليه يتلهف عالرده والقعده معاج



اللحين انتي تزوجتي ياما تمكرين ووتكسبين ريلج وتعيشين مستانسه ان شاء الله
اوو تنسحبين ووتخسرين وتفرحينها فيج
فكري عدل
اذا ريلج فيه صفات ماتطووف ووولد حلال ويخاف الله فلاتخلينه
شبصي فيه باضافرج واسنانج ^_^
واذا تبين اي شيء لا يردج الا لساانج
احنا بالخدمه والله يووفقج

 

[أم توتو]

,


انا مع آم الدرر .!

حمآتج هاذي نظآمهآ تغار و تبي تسوي اي شي عشان تطفشج من البيت !
لا تطلعين من البيت و تخلينهآ تحقق هدفها
بالعكس قعدي عله على قلبها و كلا سوي روحج هبله يعني ليه استعبطوو سوي روحج مآ تدرين انه الكلآم لج ,،
و استهبلي وياهم ، و لمآ آيي ريلج دلعي و قوليله حبيبي و وكليه بآيدج و جي خليها تموت
و ظحكي و سولفي مع خآلتح و الباجي و اهيه خليها تنقهر و تموت من آلحره ,،

و ترا كلها فتره مثل مآ قالت ( آم الدرر ) و تروح !.
انتي لانه عروس يديده تصير العين عليج كلها فتره و تطخ حمآتج
و تلهى بشي ثاني غيرج ,،

و آهم شي ريلج لا تشتكين له على آهله و لا شي
و لاتدخلينه بالسوالف الي تصير بينج و بين حمآتج ,، و عآملي حمآتج مثل الطوفه
خليها تحس انهآ غبيه و سخيفه : )
صيري انتي الي آكبر منهآ .، و صدقيني الدنيا دواره ,،
باجر تتزوج و بتشوف شلون رآح يعاملونهآ حمولتهآ و بتيي تبجي عندكم !

انا رايي من رايها وراي ام الدرر

 

[aldanaha]

حبيبتي لاعبيها مثل لاتلاعبج سوي روحج ماتدرين ولا شي وعلى النيه
وماشيها على كلامها
وريلج اله ريلج ونسيه بالجنس ترا الريال لاقال عن المره طوفه بالجنس مو لصالج كلششششششششششششششششششششششششششلات بينج وبينه يقول عنج طوفه
ديري بالج لاتحسسينه انج طوفه

عطيه جو خليه يستانس قضبي ريلج ولاتقضبين بالناس
عطيه حقه عشان مايلتفت لغيرج كافي ان بداج عن الكل وخذاج
خلج فطينه خلي ريلج ايتعلق فيج ديري بالج
قضبي ريلج ولاعبي حماتج العبيها صح
لاتخلينها تحقق هدفها وطلعج من البيت زعلانه

 

[بنت اليوفي]

الحل تعطينها ابتسامة عريضة بجذي تحترم نفسها الحقران يقطع المصران
عند ريلج لاتيبين طاري اهلة وعيشي حياتج وكل مادلعتي ريلج تعلق فيج
اللة يصخرة لج

 

[كـ غلا ــلي]

شوفي حبيبتي لا تقهرين روحج دفع لهم ولا عطا اخته لا تحترين قاعد يقط من راتبه مة راتبج واذا على

تصرفات اخته الحقيره طنشيها ادري انها صعبه لكن مع الوقت بتمل وحببي ريلج فيج بجيث تمديحين اهله

لانه مبين عليه ما يرضا عليهم واهما نمبر ون عنده وشوي شوي تسحبين البساط من تحتهم وتقنعينه تطلعون

بشقه بروحكم

 

[om reem 86]

الله يهديها

 

[no0o0o0r]

انا مع الخوات
عمليلها اكبر طاف
والله يعينج ويصبرج

 

[strong faith]

حبيبتي هذي البدايه

لا تركيز على اخت زوجج ، لانها اخر اهتماماتج ركزي على حياتج انتي وبس اشغلي نفسج بالبيتج وزوجج

التمسي لها اعذر علشانج مو علشانها ماقلت دوري لها 70 عذر لا بس عذر واحد صدقيني بلاقين

هالاخت بيجيها يوم ( كما تدين تدان ) والله بيرزقها بالزوج الصالح ان شاء الله و بتفتكين منها و بتروح ... يعني فتره و تعدى

لا تخربين حياتج نصيحه ، ركزي على الاشياء الزينه و انسى الشينه ، اذا ضحكت اضحكي انتي اكثر

ان قالت شي سايريها عامليها كانها طفله ( بيبي ) و صدقيني بتكسبينهاواصلا انتي مو بحاجتها

فكري بمملكتج بزوجج بنفسج بيتج وماعليج من الموثرات الخارجيه ( تترين ليش متضايقه لانه مستهلكه كل طاقتج ، اهي منو !!! انسيها )

لاتصرين نفس الاسفنجه تمتصين اي شي ، خليج مثل الزجاجه يسيل على الشوايب بدون ياثر

و الله يهدى بالج و يسعدج بحياتج الزوجيه
اخر جمليتين اقولها
1) اوصيج بسورة البقرة
2) ركزي على بيتج و زوجج

اتمني اكون فدتج لو بقليل

 

[الفرايد]

حبيبتي انا مثلك حماتي مطلعه عيني ولي 7 سنين معهم والمشكله انها كانت من اقرب الناس لي وبعد الزواج بانت على حقيقتها عليها غيره وحسد يهد جبال لدرجه انها تدعي على وعلى عيالي تقول جعلكم تمرضون على ابو انه مزح وهي تقصد وربي من عيونها تنومت بالمستشفى وربك ستتر علي

اقولك هالنوع ماينفع معه الا البرود والطناش والشي الوحيد اللي بينفعك انك تكسبين زوجك لصفك
وتدلعينه وتونسينه وهالشي هو اللي بيقربه منك ويحر حماتك

 

[ياغفور اغفر لي]

مشكلتج تقريبا مثلي اعاني من اهل الزوج بس مو مثلج بالضبط لاااا انا علاقتي رسمية وساكنه فووق عندهم ولا ابشرج قطعت العلاقة نهائي ضارلي شهرين ماادري عنهم من سواتهم وارفهم وحتا بالعرس صارت اشيا تقهر بس هذا مو معناته نيأس ونخليهم يحققون اهدافهم
لاااا اول شي لاتجيبين طاريهم عند اخوهم الا بالزين مثلااا اختي تبي فلوس قولي اي عطهاا تستاهل هذي اختك واذا قال يبوني اوديهم قولي اي ودهم مافيها شي مع ابتسامه وهو بروحه بيمل ويجيج والله صدقيني
ومع هذا انتي زيدي الجرعات عليه يعني حببيه بنفسج اكثر لاتنكدين عليه لاتج في بدايه حياتج والزوج مااعرفج عدل لازم تثبتين وجودج وتخلينه يتعلق فيج
ومع اهله خلج رسميه دااايم

 

[نووويرة]

طنشييييييييييييها و سوي نفسج ما تسمعينها و اهتمي بزوجج و بنفسج

 

[ابدا يالغالي مانساك]

حبيبتي الف الف الف الف
مبروك ياقلبي علي الزوااااج
وقلعتها حماتج هذي عطيها طاااااف هذي نضام تغار منج
وانتي عرفتيه من البدايه خلج سطحيه وياااااها وخلج عوابه معاها بالعوابه واللكاعه
والحجي والتعطينه موقف تحرجج ولا تتحجي عليج
ولاتسولفي لزوجج عنهااا
خلج ويا زوجج وفرحي وياها ولاتكدرين خاطرج وخاطره وربي يوفقج

 

[tbola]

يلا حبيبتي ماعليه توج يديده وماخذوو على وضع عليج ونتي باجر مع الايام تقدرين تحطين حد لهم

 

[Basho0o0ory]

عسى ربي يفرج همج ويهديه ويهدي أخته ويسخرهم لج
شتسوين صبري والله كريم
كن بالدنيا كعابر سبيل ووكلي أمرج لربج سبحانه

 

[ملوكـه]

بعض الحريم هوايتها تخرب بيوت خلق الله
تشيش على ناس
وتولع بين ناس
وتحقد على ناس
وتفرررررررررررررررررق بين ناس
حسبي الله ونعم الوكيل على هالنوعيه الخايسه

اللي نيتهم خبيثه