انا مو طوفــه والله احـــس .. بنات عطوني من خبرتكم

[نسمات 26]

هالامور تحصل بعض الاحيان لأن توج متزوجه

أدري حماتج عليها حركات مو شي وتنرفز بس انتي حاولي طنشين اشوي

وزوجج مرده بيعرف لأن اكيييد بيطفش من حركات اخته

 

[كراميلا مرة]

ايي الله يعينك

بداية الزواج لازم مشاكل

 

[بقلبي انت]

اهي اخته اكبر منه ؟لانه علي كلامج اهو مايقدر يرفض لها طلب يروح ويجيب بنات عمه ويوديهم الظاهر
من قبل لايتزوجج واهو علي هالحال

وبنات عمه ليش ماعندهم اخوان يودونهم ويجيبونهم وإلا الظاهر الشغله شغلة عناد وقوات عين من حماتج مهي هينه والله
شوفي الغلط من زوجج الحين اهو متزوج ماله شغل ببنات عمه قوليها له بالخط العريض مالك شغل ببنات عمك
انا زوجتك واغار عليك شكو تروح تاخذهم وتوديهم شنو سايق ابوهم قوليله هالشغله مضايقتني واذا قال
لاتكبرين الموضوع قولي لا بكبره وبسوي مشكله انت الحين زوجي وانا ماارضي تركب احد معاك بالسياره وانا مو معاك

واذا علي حماتج نصيحه لا تبينين لها انج مضايقه من إلي قاعده تسويه فيج اضحكي بوجهها ولا تبينين انج زعلانه او
هالشغله مو عاجبتج خلج طبيعيه ومع زوجج خلج مستانسه وتضحكين وسمعي كلامه وقوليله كلام حلو مثل ان شاءالله ياقلبي
امر ياحياتي ياعمري عطني الشغله الفلانيه ومن هالكلام خاصه لكانت حماتج قاعده والله لتموت بمكانها وتنحر وخلج واثقه من نفسج
لانج ببداية زواجج لازم تبينين انه شخصيتج قويه قدامهم وعينج حمرا وماتسكتين عن الغلط لان حماتج تبي هالشغله انه تضايقج
وتنرفزج وتحرجج قدام الناس
خاصه لكان زوجج قاعد معاكم واذا فيه شي مضايقج قوليه لزوجج بس مو بعصبيه لا بهدوء قوليله يافلان تري
الشغله إلي صارت اليوم ضايقتني ومن هالكلام قوليه بهدوء ودلع شوي وبيني له انج مضايقه

الله يعينج توج ببداية الطريق بس لازم تكونين قويه وشخصيتك تكون اقوي
وتعرفين تردين علي حماتج او اي شخص بس رد سنع مو قليل ادب وبصوت عالي ودايما بيني انج مستانسه ولاتبينين انج مضايقه
نصيييييييحه عشان تموت قهر حماتج واهلج لاتبينين لهم انج مضايقه توج عروس لاتخلينهم يحاتونج وعطيها طاااااف حماتج
روح تمشي مع زوجج واستانسي ولا تعطيها اكبر من حجمها

 

[دلع العتبان]

تبين الصج الغلط منج ولاهاذي مريضه نفسيا كلشش وواضح

بالاول واضح انتي ماعندج ثقه واهي منقهره منج حييل انج تزوجتي وانتي خانعه مره وحده طناش اكبر شي فيها وكل ماشفتيها سوي افلام انج مستانسه مع ريلج واضحكي وشوفي شلون تنقهر وبعدين ذكريها انتي ماذكرتيلنا اهي متزوجه ولا لا جيبيلها ازواج قولي فلانه فيه وحده كلمتني عنج وربي تحبج اعرف هالنمونه ماتحب الا نفسها وبتحبج اهي اكثر وحده خخخ
ولاتوضحين لريلج عن خواته ولاتشكين له عنهم وكله مدحيهم بكل شي وصيري مثل المصريه تتلزقين وتحبينهم كلش
واضحكي وافرحي وماعليج من احد دوام الحال من المحال ماكو احد يذل على حاله وريلج طبيعي ردات فعله خصصوصا اذا كان الكبير او اول واحد يتزوج معروف حبيبتي

والله يوفقج وييسر امورج ويسخرلج ريلج اللهم امين

 

[live your life]

حبيبتي لا تروحين ولا شي انتي تقدرين تخلينها تخف عنج اول شي انج توصين ريلج عليها وتقوليله مايخالف هذي اختك ومن هل حجي خلي يمدحج جدامها وجذي تكسرين عينها وماعليج الا من ريلج تركيها عنج اهم شي هو معاج حتى لو اهي وغيرها معاكم ترى مشاكل الزواج اكبر من جذي وانتي اذا ما تحملتي هذي ترى ماراح تتحملين المشاكل الاكبر وهذا اختبار لج ان تتعودين عالصبر وتحمل المسؤليه ومردها بتزوج وربج فوقها اذا قصدها ان تخرب بينكم او تاذيج وادعي لها بالهدايه وظثري الاستغفار

 

[الـــغـــلآ]

لآ حول ولآ قوة إلآ بالله

 

[مفعمه بالحيويه]

حسبي الله عليها ونعم الوكيل

معروفة اخرت هالحركات ... فالاخيرر هي الي بتااكل ترراب ..

بيجيها اليوم و تتزوج والله يعاقبها باحد يأذيها مثل ما اذتج

الي ما تستحيي صج فورت دميييييييي

طنشي ولا تورينها انج مقهوره لأنها تتعمد تضيق صدرج ... اقنعي ريلج انكم تطلعون وتسكنون في بيت بروحكم

والله يسخر لج زوجج ويسعدكم يارب

 

[om MaRyooM]

صدقيني مصيره بيعرف الشين من الزين

بس اللي عليج بهالفترة انج تمسكين روحج

ولاتعصبين جدامها او جدام بنات عمها

وسوي روحج مو هااامج .. لأن قد مااهتميتي رح تستانس اهيا وتحاول تخرب بينكم


اختي اخذيها نصيحة .. خلي همج بيتج وزوجج وبس ودلعيه وحنني قلبه صوبج وطيعيه
وادعي ربج يحميكم من العين ويبعد عنكم عيال الحرام واي واحد يبي يفرق بينكم

وانشالله الامور كلها بتصير تمام

بس انتي لاتنفعلين وايد

ولاتناقشينه وايد ولاتيبين طاري اخته بشي .. الا اذا قالتلج حجي بالويه روحي قوليله عشان يكون بالصورة

 

[EleGanZa]

,


انا مع آم الدرر .!

حمآتج هاذي نظآمهآ تغار و تبي تسوي اي شي عشان تطفشج من البيت !
لا تطلعين من البيت و تخلينهآ تحقق هدفها
بالعكس قعدي عله على قلبها و كلا سوي روحج هبله يعني ليه استعبطوو سوي روحج مآ تدرين انه الكلآم لج ,،
و استهبلي وياهم ، و لمآ آيي ريلج دلعي و قوليله حبيبي و وكليه بآيدج و جي خليها تموت
و ظحكي و سولفي مع خآلتح و الباجي و اهيه خليها تنقهر و تموت من آلحره ,،

و ترا كلها فتره مثل مآ قالت ( آم الدرر ) و تروح !.
انتي لانه عروس يديده تصير العين عليج كلها فتره و تطخ حمآتج
و تلهى بشي ثاني غيرج ,،

و آهم شي ريلج لا تشتكين له على آهله و لا شي
و لاتدخلينه بالسوالف الي تصير بينج و بين حمآتج ,، و عآملي حمآتج مثل الطوفه
خليها تحس انهآ غبيه و سخيفه : )
صيري انتي الي آكبر منهآ .، و صدقيني الدنيا دواره ,،
باجر تتزوج و بتشوف شلون رآح يعاملونهآ حمولتهآ و بتيي تبجي عندكم !

انا معاها

ومثل ما قالت الدنيا دواره

صلي قيام الليل والوتر وادعي بالسجود صدقيني ربج ما يخيب احد دعاه وبياخذ حقج اذا لج حق :yaaaaaarb:

الله يسخر ريلج لج يارب ويبعد عنكم اي احد يحاول يفرق بينكم :yaaaaaarb:

 

[EleGanZa]

ونسيت اقولج ..

اذا صار موقف مع حماتج سواء جدام ريلج او من وراه لا تنقهرين

ابتسمي بويها وضحكي واستعبطي اكثر من استعباطها

مردها راح تنقد على روحها وتنقهر اكثر

 

[رآآحٺ آيآمڪْـ]

,


انا مع آم الدرر .!

حمآتج هاذي نظآمهآ تغار و تبي تسوي اي شي عشان تطفشج من البيت !
لا تطلعين من البيت و تخلينهآ تحقق هدفها
بالعكس قعدي عله على قلبها و كلا سوي روحج هبله يعني ليه استعبطوو سوي روحج مآ تدرين انه الكلآم لج ,،
و استهبلي وياهم ، و لمآ آيي ريلج دلعي و قوليله حبيبي و وكليه بآيدج و جي خليها تموت
و ظحكي و سولفي مع خآلتح و الباجي و اهيه خليها تنقهر و تموت من آلحره ,،

و ترا كلها فتره مثل مآ قالت ( آم الدرر ) و تروح !.
انتي لانه عروس يديده تصير العين عليج كلها فتره و تطخ حمآتج
و تلهى بشي ثاني غيرج ,،

و آهم شي ريلج لا تشتكين له على آهله و لا شي
و لاتدخلينه بالسوالف الي تصير بينج و بين حمآتج ,، و عآملي حمآتج مثل الطوفه
خليها تحس انهآ غبيه و سخيفه : )
صيري انتي الي آكبر منهآ .، و صدقيني الدنيا دواره ,،
باجر تتزوج و بتشوف شلون رآح يعاملونهآ حمولتهآ و بتيي تبجي عندكم !

معآهآإ

 

[flawar]

ماقصرو البنات ..اختة تغااار وعطيهاا طاااف والحقران يقطع المصران..وقفيها عند حدها بطريقتج
بعدين شكوووووو زوجج دخلينة بهالمشاكل باول شهر يعني بذمتج مايعرف اختة هو يعرفها اكثر منج ياقلبي
وعارفها وخابزها عدل بس غلط انج تتكلمين عنها جذي لا تشتكين ابد ابد عندة عن اهلة اكبر غلط وربي وخاصة انكم تو باول الطريج
الرجال بيفرض راية ويخاف يقولون انتي مشيتة وحركات هذي..وغير اللي سامعة من ربعة عن مشاكل الزواج وبين الاهل

هو بروحة تلاقينة مشحون ..الرجال هالوقت يبي الدلع والوناسة شهر عسسسسل دلعية يدلعج بينيلة انج اسعد ان شالله وامدحي اهلة ماقصروو ويحليلهم دمهم

خفيف وهالكلام وربي بخليج تاج فوق راسةيدري ان اهلة مو جذي بس صعب الرجال يتكلم عن اهلة مايرضى مهما صار..اللحين ركزي ع وناستج ونااااستة
لاتكرهينة بالزواج واذا اتصلت كل شوي اختة لا تردين واذا رديتي كلميها شوي وقولي فلانة يلا ياقلبي مشغولة تعرفين عروس واضحكي بدلع وعيار ..واذا تطنزت قولي يلا يلا باي مشغولة اكلمج بعدين واذا قالت واسالت عن امج قولي لها دقي عليها انا عروس موفاضية.. ام سالفة بنات عمة ما ادري هو متعود يجيبهم

والاهي بتقهرج...ما عجبتني بس لاتبينين انج غيرانة خليج عند زوجج انتي اللي واثقة الثقة ثم الثقة ثم الثقة والا بيتغير خليج واثقة بنفسج موووت...اضغطي ع نفسج..بعدين لما زفج قدامهم جان رقعتي الموقف لو تقدرين تقولين سوري حبيبي مادريت موقصدي بدلع هو بينصدم وهم بينقهرون..او اذا ماقدرتي اضحكي

شوي بدلع قولي وي ما انتبهت ولما ترجعين لشقتج بروحكم قولي بدلع عطول يووه حبيبي ليش تزفني جدامهم انا حبيبتك لا تحرجني ترى ما ارضى بدلع مو عصبية ولاتفتحين طاري اختة
قللي نزلاتج واستاانسي مع زوجج وركزي بوناستج وناستة البسي عطول وتعطري واكشخي وتدلعي انتي عروس اذا ما استانستي اللحين متى بتستانسين..واذا بنزلتج غثتج اختة حقريها واذا قطت نغزات وزوجج موجود ديري بالج تناجرينها ابتسمي بس..ولا تسالين زوجج شنو قالت ومدري شنو غلط غلط...ولما مايكون

موجود خليج عطبعج ودلعج لاتحبط فيج وثقتج باناقتج وكل شي ما تسب شي الا عاجبها وغيرانة منة..وقولي الناس اذواق واحقريها كلمي غيرها انشغلي بموبايلج ..او دقي عزوجج قومي شوي بعيد عنها وكلمية بدلع طرشي مسجات وابتسمي خليها تموت وانتي حاقرتها الله يهديها...خلي ثقتج بنفسج كبيرة ياعمري
لاتنسين سورة البقرة ودعاء هداية الزوج اقرية دايم وبتتيسر امورج ان شالله :yaaaaaarb:http://www.mamlkt.com/showthread.php?t=22499

 

[أم فـرح الحلوه]

ام الدرر كفت ووفت وترا محد مرتاح بهالدنيا واصبري

 

[roseberry]

الله يعينج ويسخر لج زوجج يارب ... ​

 

[ąғỗỗq สℓώả9ғ]

الله يعينج ويسخره لج
وحماتج تركيها قطت نغزه قطي عليها اكبر بس لا تبينين ان كلامها هز فيج شعره ولا تتاثرين
ابتسمي لا تقولين لا ( والله الابتسامه احتقار لشخص ) ولقال ريلج بوديهم او اخذهم قولي يعطيك العافيه بس بروح وياك لأني محتاجه اغراض مره ثانيه قولي نبي نتمشى الي عقبها اشتقت نطلع بروحنا
عقبها اهو مايعرف يروح بدونج
صدقيني الريال يحب تعاملينه جذي ولا تبينين لهم انج منقهره او انتي وياه حق تحمينه لا
وريلج لا تعاملينه على اساس تصرفات اخته حتى لو مضايقه وايد فرفشي وياه علقيه فيج بالكلام الحلو والدلع
واذا امه وابوه طيبين عامليهم مثل هلج
وزين منه صارحج وترى حبيبتي كل الريايل همهم لنوم كثر ماونستيه فوق راسه يحطج
وانتي توج عروس للحين ماعرف لج عدل عشان لصرتي بارده عرف شفيج
صدقيني انا مثلج مالي الا شهر ونص متزوجه بس اخذت بكلام اختي عدل وعرفت شنو يبي الريال
واخته طاف لها حتى لو قطت نغزات احقرها واقط اكبر بس بضحك
وفوني من ادش بيتنا اقطه ماهتم له عشان ابين له ان واهو وياي احقر الناس كلها مو مسالة متقصده اخته
والله يهديه وتتزوج وتنشغل بنفسها ​

 

[سكوتي بذوقي]

ترى بداية الزواج لازم فيه مشاكل

انتي احقريها واكسبي زوجك وارضيه

نصيحه لاتدخلين أهلك بأي شي

إذا تدخلو الأهل تصير مشاكل ومشاحنات مالها داعي

الله يسخره لك يارب

 

[مناير ...!]

والتالي شنو يطلع عازمه بنات عمها بفلوس ريلي

واذا يييا وين كنت يقولي ايب اختي وبنات عمي وليش ماتجي بروحها يقولي اختي واتصلت علي اقول لها لا

فلوس ريلج ماقطها بالشارع
اخته بنت امه وابوه مو من حقج تحاسبينه مع احترامي الشديد لج
يرد اخته البيت هم مافيها شي ارجع اعيد واكرر اخته مو من الشارع

عمتج تعبانه سكري
مو سهل مثل ماانتي مستسخفته
لوها امج ين ينونج ورديتي

كبريها تكبر
صغريها تصغر
فكري بعقلانيه وتنتهي السالفه

 

[أحلى الألماس]

الله يعينج انا استغرب من البنات اللي جذي يعني عروس داشه بيتنا المفروض تسوي فعايل تشرفها
وتشرف اهلها مو تسوده ,,,المهم دام زوجج حبوب وطيب طنشي ومثل مايعلقون علي وردي عليهم بضحك
يمكن يتغيرون اصبري وادعي ربج

 

[Habibat Abooha]

مشكووورين ماقصرتوا بنات
يزاكم الله خير ع النصايح
ومثل ماقلتوا راح اعطيها اكبر طاف
حتى لو اتصلت ماراح ارد الا للضروره
بحاول اكون حازمه مع ريلي بخصوصا بنات عمه
والله اهو طيب ويحبني بس لولا النسره عسى الله يرد كيدها بنحرها
وايد افدتوني
الله يحرم ايد كل وحده عطتني نصيحه عن النار
قولواااا امين

 

[متوترة]

الله يعينج يارب وترا اول ايام الزواج لاحظت على نفسي حساسه حيل اي كلمه احسها توجع
بس يصير لج ست شهور او اربع شهور بتضحكين على نفسك
توك على ناس جديده مافهمتي نظامه ونفسيتهم وعقليتهم
اعتبري المرحله مرحله تعريفيه شاقه .
اعرفيهم كل واحد شنو وشنو السيء فيه ونظرته لج
وعامليهم مثل مايعاملونج اهم شي الحين زوجج وحبيبيج لتخسرينه ولاتخربين بيتج عشانها

الله يعينج يارب ويسخرلج زوجج
انا يوم من الايام انمرضت خفيف حساسيه وجلست ابجي بالحمام ليه زوجي مايقولي شفيج ويجلس على راسي< ابيه مثل امي بس مافي حد بيهتم لج ويقدرج مثل امج
والله ذيك الليله قضيتها شوي ابجي وشوي العن واشتم حظي بس نمت وقعدت الصبح
ضحكت على نفسي

صج صج اول شهر زواج غرررررررررررررررررررررريب