رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*
النبض الـسـابـع : : :
*روح وخلني ترى الدنيآ وسيعه
يـمكن بغيري تلاقيلك نصـيـب
خلها عقب الوصـل تـصبـح قطيعه
ما جبرتـك في غـرامـي يالحـبـيـب
يــــــــلي بااايع الـغلا والله لابيعه
ما أذل النـفـس لو مهما تـغـيــب*
بـــعـــد مــــــرور شـــــهــــــــــــــــــــر
جامعة الشرق الاوسط الامريكيه aum
الساعه 11 الظهر
طلعت ديالا من اخر محاضره لها وراحت لسيارتها بالمواقف
بدر همس بأذنها : قوووووه ياحلوو
ديالا لفت عليه مخترعه وحطت ايدها على صدرها: وااااااي بدر شفيك خرعتني..
بدر ضحك : هههههههه سلامتج من الخرعه..المهم اشلونج اشتقت لج
ديالا ابتسمت: انا زينه بس ما اشتقتلك وانت؟؟
بدر بضحكه: مقبوله منج..انا زين بس بنطل واقفين جذي؟؟
ديالا لفت بتركب: اكيد لا مع السلامه
بدر مسك ايدها: وين وين؟؟ قصدي ليش طالعه الحين مو جنه تو الناس؟؟
ديالا ترمش بعيونها: اولا لا تمسكني جذي جدام الناس..
بدر وقف مثلها : وثانيآآآ
ديالا كانت بتضحك على وقفته: اليوم محاضراتي للـ 11..
بدر يسوي نفسه يفكر: اها وفيه ثالثا ولا لأ؟؟
ديالا ابتسمت: شدراك اني ادرس هني؟؟
بدر ابتسم : شكلنا بنظل هني لحد ما نحترق
ديالا ضحكت: ههههههههه لا شدعوه حياك بسيارتي
بدر ضحك وراح ركب يمها وصك الباب: ههههههههه انا قايل انج اتيكيت بس محد مصدق هههههه
ديالا شغلت التكييف: المهم ما رديت على سؤالي..
بدر ابتسم: سهله يبه..اسمج غريب ونادر بالكويت وانا شفت اسم ابوج بفونج لما شفتج اول مره وسيفته عندي وبحثت عنج وعرفت كل شي
ديالا تخصرت: اهااا يعني الحين انت ياي وعارف عن كل شي مو
بدر ابتسم: إلا شي واحد
ديالا ابتسمت: شنووو؟؟
بدر قرب وهمس بأذنها: تحبيني؟؟
ديالا ولع ويهها من الاحراج ولفت بتشغل السياره ولبست نظارتها : اقووول تراك اخرتني بروح ارد قبل لا يستلمني فيصل تحقيق
بدر عرف انها تتهرب وابتسم ومسك ايدها: مو قبل ما اعرف ردج
ديالا تنهدت: بدر انا ما اعرفك الا من شهر تقريبا وما شفتك الا مره وحده بعد طلعة الافنيو لما قتلك شسوى فيني فيصل لما رديت الصبح
بدر : يعني؟؟
ديالا : يعني ما اقدر احكم الحين..الا لما اعرفك عدل..وبعدين انا ما اعرف الا اسمك الاول ولا اعرف شي عن حياتك الخاصه ولا اهلك ولا شي
بدر ابتسم: خلاص اعزمج عالغدا واقولج عني كل شي
ديالا ابتسمت: سوري ما اقدر
بدر ابتسم: وعشآآآني
ديالا بخجل : خلاص بشوف ابوي ادق عليه واقوله عشان ما ينطروني عالغدا
بدر فتح الباب بينزل: انطرج بسيارتي..وبعدين انا اردج هني
ديالا ابتسمت: ماشي..
@
@
@
@
* المشكله ماهي بغلطه ونـدمـآن
المشكله ليه الوفا دوم فـــــآنــي*
بيت ابوفيصل
نفس الوقت
جوان نزلت وهي لابسه جينز للركبه مع بدي ابيض علاق : حبيبي لقد اتصلت بك ديالا..تقول انها معزومه على الغدا مع صديقتها ولا تريد ان ننتظرها
ابوفيصل قصر الاخبار وكان يطالع البورصه: زين بكيفها..ما شفتي فيصل وياج؟؟
جوان : لا اعرف رايته صباحا خارجا إلى عمله ولما اراه بعدها
ابوفيصل وقف: لا رجع مبجر يقول خلص شغله..انا بروح اشوفه بالمسبح..
جوان ابتسمت وباست خده: حسنا لكن تتأخر
ابوفيصل ابتسم لها: من عيوني..
بالمسبح
فيصل كان يغطس راسه بالماي ويظل شوي ويطلع بعدين يتنفس بسرعه ويعدل شعره
ابوفيصل: انت ما تقولي متى بتظل جذي؟؟
فيصل طلع راسه من الماي وشاف ابوه: شفيني؟؟
ابوفيصل : مرتك ليش ما تييبها ؟؟
فيصل بلامبالاه وهو مكمل سباحته عالظهر: ما خلصت نفاسها
ابوفيصل : وما اشوفك تروح لها ولا تزورها ولا حتى تدق عليك..شنو انتو متهاوشين
فيصل طلع من المسبح معصب ولف الفوطه على خصره: يبه الله يخليك ميخالف ما تتدخل بحياتي الخاصه..
ودخل وهو معصب اما ابو فيصل تنهد : الله يصلحكم إن شاء الله..انا لازم اروح اشوف شسالفه؟؟
فوق بغرفة فيصل
اول ما دخلها وقبل ما يدش الحمام يتسبح راح اخذ فونه من عالكوميدنه وقعد عالصوفا وفتح..رساله جديده.. :
انا تعبت من هالحاله؟؟ متى بترحميني وتردين؟؟
بعد ثواني ياه الرد :
صغير الجرح لو جـا من بحضنـه تكونـت
تلعن العشره اللي معه ويمكن تعآآآآآآآآفه
فيصل عصر فونه بيده: اااااااااااااااه ااااااااااه ياااااااااارب..
فتح مسج جديد وكتب لها :
جيتك وانا ما جيت واقف مكـانـي
طيفك حضني واحسب اني حضنتكـ
والرد كان :
هي غلطتي ولا الزمن دوم غلطان
منك العتب ولا العتب من زمـــــآآني
أحيان احس الحزن لآجلي وأحيآآآآآن
اقــول هذا الـحــزن ماهو عــشــآنـي
فيصل ما تحمل اكثر ودق عليها واول ما ردت ما عطاها فرصه: كل هذا شايلته بقلبج علي
زينه بهدوء: لااا انته تدري شكثر حبيتك وللحين احبك..وبظل احبك..بس انت خنتني وما وفيت بوعد زواجنا وانا ما اقدر استمر معاك
فيصل : يعني؟؟
زينه : طلقني لاني خلصت نفاسي من يومين
فيصل عصب اكثر: ماني مطلقج واليوم بيي واخذج
وسد بويهها
@
@
@
@
وبمطعم فرايديز
الساعه 1:15
والحوار بين بدر وديالا مستمر من ساعتين :
بدر يشرب عصيره: اتوقع الحين عرفتي كل شي عن حيآتي ومو باجي الا تزوريني بفليتي المتواضعه واعرفج على امي واخواني
ديالا ضحكت: هههههههههه بالمشمش..
بدر ضحك : ههههه افااا..انزين اسمعج ابي اعرف كل شي عنج
ديالا بهدوء: ما عندي شي اقوله غير ان امي روسيه ابوي تزوجها بعد ثمان سنين من زواجه من مرته الاولى ام فيصل وكان مسافر دورة عمل بشغله كتاجر وسياسي..وفيصل اخوي من ابوي صج اهو عصبي وغيور ويحاسبني عالطلعه والدخله بس حبوب وقلبه طيب ويخاف علي..واممم بعد شنوو..ئي امي اسمها جوان وتوها بالاربعين ومتحرره طبعا وعآدي عندها لو اقول نمت مع صبي..
بدر ابتسم على صراحتها: وانتي؟؟
ديالا : قصدك متحرره ولا لأ؟؟..طبعا لا..صج لبسي جريء وادرس بجامعه مختلطه وعندي زملاء وجرئيه شوي بس ما ارقم ولا احب سوالف القز وانت اول واحد تتحرش فيني وبسسسسسسس
بدر ضحك : ههههههههههههههه يعني انا بلوه
ديالا ابتسمت: اشوا مو انا اللي تكلمت.
بدر ابتسم: اقول خل اطلب غدا احسن ما اقوم اذبحج..
ديالا ماتت من الضحك: هههههههههههههههه
@
@
@
@
انتهى البآرت
رايكم يهمني..
’’
نااطرينج 
