انا وزجي

[PuPa^^SWeeT]

اول شي انتكلم عن اهله

يعني اي اهل بالدميا ماراح يفكرون انه العيب اببنتهم ولا ابولدهم سيدة بيفكرون فيج انتي يعني اللي ماتيبين

خصوصا اذا ريلج ماقالهم هالشي و مبين انه مو قايلهم لأنه نفسيته تعبانة

فا طنشي هالسالفة ( ريلج ماراح يقدر ياخذ عليج وحدة بالمرة لأنه فضيحته بتكون اقوى عرفتي )



الشي الثاني


ريلج نفسيته وايد تعبانة و مبين من وصفج لشكله مشيب و ضعفان 30 كيلو هذا شي مو طبيعي

الريال دش حالة من الاكتئاب من القهر و الخوف


اللي يبيه منج الحين توقفين وياه و ماتذكرين اي شي عن سالفة العيال

اقري كتب و قصص عن الرياييل اللي يحوشهم اكتئاب من العقم شوفي شلون يتفاهمون وياه


اذا انتي شاريته و حابته و فعلا بتبقين وياه

خلييج وياه

حتى لو صرخ ولا عصب ولا قالج تركيني بروحي ولا اي شي نفذي اوامره و تحملي لين مايوقف على ريوله


الله يعييينه و يعييينج وياه


وراج درب طويل الله يعييينج لأنه المسكييين تعبان

 

[PuPa^^SWeeT]

حبيبتي سالفة اخبار اهله

لاتيي منج انتي

ولا تجبرينه على القول



اول شي


والاهم من كل شي نفسية ريلج اترد


بعديين اهو يقولهم


لسببين


اذا الحمولة قشرة ماراح اتفهم كلامج -- يا اتصدق بس تحقد عليج و بتقولج حجي عنده و اهوا كافي نفسيته

-- او ماراح اتصدقج وبيطبون فيج عند ريلج و نفسيته تتعب زوود





بس اذا اهله زينييين يعني زينييين زينييين كلمي امه ولا اخته الكبيرة ( احد عنده رجاحة عقل )


بس همن مايعرف انج علمتي احد



لأنه ريلج معتبره سر من اسراره تواا معلمج فا مو حلوة تطلع منج انتي





اهله ينصبر عليهم لسبب انه ماراح يقدر ياخذ عليج مرة ثانية ( الكلام يعور بس تطبيقه عديم النسبة )

 

[FeShinGoOo]

مو شرط العيال اهم شي ريال يحبج ويداريج ويحطج بعيونه لاتتخلين عن زوجج وادعي ربج والله العظيم راح تنحل المشكله اذا اخلصتي نيتج بالدعاء ماكو مشكله مالها حل وكل داء له دواء

في خلطة عسل مشهوره يخلطونه مع لقاح النخل ومادري شنو والله وايد ناس كان فيهم عقم وتشافو والعسل مذكور بالقران انه فيه شفاء للناس سئلي عن الخلطه وجربيهااا
حتى في وزحده كاتبه مشكلتها بالقسم مال تأخر الانجاب ان كان زوجها فيه عقم ولما جربها صار عنده حيوانات و سوا تلقيح صناعي وعقبها احملت .. جربي منتي خسرانه وتوكلي على الله

 

[مألوفة]

حبيبتي انتي ما عليج من الناس

اهتمي بريلج وخلج عادية معاه ولا تهتمين فيه اكثر عشان لا يقول انه كاسر خاطرج ولا تحسسينه بنقص

حاجيه قولي له انت امي وابوي وعيالي وكل شي فيك اذا ربك ما اراد لنا العيال اراد نجتمع مع بعض ونكون لبعض ونصبر على بعض
هذا بلاء من رب العالمين فلا اعتراض عليه وخل نطلب ربنا يرزقنا ويوفقنا واحمد ربك واشكره على كل شي

الله يرقج يا رب ويعطيج الذرية والضنا اللي يفرح قلبج ويسعدج

والبنسبة للاهل ريلج لا اتردين عليهم ولا تقولين انج فحصتي ولا اي شي طنشيهم وقولي لهم انا ما ابي عيال

 

[ربي سبحانك]

الله يرزقكم ان شاء الله

 

[يا كويتنا]

يا قلبي انتي

والله انج اصيله



حطي ثقتج بالله وترا امرهىبين الكاف والنون ان اراد سيئا قال كن فيكون



وهوني عليه ترا نفسيتج مو نفس نفسيته اهو هو اكثر منج تعب وتفكيرر

عسالله يرزقكم

 

[La t7atini]

طنشيهم وكلمييه قوليله الي كاتبته
انج تحبينه وبتمين معاه وانه يسوا كل الرياجيل الي
بالعالم قوليله يأست من الطب لاتيأس من رحمة ربي
الله موجود وبالدعاا مافي شي مستحيل

اللهم اني اسالك ان لاتجعلهاا فرداً وأنت خير
الوارثين اللهم ارزقها وكل المحرومين

 

[7ayra]

مشكورين بنات ماقصرتو
انا ما انقله سوالف اهله ولا اقول بنغزاتهم لي لاني ادري انها تغثه وتضايقه
وخواته مشاء الله ٧ وكلهم نسرات بس في وحده عاقله وما تقدر عليهم اصلن تنحاش من قعداتهم وكل ما قطو علي كلمة ولا غثوني وجرحوني بكلام اطنش عشااان زوجي واذا سالوني عن سالفة الحمال اقولهم الله ما كتب ... وانا مستحيييل اتخلا عن زوجي لاني حييل احبه
والله كريم انشاءالله*

 

[7ayra]

وانا ما قلت حق احد من اهله ولا من اهلي و ما ودي اقولهم
وهم بالاساس من زمان يحشون فيني عند زوجي ويألفون علي سوالف وانا ما قلته بس الحمدلله انه عارف امه وخواته عدل وانا ما اتلكم معاه بموضوع خواته وامه لسببين
عشان ما اغثه واضايقه ويكون بين نارين
والسبب الثاني ان مهما كان وصار هذولا اهله ما راح يرضا عليهم حتى لو غلطانين ما راح يعترف
اسفه قرقرت عليكم واجد

 

[عيش و مرق]

كنت بقولج نفس كلام الاخت الى قالت تركى عنج العواطف هذه شى اكبر من انج تكتمينه وشنو يعنى عقيم عادى مو حرام ولا عيب ينقال هذه شي من الله تقدرين تقولين مريض او اى شي بتسمينه بس لازم اهلج واهله يدرون
قلبى الموضوع لو انتى لا سمح الله عاقر ماراح يسكتون اهله يا يطلقونج وله يزوجونه عليج ويرحمون حالج ويخلونج مرته تكسرين خاطرهم بس الريال لا شى ثانى علمى اهلج واهله وكيفه عاد اهو مع نضره الناس على قولته موحرام هذه بلاء من الله شكو مايبى احد يدرى وانتى وعليه ناشف ريجج من اهله ونغزات الحريم عاد شيفكج

 

[المحبه للاستغفا]

انتي وزوجك كثروا من الاستغفاو والدعاء في الثلث الاخير من الليل

 

[!الجادل الصعب!]

حيل ترآعينه و مخليه روحج ..!
تقولين الي فيه مكفيه ..! الي فيه يآ قلبي مآثر عليكم اثنينكم ..
احسج حيل طيبه ومآبي تندمين بعدين ..
لو يخآف عليج عالاقل تكلم وقفهم عند حدهم مو يقولج بكلمهم
هو عارف انج بترفضين ..
انتي ماحطيتي الموضوع الا تبين حل .. وهذي الحلول ..
الله يعينكم ويرزقكم يآرب

 

[موج-البحر]

الله يشفيه ان شاءالله

وترى في امية طريقة وطريقة للانجاب واعرف ناس تعالجوا بلندن وبالاخير الله رزقهم

كلميه ان انتي تحبينه وتبينه وانج مراح تقولين لاحد يمكن اهوا خايف احد يعرف واذا انتي

مضايقة من كلام اهله خليه يقول لهم ان انتوا ماجلين فكرة الانجاب , وقوليه ان هذا مرض

عادي لايستحي منج اهوا غلط غلطة كبيرة لما خبى عنج كل هالسنين كان ممكن تتعالجون

فيها بس الحمدالله على كل حال خيرة

والله يوفقكم​

 

[7ayra]

^
صح كلامج
مأثر علينا اثنيناتنا حييل ونفسياتنا تعبانه
ساعات اقول لازم يقول حق اهله عشان يسكتون وساعات اقول لا حرام يتعب بكره
وما ادري حيل متردده وصح انا ابي حلول
بس والله مو عارفه شسوي
الله يكتب اللي فيه الخير لنا وتشفي حبيبي

 

[طيبة83]

اول شي انتكلم عن اهله

يعني اي اهل بالدميا ماراح يفكرون انه العيب اببنتهم ولا ابولدهم سيدة بيفكرون فيج انتي يعني اللي ماتيبين

خصوصا اذا ريلج ماقالهم هالشي و مبين انه مو قايلهم لأنه نفسيته تعبانة

فا طنشي هالسالفة ( ريلج ماراح يقدر ياخذ عليج وحدة بالمرة لأنه فضيحته بتكون اقوى عرفتي )



الشي الثاني


ريلج نفسيته وايد تعبانة و مبين من وصفج لشكله مشيب و ضعفان 30 كيلو هذا شي مو طبيعي

الريال دش حالة من الاكتئاب من القهر و الخوف


اللي يبيه منج الحين توقفين وياه و ماتذكرين اي شي عن سالفة العيال

اقري كتب و قصص عن الرياييل اللي يحوشهم اكتئاب من العقم شوفي شلون يتفاهمون وياه


اذا انتي شاريته و حابته و فعلا بتبقين وياه

خلييج وياه

حتى لو صرخ ولا عصب ولا قالج تركيني بروحي ولا اي شي نفذي اوامره و تحملي لين مايوقف على ريوله


الله يعييينه و يعييينج وياه


وراج درب طويل الله يعييينج لأنه المسكييين تعبان

انا معاها 1000٪

الريال شكله مضايقه الموضوع

انتي بس سديه ولو مؤقتا ولا تقولين له اشفيك وما شفيك جنه اي شي ما صار

وسافري معاه غيروا جو استانسوا

اما بالنسبة لاهلة

عطيهم العين الحمرا قوليلهم انا وزوجي ما نبي الحين ورجاء لا تفتحون هل موضوع مرة ثانية


والله يرزقج ان شاء الله

 

[7ayra]

ربي هب لي من لدنك ذرية صالحة انك سميع الدعاء

 

[احلى من القمر]

حبيبتي اذا انت موقادره توصلين لريلج وانت عايشه وياه وتعرفينه وتعرفين طباعه عدل شلون تبينا احنا نقولج شتسوين وياه حاولي وخلج قريبه منه ولا تياسين وماعليج من ااحد اخته امه لايهمونج الزم ماعليج ريلج ........والله يرزقج ولايحرمج امين

 

[7ayra]

^
انا الحين اصلن مو قادره افكر احس مخي موقف وقاعد احاول اتقرب منه بس هو مو معطيني مجال
وانا بعد ما ابي اضغط عليه لان هو نفسيته تعبانه حيييييل حييييل انطر لين يصير احسن
تكفون بنات ساعدوني شلون اقدر اكلمه و اواسيه
والله يعيني على كلام الناس غثوني بالاسئله

 

[~ كرز ~]

حبيبتي الله يعوضج خير و يرزقج خير الدنيا
احس اني حبيتج و انا ما اعرفج

انتي دايما بيني له حبج و اهتمي فيه و لا تقولين له انا مايهمني العيال و بضل معاك بدون عيال لان الموضوع حساس بالنشبة له و يمكن يعتبره تمنن منج و انج شايفة نفسج عليه

بالنسبة لكلام الناس ماعليج منهم كلام الناس مايخلص لو الوحدة عندها درزن عيال هم يضايقونها بالكلام


و يارب يرزقج كل خير و ماتدرين يمكن الله سبحانه يكتب لكم الذرية انتي دايما ادعي و لا تيأسين

 

[جوزائيه مغروره]

الله يرزقج ب4 توام يارب

ويخليكم لبعض

مو ضروري تتكلمون

خليه يرتاح بحضنج وصدقيني بروحه راح يتكلم

اخذيه وسافروا