انا وزوجي المعقد

[تبوك الورد]

وبعدين يابنات انا لو على السواقه عادي متعوده مااسوق بس كان خاطري فيها خاطري اجربها موحرام وهذي ثالث مره اطلع معاه من اول ماتزوجنا يقول يخاف يشوفه واحد من ربعه واصحابه وهو مطلع زوجته كل وقت طفشت في البيت زهقت لي لحين شهرين في البيت ماطلعت نفسي اطلع بس مايرضى يخاف نطلع وتتصل عليه امه وتكتشف انه طالعين مع بعض عشان كذا قلت انه معقد فهمتوووا يابنات؟

 

[popa]

انتي سعوديه هذي قوانينكم شنو المشكله يعني؟
ريلج مو معقد ريلج خايف يسحبونح الهيئه

 

[Senora]

لا معقد ولا شي .... تفكير تفكير اي رجل شرقي "خليجي" ... الوضع عادي

 

[عذبة الاحاسيس]

مااشوف ان معقد بالعكس عاااااااقل وغيور عليج ومحترم لان حفظ زووووجته من كلام الناس والقانون ممنوع عندكم ليش تدورين المشاكل بنات هالوقت واقفين على الحفه ماينقالها ادني وراج وبعدين ترى كثر الزعل يكره الرجال فيج




العقل زينه

 

[بيلسسان]

تعالي بالكويت وسوقي شهر بسسس
اعطيج ليسني
وحسي بالمعاناة اللي عندها
وااااااااااااااااااااااااااااااااااااااااااااااااااء
اببجي
طبيب جمعيه حلاق سوق مطعم غااز تمويل
اقول خلج على زوجج يوديج ويجيبج وريحي عمرج


وبعدين ليش تحرجين زوجج على حساب وناستج
ممنوع تسوقين
واذا احد شافكم بيقول شي عن زوجج


روحي لبر وقحصي على كيف كيف كيفج

 

[تبوك الورد]

يابنات هذي وحده من المشاكل مو كل المشكله انا حاولت افهمكم انه معقد من كل شي كل شي اسويه وانا طلبت السواقه في البر وبعدين انا حتى لبسي وكلامي كل شي اسويه يقولي بتفضحيني وعيب علييييك انا لي شهرين في البيت يقول يخاف ربعه واصحابه يشوفونه معاي اذا طلعنا مع بعض؟؟؟؟؟؟؟؟؟؟والله تعبت منه افهمووووني السواقه شي تافه انا احاول اكمل السالفه بس الي تقول اني متخلفه والي تقول اني ناقصه عقل المهم مشكورين حبايبي وكلامكم تاج على راسي

 

[خالتي قموش]

الله يهداج يعني احنا شدرانا
انتي قلتي مثال
واحنا حكمنا
ما ندري شنو يصير بينكم

تحملي حبيبتي
ريلج غيور عليج حيل
لانه يحبج
قولي الحمدلله انه محترم و يخاف الله
مو خاين

 

[تبوك الورد]

مشكوره حبيبتي::::::: لاياعمري والله انه يخوني بس كل مااصارحه يقول انا رجال واسوي الي ابغاه

 

[خالتي قموش]

مدري شقول الصراحه
الله يهديه لج ويسخره
مالج غير الدعاء
هذا وباء في الرياييل
بدمهم يسري

 

[Senora]

صراحة ما فهمت وضعج عدل ... الله يعينج عليه ويصبرج ... بس هم فكري انه عيوبه هذي اهون من وااااايد عيوب ... مالج الا انج تدارينه واجرج على الله

 

[Mjnont '3lay]

حبوبه ماني عارفه وين العقد !!
انتو دياركم غير عن ديار غيركم وين المشكله من عمر وانتو ماتسوقون ولا انتي تبين تدورين الزله والنكد مو عارفه شلون !!
احمدي ربج بس الحين الحريم طاقه جبدهم على اشياء اقوى من جذي وانتي على هالسبب سويتيه معقد عجيب والله

 

[Mjnont '3lay]

مشكوره حبيبتي::::::: لاياعمري والله انه يخوني بس كل مااصارحه يقول انا رجال واسوي الي ابغاه

عمرها ما كانت الرجوله بالخيانه واسمحي لي من غير زعل الرجال اللي محصن ويخون باعذار تافهه ماهو رجال عقابه الرجم حتى الموت وعقابه اشد من عقاب المره الخاينه لانه الرجال يختلف عن المره بالعقل والمشاعر وكل شي مو مثل المره والرجل اقوى من المره من ناحية المشاعر والعواطف يعني ماهو عذر اللي قاله عشان يخون وانتي غلطانه لانج ساكته عنه والرجال الخاين مايستحق الوفا والطيبون للطيبات والخبيثون للخبيثات ورجلج مايستاهل طيبتج اسمحي لي وانا انصحج تاخذين موقف صاارم من ناحية هالموضوع احسن لا يتطور لشي اكبر ساعتها لي فات الفوت ماينفع الصوت

يابنات هذي وحده من المشاكل مو كل المشكله انا حاولت افهمكم انه معقد من كل شي كل شي اسويه وانا طلبت السواقه في البر وبعدين انا حتى لبسي وكلامي كل شي اسويه يقولي بتفضحيني وعيب علييييك انا لي شهرين في البيت يقول يخاف ربعه واصحابه يشوفونه معاي اذا طلعنا مع بعض؟؟؟؟؟؟؟؟؟؟والله تعبت منه افهمووووني السواقه شي تافه انا احاول اكمل السالفه بس الي تقول اني متخلفه والي تقول اني ناقصه عقل المهم مشكورين حبايبي وكلامكم تاج على راسي

حبيبتي حتى لو طلبتي السواقه في البر انتي ماسمعتي بسالفة الرجال اللي خلى مرته تسوق بالبر عندكم بالسعوديه بالثمامه وتجمعو عليهم سيارات واجد شباب واقعدو يصورون فيهم ونشروهم باليوتيوب وكاتبين واحد بالثمامه مع خويته وعلى فكره الرجال مع زوجته ماتو لانه في سياره من السيارات اللي تلاحقهم و حدوهم لين انقلبت السياره وماتو اذا ماسمعتي بهالسالفه دشي عاليوتيوب وبحثي عنها لي يومج هذا موجوده قصتهم وانتي ترضين يصورونكم الشباب ويكتبون عنج خويته !! يعني مجتمعكم جذي واي واحد رح يشوفكم بيحط بباله انه خويته مستحيل يقول هذي زوجته ياليت تقدرين موقف زوجج وتفكرين بعقلانيه قبل لا تزعلين وعلى فكره انا كويتيه وبالكويت عااااادي الحريم يسووقون والله العظيم رجلي يقول تموووتين ما اخليج تسوقين ونظامه حيل حيل يوسوس كله على باله الشباب يتحرشون ومرح يخلوني بحالي والله مرات احتاج شغلات ضروريه ما اجيبها الا لمن زوجي يفضى او اجيبها مع ابوي ومستحيل اسووق لو شنو مع انه زوجي دوامه شفتات وكله اقوله بسوق عشان اتقضى مشاويري يقولي لو اشوفج تموتين جدام عيني ماتسوقين ودايما اذا ابي شي يا رجلي برجل زوجي او رجلي برجل ابوي واكثر مشاويري اتقضاهى مع ابوي بحكم انشغال زوجي بالدوام يعني شوفي رغم انه عندنا حريه وانفتاح شوي غير عنكم بس هم عندنا رياجيل نفس تفكير رياجيلكم يعني عادي لا تزعلين ولا تحطين بخاطرج طوفي وطنشي عشان تقدرين تعيشين وبالنسبه للطلعات ترى حتى احنا مانطلع واجد واكثر مشاويرنا حق اغراض بيت وهالسوالف يعني عادي عندنا وعندج خير لا تزعلين وكبري عقلج وبالنسبه للبسج لا تلبسين الا اللي يعجب زوجج وخلاص اقصري الشر يعني لا تختلفين معاه عشان لبس وحتى كلامج لا تسولفين بكل شي خلج ثقيله عند الناس واهله وعند اهلج فلي امها واخذي راحتج سولفي بلي تبين
واذا زوجج مايطلعج واجد خلاص خليه كل اسبوع يقطج تنامين عند اهلج خميس وجمعه وياخذج السبت وفليها عند اهلج واتمنى انج تكبرين عقلج وماتزعلين على ادناة الدون وبالتوفيق حبوبه

 

[عاشت بلادي]

ليش تفكرين انه معقد قولي يغار عليج اضبط ؛)

 

[شامخهـ]

انتي فاضيه اقول روحي نامي بس

 

[جوك احلى جو]

ما اعتقد معقد انتو ببلدكم المرا عندكم ماتسوق يعني الشي ماشي عليكم كلكم مو بس عليج

 

[ام متلق]

موضوعج حده غريب ليش البنات عندكم عادي يسوقون وانتي بروحج الي زوجج مانعج ؟؟؟؟ ياحبيبتي هذي قوانين ديرتكم وزوجج ماجاب شي من عنده كثر الله خيره الي وداج البر وخلاج تسوقين عن خاطرج

 

[تبوك الورد]

مشكوووورين على الردود الحلوه >والي تقول روحي نامي< مشكوره حبيبتي ماتقصرين ردك تاج على راسي والله

 

[عشقي بناتي]

الله يصلحلك زوجك ويسخركم لبعض وسلميلي ع تبوك الورد ديرتي سابقا وعشقي الابدي واذا ودك تسوقين روحي الاردن خميس وجمعة سوقي ليييييييييين تشبعين هههههههههه امزح معاك ياعمري

 

[تبوك الورد]

عشقي بناتي...... مشكووووره ياعمري وتبوك تسلم عليك ومشتاقتلك كمان

 

[zishto]

روحي البحرين سوقي، عادي هناك مو فضيحه.