انا وزوجي ومرت حماي

[نائلة محمد]

وبالنسبة للأكل هي تشيله له وتتصل له تعال يفلان سويت الأكله اللي تحبها وهو مايصدق خبر طيران لعندها وياكل أكلها ويضل طباخي مايلمسه

 

[ام عبدالله 76]

انا لومنج اكلم اهل زوجي واقولهم عن كل شي لا تسكتين حرام لان زوجها اللي اهو حماج شكله نايم ولازم تفتحين عينه علشان يراقبها ومنو اللي قريبه علي قلبج من اهل زوجج شرحيلها الوضع علشان يفتحون عيونهم

 

[معصبه وايد]

انا كنت بقول لج ان بعض الظن اثم ومايصير تظلمين لان موقفهم صعب زوجج ومرت حماج !!
بس بعد ماقلتيله ((عادي اطلع مع اخوك واهوا نفس اخوي ))وقالج ((تخسين انتي غير واهيا غير)) عيل كل من يرى الناس بعين طبعه واجهيه ولاتسكتين عن حقج
شنو كان قصده يقول تخسين وانتي غير هذا الرد بروحه يزيد الشك ؟؟!!لو انا منج هم بسوي جذي ماني مستعده اشوف ريلي يلعب وانا اتطمش ؟؟وقفيهم عند حدهم وحتى لو اهله بيوقفون معاها مشكلتهم ينيازون اهم شي انتي لانج صاحبة المشكله

 

[عـيّــآره]

نــــعم

تلفونات ومسجات ومشاوير ويختار اسم الياهل وكل ما اشتهت شي طلبته منه وتطبخ له ؟؟

لاحبيبتي هاي خبيثه توقفينها عند حدها بس مو بينج وبين زوجج لاهاي لازم تنفضح

كاش بس بنفس اسلوبها اسلوب الخبث والمكر

كل اللي سووته قولي لها بويهه مثل ماقالت وحده من العضوات عاد ضحكي شوي

وانتي تواجهينها قدام خواته واهله احرجيها بكل موقف عرفتيه

صدقيني لو زوجها درا باللي تسويه دنية النفس هي واخوه بيوقفهم عند حدهم وبعدين

اشفيه زوجج جذي ماصدق على الله تعطيه ويه مو بس هي غلطانه

ريلج بعد غلطان اذا هو نظيف من داخل ويعاملها كاخت هي لا ناوي على كبير

وشي حرمه الله ماله داعي يعطيه اعذار وحجج مو منطقيه

غلط انها تطلع معاه وغلط انها تكلمه مو بكيفه يقول انه هي من زمان معانه وعادي


اكلمها مثل اختي لا يبا غلط وحرام ودينا حط حدوود وخط احمر بهالموضوع فلا تتفلسف

ويععع على هالنوعيه من الحريم مايحلى لها الشي الا اللي بيد غيرها



ودام قالج تخسين تطلعين مع اخوي يعني يسوي شي غلط مع هالمريضه ومايرضىى

انه زوجته تسوويه

لاتكونين مغفله واجهي وحطي صبعج بعينهم انتي موغبيه ولاساذجه بس كل شي بالعقل

لاتخربين بيتج عشان هالانسانه بس بعد لاترخصين بعمرج​

 

[نائلة محمد]

ويش رايكم اكلم زوجها واتساب واقول له الموضوع كامل ؟؟

 

[Patcholli]

وريلها وينه ؟
شكو ريلج يفضي نفسه لها ويوصلها تسوي مشاويرها ماعنده ريل ؟

 

[أسرار الجمال]

حبيبتي تكلمي جدام الكل وان ما عجبهم روحي بيت اهلج قوليلهم ما يناسبني اقعد في بيت فايت فبعضه هذا حرام وانا ما ارضى لا تكلمين اخو واتس اب أخاف يقلبونها عليج ويطلعونج انت المو زينه لا تخافي انت معاج الحق واااااااااجهيهم

 

[شادن33]

يابنت الناس لاتكبرين السالفة
اخاف ما تسوى تخربين بيوت الله يهداج
عليج من ريلج اهو وذمته فالج لاتحطين ابذمتج خلاص اهو وربه
يمكن المره على نياتها وانتي من كثر مومحتره على ريلج ان مايسويلج اللي تبين إبليس وسوسلج بهالشي وقمتى تربطين بهالمواقف !!!
اركدي الركاده زينه راقبي الوضع من بعيد ولاتسرعين
وأنشأ لله كله هذي وساوس الشيطان
وصح كلميها بهدوء ومحبه اختي اذا تبين شي من ريلي شغله أمانه تقولين لي لان فلان ينحرج لما يكلمج من اخووووه وبس
عشان اتحس انها غلط تكلم الريال

 

[شــــــــــــــوقــــه]

لا تكلمين اخوه لا

المشكلة عايلتهم محد ملاحظ و بس انتي و يمكن عندهم عادي

وييع انا احتريت :/ لو منج ببط الجربة ولا احد جذي يستغفلني و يعامل غيري احسن مني

 

[اخت الدكتور]

هي مرت ااااخووه ماتستحي هذا اولااا وثانياا ريلج المفروض توقفينه عند حده ماتدرين تالي يمكن يطلع معاهااا

 

[خوخة سمسم]

سبحان الله...
زوجة حماي كانت لازقه بريلي نفس الشي وهو مايرضا غليها ..
وعندها ولد اهو يموت عليه..
خسبقوا حياتي وتعبوني...
وواجهتها وذلفتها من دنياي..
وبالضبط مثل زوجة حماج ريلها ابد مايهتم فيها ولا يعبرها ...
والحين مرتاحة الحمدلله.بعد ماواجهتها وحسستها بذنبها ..

 

[Red Al Rainbow]

آلله يعيينج بصٍرآآآحة . . .

حآولي مآ تخلينهم بروحهم . . .

تمي ع حبدهآآ و جبده !!

 

[شيخة آلغيد]

لا لا لا كللللللللش لا تكلمين زوجهاا
انتي لحد الحين مب متاكده

وانا مع اختي شادن / اركدي الركاده زينه

وقولي لنا كل شي تلاحظينة بينهم بدون ماتسوين شي تندمين عليه بعدين
خليناا كلنا نتعاون ونعطيج الحل

احنا ماسجلناا في المنتدى الا عشان نساعد بعض

وبتم مواصله معااج لين النهاية

تحيااااااتي لج فديتج

 

[Tom ♥ Jerry]

,


آمبيييييييه اهيه وياه اغبيه !
يعني و النهايه ليه وين بيوصلون ؟؟؟

اهيه رآح تتطلق من زوجها و آنتي زوجج يطلقج و يتزوجون بعض ؟
و الللللله العظيم لو هاذا ريلي دقيقه وحده مآ آقعد وياه
و اروح حق حماي و اقوله عن سوالف مرته بعد


وين قاعدين احنا لا يطيح علينا السقف
عمى صج نآس مآ تستحي
قطيعه

 

[بحر الأشواق]

انتبهي "الحمو الموت "

 

[شيخة آلغيد]

شفيكم بنات اهي مب متاكده , تبونها تهدم بيتها بلحظة تهور

هذي حياتها مب لعبة يمكن تستعجل وبالنهاية تطلع اووهام لان الغيره اعمتها

انا من رايي صبرررررري لين تتاكدين وعقبها يصير خيير

 

[نائلة محمد]

مشكورين كلكم ماقصرتون والله صج حسيتكم خوات

الحين كيف أتأكد من الموضوع ؟؟

كل ماافكر في الموضوع تجيني حره ..لاني متأكده ولاني مرتاحه

وتفاهمت مع ريلي وقلت له ليش قلت لي اخسي اركب مع اخوك وهي غير وانا غير قال هي عايشه في البيت وتمون على الكل ونعتبرها اختنا وانتي يوم من ألف لارحتي بيت اهلي كيف تقارنين نفسش فيها قلت له بس هي مو اختك ..قال الكلام معاج ضايع سكري على الموضوع

 

[كويتيه شماليه]

اي نعم كلمي اخوه قوليله انا وحده اغار على زوجي ومن حقي اغار
الدين والعادات والعرف علمونا الصح من الغلط

ويا اخوي انا شايفه زوجتك ماينه على زوجي ميانه كأنها اخته << جذي قوليله علشان ما تسوين مشاكل
وانا زوجه اغار واذبحتني الغيره وقوليله اتمنى ان تكون بينهم رسميه شوي
وانت من حقك تمنع زوجتك عن اخوك لان مهما كان تبقى مرت اخو ومستحيل تكون مكانة الاخت

وكملي اذا تقدر وضعي كزوجه طالبتك ان زوجتك تبعد عن زوجي ولا تعامله كأخ
****

اذا ما يعرفون السنع علميهم السنع بأصوله لا دين ولامذهب ولامله ولا قبيله ترضى بهالمهزله
بصراحه انا انقهرت والله حطيت نفسي بمكانج مالقيت حل الا مواجهة زوجها سواء بالمسجات او شفهي

بردي قلبج ولاتحرين نفسج حتى لو صراحتج سببت مشاكل بينهم بالطقاق اذا مو متربيه خليه يربيها زوجها شكله مايدري عن شي اعوذ بالله آخر الزمن صارت مرت الاخو مثل الاخت مستحييييييل لدرجة انه يوفر لها اللي تشتهيه

 

[شيخة آلغيد]

كويتيه كلامج مب منطقي اسمحيلي ,, يعني تكلم زوج حماتها
تقولة عن مررته هالكلام مستحيل يسكت وبعدين خير ان شاء الله
تقوول خلهم يتعاملون برسميه ولا تعامله كـ آخ !!
مب زينة بحقهاا بتفتح لعمرها الف باب ..

انتي ماتعرفين شنوو ظروفهم بالبيت ودام الكل يحترمها بحكم عشرت السنين بينهم

اختي نايلة .. بقولج شي
انا معاي 2 حموات ببيت واحد وعااادي جدا اسولف مع ازواجهم مسجات او تلفون
مافيها شي وبحكم قعدتي قبل حماتي الاصغر بسنه مرات زوجها يقولي شي خاص
فيه وياخذ رايي لانه يحس اني افهمه ,, ليش مافكرت زوجته تفكيرج ’ !!

يعني أأكد لج فكرتج عن زوجة حماج غلط

انا احترمه وحتى دوامي اذا ماحصلت حد يوديني اروح مع أي احد من اخوان زوجي

مافيها شي اختي فكري عدل واوزني الامور ولا تخربين بيتج بنفسج


اتمنى اكون اقنعتج

 

[كويتيه شماليه]

والله انقهرت والبنات اللي يقولون صبري لاتسوين شي ليمن تتأكدين ؟؟
باعرف تتأكدين من شنو؟؟ من شنو بالضبط؟؟
واجهي اخوه اللي هو زوجها وعلميه انهم مثل الاخوان وقوليله انا مابيهم مثل الاخوان والا ينهدم بيت اخوك

واللي يصير يصير لا تحطين في باله ان بينهم حرام اعوذ بالله الا الشرف