- إنضم
- 21 نوفمبر 2012
- المشاركات
- 1,903
- مستوى التفاعل
- 0
- النقاط
- 0
اول شي كتبت موضوع شطوله وانمسح فلازم اعيد فبحاول اختصر كثر ما اقدر ..
بالبدايه انا عضوه قديمه بس سجلت بهالنك عشان مابي احد يعرفني
..
المشكله تخصني وتخص زوجي .. انا وزوجي قبل لا نتزوج كنا على علاقة حب بيصيرلنا 5 سنين .. طبعا زوجي من النوع اللي شخصيته ضعيفه جدام اهله وجدام الناس يعني مايعرف يوقف احد عند حده قريب او بعيد .. قراراته غالبا ما تكون مو بدراسه حتى التافهه منها .. اهو الولد المطيع والهادي والحبوب عند اهله .. فلما اخطبوني وبعدها تفركش الموضوع اهو اصر علي و اهله طلعوني ساحرته .. لي درجة امه تقوله انت ولا مره قلتلي لا شمعنا عليها اهي اكيد ساحرتك !! اسباب رفضهم غير معروفه كل مره سبب .. و كل مره نفترق ونرد حق بعض ..
اخر مره خيروه قالوله يا احنا يا اهي واختارهم وافترقنا مدة 7 اشهر و بعدها ردلي وبعد ماردلي قرر ان نتزوج من غير لا اهله يدرون ليما اهو يقرر يقولهم .. ولاني احبه وابي الستر تزوجنا الحمدالله واستقرينا .. مشكلته اهوا ان اهو يدري ان شخصيته ضعيفه ووده يتغير ودايما لما يكون سرحان اساله بشنو تفكر يقول بشخصيتي مو عاجبتني .. انا ودي اساعده بس مادري شلون ! الشخصيه تتكون من التربيه ومن التجارب .. بس اهو اهله ما عودوه على ان تكون عنده شخصيه لي درجة ملابس العيد امه تييبله اياهم و اهو عمره 19 و 20 سنه !! يعني حتى مسؤولية ماكان يتحمل .. و الشي الثاني الشخصيه تتكون من التجارب و اهو ما عاش ذيك التجارب اللي تكون عنده شخصيه قويه يعني حياته رتيبه ماكان فيها مشاكل ولا مغامرات .. بيئتهم هاديه جداً .. بيتهم تقريبا مافي مشاكل او مشاكل عاديه بس المهم مو منه ولا له شغل فيها الله يهنيهم ..
الحين بنكمل السنه بعد جم شهر من تزوجنا وقبل شهر بالضبط قمت احس اني ابي اصير ام وابي ياهل .. بخاطري ياهل .. حاولت معاه بكل الطرق مو راضي وحريص جدا على هالموضوع .. يقول ما اقدر اتحمل مسؤولية .. هالكلام قبل ممكن اصدقه بس الحين كلش لأ .. لان الحمدالله تساعدنا وتعلم شلون يكون مسؤول ويتحمل مسؤولية .. لي درجة اني الحين ما اشتغل و اهو شايل مسؤولية كل شي و مو مقصر علي بشي .. ولما اقوله اذا السبب ان اهلك ما يدرون صارحني .. يمسك القرآن ويحلف ان مو هذا السبب .. و ان اهو ماله خلق !!
حياتنا الحين عذاب .. كل يوم مشاكل ونجره بسبة موضوع الحمل .. انا مو بايدي .. بس احس اني ابي ياهل او اشوف ياهل ابجي .. ويحز بخاطري انه حارمني .. اهلي عبالهم فينا شي .. يقولولي راجعي طبيب شي .. و اهو ماتفرق معاه يشوفني اتعذب حتى وانا نايمه احلم باليهال واتفزز وابجي .. يعني هالموضوع جدا مأثر علي نفسيا وجسديا ومأثر بعلاقتنا ..
قبل جم يوم قالي الطلاق اهون عنده من اني احمل الحين !! ما استوعبت قتله انا حبيبتك و زوجتك عادي عندك تنسى كل شي ولا انك تييب مني ياهل !! يقول لأ :/
ولما قتله اوكي نتطلق .. ما رضا ..
قررنا نروح استشاري علاقات زوجية بس قبل لا نروح قلت اقولكم المشكله ويمكن القى عندكم الحل .. لأني ادري اذا اهله دروا و اهو شخصيته للحين ضعيفه جدامهم راح يطلقني وانا الصراحه مابي اتطلق لأني احبه ولأنه زوجي ولان راح يكون طلاقنا من غير سبب صاير بينا !! والشي الثاني لأني ابي ياهل وبخاطري ياهل واذا تطلقت وانا عندي ياهل يمكن تهون مشكلة الطلاق ..
والله يعطيها العافيه مقدما اللي بترد علي بحل عقلاني يمكن انا غافله عنه .. واللي تقدر ترشح استشاري علاقات زوجية هم اكون شاكرتلها بس مابي مركز الانماء ..
بالبدايه انا عضوه قديمه بس سجلت بهالنك عشان مابي احد يعرفني
..المشكله تخصني وتخص زوجي .. انا وزوجي قبل لا نتزوج كنا على علاقة حب بيصيرلنا 5 سنين .. طبعا زوجي من النوع اللي شخصيته ضعيفه جدام اهله وجدام الناس يعني مايعرف يوقف احد عند حده قريب او بعيد .. قراراته غالبا ما تكون مو بدراسه حتى التافهه منها .. اهو الولد المطيع والهادي والحبوب عند اهله .. فلما اخطبوني وبعدها تفركش الموضوع اهو اصر علي و اهله طلعوني ساحرته .. لي درجة امه تقوله انت ولا مره قلتلي لا شمعنا عليها اهي اكيد ساحرتك !! اسباب رفضهم غير معروفه كل مره سبب .. و كل مره نفترق ونرد حق بعض ..
اخر مره خيروه قالوله يا احنا يا اهي واختارهم وافترقنا مدة 7 اشهر و بعدها ردلي وبعد ماردلي قرر ان نتزوج من غير لا اهله يدرون ليما اهو يقرر يقولهم .. ولاني احبه وابي الستر تزوجنا الحمدالله واستقرينا .. مشكلته اهوا ان اهو يدري ان شخصيته ضعيفه ووده يتغير ودايما لما يكون سرحان اساله بشنو تفكر يقول بشخصيتي مو عاجبتني .. انا ودي اساعده بس مادري شلون ! الشخصيه تتكون من التربيه ومن التجارب .. بس اهو اهله ما عودوه على ان تكون عنده شخصيه لي درجة ملابس العيد امه تييبله اياهم و اهو عمره 19 و 20 سنه !! يعني حتى مسؤولية ماكان يتحمل .. و الشي الثاني الشخصيه تتكون من التجارب و اهو ما عاش ذيك التجارب اللي تكون عنده شخصيه قويه يعني حياته رتيبه ماكان فيها مشاكل ولا مغامرات .. بيئتهم هاديه جداً .. بيتهم تقريبا مافي مشاكل او مشاكل عاديه بس المهم مو منه ولا له شغل فيها الله يهنيهم ..
الحين بنكمل السنه بعد جم شهر من تزوجنا وقبل شهر بالضبط قمت احس اني ابي اصير ام وابي ياهل .. بخاطري ياهل .. حاولت معاه بكل الطرق مو راضي وحريص جدا على هالموضوع .. يقول ما اقدر اتحمل مسؤولية .. هالكلام قبل ممكن اصدقه بس الحين كلش لأ .. لان الحمدالله تساعدنا وتعلم شلون يكون مسؤول ويتحمل مسؤولية .. لي درجة اني الحين ما اشتغل و اهو شايل مسؤولية كل شي و مو مقصر علي بشي .. ولما اقوله اذا السبب ان اهلك ما يدرون صارحني .. يمسك القرآن ويحلف ان مو هذا السبب .. و ان اهو ماله خلق !!
حياتنا الحين عذاب .. كل يوم مشاكل ونجره بسبة موضوع الحمل .. انا مو بايدي .. بس احس اني ابي ياهل او اشوف ياهل ابجي .. ويحز بخاطري انه حارمني .. اهلي عبالهم فينا شي .. يقولولي راجعي طبيب شي .. و اهو ماتفرق معاه يشوفني اتعذب حتى وانا نايمه احلم باليهال واتفزز وابجي .. يعني هالموضوع جدا مأثر علي نفسيا وجسديا ومأثر بعلاقتنا ..
قبل جم يوم قالي الطلاق اهون عنده من اني احمل الحين !! ما استوعبت قتله انا حبيبتك و زوجتك عادي عندك تنسى كل شي ولا انك تييب مني ياهل !! يقول لأ :/
ولما قتله اوكي نتطلق .. ما رضا ..
قررنا نروح استشاري علاقات زوجية بس قبل لا نروح قلت اقولكم المشكله ويمكن القى عندكم الحل .. لأني ادري اذا اهله دروا و اهو شخصيته للحين ضعيفه جدامهم راح يطلقني وانا الصراحه مابي اتطلق لأني احبه ولأنه زوجي ولان راح يكون طلاقنا من غير سبب صاير بينا !! والشي الثاني لأني ابي ياهل وبخاطري ياهل واذا تطلقت وانا عندي ياهل يمكن تهون مشكلة الطلاق ..
والله يعطيها العافيه مقدما اللي بترد علي بحل عقلاني يمكن انا غافله عنه .. واللي تقدر ترشح استشاري علاقات زوجية هم اكون شاكرتلها بس مابي مركز الانماء ..
التعديل الأخير بواسطة المشرف:
