انا و شخصية زوجي واهله ،،

[*peace*]

حبيبتي حل مشكلتج الاستغفار والدعاء ان شاء الله بتنحل امورج

 

[اميره1980]

ليش عايشة بعذاب جذي ؟
ريلج اناني و ما يستاهل الحب
هو عايش حياته و انتي اللي معلقة لا انتي متزوجة و لا مو متزوجة
الزواج يعني الاستقرار و انجاب الذرية اللي بيشيلونج لي كبرتي و زوجج الله يسامحه مو معطيج حقوقج كاملة لا تفكرين ان حقج يكون بس بالمصرف في حقوق ثانية و طبعا دام زواجكم بالسر ما يقول حق اهله وين يبات كل يوم و حتى طلعاتكم بالخشيشي
للاسف اني اقولج زواجكم زوجج معتبره مؤقت مو دائم و ما احسه متمسك فيج و يفكر اذا بيطلقج يبي يطلق و هو خفيف و من غير ما يكون عنده منج عيال
انتي من الحين حطي النقط على الحروف يا ان يشهر زواجكم او كل واحد يروح بحاله احسن لان السبب ان ما يبي منج عيال هو خوفه من اهله
انا مستغربة بصراحه اهلج شلون رضو يزوجونج بهالطريقة ؟؟

 

[!! شوق !!]

انا رايي دام وضعكم جذي لاتحملين

لانه شور بيطلقج ومارين لو يوزونه ع البيبي بعدين

ساعتها بتكونين جنيتي ع نفسج وحرمتي ولدج من حياه طبيعيه

 

[أدعج غنج]

ألحين أنا مو فاهمه ...أهله دروا أو لا؟؟!!!

إذا ما دروا خليهم يدرون بأي طريقه حتى لو تدزين عليهم حد يقولهم ان سمعنا ان فلان متزوج فلانه
وعقبها تبان كل الخوافي ...وتقدرين تقررين تحملين أو لا ...
لأن الصراحه معاه حق زوجج هذا مو وقت حمال ابد!!! حرام تحرمين الياهل من الاستقرار و الحياه الاسريه السويه...

إذا كانوا أهله قط عرفوا وخلاص ...يبيلج تقعدين تتناقشين مع زوجج بس بدون هواش ولا الحاح خلج ودود وهاديه وخذي ما في خاطره

عليج بالدعاء...ربي ييسرأمرج

 

[(*ام عهــــد *)]

اب
اب

 

[معصبه وايد]

الله يسخره لج امين يارب
والله يهنيكم ويبعد عنكم كل شر
وحبيبتي لاتقولين شي حق اهلج ولاتفكرين بالطلاق ولاتفتحين حتى موضوع الطلاق معاه
صدقيني دام اهوا حلف ان اهله مالهم شغل
لازم تدورين على اسباب ثانيه يمكن اهوا حاب هالشي بس يبي يفرح معاج ومع اهله ويشاركونه بفرحته ان زوجته حامل
اهوا مايبي يستعيل يمكن يفكر يقولهم عن زواجكم الريال يبي يستعد نفسيا شدراج اذا بينه وبين نفسه واهوا سرحان على قولتج مايفكر باليهال
لاتخسرين الريال الي خذيتي عن حب وكان اختيارج الريال الي طق الباب وخذاج
مو جذي تحلين مشكلتج صبري وان شاءالله ربي يكتب لج الي تبينه امين

 

[دانة_ دبي]

واضح إن الروابط بينكم هشة

واهو حاط بباله أهله إن دروا عنه ...
يطلق ...
شخصيته تدل على جذي
يبي يطلع من هالزواج بدون خساير
بدون ما يرتبط معاج بعيال
ما عندي أدنى شك انه يحبج ...
بس مع ذلك اهو يشوف علاقته بأهله ورضاهم عنه أهم منج
الله يعينج ...
واجهيه بهالحقائق وشوفي ردة بصراحة
دون لف ودوران ...
واتخذي قرارج على هالأساس​

انا معاها

 

[قــمر]

اما استغرب منكم يالبنات شلون تحبون بدون سبب يعني عشان احب واحد لازم تكون فيه اسباب واجد يعاملني زين ويحترمني ومجنون فيني ويدلعني لكن احب واحد يتعبني ومايحترمني ولا يبيع الدنيا عشاني شلووون مب قادره افهم تفكيركم بالنسبه لحالتج انتي اللي دخلتي نفسج في متاهات خلاص اطلبي الطلاق واذا رفض قوليله يا تطلقني ياتعلم هلك عن زواجنا وسبب انه مايبيج تجيبين جهال تقدرين تخلعينه في المحكمه بالهسبب

 

[al-musk]

لأازم تروحون لاستشاري .. عشانه طبعا مو عشانج- ونصيحه دكتورية فوزيةا لدريع مابتقصر وبتفيدكم حيل