انا يا ابتطلق يا بيتزوج علي.. ادعوووولي

[MoonDiamond]

يابعد عمري والله اني احبج فى الله ومتابعه مواضيعج بس توني اشوف هالموضوع انصدمت

الله يسخره لج ويرده لج ردا جميلا يارب ولا تنسين الدعاء فى هذه الايام الفضيلة

واحنا بعد ماراح ننساج بالدعاء وطمنيني عنج

يزاج الله الف خير

امين
امين
امين
امين
يا رب العالمين


انصدمتي مثل الكل

انا مو مبين لاحد كلش كلش
بس بس خلاص ما اقدر اتحمل اكثر من جذي كدر

 

[MoonDiamond]

رد: رد : رد: انا يا ابتطلق يا بيتزوج علي.. ادعوووولي

الله يكون بعونج

الظاهر قلتي شي جايد وحزت بخاطره علشان جي طلع ولا رد

ويارب يكون كلامج هز مخه ويخليه يحس بمعاناتج واللي بينكم 3 سنين يعني تو الناس وعلى كلامج عنه انه يحبكم ولا يقدر يتخلى عنكم بس مايدري انتي شتبين بالضبط يمكن طبعه حمش شوي ومايفهم بهالسوالف

اعرف وحده زوجها من يطلع من بيتها الى ان يرد مايكلمها لا تلفون او حتى مسج نهائيا ويلبي طلبات البيت بس

والحياة ماشيه معاهم والله يهنيهم

اصبري واحتسبي وربي يهنيج انتي وياه ويسخره لج يارب

بس سؤال ليش قلتي يا بتتطلقين الله لا يقوله او بيتزوج عليج لا سمح الله ؟؟؟؟

يزاج الله خير

انا ثلاث سنين اقول شي جايد بس للاسف ماكو احساس سبحان الله
انا سويت شي جايد هالمره وما اثر فيه وقتله ترى ابسوي شغله اجيد جان يقول سويها ولما سويتها
تفشل وشال قشه وطلع!!!!!!!!!!!!!!
ماقدر ادش بالتفاصيل بس والله لو تعرفينها تستغربين من ردة فعله

وتسالين ليش ابتطلق لاني طالبه الطلاق وطلبته هم ابيه يحس يقول ما ني مطلق فا يمكن يحنون عليه ويطلق
ويمكن بيتزوج على لان امه تزن على هالشغله مو عني عن الكل تقول الريال يتزوج والعيد والحريم يبون الريال لو شايب لو فقير لو عايب لو متزوج وعيال 10 ومرسخه هالفكره بمخ عيالها لان عمي متزوج عليها عقب سنه ومابي احط بذمتي الود ودها كل الرياييل يتزوجون على حريمهم لا حول ولا قوة الا بالله

 

[كويتية ورديه]

رد: رد : رد: انا يا ابتطلق يا بيتزوج علي.. ادعوووولي

حبيبتي استهدي بالله وماتاخذين الا اللي مكتوب لج .. وعسى الله يهديكم ويسخره لج ...وبعدين نفترض امه تزن على راسه مو بالضروره العيال يصيرون نفس شخصية الابو ويتبعونه بكل شي وماراح يصير غير المكتوب وان شاءالله المكتوب خير

 

[um khaled]

الله يوفقكم
ويهديكم لبعض
عليج بالدعاء

 

[@نداوي@]

رد : رد: انا يا ابتطلق يا بيتزوج علي.. ادعوووولي

أرقي نفسج يالغاليه ..
وقري سورة البقره كل يوم لمدة اربعين يوم ..
والله يسخره لج يارب ..

 

[MoonDiamond]

رد: رد : رد: انا يا ابتطلق يا بيتزوج علي.. ادعوووولي

.


يزاكم الله خير
وماقصرتوا والله





.

 

[نــعــوومــه]

الله يهديه ياارب ويسخره لج .. ​

​

 

[روحي زوجي]

رد : رد: انا يا ابتطلق يا بيتزوج علي.. ادعوووولي

مابي احط بذمتي الشي اللي سويتيه بس شكله زعل وبقوة علشان جذي طلع

وردة فعله بموضوعج جت عكسيه غير مبلاه ؟

زين هاليومين مادق ولا دقيتي مافي تواصل بيناتكم نهائيا ؟ انتي ببيتج ولا عند اهلج ؟

وشوفي غلط اللي حنيتي عليه بطلبج للطلاق مهما كان الوحده اذا تحب زوجها مستحيل تطلب الطلاق يمكن بنفسه يقول صج ظالمها معاي خلاص لحد هني ويفكر بالطلاق مثل وحده من غلات زوجها عنده تغلت وطلبت الطلاق وطلقها ماصار له شهر مطلق الا رايح يخطب

انتي حاولي تتصلين عليه على اخوانه امه ابوه خليج قويه على جذي ماراح تحلين مشكلتج لاتصيرين وليدة اللحظه

 

[MoonDiamond]

رد: رد : رد: انا يا ابتطلق يا بيتزوج علي.. ادعوووولي

مابي احط بذمتي الشي اللي سويتيه بس شكله زعل وبقوة علشان جذي طلع

وردة فعله بموضوعج جت عكسيه غير مبلاه ؟

زين هاليومين مادق ولا دقيتي مافي تواصل بيناتكم نهائيا ؟ انتي ببيتج ولا عند اهلج ؟

وشوفي غلط اللي حنيتي عليه بطلبج للطلاق مهما كان الوحده اذا تحب زوجها مستحيل تطلب الطلاق يمكن بنفسه يقول صج ظالمها معاي خلاص لحد هني ويفكر بالطلاق مثل وحده من غلات زوجها عنده تغلت وطلبت الطلاق وطلقها ماصار له شهر مطلق الا رايح يخطب

انتي حاولي تتصلين عليه على اخوانه امه ابوه خليج قويه على جذي ماراح تحلين مشكلتج لاتصيرين وليدة اللحظه

لا لاتحطين بذمتج ماوصلت لهالدرجه مو عشانه عشان نفسي..
واللي سويته عنده خبر عنه وطلعت من البيت يدري بس بعدها بجم يوم طلعت ردة الفعل بعد ماراح لاهله وهذا دليل قوي قوي انه في احد يسولف عليه لانه يومين يدري وما قال شي فا اكيد احد حطه وسولف عليه وقام يردد الكلام علي
انا قلت زوجي سميع درجة اولى ومع مرتبة الشرف
وياب اغراض البيت واي شي يبيه يدز مسجات
وواحد من المسجات قال اني غلطانه على امه!!!!!!!!!!!!!!!!!!!!!! الله يسامحها بس
ومهما ادزله مسجات مستحيييييييييييييل يرد

وما اطلع مكان الا اقوله عن الحلال والحرام ولا يرد

وعن الحب انا ما احبه بس ما اكرهه وماني قادره اوصله
وعنده خبر اني ما احبه وقتله ان الحب يصير من المعامله الحلوه والاهتمام والعشره
بس اذا ما في عشره واهمال واسلوب مو حلو ومافي احترام شلون يصير الحب
فطلبي للطلاق عشان راحتي النفسيه
واذا تطلقت وين اروح ماعندي احد (عندي اخوان بس عمرج سمعتي بمرة اخوي تحملت احد من اهل زوجها وحريم خواني مجربيين رفضوا امي تدش بيوتهم بيقبلوني انا وعيالي!!!!!!!!!)
هذا اللي محيرني!!



واما اهله فموقفهم للاسف سلبي
يقولون احمدي ربج انتي تاكلين وتشربين وعندج مكان تنامين فيه!!!!!!!!!!

 

[قطوة@@]

رد : رد: انا يا ابتطلق يا بيتزوج علي.. ادعوووولي

الله يهديه لج و يسخره و يبعد عندح عيون الحساااد ياا رب

 

[روحي زوجي]

رد : رد: انا يا ابتطلق يا بيتزوج علي.. ادعوووولي

سمعت دكتور الخليفي يقول عن زوجته لاتحبيني
علشان ما اصدمج بيوم من الايام بس احترميني

وانتي زين سويتي ماحبيتي زوجج بس محترمته

ولاتقولين في ازواج يحبون زوجاتهم الرجال مايحبون الا نفسهم وشهواتهم

اذا انتي موظفه الله راحمج على الاقل تكسرين روتين الملل

واذا يسمع اهله قوليلي منو اللي مايسمع اهله كلهم بس يوزون على حريمهم انا لما امي تشب على اخواني اقولها ماعليج منهم اهم شي مرتاحين مع بعض

اما الطلاق والله مر وخاصه عندج بنت وموكل وحده تطلقت توفقت الا من رحم ربي

والله الطلاق مو حل

حاولي تحملين ويجيج اللي يملي عليج دنيج لدرجه ماتفكرين الا بنومتج ماتبين شي غيرها

قلبي معاج والله كنت مثل موقفج بس ربي حلها علشان جذي حبيت اساعدج

 

[NeloFaR]

لا حول و لا قوة الا بالله العلي العظيم

عسى الله يلم شملكم و يبعد عنكم شر الحساد و اللي يزنون على راس ريلج ..

الله يصلح حالكم و يهدي بالكم يا رب

 

[حكستار]

ياالله يارب بهالأيام المباركه


انه يهدي زوجج ويخليه لج ولعيالج ويبعد الشر عنكم وعيون الناس ويسخره لج ولعيالج ​

 

[عهود الحب]

رد : رد: انا يا ابتطلق يا بيتزوج علي.. ادعوووولي

مون منو فينا عايشة حياة وردية ؟
كلنا بالهوى سوى
مشكلة البنات قبل الزواج يحسبون الزواج جنة

الزواج ستر و غطا و احترام ومحبة ومودة

ان وجد احد هالاشياء يكفي عن غيره

توج للحين 3 سنين للحين في مجال حياتكم تصير احلى لا تقولين مستحيل

2 نقطة

تدرين انه مالج بهالدنيا سند الا اهو

على كلامج انه الوالدة الله يرحمها والاخوان موشي
و ما اتذكر جبتي طاري الوالد


ان كان حي الله يخليه لج وان كان متوفي عسى ربي يسكنه الجنة


عمر الأهل ماكانوا سند للمرة من تعرس وتجيب عيال خلاص انسي المعاملة تظل هي هي

يمكن بيوم يساندونج شهر سنة لكن ماراح يصبرون العمر كله

الرجال سند مرته وعياله

والمرة ضعيفة

عندها اهل ولا ماعندها ضعيفة صدقيني

انا ماراح اكلمج كلام نسمعه ونقراه ان المطلقة وضعها صعب ولا راح اتكلم من فراغ


انا اتكلم من تجربتي الشخصية المرة اكثر مما تتخيلين


انا علمتني الدنيا اصد عن الرجال لي بغى علي الزلة

و علمتني الدنيا ان السكوت احيانا احسن شي ترى مرات الرجال ما يتحمل تفتحين برطم عن برطم ويبيج ساكتة

يبي يحس روحه اقوى انسان و يشد حيله عليج عاااااااااادي سوي روحج دجاجة محد يدري يعني وتاليتها رجلج واحنا جنسنا ضعيف والقوية بعض الاحيان مكروووهه عند الرياجيل


القوة مو بالصوت ولا بالهواش ولا بالمشاكل


القوة بشخصيتج بهدوءج بثبات اعصابج بسكوتج وصمتج بوقت يحتاج السكوت


ستوب مسجات لأنه احيانا المسجات تفتح بيبان ما تتسكر

شحقه هالبرود


ليش ما يدش البيت يلاقيه ريحة البخور تعج عج و الأكل شحلاته يشهي

وانتي متكشخة ومرتزة

وعيالج كاشخين له مو للطلعة


ليش ما تنسين المشكلة بالمرة


و تبلشين صفحة جديدة معاه


يمكن يبي المشاكل وداش بقوة ويبي الزلة عليج

و دش


ابتسمتي بوجهه خلاص صدقيني بيطيح الحطب صدقيني

انتي بينج وبين نفسج انسي الموضوع بكبره


و بلشي صفحة جديدة


لا شقي الدفتر وبلشي دفتر جديد ههههههههههههههههههه اضحك معاج


صراحة

انا ما اعرف شنو مشكلتج معاه بس حسيت انه في ناس يفرونه عليج يعني مثل مشكلتي قبل

ولازالت هذي مشكلتي

بس شحقة اكبر همومي عالفاضي

عايشه حياتي و مخليه الهم يولي


تبين شي يطيح الي براسج و براسه


فكري بعيالكم لو تفترقون شنو بيصير فيهم ؟

وانتظر كلامج لي


وان بغيتي كلام اكثر ومصارحة اكثر ومساعدة اكثر


حياج بالخاص

خبرة 16 سنة زواج مادري شلون راحت بس عسى ربي يكتب لنا نهاية سعيدة


على طريقة Happily for ever after

 

[*الغالية*]

يارب يا كريم تسخرلها زوجها وترده لها

 

[salle]

رد : رد: انا يا ابتطلق يا بيتزوج علي.. ادعوووولي

" اسال الله الحي القيوم ان يسخره لك
ويجعلك له كما يحب ويجعله لكي كما تحبين ويجعلكما كما يحب رب العالمين
ياارب ياكريم يارحمن يارحيم رد زوجها لها ردا جميلا ، وصب محبتها في قلبه صبا صبا ، واصلح شأنه وحنن قلبه على زوجته وابنائه "



والله يااختي مأثرة فيني قصتج واايد ، ودعيت لج امس قبل لا افطر ، ودعيت لج بصلاة القيام ، وانتي بعد بهالأيام الفضيلة ارفعي ايدج لرب العالمين ، ولا تشكين ابدا بالاجاية ، ربج كريم وعالم بحالج

بدخل كل يوم ان شاء الله واتابع ردودج وان شاء الله يجي اليوم اللي اقرا فيه ان حياتج استقرت مع زوجج وكل شي مر على خير

ان شاء الله ياربي تعيدون كلكم مع بعض ، ماتجي ليلة العيد الا وزوجج معاج ومع عياله ياارب

 

[MoonDiamond]

رد: رد : رد: انا يا ابتطلق يا بيتزوج علي.. ادعوووولي

يزااكم الله الف خير يا حبيباتي اللي ردودهم هني واللي يراسلوني يوميا عالخاص

يا رب
يا الله
يا الكريم الرحمن الرحيم الرزاق العفو العزيز السلام
يا الواحد القهار العدل الحكيم الودود الحق القيوم
يا الواهب المهيمن القوي الباعث الهادي الرؤوف

يغفرلكم ويطهركم ويبدل سيئاتكم حسنات
يرزقكم من حيث لا تحتسبون
يتقبل توباتكم
يستجسب لدعائكم
يخليكم عيالكم وازواجكم واحبائكم
يرفع شانكم ويستر عليكم دنيا واخره
ينصركم على من عاداكم
يبارك بعيالكم وتذوقون برهم
يبلغكم فيهم
يحقق لكم مرادكم
يارب يا كريم تبعد عنهم الشيطان
ووسوسته

امين
امين
امين
امين
امين
امين​

وراح ارجعلكم ​

 

[أم قـمبر]

الله يجزاج الف خير يا ام قمبر
زوجي زيبق ما ينصاد فا شلون اقدر اسوي كل اللي قلتيه
ومن تزوجنا وهذا طبعه واخته من ثاني اسبوع من زواجي قالت الله يعينج على العيشه مع فلان لاراح تاخذين منه لا حق ولا باطل وحده انطوائي
وما حطيت في بالي!!!! بس الايام اثبتت هالشي

واذا على المدح مدحته لييييييييييييين صارت صورته حلوه قدام الكل خواتي واهله ولما شكيت كان هالشي ضدي لانهم قاموا يقولون مو انتي اللي تقولين عنه انه وانه وانه............ هالمدح طلع ضدي!!! وانا مابي اتكلم عن عيوبه بالتفصيل عند اهله وعلى الطالعه والنازله عشان مهما يكون مابي احد يعاير ابو عيالي عشان ما يحز بخاطر عيالي لا كبروا وانا يهمني منظري ومنظر اسرتي قدام الناس واولهم اهله واهلي.. ومره صارة مشكله وقلتلهم ليش انا مو مرتاحه معاه اكتشفت اهله نفسه اهم شي عندهم انج تاكلين وتشربين وعندج مكان تنامين فيه وتقولي امه هذا كافي شتبين بعد!!

وهالهدايا اهدي شكثر من مبدا تهادوا تحابوا ابيه يفكها عقدت النونه شويه بس سبحان الله ياكل وينسى!!!!!!!



وعلى القعدات ماياكل لا حلو ولا اطباق ولا يشرب عصاير
والله يقعد معاي جنه مقروص
ويطلع ادق عليه الاقيه عند امه والا بالقهوه!!!!!!!!!!


زوجي غريب
ولا قلته طلق قال ابيج وانتي ام عيالي بس ماراح اتغير
ماعندي الا هذا!!:eh_s(14):



انا بشر انا نفس

حااولي معااه صدييه انتي جربي الي قلتلج علييه سوولفي معاه حتن لو كان ما نئخذ منه لا حق ولاا بااطل شوفي اهو بشنو يهتم بالضبط سوولفي معاه عنه لا تخلينه يقعد بروحه على طوول لزقي فيه اذا شفتييه واذا طللع دزيله مسج حلوو وله مسج شووق اتصلي عليه بين فترة وفتره قوليله اشتقلك وغرقييه بجم كلمه حلوة
وانا قصدي بالمدح انج تمدحيينه اههوو جدااامه مو جدام اهله
يعني تقعديين بينج وبيينه حتن لو كان مليااان عذااريب قعدي معاه قوليله تصدق حبيبي يعجبني فيك وجذي جذي والكل حاسدني علييه ومن هالكلام مدحي رجوولته مدحييه اهو ودايمن قوليله الله لااا يحرمني منك

لا تيبنله طااري الطلااق ابدن
واذا قالج ابيج وانتي ام عياالي بس موبي اتغير
قوليله تغير عشااني
سوي الي قلتلج علييه كله جربي ماراح تخسرين واذا ما فنع معااه وعطاج طااف

شووفي اعطييج خلاصت الحجي
تروحين تقعدين معاه قعده حلووة جذي بس انتي واهوو
قوليله انا احبك واموت فيك وانته ريلي وبو عياالي والله لا يحرمني منك
ودي تقعد معااي احس بحبك بحناانك ودي تشووف العياال اهمه بعد محتاجينلك
اطلع حبيبي على راحتك وروح المكان الي تبيه بس اشدعوه عااد تحرمنه من شووفتك
تدرين بعد اقوولج شي
ترى الرييل يحبون كلام العياايز
يعني انتي عااتبيه عصبي علييه بس مع كلام حلو وجم كلمه عيووز
وقت الي يعصب وله يتضاايق على طوول مسحي على جتتووفه
ابيج تبدين معاه صحفه يديده جنكم توكم متزوجين وتوكم تحبون بعض
وانتي ابدي بالحب غرقي بالكم احلوو ودايمن قوليله احبك خليه يصير فيه بردالبيت عشان يسمع منج كلمه حلووة
اد وانتي بطريقتج خلييه يسولف عن الي بداخله ما يكون انظائي
لا تتعبين نفسيتج حبيبتي
والله سبحانه يااا رب يسخرلج ريييلج ويهديييه ويصير مثل ما تبيين ياا رب
صدقييني رااح ادعييلكم
وعااد بشريني شيصير ترى ماشاء الله دعائي وحده بوحده احيانن

 

[salle]

رد : رد: رد : رد: انا يا ابتطلق يا بيتزوج علي.. ادعوووولي

يزااكم الله الف خير يا حبيباتي اللي ردودهم هني واللي يراسلوني يوميا عالخاص

يا رب
يا الله
يا الكريم الرحمن الرحيم الرزاق العفو العزيز السلام
يا الواحد القهار العدل الحكيم الودود الحق القيوم
يا الواهب المهيمن القوي الباعث الهادي الرؤوف

يغفرلكم ويطهركم ويبدل سيئاتكم حسنات
يرزقكم من حيث لا تحتسبون
يتقبل توباتكم
يستجسب لدعائكم
يخليكم عيالكم وازواجكم واحبائكم
يرفع شانكم ويستر عليكم دنيا واخره
ينصركم على من عاداكم
يبارك بعيالكم وتذوقون برهم
يبلغكم فيهم
يحقق لكم مرادكم
يارب يا كريم تبعد عنهم الشيطان
ووسوسته

امين
امين
امين
امين
امين
امين​

وراح ارجعلكم ​

ولج مثل هالدعاء وجزاج الله خير

 

[salle]

رد : انا يا ابتطلق يا بيتزوج علي.. ادعوووولي

" اللهم رد زوجها لها ردا جميلا ، وصب محبتها في قلبه صبا صبا "

كل يوم ادعي لج على الفطور ، وان صليت القيام ..

ان شاء الله كل شي يمر على خير وتتحسن الأوصاع يااارب