انبولات pilexil .. لتساقط الشعر

[jolie_q8]

السلام عليكم

بغيت أسأل أحد جرب انبولات pilexil لتساقط الشعر؟

وبخاخ tricomin

يا ليت اللي مجربتهم تفيدني ...


ويعطيكم العافية

 

[jolie_q8]

همممممممممممممممم


:eh_s(10):

 

[hada]

البخاخ يحتوي على النحاس وزين للشعر هذا اللي قريته عنه على النت
سوي بحث غوغل على نفس الاسم بالانجلش وشووووووفي شنو يطلع

 

[jolie_q8]

مشكوره حبيبتي على الرد

بالنسبه للمعلومات موجوده

بس ودي اشوف نتايجه مع البنات

يعطيج العافيه

 

[أوركيد]

ما ادري جولي ...أخذت من زماان امبولات من سلامة جبر ..يمكن اهي ولا غيرها !!!

كلش ما فادوني

 

[New Mum]

نفس السؤال احتاج شي للتساقط
افيدونا

 

[الغنادير]

نفس الحال ابي شي يعدل الشعر

بس حبيبتي بقولج شجربت والحمدلله تحسن شعري عن قبل

قلت باي باي للصبغات

حطيت حنا + روب وبيضتين <<< حشى كيكه
مره بالاسبوع
والزيت 7 زيوت من صانسيلك مرتين بالاسبووع

واخذت هالفيتامين

لكن من فترة رحت الصيدليه وقلت له عن المشكله قال اذا مشكلتج بس في الشعر اخذي هالفيتامين لأنه متخصص حق الشعر ومشاكله
من تغذيته والتساقط واللمعه والحيويه الي في الشعر
والحمدلله نتائجه بينت في شهر ماشاء الله تبارك الله
الله يساعدني واواصل عليه والاحلى انه من منتجات طبيعيه

من منتجات هذه الشركه

وهذي صورة العلبه

وهذا الموقع للأفاده تفضلي

http://www.naturesbounty.com/pages/products.

واستخدمت بخاخ بكتب لج اسمه من البيت
والحمدلله في تطور وتقدم في حالة شعري المسكين​

 

[نبض الشوق]

هلاااااا حبيبتي جووولي


انا قاااعده استخدم هالانبووولاااات واشحلااااتهااا وقف التساااااقط عندي حيل

وقااعده استخدم معااااهاا حبوووب هيلث هير من الصيدليه

جربي الانبوولات مع الحبووووب ومااارااح تندمين


واي استفسااار انااا حااااضره

 

[New Mum]

تسلمون بنات على تجاربكم
صرنا حقل تجارب الشكوى لله
و في انتطار باجي البنات

 

[jolie_q8]

أوركيد

مشكوره حبيبتي على الافاده

انا عقب الولاده استخدم انبولات اسمهم phytocyane

صج روعه وفادوني .. بس طبعا اذا فيج فقر دم ولا شي لا يفيدج

 

[jolie_q8]

الغنادير

مشكورة حبيبتي على الافادة

بس بالنسبه لي الحنه ما تفنع حق شعري كلش

ولازم اصبغ :eh_s(3):

 

[jolie_q8]

نبض الشوق

مشكوره وايد وايد

بس اشكثر استخدمتيهم

ويوميا؟

 

[New Mum]

صج روعه وفادوني .. بس طبعا اذا فيج فقر دم ولا شي لا يفيدج

جولي سوري مافهمت هالجمله هالانبولات إذا فيج فقر دم ولا لا ؟
والسؤال الثاني شلون ريحتهم هذا اهم شي لان وايد اكو اشياء زينه بس ريحتهم لا تطاق ؟؟ وكلعلج بيبي هير ولا بس وقف التساقط

 

[jolie_q8]

New Mum

هلا نيو مام .. خل اقولج تجربتي الحاليه

** بس على فكره انا معاي فقر دم ووقفت العلاج هالشهر- وبسوي تحليل الاسبوع الياي


المهم


هالمره خذيت انبولز وهذي صورتهم

اهما المفروض اول شهر يوميا وبعدين الشهر الثاني مره كل 3 ايام

بس انا حاليا استخدمهم يوم وترك


مع بخاخ استخدمه كل ليله

وشامبو للتساقط

وسلامتج وتعيشين ..

وان شاءالله عقب شهر اقولج النتايج :eh_s(9):

 

[jolie_q8]

قصدي الناس اللي فيهم فقر دم - لازم ياخذون علاج حق فقر الدم

لانه ..فقر الدم الشديد راح يسبب تساقط وايد

ولو تستخدمين كل الانبولات اللي بالدنيا ماراح يفيدونج

هذا قصدي

ما فيهم ريحه عادي

بس البخاخ لما احطه ينشف الشهر يصير جنه عليه شمع !!

عموما انا احطه قبل النوم.. وثاني يوم اتحمم

 

[New Mum]

مشكوره جولي وماشوفين شر حبيبتي
هالله هالله بالتغذيه المفيده دايما فقر الدم ايي بوقت الحمل او بعد الولاده وعليج بالتالي
"يجب ان يكون غذاء المريض بفقر الدم غنيا بالمواد البروتينية واملاح الحديد والنحاس والفيتامينات ، ومن اهم الاغذية التي ننصح بتناولها ، اللحم الاحمر ، كبدة الاغنام ، كلاوي الاغنام ، قوانص الطيور ، الاسماك ، صفار البيض ، الحليب ، الجبن ، البقول الجافة ومنها العدس والفول والبازيلاء واللوبياء ، والخضروات الطازجة ومنها ، السبانخ ، الكوسا ، الجزر ، الخس ، الهندباء ، الكرونب ، والفواكه الطازجة الناضجة ومنها البرتقال ، العنب ، التين ، المشمش ، التفاح "
وإنشاء الله الشهر الياي تكون نتايجج موفقه