انتبهو من تقليد العطور نصب بنصب تعالوا اقول لكم

[بنت الاحلام]

السلام عليكم بنات

شخباركم

من يومين رحت سوق الديره سوق السلاح كنت اتشرا عطور

بسوي هديه حق زواجي
وانا دايم اشتري من هناك عطور فرنسيه تكون اصليه

اقل من فافوم وهالسوالف

بس الصدمه شنو بنات

طحت ع شي جديد


قاعد اقول له عطني عطور رجاليه فخمه ابي هديه

وابي كميه كبيره

انا كنت باخذ 5 او 6 بسويهم هديه حق زوجي

المهم

ولا يطلع يطلع
شميت مو شي

قلت له هالعطر ون مليون اعرفه اول شاريته مو جذي ريحته

قال ماما انا يقول حق انتي الصج
قلت شنو

قال انتي يبي هديه انا يعطيج عطر نفس كرتون نفس اسم نفس كل شي
ب 5 دينار

يبي اصلي ب 20 دينار

قلت شلون

قال وروحي كلا سوق داخل يبيع هذا عطر اماراتي اي نوع عطر فرنسي واهو يبيع ب 20 دينار

ويقول اصلي

بس انا يقول الصج

تخيلو الصدمه
قلت له طلع لي كل التقليد الي عندك وطلع لي كميه كبيره حيل يا بنات

واي عطر ب 5

لانه ع باله باخذ هديه اي كلام

ومن غير ماكسر بعد تخيلو

يقول اماراتي التعبيه

وداخل السوق مافي احد يقول اماراتي

كلهم يقولون اصلي

انصدمت يعني احنا نروح ندور الرخص يقولون لنا اصلي واهو نفس العلبه وكل شي بس تقليد

الريحه تطير ما تثبت

وربي غش صج هنود لا ذمه ولا ضمير مت قهر

لما خلص قلت له انا ابي الاصلي عاد

ودامك صادق وتقول الصج طلع لي الاصلي
حتي لو غالي مو مشكله مابي اي كلام

وطلع لي الاصلي واخذت منه 5 عطور اصليه

رجاليه

ومشيت

وقعدت افكر الهنود الي قبله مافي ولا واحد قال لي هالكلام

تخيلو

وكانو بيقصون علي


وحسيت ان هالعطور حاليا معبيه السوق عندهم


انتبهو بنات انا حبيت انبهكم


لاني احب لكم الخير نفس ما احبه لنفسي



اللهم اني بلغت

اللهم فشهد



وشكرا


:eh_s(17):​

 

[مراوي22]

لو آنه منج حتى الاصلي إلي بيطلعه لي مابشتريه منه

العطورات الاصليه ماتحصلينها إلا بالاماكن المعروفه لاتاخذون من برع يعني فرق عشره دينار ولا إني آخذ مغشوش خلي الريحه إلي مو ثابته إنتي إشعرفج شنو يخلطون معاها وشنو مضارها

عليه بالعافيه أبو العيال العطورات الخمس يتهنى فيهم بس ومشكوره عالافاده

 

[CLASSY-LADY]

انا طحت بهالمغلب وتحسفت صرت ما اشتري عطوري الا من السوق الحرة او المحلات المعروفة بسسسس

 

[أمواج البحر]

شي طبيعي عنده مو الاصلي

واظن اغلب الناس يدرون ان اللي عند الهنود تعبئة الامارات

الا جان تصدقون عطر اصلي ينباع برا ب 35 وعنده 15 هذا شي ثاني

عموما انا ما اصدق الهنود لو شنو يقول لان اهو المهم عنده يبيع

الا من رحم ربي

ومشكوره عاننصيحه

 

[هنـــد]

يعطيج العافيه عالنصيحه

بس أفضل شراء العطور من المراكز الأصليه ما اثق فيهم بصراحه

 

[بوغاتي88]

اشحادج تشترين منهم / حبيبتي ماتدرين شنو خالطين فيهم من مواد ضارة ديري بالج

 

[PuPa^^SWeeT]

انا وحدة ما شتري مكياجي و عطوري الا من دبنهامز

او جمعية مشرف او الزهراء

 

[بنت الاحلام]

انا اول اشتري منهم عطورهم زينه بس ما كان جذي صراحه
بس بعد الي صار ما عاد اشتري منهم ابدا


فرق جم دينار ما يسوا واهم شي اخذ شي زين

 

[gmar al-kuwait]

ثانكس للافاده

 

[وافرر]

يسلموو

 

[MouGa]

مو غريبه يغشوووون :/ لانه تتخيلين عطر اصلي و من الماركات إياهم (اللي ينباعون على 30 و 35) ينباع عند الهندي بـ 5 و 10؟؟؟
يا إما هالهندي فاتح محله سوق خيري او ان من كثر مبيعاته شركات العطور قامت تبيعه العطر بدينار واهوا يبيعه لنا بخمسه!!!
امبييييييييييه مستحيل افكر اشتري منهم لا جوده ولا مواد مضمونه وآمنه​

 

[سندس 90]

صح انا دايما اشتري من التجميل الفرنسسي كافي انه اصلي وماركه مو النصب والاحتيال لاا واخر شي يضررر

 

[AVE.NJ]

مشكوره
بس بالعقل بين منتج والثاني اصدق الفرق بسيط بس مو مبلغ كبير
اكيد خرابيط

 

[ساره أمها كويتيه]

يسلموووووووووووووووو

 

[زبــــــــدة]

ايي من زمااان معروف اللي هناك كله تعبئة الامارات ...عشان جذي ارخص من دبنهامز وفافافوم والجمعيات ...

وتحسين ريحتهم تتغير مع الوقت ويع جربت بس قمت كله اخذ من دبنهامز وفافاوم احس ثقه اكثر

وازيد جم دينار واخذ الاصلي ..

 

[بنت الاحلام]

انا ما كنت ادري انه مو اصلي بس لازم نعرف نفرق بين هذا وهذا مو بس بالمحل

لان في حريم يقولون تعبيه الامارات باماكن معروفه

لازم نعرف طريقه حق التميز بينهم

مو معقوله جذي اي احد ينصب علينا

انا ما عاد اشتري من هونيك اي شي

وحبيت انبه البنات لان الاغلب كلهم يشترون من هناك عشان ارخص

 

[نور خانوم]

انا اخذ من المطار وجمعية الروضه .. ما أثق بلهنود نهااائياا

 

[NAAAAN]

اي والله صاااااجه
والله يابنات التعبئه فوق الغش مضر
انا قبل فتره كنت اسمه البنات عطور تستر نفس الاصلي
وقلت بجرب واحد
وشريت طبعا الريحه تقريبا نفسها بس تطير بسرعه
والمصيبه والله يابنات
رشيت مره علي صدري. مدري ليش
والله صارلي اسبوع راشه
الله لايوريكم. طلع حبوب بصدري مو طبيعيه والله مت من عوارهااا
كانه احد حارقني بزقااره
والله لاتشتروووون اعوذ بالله منهم ماندري شنو يحطون
والله لو الحبوب بمكان ثاني جان صورت لكم عشان تشوفونه منظر يخرع
بس الحمدالله انه محدود ومو منشر تقريبا كبر كف ايدي

 

[الـ ج ــوري]

انا ادري انهم غشاشين وما اثق فيهم ما اشتري الا من المراكز المعروفه

 

[بنت الاحلام]

حتي انا انقرصت منهم ما عاد ااخذ منهم ابدا