انتقلت بحمد الله من قسم العرايس لقسمكم باركولي ... و ابي استشيركم بكم شغله .. مجننتني

[عيون ملكيه]

قولولولولولولوووووووش

:nbvppw:

يا معيريييس عين الله ترااااك و القمر و النجوم تمشي و راك ...


:nbvppw:

خلصنا من العرس و الحمدلله الله تمم علينا ..

:nbvppw:



بس عندي استشارات
و استفسارات

...

الحياه الزوجيه احسها معقده ...

:23_asmilies-com:

والله احسها كأنها حرب بين الزوج و زوجته

:j013:

طبعا مو الحرب الحرب لا الحرب البارده

اهو يبي يعودني على نظامه و انا ما ابي اغير نظامي

اهو يحب اشياء انا ما احبها

و انا ما احب اشياء اهو يحبها


لكن ...

انا مشكلتي من تزوجت ما غفت لي عين !!!

ابي انام قريرة العين ... مو قادره ..
انا زوجي بعد الملجه قعدت وياه و عرفته و كم مره نطلع نتعشى مع بعض ..

بس وقت النوم ( العادي مو الشي الثاني )

ما اعرف انام و عندي احد يعني ما اعرف اتشارك وياه بفراش واحد

اول يومين اقول طبيعي ..
القلق و الخوف و المحاتاه
لكن صارلي 5 ايام ما نمت
وجوده بالفراش يمااا يخوف ما ادري ليش
صوت انفاسه !اي حركه تخليني افز
والله بنات بدون مبالغه بس احس انه نام و احس انه خلاص غرق بالنوم
اتسحب و اروح انام بالصاله ( بالسفر كنا حاجزين سويت )

و اول ما رجعنا الكويت ... رحت على طول بيت اهلي و الله صعدت غرفتي على طول خذيت شور و نمت
ابوي لمن وصلت ما كان موجود دخل غرفتي يبي يسلم علي
والله اول ما دخل يحاول يقعدني من كثر التعب ما قمت و الله حسب فيني شي قام يهزني و يهزني
لمن قعدت اقوله يبا ابي اناااام بس ابي انام

و امي اخترعت تقول هاذي اشفيها ..
هاذي اول مشكله


ثاني مشكله :


انا ما احب الكوسا و اهو يموت فيها
و ما احب البيديان و ما اواطنه و اهو الا ذوقي و ذوقي
واااي ما اعرف اجامل بالاكل ... و اهم بس يبيني آكل ...

اشلووون ما احب اقوله ما احب جذي و ما احب جذي و الله استحي ....

انا احب الربيان و السي فود ....
اهو ما يواطن شي اسمه زفر

بنات ما يحبه لدرجة انه يمنعني اطلبه !!!!
يقولي تلوع جبدي !!!!!

معقوووول !!!!


غير هالسالفه ...

الحمام ...

استحي بنات استحي اسوي شي ...
والله استحي من الاصوات و من الروائح !!!!!
دبروني !!!!
والله من نطلع مجمع و لا نتمشى بأي مول بمولات دبي .. اتمشى بعدين اتعمد اعفس شوي شيلتي و اقوله بروح اسنعها بالحمام بس عشان آخذ راحتي لووووووول



وااي بنات .... التلفون .... كل ما بغيت ادق على امي قام يقول مكالمات و ما مكالمات ....
و امي ينشغل بالها علي يعني انا بنتها الوحيده

اقوله اشتر خط اماراتي ... يقولي كلها 4 ايام ليش الخساير !!! ترا كلها 5 دنانير !!!

اهو مو بخيل بس حريص!!!!


شي اخير و شويه محرج و الله ما ادري وين اروح او منو اسأل ...


بنات ريلي يقولي لا تشيلين كلش كل جسمج !!! ذراعج سيقانج باطج ( انا احسب يتغشمر ) بس الاخ من صجه يعني شنو....

ويييع انا طول عمري اشيل شيره و قبل عرسي تجرات و شلت ليزر و النتيجه نعومه و بياض و اللمعه بالجسم عجيبه !!!
بنات انا شايله ليزر ....

يعني الشعر بالموت يطلع و لو طلع خفيف ...
كل جسمي و خفيف الشعر !!!
يقولي ما ابيج تشلين كلش و لا شعره حتى المنطقه الحساسه !!!
بنات انا انصدمت شنو يعني و ليش ؟

ابي تفسير منطقي ....

بنات في اشياء وايد
منها انه يبيني اطبخ !!!! توني عروس يبيني اطبخ!!! و شنو مجابيس و سوالف جايده ...
انا اعرف بس ما ابي هالسوالف من الحين و غير جذي عندهم طباخ يسوي كل شي !!!!
لو يقولي طبخي مره ... بالشهر او بالاسيوع اقول يالله ممكن اجي على نفسي و اسوي شي حقه
هذا يبي كل يوم اطبخله !!!!


احاتي
احاتي
:eh_s(20):

بنات واللي يعافيكم !!! تكفون اعتبروني وحده من خواتكم ....

لاتطنشوني ..

 

[الخشف الأشقر]

الي لهم خبره ان شاءالله مايقصرون


اب لعيونج

 

[^noonaa^]

الله يعينج ان شاءالله

ومع الوقت راح تتعودين

 

[سوسن1980]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

هذا الزواج كلها كم شهر وتتعودين عليه لازم تتغيرين عشانه وبالنسبه للاكل اللي ماتحبينه صارحيه قولي مااحب هالاكله والله يوفقك

 

[عذبني السهر]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

بنات ريلي يقولي لا تشيلين كلش كل جسمج !!! ذراعج سيقانج باطج ( انا احسب يتغشمر ) بس الاخ من صجه يعني شنو....

ويييع انا طول عمري اشيل شيره و قبل عرسي تجرات و شلت ليزر و النتيجه نعومه و بياض و اللمعه بالجسم عجيبه !!!
بنات انا شايله ليزر ....

يعني الشعر بالموت يطلع و لو طلع خفيف ...
كل جسمي و خفيف الشعر !!!
يقولي ما ابيج تشلين كلش و لا شعره حتى المنطقه الحساسه !!!
بنات انا انصدمت شنو يعني و ليش ؟

امبييييييييييي كل شي احسه عادي الا هالشغلة!!! صج غريبة؟؟؟ انزين اسإليه قوليله ليش ؟؟؟

مادري اخاف يبي يوفر صالون :flower:عادي قوليله انج شايلة ليزر وانه مو حلو بنت بشعر بجسمها

 

[eng-khadkhad]

حبيبتي اول شي الف الف مبروك الله يوفقج بحياتج يارب ويرزقج السعادة والذرية الصالحه

كل الكلام الي قلتيييييييييه طبيعي 100 % ويصير تقريبا حق كل البنات
بالنسبة انج ماتقدرين تنامين .. راح تتعودين حبيبتي .. انا وحدة من الناس كنت ما اقدر انام نفسج بس بعدها تعودت
والاختلاف بالاراء ووجهات النظر طبيعيه جدااااااااااااااااا بالنسبة للاكل والمزاج والصفات عادي عااااادي راح تتاقلمين معاه ويتأقلم معاج
بالنسبة للحرص على الفلوس ... الريااييل جذي بطبعهم مو نفسنا مانستخسر شي على عمرنااا ... عوديه انج ماتحبين تقصرين على نفسج بشي ولكن بالمعقوول
لكن الي صدمني سالفة الشعر !!!!!!!!! حذي اول مرة اسمع عنهاااا
احنااا ذابحين عمرنا ليزر وشيرة ومكينه ومليون بلوة علشان النعومة واهواا طالب منج ماتشيييليييين ؟؟؟ هذي غربية وماعندي رد عليها حبيبتي

الله يوفقج وهذي بداية المشوار يعني قووي قلبج ))))

 

[Queen of Sadnes]

اول شي مبروك الزواج والله يوفقج ويتمم عليج

انتي لا تحطين بمخج فكره الزواج مثل الحرب لالا بالعكس انتوا قاعدين تتعرفون على اطباع بعض وشي طبيعي يكون فيه اختلافات واااايد.. بالنسبه للنوم انا كنا مثلج والله ما نمت اول ايام اروح الصاله انام على الغنفه وهم ما انام اروح بيت اهلي هناك انام حتى الدراسه ما كنت ادرس الا بغرفتي ببيت اهلي يعني السالفه سالفة تعود وتاخذ وقت.. وبالنسبه للحمام كرمج الله هم كنت نفسج اذا طلع او اذا رحت ببيت اهلي رحت الحمام كاني رايحه المدينه الترفيهيه مو الحمام (لووووووووووول)
واذكر امي زفتني لما قلت لها بعدين قمت اشغل الشفاط وافتح الحنفيات واسحب السيفون كل شوي وطبعا حاطه عطورات عشان كل شوي ارش لين جذي تعودت


شوي واكمل عيالي يتباجون خل اشوفهم

 

[درة أهل الطولات]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

مبروك يا عروس

هلا فيج بيناااا

ترى الحياة الزوجية سهلة مجرد تعود إنتي للحين تبين تكونين بنظره مثاليــة ،،، شدعوة حمام تستحين تدخلين عادي انتي انسانه اهو عارف هالشي ،،، مارسي حياتج بشكل عادي ،،، بتعيشين معاه العمر كله ان شاء الله .


بالنسية للنوم باجر يصير سهالات وتقومين انتي تتلصقين فيه بعد ههههههههههههههه :d (( أخجل :d مو وايد ))

اما بالنسية لكلامه اهو حاب يفرض شخصيته لا اكثر يبي يتأأمر مو عارف شلون بشوف تسمعين كلامه والا لا

انتي الشاطرة شنو راح تسوين ؟؟


بأأسلوب ذرب حده


الاكل حبيبي هذا ما احبه اتحسس منه يهون عليج تصيبني حساسية !!!!
الاكلات اللي تحبينهااا اما تعودينه باكلهااا او اكليها ببيت اهلج مثل ما انتي منزعجى انه يفرض عليج اكل تلقينه اهو بعد منزعج من الاكلات البحرية ...


بالنسبة لشيل الشعر قولي له لازم اشيل هذي نظافة بعدين صلاتي ما تنقبل اذاااا شيسمونه مو شايله

واحب اكون جدامك بصورة حلوة ،، وشيلي ما عليج واذا اسإلج قولي له انا شعري ما يطلع خفيف حده


وموفقة يا عروس

 

[Queen of Sadnes]

ارد اكمل

بالنسبه يفرض رايه عليج بشغلات فهذا طبيعي انه يبي يبين لج انه شخصيته قويه ومع الايام بيخف عادي اهم شي لا تتوترين... شيل الشعر اذا رحتي ببيت اهلج شيلي وقوليلي له انا جذي شعري خفيف ما يطلع وهم انتي اعرفي منه السبب واقنعيه ان هذي نظافه

وسالفه الطبخ يمكن قصده يجرب طباخج ومشتهي ياكل من ايدج اهم شي بهالفتره لا تعاندين قولي اوكي وبعدين عاد تدلعي وباسلوبج عاد غيري رايه فهمتيني؟؟

والله يوفقج يا حلوه

 

[ام جودي الحلوه]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

كل شي قلتيه عادي تحصل مع كل العرايس اما سالفه الشعر قويه وغريبه اول مره اسمع رجال يحب الشعر ويييييييييع الله يعينك

 

[ام الدرر]

قولولولولولولوووووووش

:nbvppw:

يا معيريييس عين الله ترااااك و القمر و النجوم تمشي و راك ...

بارك الله لكما وبارك عليكما وجمع بينكما بخييييييييييييير​

:nbvppw:

خلصنا من العرس و الحمدلله الله تمم علينا ..

:nbvppw:



بس عندي استشارات
و استفسارات

...

الحياه الزوجيه احسها معقده ...

:23_asmilies-com:

والله احسها كأنها حرب بين الزوج و زوجته

:j013:

طبعا مو الحرب الحرب لا الحرب البارده

اهو يبي يعودني على نظامه و انا ما ابي اغير نظامي

اهو يحب اشياء انا ما احبها

و انا ما احب اشياء اهو يحبها


لكن ...

انا مشكلتي من تزوجت ما غفت لي عين !!!

ابي انام قريرة العين ... مو قادره ..
انا زوجي بعد الملجه قعدت وياه و عرفته و كم مره نطلع نتعشى مع بعض ..

بس وقت النوم ( العادي مو الشي الثاني )

ما اعرف انام و عندي احد يعني ما اعرف اتشارك وياه بفراش واحد

اول يومين اقول طبيعي ..
القلق و الخوف و المحاتاه
لكن صارلي 5 ايام ما نمت
وجوده بالفراش يمااا يخوف ما ادري ليش
صوت انفاسه !اي حركه تخليني افز
والله بنات بدون مبالغه بس احس انه نام و احس انه خلاص غرق بالنوم
اتسحب و اروح انام بالصاله ( بالسفر كنا حاجزين سويت )

و اول ما رجعنا الكويت ... رحت على طول بيت اهلي و الله صعدت غرفتي على طول خذيت شور و نمت
ابوي لمن وصلت ما كان موجود دخل غرفتي يبي يسلم علي
والله اول ما دخل يحاول يقعدني من كثر التعب ما قمت و الله حسب فيني شي قام يهزني و يهزني
لمن قعدت اقوله يبا ابي اناااام بس ابي انام

و امي اخترعت تقول هاذي اشفيها ..
هاذي اول مشكله

حبوبة حاولي ماتنامين طول اليوم عشان حزة نومة الليل تكونين دايخة وتعبانة بتييج النومه غصب​

ثاني مشكله :


انا ما احب الكوسا و اهو يموت فيها
و ما احب البيديان و ما اواطنه و اهو الا ذوقي و ذوقي
واااي ما اعرف اجامل بالاكل ... و اهم بس يبيني آكل ...

اشلووون ما احب اقوله ما احب جذي و ما احب جذي و الله استحي ....

حبوبة عادي اللي ماتحبينه قولي له ما احب انا اذكر اول زواجي زوجي يقولي انتي شتاكلين كل شي ماتحبينه والحين ماكو شي ما احبه
تدلعي ياقلبي موشرط اللي ياكله تاكلينه ​

انا احب الربيان و السي فود ....
اهو ما يواطن شي اسمه زفر

بنات ما يحبه لدرجة انه يمنعني اطلبه !!!!
يقولي تلوع جبدي !!!!!

معقوووول !!!!

وييه هذا زوجج يتدلع احد مايحب السمج والربيان جامليه هالايام وخلي الزفر لبيت اهلج وشوي شوي بيتعود​

غير هالسالفه ...

الحمام ...

استحي بنات استحي اسوي شي ...
والله استحي من الاصوات و من الروائح !!!!!
دبروني !!!!
والله من نطلع مجمع و لا نتمشى بأي مول بمولات دبي .. اتمشى بعدين اتعمد اعفس شوي شيلتي و اقوله بروح اسنعها بالحمام بس عشان آخذ راحتي لووووووول

اذا دخلتي الحمام بطلي حنفية الماي او الشور او سحبي السيفون بالبداية صوته قوي يغطي عالاصوات الثانية​

وااي بنات .... التلفون .... كل ما بغيت ادق على امي قام يقول مكالمات و ما مكالمات ....
و امي ينشغل بالها علي يعني انا بنتها الوحيده

اقوله اشتر خط اماراتي ... يقولي كلها 4 ايام ليش الخساير !!! ترا كلها 5 دنانير !!!

اهو مو بخيل بس حريص!!!!

لاتحطين في بالج السالفة عدت خلاص ومشت لاتخلينها تأثر على حياتج ​

شي اخير و شويه محرج و الله ما ادري وين اروح او منو اسأل ...


بنات ريلي يقولي لا تشيلين كلش كل جسمج !!! ذراعج سيقانج باطج ( انا احسب يتغشمر ) بس الاخ من صجه يعني شنو....

ويييع انا طول عمري اشيل شيره و قبل عرسي تجرات و شلت ليزر و النتيجه نعومه و بياض و اللمعه بالجسم عجيبه !!!
بنات انا شايله ليزر ....

يعني الشعر بالموت يطلع و لو طلع خفيف ...
كل جسمي و خفيف الشعر !!!
يقولي ما ابيج تشلين كلش و لا شعره حتى المنطقه الحساسه !!!
بنات انا انصدمت شنو يعني و ليش ؟

ابي تفسير منطقي ....

عادي حبيبتي في ازواج يحبون الخشونه بالجسم مافيها شي خليه يجرب ومرده بيقولج روحي شيلي ​

بنات في اشياء وايد
منها انه يبيني اطبخ !!!! توني عروس يبيني اطبخ!!! و شنو مجابيس و سوالف جايده ...
انا اعرف بس ما ابي هالسوالف من الحين و غير جذي عندهم طباخ يسوي كل شي !!!!
لو يقولي طبخي مره ... بالشهر او بالاسيوع اقول يالله ممكن اجي على نفسي و اسوي شي حقه
هذا يبي كل يوم اطبخله !!!!

حبيبتي ريلج مستانس ان عنده وحده سنعه بيتفيخر جدام اهله
مافيها شي اذا طبختي له مرة بالاسبوع ​

احاتي
احاتي
:eh_s(20):

بنات واللي يعافيكم !!! تكفون اعتبروني وحده من خواتكم ....

لاتطنشوني ..

ياقلبي خليج ريلاكس ومرنة لا تعقدين الامور
الحياة الزوجية اول سنه اختبار بالصبر والتفاهم تمشي السفينه
عسى الله يتمم عليج يسهل امورج ويسخر لج زوجج وعسى اللي طاف كله اكبر همومج​

 

[ديانا سبنسر]

رد: رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .

مبروك يا عروس

هلا فيج بيناااا

ترى الحياة الزوجية سهلة مجرد تعود إنتي للحين تبين تكونين بنظره مثاليــة ،،، شدعوة حمام تستحين تدخلين عادي انتي انسانه اهو عارف هالشي ،،، مارسي حياتج بشكل عادي ،،، بتعيشين معاه العمر كله ان شاء الله .


بالنسية للنوم باجر يصير سهالات وتقومين انتي تتلصقين فيه بعد ههههههههههههههه :d (( أخجل :d مو وايد ))

اما بالنسية لكلامه اهو حاب يفرض شخصيته لا اكثر يبي يتأأمر مو عارف شلون بشوف تسمعين كلامه والا لا

انتي الشاطرة شنو راح تسوين ؟؟


بأأسلوب ذرب حده


الاكل حبيبي هذا ما احبه اتحسس منه يهون عليج تصيبني حساسية !!!!
الاكلات اللي تحبينهااا اما تعودينه باكلهااا او اكليها ببيت اهلج مثل ما انتي منزعجى انه يفرض عليج اكل تلقينه اهو بعد منزعج من الاكلات البحرية ...


بالنسبة لشيل الشعر قولي له لازم اشيل هذي نظافة بعدين صلاتي ما تنقبل اذاااا شيسمونه مو شايله

واحب اكون جدامك بصورة حلوة ،، وشيلي ما عليج واذا اسإلج قولي له انا شعري ما يطلع خفيف حده


وموفقة يا عروس

معاها

 

[Gourges]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

كل شي عادي وشوي عندج ردة فعل مبالغه ....

يعني انج ماتقدرين تنامين ... احس لي ياتج النومه صج بتنامين ... بس يمكن لمن يقعد على طول تقعدين وهلشي عادي كلنا جذي بس على سالفة ان كللللللللش ماتنامين احس حاولي تغيرينها ترى عادي النوم مو عيب ولا شي يفشل !!!... دوري الجنب الي ايريحج ونامي ...

واذا على الحمام ترى عادي اذا دشيتي بطلي الحنفيه مالت المغسله واخذي راحتج او بطلي الشور ... واخذي راحتج عقبها كبي ديتول على المرحاض عزج الله وعطري الحمام وطلعي ... وكان الله غفور رحيم

اما مسالت الاكل فا عادي قولي اييو ما احب اكل جذي شنو يعني سابته مثلا؟قايله ماتحبين هلاكله مو ماتحبينه اهوا علشان شي يفشل !!!!!!!!! لاتبالغين حبوبه

وبالنسبه ان مايحب ياكل السي فود ولا يحبج تطلبينه لان تلوع جبده عاااااااادي انا ريلي يكره شي اسمه علج وتلوع جبده من الي ياكله ... فا خليته واذا طق افبالي اكله وانا مع رفيجاتي وانا افبيت اهلي ... فا انتي طلبي السي فود ابيت اهلج وعوضي الي بخاطرج ....

اما مسالة الشعر وانه مايبيه ينشال .. هذا شي غريب وشي من الغرب مثل الهند والفلبن مايحبون الحريم يحفوون ... ويحبون الشعر بالجسم وكل ما كانت المرا مشعره عندهم انها مثيره اكثر ... فا مادري شلون هلعاده وصلت له .. هل عن طريق الافلام او السفرات مادري مابي احط شي بذمتي ولا ابي احط شي افبالج بس ومره امي قايله سالفة عن رفيجتها تقول ريلي مايبي اشيل شعر جسمي ... يقول شنو مابي انام جني نايم مع ياهل !!!! ....

بس ترى نصيحه خصوصا المنطقه الحساسه والاندر ارم لاتهمليييينهم لان المنطقه الحساسه تعفن وتسببلج حساسيه وبعدين مايجووز انج ماتشيلينها جنه 40 يوم !! ... اذا ما خاب ظني

والاندر ارم بطلع ريحه منج لي الراس ...

فا شنو الحل معاه مادري ...​

 

[_Pure_]

الله يوفقج يا رب

 

[đeɱɛɼɑ™]

كِل شي يهُون إلا سسآلفة الشَعر !!

زين ْ سيقآنج وذرآعج آمنآ بِالله بس الاندر آرم والحسسآسة @@
قوليله النظآفة مِن الايمآن والله ورسوله امرونآ نشييلهم لزُوم ْ النظآفة !! تَعآلي لَه مِن نآحية الدييِن والششَرع

و بِالنِهآية عَليج بالدُعاااااااااااااااااااء


​

 

[لمسه حزن]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

حبيبتي

طبيعي في بداية الحياة الزوجية

يصير

اختلاف بين الزوجين حتى لو كنتوا متعودين

على بعض

بعد بيكون في خلاف لان كل شخص عاش بيت و بيئه

معينه

وتعود على اشياء

حلوه المشاركه في الاختلاف

ترا ملل اذا كنتوا مثل مثل

النقاش

والتفاهم هو الحل

بس

 

[flower quen]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

قلبي
شي طبيعي تتخالفون
دايم السنه الاولى فالزواج هي الصعبه
لازم تتقبلينه وهو يتقبلك
لا تصيرين حساسه زياده
اما بالنسبه للشعر مادري اذا هو يحب هالشي
خليه ينبت شوي يعني اسبوعين وبعدين شيلي >>>لا تخلينه طول الوقت اصلع هههه
يكون خفيف مايأثر على نظافتك
اذا يحب هالشي حاولي تلبينه له

موفقه

 

[باااربي]

مبروك والله يهنيج ...
واللي قلتيييييييييييه كللللللللللللله مرينا فيه وشي طبيعي 100%
مع الوقت راح تتعودين وانتي راح تعرفين تتعاملين معاه بدون مساعدة احد انشالله ...
بس سالفة الشعر غريبة مادري شنو تفسيرها​

:gr4uu:

 

[!الجادل الصعب!]

رد : انتقلت بحمد الله من قسم العرايس لقسمكم باركولي ... و ابي استشيركم بكم شغله .. مج

ع البركه .. كنت متابعتج بقسم العرايس

بشرينا شلون طلع العرس ؟!

بالنسبه للي تقولين كله طبيعي باجر تتعودين على نظامه ويتعود عليج

اما بالنسبه للشعر لا والله شحلاتج معزومه ولابسه قصير ومو شايله وانتي عروس من تقعدين بمكان يخزونج من فووووق لتحت ..!

 

[بتبوتااا]

.كله كوم وسالفت الشعر كوم ثاني .؟!
قوليله حاظر بس ترى طبيعه جسمي ما يطلع شعر وان شاء الله يتفهم < ذكرتيني بخدامت خالتي قبل كنت يايبه صالونه البيت واشوفها تييني ركضه تقول لي ليش تشيلين شيره جسمج حلو الشعر خليه :/ عندناا بديرتنا يحبون الشعر ومستحيل نشيله .
اخاف ريلج في عرج اسيوي
اتغشمر مو تزعلين يا قلبي :tek:
والف مبروووووووووك , .