بنت المنصور
New member
- إنضم
- 6 نوفمبر 2009
- المشاركات
- 1,706
- مستوى التفاعل
- 0
- النقاط
- 0
ادري ان كل وحده فيكم داخله ومشمره عن يدها بتتهاوش صلو على النبي واهدو السالفه عاااديه
موضوعي هالمرة بسييييييط حده ولا احس ان قسم (المناقشات الجادة ) مكانه بس ماعرفت وين انزله صراحه ....
موضوعي باختصار هو :
من شهر تقريبا كنت بداري اغير ملابسي وكانو عماتي تحت يااين عندنا البيت وانا تأخرت عليهم مانزلت
كل شوي البس واغير البس واغير ليما خلاص استقريت على شي بلبسي ولما خلصت اموري شوي وبنزل
وقفت جبال المنظرة اعدل لبسي قبل لا انزل ، وحده من عماتي الظاهر عصبت علي عشان تاخرت فصعدت لي داري
طقت الباب ودخلت ولما دخلت سكتت مشت ليما وصلت يمي وحطت ايدها على جتفي وتشوفني من المنظرة
ابتسمت وقالت لي وينج قلت لها كاني الحين انزل وراج ظلت تشوفني بتركيز تشوف كل شي فيني وبجسمي بعد ين
ابتسمت لها وسكت ، عمتي هاذي مو معانا بالديره فبين فترة وفترة اشوفها، ابتسمت
وقالت لي كبرتي وصرتي عروس وشالت ايدها عن جتفي وابتعدت
مشت تبي تطلع من داري ولما وصلت للباب لفت وقالت لي اممممم بس ليما الحين ماتغيرتي بنظري للحين
اشوفج البنت الصغيره الي كانت تنام بحضني وطلعت وسكرت الباب.
انا لفيت ويهي للمنظرة مره ثانيه اشوف نفسي وقعدت افكر معقوله؟! ان انا ماتغيرت ؟؟ بس
انا طول عمري احس اني تغيرت عن قبل ووايد بعد مو شوي صفنت تقريبا عشر دقايق اتذكر نفسي
وانا صغيره ولما تذكرت نفسي اول شي خطر ببالي شكلي كنت ابداع صراحه تخيلت شكلي
وانا العب مع عيال عمماي وعماتي وعيال خوالي وخلاتي تذكرت واايد شغلات وبعدها .. ضحكت
وقلت مستحيل اني اكون نفس هالبنت الغبيه الي كانت تلعب بالتراب قبل ولازم ترجع البيت معفوس كل شي فيها.
وانا واقفه جبال المنظرة شفت انو مو لابسه ساعه فرحت ادور وين ساعتي الي كنت ابي البسها ادور ادور
مالقيت ولان اصلا الغرفه كانت شوي ظلمه ماكنت فاتحه كل الليتات فمديت ايدي ابي افتح ليت الابجورة
فتحته بس ما انفتح لان (كالعاده انا حرقته ) تذكرت ان من صغري وانا اكثر وحده تحرق ليت الابجورة
من كثر ما افتحه واسكره على كل شي وانا اكثر وحده يتبدل لها الليت . رحت فتحت الليت الثاني للغرفه
وقعدت ادور ساعتي مالقيتها بعدين تذكرت اني كنت لابستها قبل شوي بس دخلت الحمام اغسل ايدي فرحت
الحمام ابشوف وفعلا لقيتها موجوده هناك وبهاللحظه بعد تذكرت انو انا قبل لما كنت صغيره وليما الحين احب
الساعات و لازم تكون بيدي ساعه فلما كنت ياهل ادخل اغسل ايدي كنت اغسلها والساعه بيدي ما اشيلها
بس كنت اشوف امي وخلاتي لما يدخلون يفصخونها وبعدين يرجعون يلبسونها فكنت اقلدهم وانا مو عارفه ليش
اصلا وتعودت انو كل ما ادخل اغسل ايدي افصخ مو عشان ما يحوشها ماي لا عشان بس مجرد تقليد اعمى
مثل ما يقولون .... المهم لبستها وطلعت من الحمام والفكره كبرت براسي وقعدت افكر بايام قبل فلما طلعت من الحمام
قعدت على سريري وبعدها رجعت على ورى ونمت عليه يعني تقدرون تقولون اني رميت روحي عليه فحسيت
بشي طق ظهري ولما مديت ايدي اسحبه واشوف شنو هو طلع (الرموت) مال التلفزيون وبعد تذكرت انو انا
مااقدر اقول من كنت صغيره لان يوم كنت صغيره ماكان في تلفزيون بو رموت كان دقه قديمه انو لازم احنا نقوم ونغيره
لكن بعد فترة بسيطه على ما اذكر طلع الرموت وعلى ما اذكر بعد كنت صغيرة بس مو واايد المهم مع انو ماكان
بوقتها تلفزيون بداري بس كنت دايم بعد ما اخلص من التلفزيون ابي اقوم داري انام يكون بيدي واروح سريري وهو بيدي وبعدين شوفو عاد وين يضيع يا يكون تحتي يا تحت المخده ما ادري بس كنت انساه بيدي ......
قمت من السريري والفكره تكبر اكثر واكثر توني فجيت باب داري ابنزل الا اسمع امتي تناديني تقول
لي يا فلانه قبل لا تنزلين يبي معاج ورقه وقلم فرجعت داري وقعدت ادور بيت اورراقي شفت دفتر
صغير هذا انا لي يومنا هذا اكتب فيه شنو عندي وشنو وراي وشنو لازم اسوي لاني نسايه من الدرجه الاولى
وبعد بهاللحظه تذكرت انو انا من كنت صغيره كنت اسوي هالشي كان عندي دفتر صغير على قدي لونه
وردي بعد اذكره زين وكنت اكتب فيه مو عشان كنت انسى بذاك الوقت لا الحمدالله العقل كان سليم ماكنت انسى
شي ابد بس كنت اكتب فيه الاشيا الي علي اذا كانت علي اشيا اسويها بس جذي لاني كنت وقتها احب اكتب قطيت الدفتر بمكانه واخذت جم ورقه وقلم ونزلت لهم سلمت عليهم وعطيت حق امي القلم والورقه الي طلبتهم
وكانت سوالفنا عاديه يوم صار وقت العشا قمنا بناكل كلهم قامو وانا ليما الحين قاعده انا فيني طبع اذا احد عندنا
معزوم ما احب اسبقه على الطاوله ولا اني اكون معاه احب اقعد عقبه فكنت انطرهم كلهم يرحون بعدين
انا قمت وقعدت واول ما قعدت عمتي الي ياتني الغرفه فوق تذكرونها؟ اي هاذي هي ضحكت وقالت لي
شفتي انج ماتغيرتي هذا الطبع فيج من زمااان من وعيتي على الدينا وهذا طبعج سوا كنتي في بيتكم ولا بيت احد
ثاني لازم اخر وحده تقعد على الطاوله ابتسمت لها وقلت لها اي والله ليما الحين هالطبع فيني ....
خلصو ومشو وانا صعدت داري وانا اصعد السلم امي تقول لي لا تنسين تلفزيونج شغال كالعاده وانتي نايمه
(لما كنتي صغيره ماكنتي جذي كنتي لما تقومين تسكرينه وتقومين ) وقفت عند نص السلم ونزلت لها بسرعه
وكنت مستانسه قلت لها يعني هذا الشي صار فيني الحين يوم كبرت قبل ماكان فيني؟ يعني انا تغيرت مو نفس
البنت الي كانت موجوده قبل صح ؟ امي قالت والله هذا انا الي كنت فاهمته قبل بس من جم سنه عرفت
ان لا قلت لها شلون ؟ تقول اكتشفت ان ابوج هو الي كان يصك التلفزون ويشيلج يوديج دارج وكان يقول لي
انج انتي الي تصكينه عشان ما ازفج ...
لفيت وصعدت السلم ودخلت داري وفتحت الليت ورحت وقفت جبال المنظرة مره ثانيه وقلت في نفسي
مع كل هالتغير (الخارجي) بس انا ليما الحين انا انا ماتغيرت ...........
سؤالي هو انتو لما تجابلون المنظره شتشفون ؟؟ هل انتي انتي ؟ ولا تغيرتي وصرتي وحده ثانيه
لدرجه انو نسيتي من كنتي وشلون ربيتي وشنو تعلمتي ......
ناططره ردودكم
موضوعي هالمرة بسييييييط حده ولا احس ان قسم (المناقشات الجادة ) مكانه بس ماعرفت وين انزله صراحه ....
موضوعي باختصار هو :
من شهر تقريبا كنت بداري اغير ملابسي وكانو عماتي تحت يااين عندنا البيت وانا تأخرت عليهم مانزلت
كل شوي البس واغير البس واغير ليما خلاص استقريت على شي بلبسي ولما خلصت اموري شوي وبنزل
وقفت جبال المنظرة اعدل لبسي قبل لا انزل ، وحده من عماتي الظاهر عصبت علي عشان تاخرت فصعدت لي داري
طقت الباب ودخلت ولما دخلت سكتت مشت ليما وصلت يمي وحطت ايدها على جتفي وتشوفني من المنظرة
ابتسمت وقالت لي وينج قلت لها كاني الحين انزل وراج ظلت تشوفني بتركيز تشوف كل شي فيني وبجسمي بعد ين
ابتسمت لها وسكت ، عمتي هاذي مو معانا بالديره فبين فترة وفترة اشوفها، ابتسمت
وقالت لي كبرتي وصرتي عروس وشالت ايدها عن جتفي وابتعدت
مشت تبي تطلع من داري ولما وصلت للباب لفت وقالت لي اممممم بس ليما الحين ماتغيرتي بنظري للحين
اشوفج البنت الصغيره الي كانت تنام بحضني وطلعت وسكرت الباب.
انا لفيت ويهي للمنظرة مره ثانيه اشوف نفسي وقعدت افكر معقوله؟! ان انا ماتغيرت ؟؟ بس
انا طول عمري احس اني تغيرت عن قبل ووايد بعد مو شوي صفنت تقريبا عشر دقايق اتذكر نفسي
وانا صغيره ولما تذكرت نفسي اول شي خطر ببالي شكلي كنت ابداع صراحه تخيلت شكلي
وانا العب مع عيال عمماي وعماتي وعيال خوالي وخلاتي تذكرت واايد شغلات وبعدها .. ضحكت
وقلت مستحيل اني اكون نفس هالبنت الغبيه الي كانت تلعب بالتراب قبل ولازم ترجع البيت معفوس كل شي فيها.
وانا واقفه جبال المنظرة شفت انو مو لابسه ساعه فرحت ادور وين ساعتي الي كنت ابي البسها ادور ادور
مالقيت ولان اصلا الغرفه كانت شوي ظلمه ماكنت فاتحه كل الليتات فمديت ايدي ابي افتح ليت الابجورة
فتحته بس ما انفتح لان (كالعاده انا حرقته ) تذكرت ان من صغري وانا اكثر وحده تحرق ليت الابجورة
من كثر ما افتحه واسكره على كل شي وانا اكثر وحده يتبدل لها الليت . رحت فتحت الليت الثاني للغرفه
وقعدت ادور ساعتي مالقيتها بعدين تذكرت اني كنت لابستها قبل شوي بس دخلت الحمام اغسل ايدي فرحت
الحمام ابشوف وفعلا لقيتها موجوده هناك وبهاللحظه بعد تذكرت انو انا قبل لما كنت صغيره وليما الحين احب
الساعات و لازم تكون بيدي ساعه فلما كنت ياهل ادخل اغسل ايدي كنت اغسلها والساعه بيدي ما اشيلها
بس كنت اشوف امي وخلاتي لما يدخلون يفصخونها وبعدين يرجعون يلبسونها فكنت اقلدهم وانا مو عارفه ليش
اصلا وتعودت انو كل ما ادخل اغسل ايدي افصخ مو عشان ما يحوشها ماي لا عشان بس مجرد تقليد اعمى
مثل ما يقولون .... المهم لبستها وطلعت من الحمام والفكره كبرت براسي وقعدت افكر بايام قبل فلما طلعت من الحمام
قعدت على سريري وبعدها رجعت على ورى ونمت عليه يعني تقدرون تقولون اني رميت روحي عليه فحسيت
بشي طق ظهري ولما مديت ايدي اسحبه واشوف شنو هو طلع (الرموت) مال التلفزيون وبعد تذكرت انو انا
مااقدر اقول من كنت صغيره لان يوم كنت صغيره ماكان في تلفزيون بو رموت كان دقه قديمه انو لازم احنا نقوم ونغيره
لكن بعد فترة بسيطه على ما اذكر طلع الرموت وعلى ما اذكر بعد كنت صغيرة بس مو واايد المهم مع انو ماكان
بوقتها تلفزيون بداري بس كنت دايم بعد ما اخلص من التلفزيون ابي اقوم داري انام يكون بيدي واروح سريري وهو بيدي وبعدين شوفو عاد وين يضيع يا يكون تحتي يا تحت المخده ما ادري بس كنت انساه بيدي ......
قمت من السريري والفكره تكبر اكثر واكثر توني فجيت باب داري ابنزل الا اسمع امتي تناديني تقول
لي يا فلانه قبل لا تنزلين يبي معاج ورقه وقلم فرجعت داري وقعدت ادور بيت اورراقي شفت دفتر
صغير هذا انا لي يومنا هذا اكتب فيه شنو عندي وشنو وراي وشنو لازم اسوي لاني نسايه من الدرجه الاولى
وبعد بهاللحظه تذكرت انو انا من كنت صغيره كنت اسوي هالشي كان عندي دفتر صغير على قدي لونه
وردي بعد اذكره زين وكنت اكتب فيه مو عشان كنت انسى بذاك الوقت لا الحمدالله العقل كان سليم ماكنت انسى
شي ابد بس كنت اكتب فيه الاشيا الي علي اذا كانت علي اشيا اسويها بس جذي لاني كنت وقتها احب اكتب قطيت الدفتر بمكانه واخذت جم ورقه وقلم ونزلت لهم سلمت عليهم وعطيت حق امي القلم والورقه الي طلبتهم
وكانت سوالفنا عاديه يوم صار وقت العشا قمنا بناكل كلهم قامو وانا ليما الحين قاعده انا فيني طبع اذا احد عندنا
معزوم ما احب اسبقه على الطاوله ولا اني اكون معاه احب اقعد عقبه فكنت انطرهم كلهم يرحون بعدين
انا قمت وقعدت واول ما قعدت عمتي الي ياتني الغرفه فوق تذكرونها؟ اي هاذي هي ضحكت وقالت لي
شفتي انج ماتغيرتي هذا الطبع فيج من زمااان من وعيتي على الدينا وهذا طبعج سوا كنتي في بيتكم ولا بيت احد
ثاني لازم اخر وحده تقعد على الطاوله ابتسمت لها وقلت لها اي والله ليما الحين هالطبع فيني ....
خلصو ومشو وانا صعدت داري وانا اصعد السلم امي تقول لي لا تنسين تلفزيونج شغال كالعاده وانتي نايمه
(لما كنتي صغيره ماكنتي جذي كنتي لما تقومين تسكرينه وتقومين ) وقفت عند نص السلم ونزلت لها بسرعه
وكنت مستانسه قلت لها يعني هذا الشي صار فيني الحين يوم كبرت قبل ماكان فيني؟ يعني انا تغيرت مو نفس
البنت الي كانت موجوده قبل صح ؟ امي قالت والله هذا انا الي كنت فاهمته قبل بس من جم سنه عرفت
ان لا قلت لها شلون ؟ تقول اكتشفت ان ابوج هو الي كان يصك التلفزون ويشيلج يوديج دارج وكان يقول لي
انج انتي الي تصكينه عشان ما ازفج ...
لفيت وصعدت السلم ودخلت داري وفتحت الليت ورحت وقفت جبال المنظرة مره ثانيه وقلت في نفسي
مع كل هالتغير (الخارجي) بس انا ليما الحين انا انا ماتغيرت ...........
سؤالي هو انتو لما تجابلون المنظره شتشفون ؟؟ هل انتي انتي ؟ ولا تغيرتي وصرتي وحده ثانيه
لدرجه انو نسيتي من كنتي وشلون ربيتي وشنو تعلمتي ......
ناططره ردودكم
