انتو شفتو روحكم بالمنظرة ؟؟!

[يمة يادلبي]

شكليا انا لما اشوف نفسي بالمنظرة احس نفسي ماتغيرت كلششش
اما داخليا انا مريت بمراحل وايد لما كنت ياهل كنت اجتماعية حيل وونيسة واحب اضحك وألعب بس لما صرت مراهقة انقلبت فوق حدر والحين شبه اجتماعية بس ليلحين احب الضحك والفرفشة

 

[manhattan girl]

انا بعد ما تغيرت و كل من يشوفني يقول اني مثل ما انا بس تدرون الجسم لازم فيه تغييرات لكن الويه و التصرفات نفسها مشكورة حبيبتي على الموضوع و الله انج رجعتينا جم سنه لي ورا

 

[Loutes]

اكيد تغيرت كثير وتبدلت

 

[sereen]

بيه يابنت المنصووور شالموووضوع السيكووباتى , بصراحه ما نى عارفه ارد >>>> i am always thinking and thinking
ايه والله قاعدة اقوول شنو كنت وشنوو صرت وشنوو تغير وشنو ماتغير
قبل من يوم بنت الى يومج هذا عندى مشكله عووووووووووووووويصه والله ميننننه زوجى معاى , اللى اهى ماسكر المغاطى عدل , تخيلى زيت الزيووووون مااسكر ه زين علب العصير نفس الشى او الحليب والله كله فى بالى انى سكرته , ايوون بشيلووون يسوى تششششششششششششششششششششششششششششششششششششششششششششش , وااااى بين من نفسى بين مو قادرة اتغلب على السالفه
صرت اجتماعيه درجه اولى قبل انطوائيه
ماخاف من شى من قبل يوم انا بنت الى يومج احب المغامرات احب اجازف احب اكتشف لو فى هالشى خطر مرات ما افكر ب اللى راح يصير
بس لازم اجرب ليش ما درى
للحين اذكر يوم بلعب رباضه يعنى , البس شووورت وتى شيرت وبيتنا حووووشه كبير وايد الساعه 1 بالليل انا الف فى الحووش ركض رايحه رادة بالحر الموووت , امى تقولى والله ماتخافين ينط عليج حرامى لان كان وقتها فترة حراميه بالكويت وكنا حاطين جلاب حراسه الله يعز السامع , قتلها اووووونس شى بالليل ايينى نشاط موطبيعى للحين ادرس بالليل انظف بالليل افكر بالليل اكتب بالليل
ويسلمووووو حبيبت قلبى على الموووضوع

 

[shai5at al3arab]

انا على تسريحتي حاطة صورتي وانا صغيرة .. فكل مرة اقعد فيها على التسريحة اطالع نفسي بالمنظرة واطالع الصورة .. اشوف الويه اهو اهو ما تغير .. وللحين فيني البراءة والحس الطفولي وحب اللعب والوناسة ..
بس لا بد فيه تغييرات بالشخصية كونتها الأيام والظروف ..

 

[مباركيه]

بنت المنصور 00ما شاء الله عليج 00راقية بكل شي

موضوعج وايد حلو 00واسلوبج راقي00انتي تكتبين قصص ؟؟

بالنسبة للمنظرة 00بصراحة ومن غير مبالغة انا بين كل وقت والثاني

أشوف روحي بالمنظرة ، واشوف روحي وأنابع كل التغييرات اللي تصير بحباتي وشخصيتي

واكتشفت أني بكل مرحلة عمرية اتغير من أشابيه وجهي 00وتصرفاتي 00مع الناس مو مع نفسي

لآني بصراحة ما أحب اهمل نفسي 0

كنت بعمر الطفولة خجولة وايد مو شوية 00وبعمر المراهقة تغيرت مائة درجة،، صرت اجتماعية وجريئة وأحب أفرض نفسي بكل مكان احبه

واحب أكون صداقات وايد وهالشي ما زال فيني00 وبعمر العشرينات كان كل همي مستقبلي وحياتي ورجع الخجل اللي كان فيني بالصغر ولا زال00

تزوجت وانا بالعشرينات00وحسيت اني تغيرت وايد أنعزلت عن الناس ما عدا صديقة وحدة عزيزة على قلبي
وبالثلاثينات 00عمر جميل كنت أربي عيالي وأهتم فيهم ولا نسيت نفسي ولا أهلي ولا أصحابي

والأربعينات عمر توقعت اني خلاص هني ستوب يمكن كل شي بيوقف وأني كبرت 00لكن صار العكس

الحمد الله العيال كبروا وتفرغت حق نفسي 00ولا حظت لما راجعت سنين عمري اللي طافت ان كل شي

فيني يتغير الا قلبي الحمد الله أحسه انه لي الحين شباب وأهم شي انه الانسان لازم يحب روحه ما أقصد الغرور والأنانية

قصدي انه لا يهمل نفسه ويعيش حياته ويحب اللي حواليه ويحب للناس اللي يحبه حق نفسه 000

أسفة على الطوالة بس حبيت ابين لج ان كل عمر وله شخصيته

 

[Mi$$ RoRo]

أنـاا تغييـر شكـلي أكييـد ~

بس شخصيتي ومن داخـلي ما تغــير شي كبييير لا يعني أشـيااء بسيطة تغيرت

وثـااانكس ,, صـرااحة مووضوووعج شي

 

[حنون^_^]

مشكووره على الموضوع الحلوو>>شكلج تعبتي من الكتاابه <<
انا بصراحه اول كنت حييل استحي بس الحين صرت جريئه شوي اما الباقي مثل ماانا ماتغيرت وشكلي الخارجي تغيييير حيييل..

 

[زهرة الفردوس]

أكيد الانسان يتغير من مرحلة لى مرحلة عمرية العقل ينضج وبعض الاطباع تتغير والدليل انتى وانا وتأكدى دوام الحال من المحال فى الحياة والتعامل والشكل والزمن كل شى يتغير فسبحان الله

 

[(كويتيه عسل)]

كل اللي يعرفوني قبل وشايفين من لما كنت صغيره
من الناحية الشكل الخارجي يقولون:

انا مثل ماانا ماتغيرت جسمي وشكلي بس الحجاب اللي احطه على راسي

ومغطي شعري اهوا الشي اليديد في شكلي

بس تصدقين انا ما احب اشوف روحي بالمنظره

انا احس اني تغيرت للاسوء وانا مااحب روحي

ساعات ابجي واتضايق من روحي ليش انا متغيره للاسوء صايره انطوائيه وماعندي ثقه بروحي

قبل كنت اجتماعية حيل والضحكه ماتفارق ويهي لدرجه اني لما اقعد ساكته لاشعوريا ويهي جني ابستم

اذكر الابلات في الحصه يعصبون علي يقولونلي ليش تبتسمين شنو اللي يضحك ؟!!

بعدين مع الوقت عرفو ان ويهي بشوش معنى انا اكون ساكته بس جنه ابتسم

وكان عندي وايد رفبجات ايام الطفوله والمراهقه وبالويك آند ماااشوف غرفتي الا وقت النوم

ولا ادري عن هوا دار التلفزيون كان الويك آند له طعم كنا الصبح لي العصر نتيمع في بيت يدي الله يرحمه

والعصر نطلع مع خالاتي وايام المدارس كنت اروح نادي الفتاة العصر اشوف رفيجاتي في المدرسه

ونقعد نلعب تينس وطائرة وساعات سلة وعقب مانخلص نروح نشتري بريد من جمعية الخالديه

نتعشا في المطعم اللي يم جمعية الخالديه وساعات وحده من رفيجاتي في الصف

تسوي عيدميلادها ونروحلها او تسوي يمعة في بيتهم وانا اسوي يمعه في بيتنا وايولي

وساعات نتواعد في المكتبه العامه نقعد ندرس مع بعض

الله يخليلي امي الله يطول بعمرها كانت توديني وتييبني

وساعات نتواعد في مكان ونشوف بعض في مكان اكثر شي كنا في اسكيتنق

ايييييييييييييييييييييييييييييييييييييييييييه ياحلات ايام قبل :0bee2e8d89:

موضوعج ضرب على الوتر الحساس موضوعج يعور القلب

 

[dubai_eyes]

بالنسبه لي التغير حصل بعد الزواج وهالشئ تدريجيا

يعني قبل كنت خجوله وايد ومب اجتماعيه والحين صرت شوي اندمج مع الحريم في اي تجمع..
كنت طيبه زياده عن اللزوم وينقص عليي بس الحين اتعلمت اني اكون طيبه مع الطيبين وحريصه في تعاملي مع الخبيثين.
طبعا في تصرفات كثيره مازالت لين الحين اتصرفها بس تصرفات زينه...مثل لازم أقرا كتاب او مجله قبل ما أرقد...وما أحب النوم في الظلمه....أعشق القيلوله وتصيبني حالة نفسيه لو مانمت شوي الظهر...امممم بعد شو

كنت انام وسط الحشره واللويه ولحد الآن نفس الشئ....عيالي يصارخون ويتضاربون وانا بسابع نومه...واذا سكتوا اقوم من الرقاد:krkrkr:

ومن ناحية المظهر الخارجي في تغير كبير.. يعني اتغير شكلي وايد واحلويت:dddds:

 

[الحــــياة]

:ggdw::أنـا أحس حيل تغيرت من الداخل والخارج وهذا شي طبيعي

 

[موت وميلاد]

تدرين بنت المنصور تنفعين تكتبين مذكرات وروايات

عاد اذا بتكتبين اول شي ابدي بقصتي هههههههه

 

[الباسمه]

والله مادري تغيرت والا لا
بروح اشوف عمري بالمنظره وارد اعلق

 

[بنت المنصور]

يمة يادلبي، مانتهاتن، عطر، الحياة، عيون دبي، : شاكرة مروركم يا عمري

رورو: انتي الي شي والله ، حنونك لوووووول لا ماتعبت


سرين: انتي تدرين شنو؟ لازم تقرين الموضوع وتتركينه وتروحين تفكرين فيه وبعدين ترجعين تردين عليه ياكثر ماتفكرين لوووول

وبالنسبه لنشاط الليل: انا مثلج ليما الحين العب رياضه بالليل وارتب اموري كلها بالليل.


شيخه العرب: سالفة الصورة الصغيرة منتشرة وانا ليش ما اسويها عجبتني بسويها صج شاكرة مرورج قلبي


مباركيه الغاليه: مشكورة ياعمري على الكلام الحلو ياعمري انتي الي ذوق وراقيه وبالنسبه لي سؤالج لا ما اكتب قصص

بس في قصه من فترة بديت اكتبها بس ما كملتها مو قصه هي روايه تقدرين تقولين 3 سنوات وانا ازيد واشيل واعدل عليها

وبعدين وقفت الكتابه ما كملتها وليما الحين الاوراق عندي اشوفهم اقول بكمل وما اكمل الافكار وقفو لووووولشاكرة مرورج قلبي

ولا بالعكس طولي كثر ماتبين رايج يهمني ....

موت وميلاد: لوووووووووووووووووووووووول يبي له عاد انتي الدراما بقصتج بزيد الجليه فيه لووووووول

الباسمه : لوووول اوكي ناطرتج


شاكرة ردودكم كلكم يا قلبي

 

[كويتية و لكن]

حبيتي البنت تتغير من الحسن للاحسن

والمتزوجة بعد تتغير من الجميل للاجمل

صراحة وعن تجربة بالي حولي ومنهم اهلي وجيرانة

الله يوفقك

 

[بنت المنصور]

كويتيه قلبي مو شرط بعضهم يتزوجون يصيرون اخس بالاخير كل شي نصيب شاكره مرورج يا قلبي

 

[روح الدنيا]

مادري ليش بغيت ابجي


ناسية والله هل انا تغيرت .. بس للحين انا ملقووفة و احب اغامر


مادري بس حلوو موضوعج اقعد افكر فيه


مشكووورة موضوعج يجنن

 

[طال الهجر]

واااااااو الموضوع احسه لامس قلبي وهمس فيه

جد الموضوع عاطفي وحلو وما ادري شلون اوصفه

فعلاااا بالشكل تغيرت بس بداخلي هم تغيرت وفي اشيا وااايد نفس ما هي

ااااااااه فعلااا موضوعج حلو حده

وطلعي المواهب اللي عندج بعد

مشكوره وااااايد

لما قريت الموضوع قعدت اطالع بنفسي وقعدت افكر فيج وافكر واقول لنفسي

انا تغيرت ولا لأ؟؟؟

شكراااا مني لبكره ....:eh_s(6)::eh_s(6):

 

[بنت المنصور]

روح الدنيا: صح موضوعي يبي له جذي تقعدين جم دقيقه تفكرين في روحج ولا يبي له انج تروحين جبال المنظرة تشوفين روحج

وتفكرين وبعدين تردين لوووووول ، ولا يا قلبي انا ما ابي ابجي احد دموعكم غاليه علي بس ادري كل وحده لها ماضي ولما

ترجع تشوفه ممكن هالشي يبجي كتبي الي بخاطرج قلبي وبدون قيود بعد بالاخير ....... شاكرة مرورج يا قلبي