انتو قدها؟؟؟..طريقه ابتكرتها للتوفييييير..

[طموح مفقود]

مرحبا ملكةسبأ ومشكورة على الموضوع المميز
اليك تفصيل الراتب:
700 الراتب
140 اقساط
37 فيزا وان شاء بسكرها وطلقها بالثلاث
40 قطة البيت.
ملاحظة : فيني شيء مو حلو وهو احب دايما اغير في بيتنا يعني صيغ تغير اثاث تعرفيتن مواعين حق رمضان والعيد .
والله مثلي 9 سنوات عمل جان موفرة شوي وشويات بس تعودنا على الصرف واهلنا ماعلمونا التوفير .
بغيت اسال عن شنو نوع الحساب اللي افتحه .
وحبيت من خلال خبرتج اسال المال اللي اوفره ودي احطه بمشروع لكن مو عارفه شنو هالمشروع اللي اقدر ادخله اشلون ابدا مو انا لازم يكون عندي هدف مو بس توفير وادري بالاخيرتطير تحويشة العمر .
افيديني
انا بانتظارك ياملكة .​

 

[malekatsabaa]

مشكوووره حيااتي وبس تعدي هالجم شهر عقب ما اسكر التزااماتي ..ارد مرة ثانية ونعيد هالحسبه مرة ثاااانيه ...

ويسلمووووووووووو يالغلا على هالمجهووود الطيب مثل صاااحبته ..

الله يسلمج هذا من ذوقج ..وحياج الله باي وقت

والله يوفقج ويسهل امورج

 

[malekatsabaa]

خوش موضوع


يعني انا الحين مسويه استقطاع 150 ومرات يظل من معاشي وما استخدمه فاحطهم على الاستقطاع

مرات 300 ومرات 200 المهم خلال 5 اشهر جمعت 1500

زين بسألج شلون نستثمر هاللي وفرناه ؟؟


يعني انا الحمد الله كل شي عندي سيارة موجودة وماعلي قرض

وعلى فكره شريت السيارة عن طريق الاستقطاع والتوفير

هلا حبيبتي

شوفي ياحلوه..انتي ماشالله عليج ماشيه صح..وعندج اراده وتصميم...الله يتمم عليج
بس اذا حابه الاستثمار..انا افضل انج تحطين لج مبلغ بالبنك ..ما ينجاس ومبلغ ثاني للاستثمار..
يعني تقسمين فلوسج قسمين عشان في حالة الخساره >>وهذا وارد باي مشروع <<ما تكونين خسرتي كل الي وفرتيه.

اما عن المشاربع الاستثماريه..
الاسهم الكويتيه او الخليجيه المضمونه
العملات
الذهب

والاهم من هذا كله في حديث عن الرسول عليه وعلى آله افضل الصلاة والسلام يقول:
اقضوا حوائجكم بالكتمان.
وبالتوفيق

 

[malekatsabaa]

مرحبا ملكةسبأ ومشكورة على الموضوع المميز
اليك تفصيل الراتب:
700 الراتب
140 اقساط
37 فيزا وان شاء بسكرها وطلقها بالثلاث
40 قطة البيت.
ملاحظة : فيني شيء مو حلو وهو احب دايما اغير في بيتنا يعني صيغ تغير اثاث تعرفيتن مواعين حق رمضان والعيد .
والله مثلي 9 سنوات عمل جان موفرة شوي وشويات بس تعودنا على الصرف واهلنا ماعلمونا التوفير .
بغيت اسال عن شنو نوع الحساب اللي افتحه .
وحبيت من خلال خبرتج اسال المال اللي اوفره ودي احطه بمشروع لكن مو عارفه شنو هالمشروع اللي اقدر ادخله اشلون ابدا مو انا لازم يكون عندي هدف مو بس توفير وادري بالاخيرتطير تحويشة العمر .
افيديني
انا بانتظارك ياملكة .​

هلا والله حياج..

700 الراتب
-(140+37+40=217) اجمالي الالتزامات
__________________________
483 الصافي
-10 صدقه
-13تليفون
-15 بانزين
-25 تجديد في البيت
__________________________
420
-100 مشتريات
-180توفير..الهدف انه عد سنه يصير عندج 2160انشالله.
_________________________
140 تنقسم الى اربعة اقسام كل اسبوع 35 مصروف ايدج.

ملاحظاتي:
*انا حطيت لج بند البانزين ..اذا ما عندج تقدرين تخلينه فوق التوفير.
*حطيتلج بند التجديد ..لان الانسان اذا يحب يسوي شي وانحرم منه مره وحده ممكن ان ايي وقت يتهور ويخرب الحسبه كلها عشان ينفس عن رغباته ..صج اهو مبلغ صغير بس هذا عشان تمرنين نفسج على التقليل من المصاريف الغير ضروريه..
*حلو انج بديتي تفكرين جد بالتوفير بس تو الناس عالاستثمار..لازم يصير عندج مبلغ حلو وبعدين تستثمرين.
*لا تنسين اول تحدي لج انج تسكرين الفيزا...تر الدين عمات عين ..وانتي الحمدلله مو محتاجه والله منعم عليج.
واول ماتسكرينها سوي في المبلغ شي تستانسين منه>>توفير...لوول
*واذا انشالله قدرتي تمشين على هالوضع جم شهر... رتبي امورج عشان تبتدين تستثمرين..
*انا افضل الحسابات الي عليها سحب مبالغ ..جود الله يرزقج وتفوزين..احسن من الحسابات الي عليها فوايد ..لان فايدتها تكون حدها تافهه.​

والله يوفقج ويسهل امورج

 

[كلي فخر]

شنو العملات؟؟



وغير الاسهم سمعت عن صناديق الاستثمار بالعقار؟؟

اذا تعرفين شي فيديني

وهل عند البنك عروض او شي نستفيد منه بدال مو فلوسنا مجمده غير الوديعة؟؟



وماقصرتي يالغلاااا

 

[كلي فخر]

اي ولقيت وانا افرفر بالنت عن استشمار عقار بشركة بس اذا تعرفين اهي مضمونه ولا لا

http://www.al-jadi.com/vb/showthread.php?t=344

عجبني بس مو عارفة اذا مضمون ولا لا

 

[دنيا من الوله]

جزاج الله خير وعسى ربي يباركلج بمعاشج وما يقصرج شي لانج فعلا قاعده تفيدين البنات ومعطيتهم من وقتج الله ينولج اللي فبالج انشالله

 

[malekatsabaa]

شنو العملات؟؟



وغير الاسهم سمعت عن صناديق الاستثمار بالعقار؟؟

اذا تعرفين شي فيديني

وهل عند البنك عروض او شي نستفيد منه بدال مو فلوسنا مجمده غير الوديعة؟؟



وماقصرتي يالغلاااا

اي ولقيت وانا افرفر بالنت عن استشمار عقار بشركة بس اذا تعرفين اهي مضمونه ولا لا

http://www.al-jadi.com/vb/showthread.php?t=344

عجبني بس مو عارفة اذا مضمون ولا لا

حبيبتي

انا ما عندي وايد مغامرات بالتجاره..

بس سمعت انه في ناس .. يشترون العملات لما تنزل اسعارها ويبيعونها لما تصعد...
والاسهم انتي عارفه يكون السوق فوووق ومره وحده ومن غير انذار يطيح بالقاع..

وبالنسبه لي ماراح افكر بالاستثمار الا لما يصير عندي مبلغ محترم ..بحيث اني ما اجازف فيه كله..
لاني مره جربت اسهم شركه بحرينيه ..واول سنه طلعتلي ارباح حلوه..ومن ثاني سنه وهي بالنازل ومن مبلغ 3600 صار600 بس ..عاد حرمت وطلبت العوض من الله.

وبالنسبه للموقع والله شكله يونس ..بس ماعندي فكره عنه ولو الامر راجعلي ما راح اجازف لنفس الاسباب الس ذكرتها قبل.

انتي يمعي ودرسي السوق عدل لا تجازفين من الاول ..لما تصيرين خبيره..سوي موضوع وعلمينا عشان نستفيد منج.

والله يوفقج.

 

[malekatsabaa]

جزاج الله خير وعسى ربي يباركلج بمعاشج وما يقصرج شي لانج فعلا قاعده تفيدين البنات ومعطيتهم من وقتج الله ينولج اللي فبالج انشالله

مشكوره حبيبتي عالكلام الحلو...
انا احب افيد الناس بالخير...والي اتمناه لنفسي اتمناه لكم.

الله يوفق الجميع.

 

[malekatsabaa]

اتمنى من البنات الي تعجبهم فكرتي ويجربونها

يقولون لي اشصار معاهم :gathering:

 

[Rosedale]

هااااااااااااي ساعديني الله يخليج زهقت من روحة السووووووووووووق والمشترى

أشتري شغلات مالها معنى والسبب الفضااااااااااااااوه

المهم معاشي 782

قرضي --- 177
تلفون + نت --- 55
جمعيه --- 100
غسال السيارات --- 5
حضانة بنتي --- 70

طبعا بغيت أقولج معاشي طاير أكثر شي عالمطاعم والسبب دوامي وأشتري ملابس حقي وحق بنتي لاني مسؤوله عنها
وبغيت أعرف البانزين والجمعيه آخذ مبلغهم من وين المصروف اليومي ولا الاسبوعي

لان انا كنت مخصصه 100 دينار حق الجمعيه أشتري فيهم حلويات وخرابيط :eh_s(14):

 

[black tea]

الموضوع عجبني وااايد
وابيج تساعديني
راتبي 444
قسط السيارة 185
موبايل 10
بانزين 10
امي 50

وابي ااوفر اشلون تساعدني
وجزاك الله خير

 

[Rosedale]

upppppppppp

 

[shai5at al3arab]

والله حلوة 200 توفير .. تفيد ..

وعجبتني فكرة اني اخلي 50 حق كل اسبوع .. بس تهقين نلتزم

احنا نستخف ونطير ال 100 بطلعة وحدة .

 

[om.5doja]

الله يعطيج الف عافيه

وان شاءالله اصير قدها وابلش اوفر على طريقتج من هالشهر

والله المستعان

 

[اهات الصمت]

مشكوره

 

[malekatsabaa]

هااااااااااااي ساعديني الله يخليج زهقت من روحة السووووووووووووق والمشترى

أشتري شغلات مالها معنى والسبب الفضااااااااااااااوه

المهم معاشي 782

قرضي --- 177
تلفون + نت --- 55
جمعيه --- 100
غسال السيارات --- 5
حضانة بنتي --- 70

طبعا بغيت أقولج معاشي طاير أكثر شي عالمطاعم والسبب دوامي وأشتري ملابس حقي وحق بنتي لاني مسؤوله عنها
وبغيت أعرف البانزين والجمعيه آخذ مبلغهم من وين المصروف اليومي ولا الاسبوعي

لان انا كنت مخصصه 100 دينار حق الجمعيه أشتري فيهم حلويات وخرابيط :eh_s(14):

اهلين حبيبتي

782 الراتب
-(177+55+5+70) الالتزامات
____________________
475
-10 صدقه
-65 جمعيه >>مبلغ 100 وايد على حلويات وخرابيط..اذا بتوفرين لازم تقتصدين في كل شي.
__________________
400
-20 بانزين
_________________
380
-50 مشتريات بنتج
-90 مشترياتج
__________________
240
-100 توفير
_________________
140 تنقسم الى اربعة اقسام كل اسبوع 35 مصروف ايدج ومنها بس ..تصرفين على المطاعم.


والله يوفقح )​

 

[malekatsabaa]

الموضوع عجبني وااايد
وابيج تساعديني
راتبي 444
قسط السيارة 185
موبايل 10
بانزين 10
امي 50

وابي ااوفر اشلون تساعدني
وجزاك الله خير

هلا حياج..

444 الراتب
_(185+10+10+50)
_________________
189
-5 صدقه
______________
184
-60 توفير
______________
128
-68 مشتريات
_______________
60 تنقسم الى اربعة اقسام كل اسبوع 15 مصروف ايدج

انا ما اعرف ظروفج ..بس اسمحيلي اقولج قسط السياره وايد مبالغ فيه بالنسبه حق راتبج
انا انصحج تعيدين النظر بالموضوع اذا فيه امكانيه.

والله يوفقج.

​

 

[black tea]

هلا حياج..

444 الراتب
_(185+10+10+50)
_________________
189
-5 صدقه
______________
184
-60 توفير
______________
128
-68 مشتريات
_______________
60 تنقسم الى اربعة اقسام كل اسبوع 15 مصروف ايدج

انا ما اعرف ظروفج ..بس اسمحيلي اقولج قسط السياره وايد مبالغ فيه بالنسبه حق راتبج
انا انصحج تعيدين النظر بالموضوع اذا فيه امكانيه.

والله يوفقج.

​

التقسيمة وااايد حلوة اشكرج يالغاليه
وللاسف ماقدر اعيد النظر في القسط والحمدلله على كل حال

 

[malekatsabaa]

والله حلوة 200 توفير .. تفيد ..

وعجبتني فكرة اني اخلي 50 حق كل اسبوع .. بس تهقين نلتزم

احنا نستخف ونطير ال 100 بطلعة وحدة .

شوفي حبيبتي..
دايما بالسوق لا تتسرعين بالشرا..وسالي روحج اكثر من مره(هل آنا فعلا ابي هالشي..هل آنا فعلا محتاجته؟؟؟)
وذكري نفسج ان في اولويات ...واذا شريتي اي شي يعجبج ممكن تنحرمين من اشياء احلا ..

والله يعينج ويرزقج