malekatsabaa
New member
السلام عليكم بنات ..:68_asmilies-com:
انا ادري ان مشكلة اغلب الموظفات ان ما يقدرون يوفرون..
وتلقين الوحده عشان تغصب روحها تسوي استقطاع ولا تدخل جمعيه..
بس في النهايه تلقى روحها مدت ايدها عالاستقطاع وتسلفت كثر الجمعيه او يمكن اكثر...
اول شي لازم يكون عندج الاراده الكامله في التوفير..والاقتناع ان الي قاعده تسوينه بمصروفاتج غللللط
وماله داعي اقولكم ان الزمن صار صعب ومستقبلنا مبهم واحيانا يخوف بعد..
ولا اعتقد انكم مرتاحين بالاقساط الي على ظهوركم ..
ولما تحتاجون الف دينار لازم يا دورينها عند الاهل او تاخذين قرض على قرضج...
المهم..
الحين بقولكم طريقه حلوه للتوفير+عدم التفليس لآخر الشهر:dddds:
اولا:
الغي كل البطاقات الائمانيه الي تساعدج على الصرف والتبذير (الفيزا ...الخ)
ثانيا:
طلعي من معاشج كل المصاريف والاتزامات الاجباريه مثل الاقساط والبانزين(يفضل شراء كرت)وغيرها
ثالثا:
حطيلج مبلغ من المتبقي للتوفير
رابعا:
تحطينلج مبلغ معقول وغير مبالغ فيه لمشترياتج الشخصيه
يعني ملابس واحتياجات شخصيه ومطاعم وغيره
خامسا:
المبلغ الاخير ينقسم الى 4 اقسام وتكون مصروفاتج الشخصيه لكل اسبوع بالشهر(صالون,جمعيه,كروت تعبأه)
على شرط ان ما تتعدى مصاريفج هالمبلغ مهما كان صغير..
مثال
اذا معاشج 800
وقسطج 200
____________
تقسمين معاشج كالاتي:
800 المعاش
-200 اقساط والتزامات
____________
600 الصافي
-200 توفير
________________
400 تنقسم الى
(1) 200 مشتريات
(2) 200 مصروفات اسبوعيه>>50 دينار لكل اسبوع بالشهر
:ggdw: :ggdw: :ggdw:
وبجذي تكونين استانستي على قد معاشج وامنتي مبلغ صغير للحاجه ..الله لا يحوجنا لاحد.
صدقوني بنات انا كنت احاول اوفر
لكني دايما ما التزم فيه عدل ولا ايي آخر الشهر والقى نفسي مفلسه ومتأزمه:0bee2e8d89:
بس لما سويت هالطريقه ..ماشاء الله ..والله اني احس قد المسؤليه ..
انشالله تعجبكم طريقتي واي اقتراح او استفسار انا حاضره
