انتي حلوه بس مو حاسه انه ريحت .. تلوع الجبد !!!!

[[email protected]]

رد : انتي حلوه بس مو حاسه انه ريحت .. تلوع الجبد !!!!

ادري دوختج ..:eh_s(7):
بس حبيبتي عادي استخدم غسول انتمبيت نسيت اسمه الي مع البابونج عرفتيه
يعني اهو صابون وغسول:080402ask_prv::080402ask_prv:
اذا تعرفين صابون للنظافه من تحت اسدحيه هني ماعليج امر حوووووبي:hjy5jewf:

 

[NoOoNE_q8]

كملي الموضوع ناطرينج

 

[white**angel]

up

up

up

 

[toofy89]

رد : انتي حلوه بس مو حاسه انه ريحت .. تلوع الجبد !!!!

خوش موضوع اي والله اهم شي هالشغلات عشان جذي انا انفر من ريحة الزقاير لانها تلوع جبدي حيل ياربي

 

[عزتي مالها حد]

رد : انتي حلوه بس مو حاسه انه ريحت .. تلوع الجبد !!!!

جزاج الله خير على الموضوع

 

[NFOOOL]

يعطيج العافيه حبيبتي
بس بما أنج صيديلانيه يااليت تقوليلي شنو أحسن مرطب حق البشره لأنه بشرتي دهنيه بس المنطقه الي حوالين حلجي داايما جاافه مادري شالحل؟؟

 

[sweetgirl121]

من حزب الطماشة
مو متزوجه، مو ضروري حق ريال بس حلو إن الوحده تهتم بنفسها و تنتبه للشغلات ممكن تكون هاملتها او غافلتها
مشكورة

 

[kuwaitya-frawla]

مشكوره

 

[دانات السنا]

رد : انتي حلوه بس مو حاسه انه ريحت .. تلوع الجبد !!!!

نايس مشكورة فديتج..

 

[.،:"$الـعـوبــــة$":،.]

رد : انتي حلوه بس مو حاسه انه ريحت .. تلوع الجبد !!!!

مووووووووووووووضوووووووووووووووووووووووووع
رووووووووووووووعةةةةةةةةةةةةةةةةةةةةةةةةةةةةةةةةةةةةةةةة

:fun:

صارلي كم يوم احوس فيه واقرا واستفيد ،
وبقولك من شنو استفدت ،،
اول مرة اعرف معلومة ان الديودرنت فيه ديودرنت وفيه انتييييييي برسبنت ،،
وانا ماكنت استخدم ديودرنت بالاساس ، كنت استخدم كريم بوهلي فظيييييييييييع ، من زمااااااااااااان !!
لايمكن لايمكن تطلع فيك ريحة ، وتعرقين عادي ، ويصفي لون الاباط يخليه شحلاته !!
بس صاروا يحطون له تقليد ، وماعاد يجيبون الاصلي واضطريت اني استخدم ديودرنت نيفيا الابيض لأن ماعندي خبرة بهالاشياء !
وسجلت اسم كذا واحد ذكرتوهم وبجربهم ،،
وبعد استفدت من معلومة غسول سيتيال ، خوش معلومة صراحة ! انه يقتل الحيوانات المنوية ، لأني اركب لولب ويقولون ان مومضمون 100% فحلو اني استخدم هالغسول بعد عشان اضمن اكثر ، واكيد كل شي بامر الله ،،
وبعد سالفة العلوك ، انا اكل علك الماي والله صدق ! فظيع حق الحارق مااستغني عنه نهاااااائياااااا بحمالي !!!
اما الشعر فانا للاسف شعري يطيح بشكل مو طبيعي !! مع اني والله العظيم اعتني فيه عناية لو وحدة غيري يمكن شعرها صار لركبها !!
وشامبوي جونسن لاني اتسبح يوميا ومااحب استخدم الشامبوات الثانية اخاف يتقطع !
وحمام الزيت احطه بس عالاطراف ،
بس هالفترة صايره فيني قشرة واحس هي اللي مخلية شعري يطيح بزيادة !
والقشرة لأن جلدة راسي حييييييييييل تفرز دهون ،،
رحت العيادات على طول بيعطوني ابر ميزو وليزر !!
زين عالجو جلدة راسي بالاول !!
ومورادين علي !! بس الكورس ب700 وب800 !!
ودي استخدم حبوب التنشيف ؟ لأني توني والدة ومالي نية احمل قبل 3 سنين اقل شي !
تهقين ممكن تأثر على شي ثاني فيني ؟ اخاف تنشف البشرة والجسم بعد ؟؟
ويعطيك الف عافية يارب ،، والله مجهود فعلا تشكرين عليه صراحة ،،:eh_s(17):
​

 

[عادت ذكرياتي]

أب
أب
وين مروجة !!!!!!

الله يوفقها يارب ويوفقكم ويوفقنا

 

[MoonDiamond]

مشكوره على الموضوع
وصاجه وايد بنات حلوجهم فيها ريحه واسنانهم صفر وعادي عندهم!!!!!!

 

[ورديـــه]

يعطيج العافيه



مجهود تشكرين عليه صراااااحة



واللي يضحك بالموضوع ان ديانا ليلحين قاعده تدش وتعلق


مادري شتحس فيه خخخخخخخخخ

 

[ورديـــه]

يعطيج العافيه



مجهود تشكرين عليه صراااااحة



واللي يضحك بالموضوع ان ديانا ليلحين قاعده تدش وتعلق


مادري شتحس فيه خخخخخخخخخ

 

[sweet december]

رد : انتي حلوه بس مو حاسه انه ريحت .. تلوع الجبد !!!!

هلا حبيباتي فديتكم كلكم وحده بوحده برد ارد عليكم

بس والله دشيت امس كتبت موضوع يديدعن العطرات اهني وانمسح كله جان اعصب واطلع والمصيبه كان مع الصور وبحطلكم بعد طريقه الحمام المغربي الملكيه


كل الي يحبوني بعد الفاصل يلاقوني لووووول

اب اب

 

[ورديـــه]

يالله ناااااااطرين


اهم شي نبي طريقة الحمام المغربي


أب أب أب

 

[sweet december]

رد : انتي حلوه بس مو حاسه انه ريحت .. تلوع الجبد !!!!

هاي بنات رديتلكم مع طريقه الحمام المغربي طبعا اهي طريقت وحده مغربيه رفيجتي مع اضافه اشياء انا استعملهاا دايما بكل حمام مغربي اسبوعي انا اسويه وبحاول احطلكم صور وتلفوني معلق والله مو راضي يدز كل الصور بس دز شوي وعلق لووووول فالي ما دزهم طلعتهم من النت واتمنى تجربون الحمام على طريقتي وصدقوني ما راح تندمون

اولا بنات نبدي شنووووووو اهميه الحمام المغربي ؟؟

1- فتح المسامات
2- تنعيم الجسم
3-تبييض الجسم والتفتيج مع الاستعمال المتكرر يعني خلنا نقول كل اسبوع مره زين
4-التخلص من الجلد الميت والخشن والطبقه الدهنيه من الجسم
5-الشعور بالنظافه والانتعاش :hjy5jewf:

ثانيا - بنااااات شنو احتياجاااااااااااااتنااا ل تبين تسوين الحمام المغربي بالبيت ؟؟؟

1- مكان مغلق ( لو عندج بانيو انصح كل واحده تركب البخار بالبيت ترا ما يكلف كله 350 دينار وبالاقساط اكو 15 دينار بالشهر يركبولج اياه بالحمام ) - او خيمه البخار ما احبها احسها وايد صغيره ما اخذ راحتي - او بالحمام العادي مالج مو لازم بخار تسكرين الشفاط الباب وكل مكان تهويه + تترسين البانيو ماي حاااااار عشان البخار يصير بكل مكاااااااان

2- تبدين بشعرج لكسب الوقت طبعا قبل ما تتسبحين تكونين حاطه زيت لشعرج انا احط براشوت الذهبي للشعر الملون مافيه ريحه ومدته نص ساعه تغسلين بشامبوج المفضل بعدين تحطين حمام الزيت مالج + تلبسين الكبوس

وهذا شامبوي المفضل مع حمام الزيت معاه روعه ايهبل

3- تبدين تصبين على جسمج شوي ماي حار من فوق لي تحت والافضل تقعدين 3 دقايق تتنقعين بالماي الحار الي ترستي البانيو فيه عشان تنتفتح المسامات مع البخار بنات اهم شي البخار ركزو عليه خلو الحمام كله بخار

ملحوظه: بلشنا بالشعر اولا عشان مسامات يلدج تنفتج والبخار يتغلغل لجسمج لانه ماكو هدف لو جسمج ما تشبع من البخار معناته ماكو وصخ راح يطلع



4- الحين تحطين صابون مغربي طريقه الخلطه ( كوب صابون مغربي + عصير ليمونه وحده + كوب حنه مغربيه تنباع بالحواي + كوب ماي ورد ) على جسمج كله افضل نوع صابون الطاووس المغربي الاصلي بزيت الزيتون واكو بالافندر انتي اختاري الي تبينه هذي صورته

صوره الحنه :- متوفره عند الحواي اخذي اي نوع مو مشكله لانه كله مغربي انا اييب نوع من المغرب رفيجتي توفره لي بحطلكم صورته لما يتعدل الفون وبسوي تعديل اهني انشالله

5- تخلينه لمده 10 دقايق على جسمج لكسب الوقتوتحطين شوي صابون مغربي تحت لقاعه ريولج واتيبين نفس الي بالصوره وتفكرين ريولج بحركه دائريه بس من تحت للنعومه وازاله الجلد الميت انا اختار انعم نوع لان ريولي على طول انا اهتم فيهم للي فيها سواد او تقشير تختار الصوره الثانيه بس تستعل الجزء الالطف لانه اكو جزء ناعم وجزء خشن دايما اختاري الانعم عشان لا يبقع يلدج

6- تغسلين جسمج من الصابون بماي دافي عادي مو مشكله وتبدين تفركين جسمج بالليفه المغربيه ماركه الطاووس احسن شي بس تبللينها شوي وتفركين بحركه دائريه وتشوفين اللفايف الي تطلع منج لوووول والافضل ريلج يساعدج بظهرج وريولج لانج راج تتعبين بس لو حاسه بيطلع وصخ وايد الافضل لا لووووول :hjy5jewf:

صورت الليفه :

7-تغسلين يلدج بالماي الدافي وتاخذين الليفه الثانيه الناعمه وتفركين جسمج خفيف فيها طبعا الصابونه اهي صابونه الطاووس وفي بالافندر واكو بزيت الزيتون

صورتها :

الليفه الناعمه :

8- الحين تغسلين يلدج بماي بارد عشان تسكرين المساماااااااااااات

9- تاخذين الليفه الناعمه وتحطين اي نوع شور جل انتي تحبينه وترطبين فيه جسمج انا احب هالنوع

10- غسلي شعرج بس بماي مو وايد خلي شوي حمام زيت عشان لا ينشف شعرج

11-تاخذين اي نوع شور جل حلوه ريجته وثابته وتحطين شووي عالاماكن الي تبينها انا احب هالمجموعه اموت عليها من شور جل + عطر + بودي لوشن اتهبل

12-اتيبين شوي طين مغربي اييج على شكل كرات وتحطين شوي بماي ورد وتخلينه ماسك لمده 10 دقايق خلالها تمررين القطنه بس يكون فيها ماي ورد بارد يعني تكونين حاطته بالثلاجه على هالاماكن عشان تنشد وتصير بيضه وناعمه

منطقه الحميميه + المؤخره + منطقه الصدر والارداف والبطن + الويه بس بعد ما تخلصين من ماسك الطين المغربي
تكون مساماتج مفتوحه وبشرتج ورديه مايله للحمار لووول ابدي مرري بقطنه بارده ماي ورد بارد وخليه ليما ينشف على ويهج والله يشد بشكل مو طبيعي وريحه اتهبل

13- تغسلين ويهج من الماسك وتحطين امبولات كولاجين اي نوع تبين هذا مو ضمن الحمام المغربي انا اسوي جذي لوووول كل شهر احط امبوله وحده افضل ماركه انا عندي ايفا احبها وخفيفه

14-مايحتاي سنفره لو تبين تبييض اوووكي حطي من كريم العروسه للتبيض بكل الحوايات متوفر شوي خليه لمده 5 دقايق بعدين فركي بالليفه المغربيه وغسليه بماي دافي لازم تسوينه بعد الصابون المغربي والليمون والحنه الي قلنا عليهم

صورت كريم العروسه للتبييض

15- تاخذين روبج وتطلعين من حمامج الساخن لفراش ساخن مع ريلج باذن الله

بنات عندي جم ملاحظه بعد الحمام المغربي لا تستعملين ديوردرنت ولا اي عطر على يلدج لان المسام مفتوح وممكن يلتهب كافي اي شور جل حلوووو وريحته ثابته نفس فرساجي او الكرز مال بدي شوي وهذا صورته

ماك مانع تحطين شوي زبده من بدي شوي عالرقبه والفخوذ

دايما ماي الورد مالج خليه بالثلاجه والصبح وبالليل مسحي على ويهج والاندر ارم وكل مكان تحسين لونه مو اوكي او تبينه يشد والله مع الايام نعومه وبياض ولون واحد وانعاش


بنااااااااااات الموضوع كله من اوله لي اخره من جهدي الخااااااااااااص الي بتنقل تكتب اسمي بالاخر واسم منتدى كويتيات ومابي منكم الا الدعاء انه الله يخليلي امي وابوي وريلي وعيالي وبردلكم مع احلى عطورات بنفس المووضوع تابعووووووني فديتكم

 

[G!RLooNa]

واو الحمام المغربي روووعه يعطيج العافيه

 

[Cruella Devil]

تسلم ايدج حبيبتي .. يعطيج ألف عافية
عسى الله يخليلج أمج و أبوج و ريلح و عيالج ان شاء الله

 

[A7la KatkoOota]

رد : انتي حلوه بس مو حاسه انه ريحت .. تلوع الجبد !!!!

يعطيج العافيه حبيبتي مريوجه حمام المغربي طريقتج شكلها حده عجييييبه بنجرب وانقولج النتيجه
والله يخليلج امج وابوج وريلج واعيالج ويخليج لهم وموفقه حبيبتي :eh_s(7):