انتي كويتيه وتتعالجين على حسابج؟؟؟ تعالي ......

[FoOoShYaa]

يا بنات وزارة الصحه موفره علاج في الخاص علي حساب
الدوله وخاص بس بالعقم ليش ما تستغلون الخدمه هذي
علاج ببلاش وانتي تختارين الدكتور والعياده او المستشفي و
الوقت اللي يناسبج
ليش تدفعين فلوسج زايده مثلا
وليش مستشفيات الحكومه اللي تخليج تهونين عن الحمل
أنا سويت الكتاب ورحت عالجت وسويت حقن مجهري
والحمد الله عندي ولد عمر ه ١٠ اشهر
وقاعدة افكر اسوي الكتاب مرة ثانيه العلشان احمل مره ثانيه
عندي اجنه مجمده وبرجعهم

 

[شمخانيه]

وكله ولا مستشفي الصباح
طردوني
قال د.حازم لك 6 محاولات
وطبعا طردني يقولي خلاص

ياربي ووين نروح
المستشفيات الخاصه تبط الكبد

 

[lovemyself]

بنات صحيح ان الدولة توفرلج علاج فى الخاص على حسابها بس العلاج يكون مره وحدة او مرتين وبس عقبها يقطونج برا يعنى اذا فشلت عمليتى مرتين خلاص ما يحقلى احاول بعد؟ ولا بقعد طول عمرى اقط الالاف على هالعمليات معقولة والله الانسان يزهق وتقعدين تخشين بهالفليسات وتقطينها بالهواء وبمستشفيات الحكومة انسى احد يطالع فيج جنج زهيوى يمشى عالقاع لا وبعد زهيوى قزم والله تحسين بالذل بعينه وعلمه اقسم بالله انى لما راجعت بمستشىفى الصباح لفتره وطبعا خليته يولى كنت احس بالذل وكنت من القهر من اخلى دموعى تنزل جدامهم بس اخليها داخل عيونى وانى احس بمرارتها فينى تحسين انج جنج قاعده تطرين اه بس حسبنا الله ونعم الوكيل

 

[روعة زماني]

مرحبا
شنو يعني على حساب الدوله فهموني بلييز
انا والله اجمع فلوس علشان اتعالج وحسب لكل فلس كله خايفه ما تكفي خصوصا اني مو موضفه ولا عندي واسطه وزوجي العزيز مو متعاون حلوها ؟؟؟؟؟؟؟؟؟؟؟؟؟؟

 

[مشتاقه للعيال]

رد : انتي كويتيه وتتعالجين على حسابج؟؟؟ تعالي ......

انا رحت قدمت في العلاج بالداخل للعقم وكتبت كتاب ومر تقريبا الشهر وجاء الرد

بالرفض ليش لان عند ولد والعلاج حق اللي ماعندها عيال يالله انك ترحمنا

 

[أسيل]

رد: رد : انتي كويتيه وتتعالجين على حسابج؟؟؟ تعالي ......

انا رحت قدمت في العلاج بالداخل للعقم وكتبت كتاب ومر تقريبا الشهر وجاء الرد

بالرفض ليش لان عند ولد والعلاج حق اللي ماعندها عيال يالله انك ترحمنا

حبيبتي كل شي بعد الله يمشي بالواااسطه انا اعرف ثنتين وحده عندها طفل والثانيه 3 اطفال طبعا كلهم

بعلاج

وقدموا على علاج داخل الكويت ومشت بس محاوله وحده ولا هذي ولاهذي انجحت الصراحه انا اشوف

الطريقه

ما تسوى المراكض والواسطات وتعب المراجعات كلها محاوله وحده...

 

[Eva-SS]

الله يرزقكم كلكم بس هذا اللي اقدر اقوله

 

[lovemyself]

الحين مو حق العلاج المجانى لكل مواطن مكفول فى الدستور صح؟ طيب احنا ليش مالنا حق ؟؟؟؟؟ يعنى اذا الوحدة ما تحمل الا بطفل انابيب والسالفة هذى تكلف فلوس وفوق هذا احيانا تقعد الوحدة تحاول كذا مره ووبعد ما تنجح معقولة يعنى يسوونلنا مره وحده وبس ؟زين وين حقنا كمواطنين ؟مو قالوا يبون يعاملون العقم كاى مرض ثانى ؟ انا احتج واعترض :krkrkr::eh_s(4)::eh_s(16)::eh_s(14):

 

[حبيبه هيثم]

رد : انتي كويتيه وتتعالجين على حسابج؟؟؟ تعالي ......

بالعكس حبايبى انتو فاهمين الموضوع غلط الحكومه مو مقصرا روحوا وشوفو