.:. انجح الخطط في تأمين مستقبل عيالنا .:. شاركونا .:.

[xxx]

ماكو أهم من مستقبل عيالنا صح

وكلنا نطمح لمستقبل أفضل لهم

بس شلوووون ؟؟؟

شاركونا بتجاربكم الناجحه لتأمين مستقبل عيالكم


لقيت هالطريقة ::

كيف توفر من راتبك لأولادك ؟

السلام عليكم ورحمة الله وبركاته

قال صلى الله عليه وسلم ( لا يؤمن أحدكم حتى يحب

لأخيه ما يحب لنفسه ) الحديث

اخواني : هذه طريقة سهلة ومعروفة لدى الجميع ولكن احببت أن اطرحها

عليكم لعل أن ينفع بها ...

اخواني : كم مرة تأتي العلاوة السنوية ولم نستفد منها ...

اخواني : هل استفدنا من الزيادة 15% للراتب ...

طبعاً لا تقول عندي... وعندي...وعندي ...أقولك تقدر توفر لكن مع شويت صبر وتشوف ....خاصة ونحن على

قرب علاوة سنوية .

الطريقة :

أن تقوم بوضع تحويل مستمر لمبلغ بسيط من راتبك إلى حساب آخر في بنك آخر .

مثال : راتبك 5000ريال او اكثر ينزل في الحساب يوم 25من الشهر ...تمام

تقوم بوضع تحويل دائم يوم 26 من نفس الشهر بمبلغ 300ريال للطفل او250 ريال

( احرص الا يتجاوز المبلغ 300 ريال ) إلى حساب في بنك آخر بدون بطاقة

صراف .

تكلفة التحويل : قد يأخذ البنك عليك مبلغ 5ريال كل شهر .( لا تفكر في

المبلغ البسيط وتنسى الفائدة كلها او تقوم بالتحويل اليدوي )

الفائدة : قد لا تجد الفائدة في السنوات الأولى ...لكن تجدها حينما يكبر

اطفالك .

 

[الله يخليني]

رد : .:. انجح الخطط في تأمين مستقبل عيالنا .:. شاركونا .:.

مشكورة ...
فعلا توفير جزء من أموالنا لعيالنا شيء مهم لكني أرى ان نصرف عليهم في العلم ويحصلون شهادات عليا أهم من إني اخش لهم جم بيزه يصرفونها بليلة وضحاها ...

 

[جذابه بنت ذيابه]

رد : .:. انجح الخطط في تأمين مستقبل عيالنا .:. شاركونا .:.

موضوع روووعه


وانا حاطه لولدي حصله اجمع له فيهااا ,,



وودي اسوي له بطاقه خاااصه <فديته


وماقصرتي يا الغلا

 

[xxx]

رد : .:. انجح الخطط في تأمين مستقبل عيالنا .:. شاركونا .:.

مشكورة ...
فعلا توفير جزء من أموالنا لعيالنا شيء مهم لكني أرى ان نصرف عليهم في العلم ويحصلون شهادات عليا أهم من إني اخش لهم جم بيزه يصرفونها بليلة وضحاها ...

العفو

صح كلامج بس شالي يمنع نصرف عليهم ونوفر لهم

الدنيا مايندرى عنها

 

[xxx]

رد : .:. انجح الخطط في تأمين مستقبل عيالنا .:. شاركونا .:.

موضوع روووعه


وانا حاطه لولدي حصله اجمع له فيهااا ,,



وودي اسوي له بطاقه خاااصه <فديته


وماقصرتي يا الغلا

الافضل تسويله حساب

عسى الله يخليه لج

 

[شمس 20]

يعطيج العافيه يا مديرتنا :eh_s(15):
وصح كلامج التوفير شي حلو ومفيد
انا ان شالله بس اخلص الفيزا اللي علي
وافتك منها ومن شرها بسويلي حساب
توفير لو 60 دينار وانساها
وبس يبقالي شي حلو من راتبي
ويكفيني ​

 

[فوركسيه]

رد : .:. انجح الخطط في تأمين مستقبل عيالنا .:. شاركونا .:.

دائما وابدا وقالوها قبلنا احفظ حلالك يحفظك
والقرش الابيض ينفع باليوم الاسود
يا عل ايامكم كلها مطر:27d66a9c24b146327bf

 

[kuwaitya-frawla]

يسلموووووووووووووو

 

[بنت الاحلام]

هلا وغلا الفكره حلوه

انا اقول لو الام موظفه

تسوي لعيالها حساب واستطاع شهري

من راتبها حسب مقدرتها لكل واحد من عيالها

ولو عندها مصدر دخل ثاني تحط بحسابهم لي كبرو ولا كل واحد عنده مبلغ محترم


ولو كان عن الابوين قدره ماليه يشترون بيت او شقه وياجرونه ويحطون الاجار بحساب الولد

لي كبر يكون عنده بيت وهم حساب حلو ينفعه حق حياته


واهم شي الصدقه

اتصدق عشان رب العالمين يدفع البلا عن عيالي ويحفظهم لي اهم من تجميع الفلوس لهم


وبس

 

[ام ورود مول]

رد : .:. انجح الخطط في تأمين مستقبل عيالنا .:. شاركونا .:.

يعطيج العافية عالموضوع

انا توني فتحت حسابات لعيالي وسويت استقطاع شهري مبلغ 5 دنانير من حسابي لكل واحد منهم ( مبلغ بسيط بس ان شاء الله يكون فيه بركة)
عشان لما يكبرون يكون عندهم جم فلس يستفيدون منها

ودايما اتصدق عشان الله يبارك بفلوسي

وأحاول اذاحصلت جم دينار اجمعهم واحطهم بحساب ما عندي له بطاقة...مثل الحسابات اللي يكون عليها سحوبات شهرية

هذا اللي قدرت اسويه في ظل هالحياة الصعبة والمكلفة ماديا

 

[جوري الكويت]

رد : .:. انجح الخطط في تأمين مستقبل عيالنا .:. شاركونا .:.

خووش موضوع

 

[اسرار الغلا]

حلوه الفكره

 

[للحين ناطره]

ؤاااااااااااااااي
جم سنه صارلي بفتح هالحساب ماتحركت