انخطبت وابي رايكم

[ms.eng]

السلام بنات

انا من فترى كتبت موضوع عن مشكلتي مع خطيبي السابق

وبعد ما خذيت ارائكم وصليت استخاره كان قراري انه اتركه وهذا اللي صار

والحمدالله على كل حال

انا عمري 18 سنه .. حالي حال اي بنت بعمري تقدمولي ناس كذا مره و سألو عني

انا مو مستعيله على الزواج بس في حال انه تقدملي شخص في اغلب المواصفات اللي افضلها

وحسيت انه صعب ألاقي غير لا افكر بالموضوع واذا كل شي اوكي اوافق ما عندي مشكله

وانا ارفض تمااااما اني اتزوج شخص عمره تحت الــ 26 .. وبعد ما مر علي حالات وقابلت ناس

قلت مابي تحت الــ 30 هههههههه

زبدة الكلام

تقدملي شخص ارتحتله واااااايد وابي بصراحه في قبول من ناحيتي

واهوه متمسك فيني وايد وايد بنات يبي يملج الحين عساس يشوفني على راحته

ومستعيل على الزواج وايد

ريال فاهم .. مقتدر .. ذرب .. وسيم .. روحه حلوه ومن عايله معروفه وااااايد والله منعم عليهم مشالله بــــــــــــس

اللي مخليني اتردد .. انه عمره 43 اكبر بنت عنده كبري و مطلق 3 مرات ما اقدر اقول الاسباب بس كانت مقنعه

ورفيجاتي قالولي انه ممكن تكون نزوه ويطلقج بسرعه ;/

والله احترت

شرايكم ؟

 

[الـوايـلـيـة]

فرق العمر انا مايهمني
لكن انتي توج صغيره واهوا مطلق ثلاااااث مرات مو مره
تلاقينه قال اجرب الصغيره يمكن اقدر اتحكم فيهااا
ما ادري انا راي مايناسبج ومنتي بايره توج عنوونه
والله يكتب لج اللي فيه خير وصالح

 

[ام شيخوه]

ينخاف منة مطلق ثلاث مرات لالالالالالالالالالالالالالا انتبهي انتي توج صغيرة لية تاخذين واحد مطلق شنو ناقصج لاتستعجلين

 

[raneen]

رد : انخطبت وابي رايكم

حبيبتي ...
الفرار لج مو بيد احد انتي صلي استخاره وشوفي الله شنو يكتبلج بس انا من وحهة نظري ان حددددددددددددددددددددددددددددددده حددده كبير عليج ... وانتي بعدج اصغيره والعمر جدامج ليش اتضيعينه مع واحد كبر ابوج ... مع انج تقدرين تاخذين الاحسن والاصغر منه
ومالج شغل بظروووووف غيرج لان كل واحد الله كاتبله نصيبه فمو شرط اذا خذيتي الكبير رح ترتاحين يمكن يوريج انجوم الظهر والعكس صحيح...
بس خوفج اذا خذيته مرح تقدرين اتسوين الاشياء الي تقدر اي وحده وريلها الصغير يسوونها وبعدين ... والله ما ادري انا من وجهة نظري لأ والف لأ... ومليو لأ بعد ...ليش اقط روحي مع واحد عمره43 وان 18 سنه ليش ناويه اعذب نفسي مثلا...
اتقبلي مروري لج وتبقى هذي وجهة نظر...

 

[ms.eng]

رد : انخطبت وابي رايكم

مشكورين بناتعلى التفاعل السريع

بس بوضحلكم نقطه

اهوه متشبب وااايد وايد ويحب يطلع ويسافر و يروح ويرد

و والله وايد متلهف علي بنات يقولي والله بدلعج وما راح اقصر معاج بشي

يعني انا حسيت انه بعد الحياة اللي عاشها وتجاربه السابقه يبي وحده تعوضه وختار صغيره عشان تشببه

ومثل ما تعرفون انه البنت تكبر اسرع من الريال .. يعني انا حسيت انه يبي صغيره عشان اتم بعينه صغيره ودلوعه على طول

اما اذا خذا وحده من عمره راح تكبر بسرعه ومادري والله .. اشكركم على اهتمامكم مره ثانيه

وناطره ردود باجي البنات

 

[گنت أحبگ]

رد : انخطبت وابي رايكم

وانا بعد رايي ماينااسبج بالمرراا

شدعووه ٣ مرات مطلق ؟؟

وفرق العمر واايد كبير اانا اكبر منج بثلاث سنين وتقدملي واحد اكبره منه بسنه ونفس مواصفاتا ويمكن احسن ومطلق مره وحده بس
وماوافقت

فكري بفرق العمر فكري بالمستقبل تخيلي يعني بااجر انتي بعز شباابج واهو صك الستين

لا تقوليين عاادي فكررري بكل شي

والصراحا بقوولج رااي مع احتررامي لكل الريااييل وطبعا مو كلهم بس الاغلبيييه الرياييل الكبار يبوون يتزوجون البنات الصغاار علشان الوناسا اظن فاهمتني
يعني مو علشاان بيت واستقررار وعيال اللي انتي تفكريين فييه

نصيحتي لج فكرري عدل علشاان ماتندميين

وكاافي انه مطلق ثلاث مرات يعني لو شااب بو ٢٥ سنه يبييلج تفكرين عشر مررات لانه مطلق شلووون بو43

وشووفي راي امج احسن حت لو عكس رايج اهي كبيره وتعرف وتفكر بكل الاموور اللي مو فباالج انتي ١٨ سنه ترا ليما الحين مو نااضجاا حيااتي ومووفقااا يااارب

واذا في خيير لج ياارب يكتبه من نصيبج ويهنيكم

 

[Gourges]

امبيه حده لا لعدة اسباب

1- انتي مااعمرج تزوجتي واهوا متزوج 3 مرات ومطلق وطبعا بيقول اسباب مقنعه حق طلاقه بيقول انه اهوا عوب وشرير؟ لا بيقول وحده مو زينه ووحده هاملتني ووحده السانها طويل.. الله شنو هلريال الي 3 حريم ماتحملوه .. وطبعا بيقول اهما يبوني وانا مابيهم .. لا ياحبيبتي شحقه تقطين نفسج على واحد الطلاق عنده مثل شربة الماي ...

2- فرق العمر حلوو .. بس لي صار اكبر منج ب 5 سنوات لي 10 سنوات حددددده مو مليون سنه ليش؟
صح بيدلعج يمكن بيصرف عليج بزياده يمكن بس عبالج نفس الي كبرج وتزوجت واحد صغير؟ لا حبيبتي استوعبي
بتروحين تتمشين عادي تستهبلون تضحكون تركضون .. لي سافرتوا تسوون اشياء غبيه وتفصلون نفس الفصلات وتهبون بنفس الهبات .. من العاب يديده و اشياء يديده وتكنولوجي ... واهوا لا شبع من هلسوالف والدنيا .. وانتي تكبرين معاه ...
باجر تموتين من الحره .. لي شفتي صديقاتج رياييلهم صغار ويهبلون وريلج الشايب معاج ...

3- ماااكووو تكااااااااافئ فكري ... اهوا له خبرته بالحياة الي تسبق عمرج .. وراح يمنعج تجربين وايد اشيااء على بو انه جربها ..

5- انتي صغيره والعمر جدامج منتي بايره واصلا اهوا اكيييد يبي يملج اليوم قبل باجر عيل في بنيه صغيره عمرها 18 سنه تتزوجه واهوا بهلعمر غير المعيووبه؟؟؟؟ ... يعني الي مثل حالته ااذا وحده بالعشرين ومطلقه رضت فيه المنه عليه فا مابالج بوحده عمرها 18 سنه مو متزوجه ...

شي يضحك بصراحه

تقبلي رايي واذا حدج تبينه صلي استخاره والله يكتبلج الي فيه الخير

 

[عيالي ذيابه]

رد : انخطبت وابي رايكم

مطلق وانتي بنووته وصغييره @@

لا لا مستحيييييل

 

[ضايعة بدنيتي]

رد : انخطبت وابي رايكم

حبيبتي .. البنات ما قصروا . وركزي في رد قورجس .. ترى ابدا مافي تكافئ وانتي بيبي صغيرونة تاخذين واحد كبر ابوج ليش ؟؟ فهميني ليش بس ؟ فكري بحياتج عقب 20 سنة .. انتي في عز شبابج وهو رجله ما تشيله . ليش تسوين بروحج جذي ؟

عموما الله يسوي الي فيه الخير. استخيري وفكري عدل

 

[شارابوفا]

رد: رد : انخطبت وابي رايكم

ان شاء الله مطلق 10000 مره عادي

بس فرق العمر حراااام عليك باجر انت يصير عمرج 25 وهو وصل الـ 50

شنو السالفه شفيج فكري باجر حتى واجباته الزوجية ما يسويها

بعدين انت تبين فارس احلام مو شايب احلام

موفقه

 

[Killer^Girl]

فرق العمر واااااااااااااااااااااااايد وايد
انتي اول 5 سنين ماراح تحسين بفرق العمر
بس باجي العمر شتبين تسوين واهوه شايب وانتي بعز شبابج ؟؟
كلش مو مناسب

 

[(حكاية قلب )]

رد : انخطبت وابي رايكم

امبيييه لا تتزوجينة حبيبتي انتي بعد صلي استخاااره بس انا لو مكانج مااافق متزوج 3 مرات وعنده بنات بعد لالا

 

[classicyah]

رد : انخطبت وابي رايكم

الغآليه . .

أنـآ حطيت نفسي مكآنج ،

و شفت انج هالريـآل مب منآسب . .

أولاً ، عمره 43 ، يعني كبيير وآيد علييج . .

ثآنياً ، الريـآل مطلق 3 مرآت ، و صرآحةً ، ينخآف من هالنقطه . .

مب معقوله ، الـ 3 حريم ، مآ عرفوآ له و لآ يآبوآ رآسه ، و هم الي فيهم العيب و هو التوب و الي محد مثله ، !!

حبيبتي بس بقولج معلومه ، .

أنـآ بالنسبه لي و من وجهة نظري ،

الرجل الضعيف الي يطلق زوجته ، و الي مآ يعرف يحل مشآكله ، و لآ يعرف يروض الحرمه ،

و يختآر أسهل حل وهو الطلآق . .

فـ مآبآلج بريـآل مطلق 3 ؟

هذآ الطلآق بالنسبه له سهل ، بـآجر لو لآ سمح الله ، سويتي أي شي ، بيقولج عآدي ، حآلج حآل غيرج و مع السلآمه

و بيدور ضحيه خآمسه ،

و بعدين الريـآل عنده عيآل . . و انتي توج 18 سنه ، حرآم و الله حرآم اتضيعين عمرج و شبآبج ،

مآ بيكون لج بروحج ، عنده مسؤوليآت غيرج ،

ترى مب كل كبير عآقل و مخه يوزن بلد ، و لآ كل شآب سخيف و تعآمله زفت . .

هالشي مآله علآقه ، يعني لآ تتعشمين انه و الله عآقل و يعرف يتصرف ،

لو يعرف مآ طلق 3 مرآت . !

و ترى أغلبية الريـآييل في فترة الخطوبه ، يغرقونج وعود . .

تعآلي عقب العرس ، الريـآل صآبته حآلة فقد ذآكره . . !

،

كوني وآقعيه ، و فكري بكل الجوآنب ،

لآ تستعيليـن ع الزوآج . .

و بالنهآيه ، ربي يكتب لج الي فيه الخير . .

 

[شموسة كيوت]

رد : انخطبت وابي رايكم

نصيحة من اخت لاختهااا



لاتتزوجينة كبير مرة عليك واللي تقول فرق العمر مو مهم لايبا مهم

هيا توها مفتحة عينها على الدنيا وهو بعد كم سنة بتغمض عينة

نصيحة اختي من وحدة مجربة بس مو انا امي وابوي

اذا ماتبين تفكرين بنفسك فكري بعيالك بالمستقبل

امي تزوجت بعمرك وابوي عمره40عام بس ماكان متزوج ابد


تخيلي
انا فتحت عيني على الدنيا وابوي على فراش المرض وماصرف علي ولا اهتم فيني مثل اخواتي اللي اكبر مني

مات الله يرحمة وانا والله ما اتذكر ان يوم واحد عطاني مصروف المدرسة


لا يبا

فكري بالمستقبل حبوبة والعمر قدامك توك وردة بين الزهور:eh_s(7):

 

[قطوووة]

لو مكانج مااوافق

هذا كبر ابوي

 

[قطوووة]

لو مكانج مااوافق

هذا كبر ابوي

 

[محرومة من الحب]

43 مرة وحدة

ومطلق 3 مرات

وعنده عيال

شحقه شحقه ؟؟ شناقصج معززة مكرمة ببيت ابوج ؟؟؟؟

 

[المرتاحة]

اكبر منج ب 25 سنه واااايد الله يهديج

وفوق هذا مطلق 3 مرات يعني المساله مو هينه


نصيحه لج من اختج الكبيره لا توافقين عليه انتي تشوفينه من جانب واحد هو انه بيدللج و يدلعج ويصرف عليج

وما انتبهتي لجوانب ثانيه منها انج بعد جم سنه بتمين شباب و بقمة انوثتج و اهو ماراح يقدر يلبي واجباته كزوج تجاهج

 

[دنيابدونج خساره]

رد : انخطبت وابي رايكم

نصيحه حبيبتي شيلي فكرة الزواج منه من باااالج
توج حبوبه العمر جدامج..​

 

[مس روبنز]

رايي========> مو مناسب كلش

- فرق 25 سنه واجد

- شكله لعاب

- ما اهتميتي وذكرتي أخلاقه ودينه وهذا أهم شي ( إذا جاءكم من ترضون دينه وخلقه فزوجوه)

- غرج بالعايله والوظيفة والمعاش؟؟؟؟

- لاااااا لاااااااااا لااااااتجازفين بحياتج فكري عدل واستشيري اللي حولج وأهم شي الوالدين واستخيري