انزين وبعدين؟يعني مانطلع بسبة هالاشكال !!!!

[Tulips]

المفرووض قايلتلها عيونج لا تطلع من مكانها ... او نعم في شيء

 

[ام يوسف الكويت]

تعبنا واحنا نطنش
والله تخترب الطلعه بسبب هالبنات حسبي الله ونعم الوكيل

اي والله صاجه

انا لمن اقعد مع ريلي بكافيه شوي بسم الله تونا طالبين .... يقولي قومي قومي قومي ...

اقوله شفييييييييييك ؟؟ لييييييييييييييييش؟؟

يقولي لاعت جبدي من الاشكال الوسخه مال امحطهم بعقالي ..

اقوله طنشهم خل يولون .. يقولي ماحب احس اني مضايق قومي خل نفرش لنا بساط عالبحر ابرك لوول

شسوي فيه ماقام يحب السوق بسبت هالاشكال اووف ملينا قطيعه

 

[om MaRyooM]

لاتسيئين الظن ترى عاد موكل البنات نفس الشي
وحتى لوطالت انتي شكو فيها
طنشي ولو انتي واثقه من نفسج
جان ما اهتميتي حق هالاشكال على قولتج
ومو كل وحده طالعت ولا التفتت عليكم تبي تبوق ريلج ولا معجبه ولا مادري شنووووو
ترى كل الناس عندهم رياييل ،، شي طبيعي

هلا والله

انا ماأسئ الظن .. بس اذا وحدة تخز بريلج واايد بترتاحين وتقول اكيد قصدها خير !! come oooooon على قولتهم كوني واقعية

وانا موخايفة احد يبوق ريلي .. بس الخز والحركات بحد ذاتهم يبطون الجبد


بس جنج مو متزوجة من جذي قاعدة تتكلمين وكأنج فيلسووفة زمانها

 

[ملّوي]

,,,,,,,,,, مافي أحلي من التطنيش ,,,,,,,,,,

 

[جوري الزبير]

صاجه حبوبه 00 والموضوع ما يخص ثقه بالنفس وله غيرها الموضوع ذوق عام واحترام خصوصية الغير 00
واعتقد من قمة قلة الادب الي اركز بوجه الي جدامي اكثر من ثانيتين الي اهي عشان تطالعين طريجج وما ترقعين فيه 00
الحين استخدمت اسلوب ثاني صراحه 00 صرت لي شفت هذيل الي يرسلون اشعاعات فوتونيه من عيونهم من كثر الخز <<< تذكرة قريندايزر
اطالع لهم باحتقار وبابتسامة شفقه ولامبالاة 00
لا وازيدج من الشعر بيت 00 الحين الستايل حق البنات اهم المتزوجين والي بعد الخمس وثلاثين 00عشان النقص الي فيهم تقولج اثبت شي النفسي يوم اخذ ريال من بيته واشغل وقته 00 وهذه كلها امراض نفسيه وسوء خلق وتربيه 00 الله يعينهم على مابلاهم
جدي محتره عشان هذا الزمن جذي عيل زمن عيالنه شنو بيصير؟

 

[om MaRyooM]

مشكورين حبايب قلبي ع المرور



وحسبي الله ونعم الوكيل على هالاشكال اللي ماتخلي الواحد بحاله

 

[! بــدويه وآآيــد !]

،‘


انا معآآج هذيل قليلآت ادب صراااحه


بس فيه رياييل يخزون ومعاهم حريمهم تدرين؟ صآرت فيني هالموآقف الله لآيعيدهآ


والله يعينج ويعل زوجج مآيشوف غيرج يآرب ~



،‘

 

[بحرينية@ماركة]

اي والله صاااااجه...
يبطوون الجبد بس شتسووين طنشي بعضهم اذا اطالعينهم اتحسين يعاندونج زووود..

 

[حكستار]

طنشي ترا الشيفة ببلاش

 

[فارسية]

لا حبيبتي الي اتقول مسألة مو واثقة من روحي وخليها اتخز
بكيف امها اتخز ريلي والله مال بوكس على الشدو الي بعيونها مالت عليها
اصلا البنات صار عندهم شي حلو اخز ريلها واضحكله علشان ابط جبدها
قطيعة
اصلا الثقة موجودة وانعرف رياييلنا اشلون
بس اتخسي هذي وال مثلها اتحط عينها على ريلي ولا حتى اخوي ولا ابوي

 

[مجنونة بس عاقلة]

عليج بالفازه
خخخخخخخخخخخخخخخ

 

["اسطورة العشق"]

لووووووووووووووووووووووووووووووووووووووووووووووووووووووول


هالموضوع يضحكني لما ينطرح

صج صج استااااااانس عليه لان وايد فن و الردود و الانفعالات مو صج

 

[Tom ♥ Jerry]

>

اشكال هلاقه و الله
و الله لو انا منج اقوولها خير حبيبتي في شي انا مو تارسه عينج يعني وآقفه يمه !؟
و لا قولي حق زوجج يزف الي تخزه

اي و الله هاذا و آنتي معاه عيل لو بروجه يطلع شراح يسوون
صج صج صج هلاقه > انا مو قصدي اشيشج عليه أو اخليج تحااتين لما يطلع ..
بس صج يعني كل زوجه مآ ترضى بنت تخز زوجج
و تخيلي العكس .. |> يعني لو شباب يخزونج زوجج يمكن مو يمكن الا آكيد رآح يتخانق معاهم !

نصيحه مني لا تطلعين ايام الويك آند ترا تكثر هالآشكال ..
طلعي من يوم الآحد ليه الآربعا

و الله يعينج بس الصرآحه برايي هالموضوع لآزم تناقشينه مع ريلج و تحطون له حد

 

[ام احلى خلودى]

حبيبتى ام مريوم اصلا هالاشكال اللى فيهم نقص ويخزون يتعمدون يخزون الوحدة مع ريلها يدرون عقب الخز بيقلبونها نكد .....

بس شنسوى لاعت جبدنا صج من حركاتهم ... بس عطيهم اكبر طااااف وسوى روحج ماشفتى شى وطبعا من داخلج بتموتين من القهر بس لازم تمثلين شوى

 

[جوري 2007]

ماتنلامين
حتى لو لوحدة واثقة من روحها ومن ريلها بس يختج احنا كلنا احاسيس ومشاعر مانقدر
اصدقين ساعات احس انهم من يقرون مواضيعنا هذي يزيدون بالتحرش
جنه يبون يحرونااااااااااااااا
وقاحة
الله يرزق كل وحدة تبي الزواج عشاااان نرتاح منهم ويجربون نار الغيرة
ويارب كل وحدة تسوي جذي ان شاءالله الله يوريها بريلها وتصير جنها مينونه بس تبي تخشة عن خلق الله

 

[ريتااجي]

الله يعينج

ترى هالاشكال في كل مكان

أنا مرة رايحة السوق مع ريلي ووحدة تناظره بقوووة وأنا أناظرها ولانزلت عيونها

لما وصلنا يمها سألتها تبين صورة إليه ترى عندي وكانت مع أهلها إستحت ونزلت راسها

 

[ياشايل الظبى]

هالاشكال تارسه الديره
الحين تستغربين من اللى تمرج وماتخز هههههههههههههههههههههههه

 

[تنايفـ]

والله انا طول عمري متأذية من الخز حتى قبل الزواج يعني سالفة الخز مومحصورة على زوج وزوجته
اهني بالكويت .. الخز صاير على أي كائن حي يمر يمهم (بنت ولد ريال مرة بيبي خدامه شايب عيوز)
البنات والحريم يخزون ويفصصون اكثر من الصبيان
انا من كثر ما اتحجى عن موضوع الخز بشكل عام يعني موعلى زوج وزوجته صارت جبدي تلوووع
لانه الخز صار روتين انفرض علينا من هالمجتمع المتخلف
الله يعينا عالخز بكل حواله سواءا كنا مع ازواجنا or not لانه مجرد الاحساس انه في احد يخزج تلوع جبدج
الحمد الله زوجي مايواطن المجمعات بالويك اند
موعشان البنات .. عشان الشباب يقولي ما ارضى اتمشى فيج بمكان ينترس هيلق ومصبنه .. يعني الشغلة ياية منه مومني فكه
​

 

[eng.meema]

ويييييييييييييي اشحقه اخرب طلعتي عشان هالاشكال
لا والله اطلع واستانس واروح كل مكان مع ريلي واللي بتخر خل اتخز كيفها بالطقاق اكيد محتره
وليش يضيق خلقي طالما انه زوجي معاي ويمي ومتأكده ما راح يعطيها ويه
يعني اذا تضايقت ابتنحل المشكله ومحد بيخز ؟؟
طلعي واستانسي واللي اتخز خل اتخز من اهني لي باجر ااهيه اللي بتموت قهر وحره مو انا لأنه اللي قاعده اتخزه انا يمه يعني وراه مره مو عزوبي يعني مالها أمل توصل له مردها ابتتزوج وبتنقهر على زوجها مثل ما انتي انقهرتي منها الحين

 

[eng.meema]

الله يعينج

ترى هالاشكال في كل مكان

أنا مرة رايحة السوق مع ريلي ووحدة تناظره بقوووة وأنا أناظرها ولانزلت عيونها

لما وصلنا يمها سألتها تبين صورة إليه ترى عندي وكانت مع أهلها إستحت ونزلت راسها

لوووووووووووووووول حلوه حركتج اعجبتني شكلي بسويها بس شرط اتكون مع اهلها والا مع أمها عشان تنحرج
واقولها ( شرايج اتصورين معاه بعد )