انشر لمجرد النشر ؟

[:: Diva ::]

السلام عليكم

بنات التزم بعقد 7 سنوات انتج فيه 4 كتب
بدون اي مردود مادي ؟
شي بسيط جدا ما ينذكر يعني مثلا 200 دينار على كل كتاب
بس بالمقابل شهره على مستوى العالم العربي
و ممكن عقب هالسبع سنوات تصير كتبي من الاكثر مبيعا لاني كسبت قاعده جماهيريه
عارفه اسمي و اشتهرت مع هالشركه المشهوره

؟





بسرعه لان يوم السبت راح اوقع العقد
بس مادري


هل فعلا الكتب مشروع غير مربح ​

 

[Q8Lady]

لا تخلين الماديات هدفج من ورا الكتابة !! الكتابة فكر واعتقد الفكر ما ينقاس بالفلوس !!
ما ادري هذا رايي و انتي لج الحرية بالاختيار
بس تذكري ان اكيد الاف البشر راح يقروون كتبج ، حطي في بالج شنو راح تضيفين لهم اذا كان الهدف من كتابج هو المادة بس ؟؟
وبعدين احنا كقارئين لما نقرى كتاب انعرف هل هالكاتب هدفه المادة بس ومسطر سطرين عشان يستربح من وراهم وبالتالي ما بنشتري كتبه وليش انتعب نفسنا ونقرا شي لكاتب ماعنده فكر ؟؟؟؟
اذا كنتي مبدعة وهالشي اكيد حاولي توصلين ابداعج للناس و فكرج للناس وفكرج و ابداعج اهوا الليي راح يحبب الناس فيج و يشهرج
بالاخير سوي اللي يرضي ضميرج ويريحج
وربي يوفقج ويوفق الجميع
وتقبلي رايي ومروري و الله اني حبيت انصحج بس مو تزعلين

 

[paraka]

اتوكلي على الله ووقعي االعقد.. ولا تخلين الربح أهوه الهدف اهم شي الإنجاز والإبداع وثقة القرآء وميلغ 200 دينار للكتاب نعمة مقابل سمعة وشهرة .. ومدام عندج القدرة على التأليف أنصحج لا تطوفين الفرصة .. وبالتوفيق إن شاء الله

 

[:: Diva ::]

خواتي المشكله ان الكتاب راح يتحدد له سعر و اعتقد مبلغ قوي بالنسبه الى كتاب
الناس علبالها ان الفلوس بتروح بجيبي
مو عارفه ان شكة النشر اهي الي راح تستحوذ على كل الارباح

 

[Q8Lady]

استخيري ما خاب من استخار ...

 

[life1]

انا اقول وافقي....وان شاء الله خير


انا اقول بعد ال7 سنوات راح يبني لج اسم و سمعه طيبه ان شاء الله حتى لو كان 200 دينار على الكتاب


والناس راح تنطر كتبج بفارغ الصبر (اذا كانت شركة النشر صادقه ) انتي شوفي علياء الكاظمي الناس تنطر كتبها متى تنزل وحتى لو كتابها

غالي الناس تثق فيها



بس ما قلتي شنو هالشركة النشر ...شنو اسمها ؟؟؟

 

[paraka]

خواتي المشكله ان الكتاب راح يتحدد له سعر و اعتقد مبلغ قوي بالنسبه الى كتاب
الناس علبالها ان الفلوس بتروح بجيبي
مو عارفه ان شكة النشر اهي الي راح تستحوذ على كل الارباح

حبيبتي بكل الأحوال الناس دافعة دافعة .. مالها شغل وين تروح الفلوس للشركة او للمؤلف ..
والناس تشتري علشان المضمون الفكري للكتاب ما تشتري علشان اتربح أحد

لاتشيلين هم هالنقطة .. مالها شغل بتسويق الكتاب


بس في سؤال : هل تقدرين خلال 7 سنوات تألفين 4 كتب ؟؟ ولنفرض انج ماقدرتي إشلون على العقد إلي موقعته ؟؟

 

[life1]

بس جنه 4 كتب وايد ؟!

تقدرين تقللين عدد الكتب ....؟

يعني مثلا كتابين ....؟

 

[:: Diva ::]

امبيه العقد مو صج !!

 

[:: Diva ::]

ثانيا: يتنازل الطرف الثاني عن حقوق الطباعة ، والتوزيع وكل ما يرد نتيجة عن هذا العقد ، وتأليفه المسرحي والتلفزيوني والسينمائي ، وأية أعمال موكلة إليه في شتى المجالات الإعلامية من إعلان وإذاعة وتلفزيون وصحافة ، خلال مدة العقد للطرف الأول ، ويقر بموافقته بالشروط والإجراءات الكاملة التي يحددها الطرف الأول من أجل ذلك.

 

[:: Diva ::]

سادسا: كافة الحقوق المادية للكتب بما فيها الهدايا والعطايا و مقابل البيع الوارد من الجهات الرسمية تؤول مباشرة للطرف الأول ، ويلتزم الطرف الثاني بتسليم أي مبالغ ترده بسبب الكتب موضوع هذا العقد إلى الطرف الأول، وإلا كانت ذمته مشغولة به.











ثامنا : يقر الطرف الثاني بموافقته الكاملة على عدم إستحقاقه لأية مبالغ مالية من بيع كتبه أو الحصول على أية أرباح مالية أو عينية إلا بعد حصول الطرف الأول على كل المبالغ المالية التي تم صرفها من جراء الطباعة او النشر أو التوزيع أو الإعلان عن كتب الطرف الثاني ، بالإضافة إلى 15% من مجموع القيمة السابقة نظير أجور العمالة وتكاليف المكتب وخلافه ، ويقر بعدم إعتراضه على إستيفاء الطرف الأول لحقوقه المالية أولا عن عمليات الطباعة والنشر والتوزيع والإعلان عن الكتب وخلافه ، في حين يحصل هو(الطرف الثاني) على نسبة 15 % من صافي الأرباح التي يتم تحقيقها فيما بعد، ويقر الطرف الثاني بعدم إعتراضه على ذلك.









الثالث عشر: يقر الطرف الثاني بإدائه مايمثل نسبة ال50% من المبالغ المالية والأرباح التي يتم الحصول عليها للطرف الأول نتيجة تأليفه المسلسلات التلفزيونية أو الإذاعية أو حتى المسرحيات والنصوص السينمائية ، ويقر الطرف الثاني بأن ذمته مشغولة للطرف الأول بتلك المبالغ في حال طلبها منه وأنها تعد من الحقوق المالية للطرف الأول لكونها من حقوق التألبف التي تؤول لصالح الطرف الأول بموجب البند عاشرا من هذا العقد.













السادس عشر: لا يستحق الطرف الثاني على أية إيرادات أو نسب عن طباعة الكتب الثلاثة أو أكثر بعد انتهاء مدة العقد ويقر بتنازله عن كامل الإيرادات لصالح الطرف الأول وعدم مطالبته بها وعدم الرجوع بها عليه.


الثامن عشر:يلتزم الطرف الثاني بإيصال الكتب للشخصيات العامة والجهات الحكومية التي تطلب حضوره شخصيا، وتسليمه لكامل الإيرادات إلى الطرف الأول ، وإلا كانت ذمته مشغولة بتلك المبالغ لصالح الطرف الأول.

 

[paraka]

حبيبتي أنا أشوف شرووط العقد راح اتضيع حقج ..من رايي الحين اذا انت حابة تالفين كتاب ابروحج طبعيه عند أي مطبعة وروحي عند شركة توزع لج الكتاب وتاخذ نسبة على التوزيع ..أحسن لج واضمن بصراحة

 

[*أم*خالد*]

لأ
لأ
لأ

هذا مو عقد .. هذي مقصه

وبعدين 7 سنوات وايد مو شويه

حرام

 

[life1]

والله هذه كله عشان ينشرون اسمج بالوطن العربي !!!


انا اقول اذا عندج هالهدف انتي حققيه بنفسج بدون هالشركه


بس ما قلتي هالشركه كويتيه ....؟

 

[.]

شهالشروط التعجيزيه هالشركة همها الربح ع حساب الكاتب :\

دوري شركة غيرها ..

وموفقه يارب..

واكيد ماتنشرين اي شي لان الكتاب يظل فاختاري وتعبي على الشغل اللي يكون باسمج ..

 

[Q8Lady]

لا يبا
هذا كله ضدج
شوفي دار نشر ثانية !!
وعطينا خبر شصار معاج و الله يوفقج

 

[^ليلاس^]

رد : انشر لمجرد النشر ؟

ما انصحج شروطهم صعبه

 

[:: Diva ::]

انا بالفعل راح ارفض
احس الي راح تغر باسم و سمعة و ديكور الشركه ضحيه !!!

 

[rawona]

رد : انشر لمجرد النشر ؟

السلام عليكم

بنات التزم بعقد 7 سنوات انتج فيه 4 كتب
بدون اي مردود مادي ؟
شي بسيط جدا ما ينذكر يعني مثلا 200 دينار على كل كتاب
بس بالمقابل شهره على مستوى العالم العربي
و ممكن عقب هالسبع سنوات تصير كتبي من الاكثر مبيعا لاني كسبت قاعده جماهيريه
عارفه اسمي و اشتهرت مع هالشركه المشهوره

؟





بسرعه لان يوم السبت راح اوقع العقد
بس مادري


هل فعلا الكتب مشروع غير مربح ​

ديفا مادري اذا تأخرت عليج بالرد والا لا ..

أنا عن نفسي أرفض اذا تبين تفاصيل راسليني على الخاص
​

 

[معابر الذكرى]

رد : انشر لمجرد النشر ؟

السلام عليكم ورحمة الله وبركاته

الاخت ديفا اسمحيلي يكون ردي الاول في منتدى كويتيات في موضوعج الي جذبني بصراحه


اولا ركعتين استخاره لله فهي من حسن الادب مع الله وطلب لتوفيقه (اسال الله ان يوفق ويسدد خطاك لتحققي حلمك)

ثانيا استشيري اهل الراي والخبره خاصه من له باع في التاليف او العقود

ثالثا وهذا رايي الشخصي ما عرف شنو تنص عليه بقية بنود العقد الي ما ذكرتيها...لكني اشوف شروطهم ظالمه ومجحفه بحقج ولكن تبقى دار النشر دوما هي الطرف الاقوى والاحق بفرض شروطها.ومثل ما قالو باقي البنات حاولي تفاوضين في البنود او اقله عدد الكتب.وفي الوقت ذاته اعرضي قصتج على دار نشر ثانيه وثالثه واذا ترددوا اظهري لهم عرض الشركه الاولى(كاغراء) واشرحي سبب رفضج واستعدادج لشروط اقل تشدد.

مع تحياتي ومبارك عليكم باقي الشهر