انصحوني تكفون وادعولي

[&هند&]

حبيبتي نصيحتي لج روحي للدكتوره رائده البدر بالسيف شاطره انا عالجت عندها وحملت بولدي وهم ثنتين اعرفهم حملو عندها وحده جابت ولد والثانيه توام بنت وولد روحي لها لها خبره ومعروفه وتهبل وعادي لا تخافين حتى لو العدد قليل تقدرين تسوين حقن مجهري ولا انابيب حسب حالتكم وان شاء الله تحملين ويملي حضنج طفل سليم معافى

 

[Pink_Roses]

منو احسن فوزية القطان والا رائدة ؟؟؟؟

ودكتورة رائدة تشوفينها بكل مراجعة ؟ واشلون عيادتها زحمة والا لأ؟

 

[سمو النفس]

الله يرزقج يارب سوي حقن مجهري انا سوويته والحمدالله جبت توأم نصيحه استخيري وسويهااا لان علاج الرجال شووي يطوول

 

[بنفسجيه_Q8]

الله يرزقج بالحمل السليم المعافى
عاجل غير اجل
الطب تطور ومافي شي بعيد عن الله سبحانه وتعالي
العمليه زوج اختي سوها بلندن
بس هم حملت عن طريق الانابيت
توكلي على الله وسويها

 

[اميره بكلمتي]

خلي املج بالله كبير والحين الطب تطور خلي زوجج يتعالج طفل انابيب او حقن مجهري او يأكل عسل يزيد من الحيوان المنوي وماكو شي بعيد على ربج

 

[نجمه السيد]

صبرش الله خيه والله يساعدش والله يرزقش يا قادر يأكريم شوفي لش دكتور شاطر بهالمحال لان علاج الرجال يطول فيه الخصوص وانسي سالفه الحمل مع إنش مستحيل تنسيها وخلي ثقتش في الله قويه وكوني قويه ومتفائلة بالخير دوم وطردي عنش الأفكار السلبي هو خليش إيجابيه جداً آلات تكلم الاهي اني نصوحني أنسى الحمل ما قدرت ابتعدت عن الأماكن الاتزان نفسيتي حتى مع بيت عيالي وصرت فقط مع خواتي وأمي وشكي لهم لأنهم خوات يتحملوني فعلا ويحسون فيني والله وكنت اروح اتعالج في محرم واجلس انتظر ساعات طويله ومشوار أمن القطيف لين الخبر والجو برد وأمطار قويه كانت وتحملت وصبرت ونلت الف الحمدلله

 

[زهرة الخليج.]

الله يرزقج الذرية الصالحة ويرزق كل مشتهي ،، اختي سيري على عيادة معروفة حتى لو هي موب بالبحرين ،، bourn hall clinic بدبي واييد زينة و يمدحونها فيها اعلى نسبة نجاحات انا تنتين من ربيعاتي سارو و حملو الحمد لله وحدة فيهم كان ريلها تقريبا مشكلته نفس ريلج سوولهم حقن مجهري ،، العيادة على مستوى عالي جدا من التقنية و الأطباء ،، بعطيج رقم ربيعتي الي نفس حالتج تقريبا تستفسرين منها اذا تبي ،، والله لايحرمك من الأمومة ولا يحرم ريلج من الأبوية أمين