انعزلت عنهم ومارتحت ..

[Patcholli]

كلنا بهوا سوا عادي حتي أنا مالي شغل واخاف أحد يتكلم لإن دمعتي بعيني بس حمدي ربج أمج وأبوج معاج والله وجودهم يسوي الدنيا الله يحفظهم وانتي لاتسولفين أقعدي وخليهم يسوون إلي يبونه واهتمي بزوجج وادري لو أقول أنسي ماتنسين بس الله يعينج

حبيبتي يعطيج العافيه على المشاركه وفعلا امي وابوي تارسين دنيتي الله يحفظهم ويخليهم لي ولا يحرمني من وجودهم ..
ومعاج حق صعب تنسين خاصه اذا كنتي انسانه مسالمه وبحال سبيلج
الصدمه بتكون حيل قويه اني ماسويت شي .. ليش هاذا جزاي ..؟؟ شنو السبب ..؟؟
ويظل قلبي مجروح فتره طويله ..

 

[Patcholli]

حياااتي حمدي ربج شلج بعوار الراس والقال والقيل
عليج من ريلج وامج وابوج بس
والدوام عامليهم بما يرضي الله مايهمج شنو قالو وراج خليج بتاخذين حسناتهم
واهل ريلج حياتي لاتتحسسين منهم خذي الزين والشين قطيه ورا ظهرج
انتي بنعمه ابتعدي عن النميمه والغيبه هاي اللي بتم لج في الاخره

تسلمين حبيبتي شادن ويعطيج العافيه معاج حق حبيبتي بس والله شي يجرح لما تنقط عليج نغزات وطنازه بشكل يومي بالدوام
او تكونين موضوع الحش بشكل دايم بين اهلج ..
والله لو يحوشني طشار مره بالسنه يمكن اتحمل بس كل يوم وكل اسبوع ..؟؟
غصبا عليج تتظايقين

 

[Patcholli]

طااااف
ولاتكونين حساسه زياده عن اللزوم

وانتي الربحانه اذا كافه خيرج وشرج

شكرا حبيبتي ان شاء الله بحاول اخفف من حساسيتي واطنش كثر ما اقدر

 

[Patcholli]

عندي نماذج واجد جذيه بس من قرايبي

صرت ما اروح بعض الاجتماعات اللي تصير بعايلتنا واذا رحت اجلس جنب خواتي

الله يعينج

انا جذي بالظبط
الله يعينا والله يهدي هالبشر اللي مافيهم ذرة احساس

 

[Patcholli]

طبعج حلو وغريبه انه كل اللي حواليج جذي

تقربي من الناس اللي تحبينهم ويحبونج وبعدي عن اللي مايبونج

جذي بترتاحين

ماقولج كلهم بدون استثناء بس الزينين ينعدون عالاصابع
وفعلا قاعده ابتعد عن اللي يظايقوني مع انهم يسئلون ويلحون علي ان ازورهم واتواصل معاهم ..
ومن يشوفوني يبلشون تجريح وكلام يقطع القلب ..

 

[Patcholli]

بقولج كلمه وحده واخذيها من اختج


وحطيها ترجيه بذنج مثل ما يقولوون

اخذيها مني





لو ماكنتي شي له قيمه ومقاام جان ما شفتي كل هذا بدنياااج





جان ما صرتي محور حديث الناس


جان ما شفتي الكل يبي يتقرب لج يبي يعرف اخبارج لانهم ما يدرون عنج وتعتبرين لهم لغز صعب فهمه


وهمز ولمز الدوامات هذا الشي اعتبره عادي لكن بقولج كلام ريلج عدل

وقفيهم عند حدهم خصوصا الفصع اللى معاج بالدوام وحطي صبعج بعين اي وحده تقط عليج كلمه عشان يعرفون يحسبون لج الف حساااب لا شافوووج بس هليتي عليهم

وبالنسبه للصداقاات يا قلبي عندنا وعندج خير

الحين انا مستعده اشتري رفيجه واخت دنيا بفلووس والله

بس وين ؟؟؟؟؟؟؟؟؟؟

الناس تغيرت اعويذ الله من شرهم

يعطيج العافيه اختي ام كوثر كلامج حيل يريح ويبعث الامل بنفس الواحد مثل مايقولون ..
والله اتمنى اني اعرف ارد او اتلاسن ويا احد .. صدقيني ماعرف لساني ينربط وماعرف ارد رد قوي .. يعني لو اظل ساكته يمكن ردة فعلي اقوى من لما ادافع عن روحي ..
شنو الحل اشلون اقوي شخصيتي واتعلم اسكت الكل باحترام .؟؟

 

[Patcholli]

احس انتي حساسه وسواسيه زياده عن اللزوم

لانه قالها الله يرحمه الفنان طلال مداح

((مادام معاااي القمر مالي ومال النجوم ))

انتي سعيده ومبسوطه مع زوجج

موضوع

والموضوع الاخر ان الحياة فيها شخصيات وسيكلوجيات عديده

ولكن

بشخصيتج انتي وسلوكج انتي

اعرف اشلون احط خطوط حمرا لحياتي

بدون ما اكون منعزله او انطوائيه

فوفو

معاج اختي فوفو بس اللي ابي اتعلمه اشلون احط هالخطوط الحمره اشلون يصير عندي لسان يوقف كل شخص عند حده مشكلتي صوتي واطي ولما انحرج لساني ينربط واتلعثم ماعرف ارد ..

 

[Patcholli]

الله يعينج ترا اللي مثل طبعج للأسف دايما مأكول حقهم و لهم النصيب الاكبر من النغزات لان يدرون لو بقط عليج قطات كل وحده اكبر من الثانيه منتي راده علي،، و العموم يفسر هذا ضعف مع ان انتي حاقرتهم من باب الادب و تربيتج ما تسمحلج .. شوفي لا تصيرين عوبه مره وحده و لسانج يلوط اذانج ،، و هم مو جذي تسكتين عن كل شي و تطوفيت كل شي هم غلط بعد ترا هذي سلبيه انج ما تدافعين عن روحج خير شر ب اسم الاحترام

مشكوره حبيبتي قيرلونا ان شاء الله بحاول كثر ما اقدر اني ادافع عن روحي واوقف الكل عند حده لان فعلا تعبت وقمت اشوف ان في ناس تمادو معاي حيل بسبة اني دايما ساكته وماتكلم
مافيني مقاقه مداحر والله ابي ارتاح واحب الاحترام والعلاقه الحلوه سواء مع الاهل او الاصدقاء

 

[Patcholli]

مو معقول كل الي حواليك والي تعرفينهم نفس الطبع ..!

شي غريب

وشمعنى انتي بالذات ..!


عزيزتي فتشي عن السبب زين ممكن يكون الخلل منك ..

ماعتقد الخلل مني وانا كافيه خيري من شري واحب علاقتي تكون حلوه مع الجميع بس الفئه الي اتكلم عنها للاسف اهي فثة ناس يقطون الكلام بدون مايثمنونه دفاشه وماعندهم احساس ولا احترام تربيتهم وبيئتهم جذي قط الكلام وامش لايهمك الي جدامك ينجرح ولا لا ويمكن الخلل اللي فيني اني ماحب ولا تعلمت ارد بنفس اساليبهم ..
عزيزتي انا ماقولج الناس كلهم جذي معاي لا في ناس زينين وتعاملهم راقي جدا بس للاسف ينعدون عالاصابع

 

[Patcholli]

نفس المشكله اللي أعاني منها بالضبط !
مااااشيه يم الحيط ومو سالمه من الناس ،
والله اتحااااااشى الرد والتجريح بس ماكو فايده ،
شخصيتي قويه واقدر ارد ، بس سبحان الله الاحترام وتربية اهلي تغلبني ..
واااااجهت شكثر من هالنوعيه
لين انصدمت ان حتى رفيجاتي المقربات من ضمن هالفئه
اخباري كلها تنتشر مادري ليش انا بالذات تسولفون فيها وتستمعون !
الموضوع هذا محيرني
والله تصير لي سوالف من اهلي ورفيجاتي
تشيب الراس
انزين لييييش
مع اني والله احب الكل وماكره احد
واحب اوجبهم واعامل الكل باحترام
سووواء كبير ولا صغير

يمكن اسلوبي فيه شي وانا مو حاسه ! عشان جذي حاطين في بالهم اني مغروره !
يمكن غيره مني
يمكن انا غلطانه بدون لا ادري !

تعبت من هالسالفه حيل صرت ماحب اختلط بالناس عشان ما انغث !


سوري صاحبة الموضوع بس موضوعج ذرا الملح عالجرح


والله يكون بالعون

جنج تتكلمين عني بالظبط

حبيبتي الله يكون بعونا

والله يهدي هالناس

الصراحه عايشين بجهل وتصرفاتهم متخلفه

 

[Patcholli]

تدرين ليه يعاملونك كذا لانهم عارفين ماراح تردين
بيقوون شخصياتهم علي حسابك فاهمه قصدي تتشيحط قدام الكل انها بتهزءك وهي عارفه انك ماراح تردين
لو عارفه انك بتوقفينها عند حدها ماكان تجرات تفتح فمها او تقول حرف واحد
وقريباتك لو تقربو منك لاتعطينهم حق ولا باطل اي شي يخصك واذا مصختها بالاسئله قولي لهالدرجه شايله همي
بس موحل انك تتقوقعين حول نفسك الواحد لازم يعيش مع الناس مولحاله
سطحي علاقتك معهم(سطح علاقاتك مع الناس تسلم)
وجبي وروحي وتعالي بس خلي كلامك بحدود
اللي تهينك ردي عليها لاتسكتيييييييييييييييييييييييييييييين ابد
والله شخصيتك كذا موزينه بكرا حتي احترام مايحترمونك
ولا تقعدين تفكرين فيهم
خليك وقحه حاولي تدربي
بعدها يعملون حساب قبل يتكلمون لان عارفين بيجيهم رد قوي يفشلهم

معاج حق عزيزتي فعلا ظامنين اني ماراح ارد واني راح انجرح من الكلام ومستانسين ان شخصياتهم قويه على حسابي ..
والله احاول مو اكون وقحه ولكن احاول اتدرب بالرد عليهم بس حزة الحزه لساني ينربط وساعات احس ان شي ماسكني يخليني ما ارد ..!