انــا فــيني شــذوذ ..؟

[عادت ذكرياتي]

الله يهديج ويحفظج

 

[_زينه_]

بسم الله الرحمن الرحيم


اييج من الاخر وابيج تسمعين كل كلمه اقولها و حطيها ببالج زين

اولا هذا مو شذوذ و لا هم يحزنون هذا شي يسمونه هبه بالمجتمع لان انتي لو كان فيج شذوذ جان المشكله من وانتي صغيره يعني من بدايته نشأتج و مرحله الرعايه اللي اهيا الطفوله

فا انتي مشكلتج مشكله بسيطه جدا ولها حل بأذن واحد احد
اذا شغلتي مخج شوي و فكرتي وعرفتي انج شذوذ من اي مرحله بالضبط اي عمر واذا كان عمر صغير وايد من الطفوله يعني هني نقدر نقول ان انتي فعلا شاذا

اما اذا كنتي توج مع الهبه ان كل صديقاتج صار عندهم رفيجات بويات صرتي معاهم وهذا يسمونه رفجه خربانه واسمحيلي عالكلام
وفره مخ وكلام فاضي


انا اقول سوي اللي اقولج عن

اول شي

انا ما اقول صيري دينه و هالسوالف لكن صلي لربج و خشعي في صلاتج و ابجي ترا البجي ساعات يغسل القلب و ينظفه
ثانيا ذكري ربج بكل دقيقه و خلي في بالج شي واحد ان الدنيا اخرها ممات محد بيفيدج الا عملج لربج و سمعتج الطبيه
ثالثا اقري قرأن لان يريح القلب وكلام الله سبحانه حلو وفيه قصص جميله جدا
ثالثا اذا كنتي طالبه فا شغلي نفسج بالدراسه عاشن تجتهدين و تيبين درجات زينه
رابعا والاهم والاهم غيري رقم تلفونج لان اكيد بيدقدون عليج و يأذونج ولا تثقين باي صديقه
خلي صديقاتج من محيط اسرتج و مو مشكله تعرفي على رفيجات بس لا تثقين فيهم شوفي مايتهم و اختاري صديقات و صحبه زينه
شبكي بالنت ترا وايد يلهي دشي هني عندنه المنتدى وايد اقسام وشكثرها
عندج قسم المكياج الازياء لوكات المشاهير يونس و الاقسام كلها و الاكل و هالسوالف

شوفي تلفزيون اقري كتب
اشغلي نفسج بهوايه و مارسيها
زوري بنات خالتج بنات عمج عشان تلهين

اقري عن مشكلتج هذي عشان كثر ما تقرين عنها راح تكرهينها كره و راح تندمين انج سويتي هالشي بحياتج والندم ترا حلو تحسين بشعور الرجوع الى حياه طبيعيه كأي فتاه بنت حلمها انها تتخرج و تتززوج و تيب عيال وتربيهم احسن تربيه

ولا تسمعين كلام رفيجتج اللي تقول كلمي صبي لا اكبر غلط لا تعالجين غلط كبير بغلط اكبر واكبر وعلى فكره الصبيان عارفين كل البنات ويفهمونه اكثر من ما احنه فاهمين نفسه ولا تخربين ثقه عطوج اياها اهلج مع علاقات الله حرمها ورفيجتج اللي قالت لج جذي هذي ما تعرف الدنيا ترا و مالج الى ريال واحد الريل ان شالله الزوج المستقبلي


ويارب اكون فدتج وانا على استعداد اني اكون لج صديقه جديده و ان شالله باذن الله تتغيرين وتعيشين حياتج لربج و لاهلج

واي سؤال انا حاضره من عيوني وترا انتي بنت وايد كبرتي بعيني لانج بتغيرين مسار حياتج هذا دليل انج بنت عارفه ان اللي تسوينه شي غلط

وبنات بليز لا تجرحون بالبنت ترا بالعكس هذا شي زين انها فكرت بربها وبحياتها اليديده بأذن الله

الله يحفظج

وبشريني بالتغير والحياه اليديده تنطرج روحيلها قبل لا يفوتج الفوت وتندمين ندم كبير

واسفه جدا عالاطاله

 

[روانتي 12]

سلام عليكم . .
أـآنتي عارفه انج تسوين شي غلط . .
دآمج عارفه غلطتج . . صلحيها . .
و هذآ إبليس يلعب عليج . .
لاتقولين ما أقدر . . لا انتي تقدرين . . لكن لا تخلين مجال للشيطان . . !
وعسسسٌى آلله يهديج . . ^^

 

[_زينه_]

انا توه قريت كل ردودج و في بعض من ردودج ما فهمتها متناقضه حسيتها

لكن هذا ما يغير كلامي ابدا ابدا
بس سؤال انا بسألج اياه انتي لمن اندولتي و امج يابتج للدنيا

مافكرتي الا هالتفكير بويات !!!!!!!
والمشكله عمرج حتى ما تعدا ال 18 توج صغيره

ما تحبين الريايل ماتبين تتزوجين افكار هذي من احساس صدقيني
انتي تعودتي انج ما تحبين الرجل
تعودي انج تحبينه ترا الرجل ابوج اخوج خالج عمج

و زوجج ان شالله برد اكررها وايد لمن تخلصين من الصراع اللي بداخلج

فكري نفس تفكير البنات امومه عيال

وبعدين لحظه شنو يعرفون عنوان بيتكم خير يا طير شنو ماكو اهل ماعندي ظهر ليكون بياخذونج بيذبحونج وانا اتوقع اهلج شايفينهم فا انتي ليش خايفه حتى لو تجرأو و يولج البيت شبيصير يبه فيه دوله فيه قانون

شدعوه بيون يذبحونج مثلا و الا بيطقونج خو اهما اللي بيروحون فيها حبيبتي

تعوذي من بليس

وابتعدي

وتعودي مثل ما تعودي على البويات تعودي تبتعدين عنهم وعيشي مع اسرتج

 

[Pinky -cat]

حبيبتي انتي المفروض الحين فهمتي وضعج ومعنا انج قاعدة تسالين ومنزلة موضوع يعني تبين تعرفين وحاسة بشي

غلط وهاذا اول الطريج انتي مستنكرة اللى انتي فيه وماخذتج الدنيا والصاحب ساحب غيري من المحيط اللى انتي فيه

روحي حق طبيبعتج بنات وانوثه وطهاره وقران ربج وعاداتنا واحترامنا لذاتنا وتقديرنا لنفسنا كبنات وامهات بالمستقبل

وكافي انه اليوم صادف بعد تكريم الام الانثى ما قالوا الام البوية ولا اي مسمى ثاني .


كرمي روحج بشي ربج ودينج عطاج ياه الانوثه كوني جوهرة وصوني نفسج ووخري عن شلة السوء هاذى

 

[دمعة وفاء]

عشان تصلحين غلطتج رفيجتج قالت كلمي صبي ؟؟!! مو خوش حل الصراحة ...

الحل بيدج ويبده من داخل ,, تذكري انه الله بيحاسبج على كل صغيره و جبيرة سويتيها بهالدنيا الفانية ..

 

[بكيزة هانم]

الله يهديج ..اعزمي وتوكلي على الله

 

[Sweet Brunette]

الله الهادي

 

[صمت البوووح]

الله يهديج

 

[Patcholli]

يا انت فعلا فيج شذوذ او انه طيش حركات مراهقه

 

[Môre N!Ce]

هههه.. ابد بس ضحكتني المشكلة وهي قديمة

 

[عاشقه جو]

الله يهديج

 

[شمعة مزاجيه]

اقطعيهم كلهم وكلمي البنات غير البويات واعتبريهم كصديقات والموضوع تقضية وقت

 

[فروح]

تقربي من الله سبحانه وتعالى وكل مشاكلج بتنحل مافي اسهل منها ..،

 

[فروح]

15/8/2011 :/

اول الحين انتبهت ههههه منو يرفع المواضيع القديمه

 

[mona q8]

تبين تتغيرين اقطعي علاقتج فيهم

وأرجعي لرحمة ربج

ترا اللي تسوينه غلط

فكري بنفسج وبسمعتج وبسمعة اهلج

ولاتقولين مااقدر اتغير

تقدريييين

نفس هالحجي
التجئي لرب العالمين
وهذا الطريج نهايته معروفه
أتمنى تتركين هالطريق
وربي يهديج

 

[بيباي لندن]

عزيزتي ليس شذوذا ولكن لوجود فراغ عاطفي انشالله طبيعيه ولكن اشغلي فراغك بما ينفعك بالصلاة والدعاء ابعدي عن الاغاني لانها تشوقك وتفكرك فيهم والله يعينك

 

[فرزاشيهـ]

خووش رفيجه تقول لج كلمي صبي اذا ماتبين بوويه !!


هذول هم اصحاب السووء

 

[ميونة الحلوة]

أحلى شيء انج عرفتي نفسج المصيبه الي يعيش ولا يقيم نفسه
وهذا بدايه العلاج
حبيبتي انتي من داخل زينه بس غبار الصداقه هو الي مخربج
فطهري نفسج منهم وتذكري عقاب قوم لوط وتذكري انج يمكن باجر مو موجوده معنا ضامنة نفسج ؟؟؟

كلامي من كلامها الصاحب ساحب تدرين لما تغيرين رفيجاتج و تختارين رفيجات سنعات راح تتغيرين

لان لو انتي حابة هالشي فعلا ماكنتي راح تتكلمين عن هالموضوع في المنتدى انتي من داخلج زينه لكن اثرو عليج هالبويات و الشيطان مستانس يشوفج جذي انتي تبين احد يمسك ايدج و يمشي معاج بالطريج الصح و ان شاء الله انج تلاقين رفيجات يكونون وجه خير عليج

لا تقولين ما اقدر لان عمرج ماراح تشوفين الراحه السعادة طول ما انتي مع هالبويات

الله يهديكم و يصلحكم و يبعد عنكم شياطين الانس و الجن