انــتوا ويــا الينــانــوه "موضوع للتخريع الخوافين لا يدشون "

[sweet cake]

انا الحين بـ ابها وصارلي اسبوع فيها وبنقعد نص رمضان تقريبا او اكثر شوي..
المهم .. البيت اللي احنا فيه اهله مو ساكنينه .. بس مخلينه للأجار.. عجبنا البيت لأنه كبيييير ونظيييف فـ اخذناه ..
اول شي كنت سهرانه مع وحده من خواتي ومصكره الباب.. ولا اسمع صوت ركض بالممر اللي عندنا .. وقمت معصبه وفتحت الباب عبالي خواتي الصغار.. طلع ماكو احد .. ورحت طليت ولا نايمات .. ورديت ولا مره ثانيه اسمع الصوت.. فهمت السالفه وطنشت ..
وقلت لاختي الثانيه عن اللي صار.. من ثاني يوم هي قاعده وخواتي كلهم نايمات عندها ولا تسمع الركض وراحت طلت ولا ماكو احد


عاد ماني قايله لحريم عمامي.. هم معانا بالبيت .. مابيهم يتخرعون




في غيرها اشيااااء بس بعدين اكتبها لكم

 

[منوووووله]

ونااااااااسه خووش موضوع

انا قاعده اقرى بثقه لانه الحين صرنا برمضان والينانوه محبووسين ههههههههه


بس الواحد لي حاشته الهلوسه يتصرقع من اي صوت لووووووول


اذا عالمواقف عدو ولخبطوووووووو


مره كنا مسافرين بالسياره وصلنا الاردن قلنا خل انريح ليله وتالي انكمل المشوار

المهم اجرنا شقه مفروشه واول مادخلنا ريحة الشقه صبغ شكلها توها مصبووغه

عدلنا اغراضنا والي اخذله شاور والي يسنع الاغراض بهليله ماعرفنا انام


امي بتعلق عبايتها بالكبت ولا تلاقي داخل الكبت غتره معلقه بلهوى ؟!!

اختي حلمت انه في وحده قعدتها من النوم وشعرها كشه اقعدت من النوم ولا تشوف ظل طالع من الغرفه @@

انا لقيت خدامتنا بالمطبخ وقتلها يبيلي ماي ودشيت الدار ولا خدامتنا نايمه وبسابع نومه منو الي كان بالمطبخ عيل ##


اخوي دش يتسبح والبخار مال الماي علمنظره جنه شكل وحده قاعده اطالعه اخوي تصرقع طبعاا وبقق عينه عدل ومش المنظره

وطلع سيده ههههههههه << خواف

ثاني يوم سالنا راعي الجيران عن الشقه قالو انه الشقه كانت محترقه من فتره وتووفو الي فيهاا ماتو محرووقين @@!!!



مره واحنا بطريج االسفر شفنا حمارة القايله واقفه بنص الطريج @@


مره كنت انا واختي قاعدين نتغدا ولا شي يطيح من الدري لونه اسود مثل العباة ويختفي وانا اختي انطالع بعض ومصدومين لوووووووووول


وغيرووو ..

 

[marimor]

واااااااااااي يمااااااا
انا ذيك المره قاعده بالصاله بالييل ولا تمر يمي اختي طلعت برا >> للمطبخ
شوووي ولا اختي نفسهاا تطلع من الغرفه قلتلها بسم الله انتي مو توج طلعتي رحتي المطبخ جاان تقول لااا انا كنت قاعده اتسبح
واااي يما عيل منو الي طلعت وراحت للمطبخ

 

[marimor]

كملواا بناااااااات لايووقف
امووت عالتخرع خخخخخخ >>> ترى انا خوااافه دررجه اولى

 

[مملوحة_الوصايف]

رد : انــتوا ويــا الينــانــوه "موضوع للتخريع الخوافين لا يدشون "

واااااااااااااااااااي والله العظيم خرعتوني سوالفكم تموت من الخوف اشوه الدنيا الحين مسفره لو قاريته بليل ولا الفير جان علوووم والله اروح انام بين امي وابوي من كثر ما انا خايفه والله قمت اتلفت بداري ومساع تخيلت ان اختي تناديني وهي بسابع نومه لووووول بس ادري قمت اتخيل من الخووف
انا الحمدالله ياربي ماشفت ولا ابي اشوووف ولا حتى ياثوووم شكثر يقولون ياثوم او يوصفولي الشعور بس ماعرفه وانشالله مايصيرلي ولا شي بس مره من زماااااااااااااااان تقريبا كنت بالمتوسط وما ادري اذا منهم سكنهم مساكنهم او لا كنت بدار خالتي انا او بنت خالي كنت شيطانه فا كنت لابسه نفنوووف وتعرفوون حركة مدخله النفنوف داخل فخووذي الي صاير جنه بنطلوون جذي او واقفه يمي بنت خالي والله بنات فجأه انتل نفنووفي حيل يعني تعدل طلع من بين فخوووذي طبعاا انا بكل هدووء لفيت على بنت خالي جاان اررررررررررركض وطلع برا واهي وراي ماتدري شالسالفه ونتهاوش انا معاها برا عقب ما طلعت من الدار اقولها انتي تليتي نفنوفي وتحلف ان مو اهيا لوووول بس عاد من يومها كرهت دار خالتي هذا الموقف بسيط جدا بالنسبه حق مواقفكم ولا الي مرت ابو ريلها تقعد يمها يماااااااااااااا

 

[كويتيه سبيشل]

والللللللللللله حرااام عليكم
ليش جذي خرعتووووووووني

ياااربي << جني مجبوره ادخل هع هع

 

[ĎєνiL.ĞιRL]

عاد تدرين انا دووووووووم اتحلم

ويصير فيني جاثوم بعد وااايد >>> خرعتج ؟؟

بس عادي الحياه سعيده d:

واعرف ناس من اهلنا بيتهم من ايام ما اجدادهم ساكنيـن فيه مسكون

بس ما يأذونهم بس يطلعون لهم احيانا

اعوذ بالله من الشيطان الرجيم

لووو انا منهم ما اقعد بالبيت دقيقه وحده اعووذ بالله :eh_s(12): !

 

[ĎєνiL.ĞιRL]

اب
اب اب
اب اب اب
اب اب اب اب اب

لعيووونج

يسلمووو ع الموضووع الرررعب

حبيبتي تسلمين ..

وثانكيووو على مرورج ..

 

[ĎєνiL.ĞιRL]

اووف يا كثر المواقف

بقولكم موقف يخرررررررع

مره كنت قاعده بداري عادي فجيت الدريشه و اشوف ذاك الرجال اسمممر و لابس دشداشه بييييييييضه و شكله يخرررررررع اخترعت و لما بصكر الدريششه فجأه اختفا يمااه

و مره بيت جدتي القديم كنت قاعده بالصاله بروحي و ظلمه ششفت واحد شعره كششه..! وو لابس دشداشه اسسمر و لابس نظاره بنيه جان يقرب مني و انا مت من الخووف و يسوولف معااي و انا عإإدي اسسولف و طيحت الميإإنه معاه و لما قلت حق امي جان زين ما قلت لها قالت هذا جني واااااي اخخترعت

ووو بس
اذا تذكرت بكتب

لووووووول اهم شي سولفتي معاه وطيحتي الميانه ,,

يني كويتي ؟

ثااانكس على المرور ..

 

[مزونة]

تراهم يحضرون مع ذكرهم
علشان صج اتخافون أنا صارلي مو قف بعد ماشفت فيلم سيد الخواتم اول ماعرضوة قبل خمس سنين بس ما حب اذكرة
ومرة ثانية مع وحدة معاها اجواد وهم ماحب اذكرة
والله يحسن جزي المسلمين

 

[منوووووله]

مايصير جذي قولو المواقف ليش ماتبون اتقولون استغلو الفرصه الحين رمضان مايحضرون محبووسين لوووووووووول

 

[missdreamer]

اختي (( منوووووله )) شلون يعني شفتي حماره القاايله لووووووووووووووووووووووووووووول

يعني شنو حمـــاره القايله ؟

انا اسمع فيها بس ما ادري شسالفتها

الي تعرف تقولي بنات

 

[bigsmile66]

وناسة كملوا مع اني خوافة..يعطيكم العافية

 

[ماما نونا]

http://www.youtube.com/watch?v=za9ur6iialc

وشوفوا هالرابط

حرام عليج
بنام عند اختي اليوم ,,,

 

[وهج الحب]

ههههههههه شلون سولفتي معاه؟؟؟
مو علساس يخرع ؟؟
لا وطيحتي اليانه بعد؟؟؟ شلون ؟ هههههه​

السلام:
عادي انا ايضا بالبداية كنت اخاف منهم بس هم يخلونج ما تخافين ويصير الامر عادي اول ما شفت اللي جيني بيتنا سبحان الله بالبداية اذا حسيتي ان فيه امر غريب تخافين بس من يطلع لج اذا كان مسلم وحليو يرمي الطمتئنينة بقلبك واذا شرير يخليك تخافين منه حتى لو مش خايفة

 

[وهج الحب]

مايصير جذي قولو المواقف ليش ماتبون اتقولون استغلو الفرصه الحين رمضان مايحضرون محبووسين لوووووووووول

السلام:
اختي احنا مرة بغينا نجرب ان الجن محبوس برمضان ولعبنا عويجا وقسم بالله طلع لنا اللي يطلع لنا دائما بس هو مسلم احنا سألناه انت مش محبوس ما ردد ضحك بس ..وبعد السحور كنت بنام الا اشوف واحد ما شاء الله قمر قاعد على الكرسي اللي جدام سريري اقوله انت مين الا يقولي انا راشد اللي بعويجا ..( بس والله كان مزيون )..
ويوم كنا صغار كنا رايحين نوصل ولد جيرانا بيتهم الا يصرخ ويطيح وهو يأشر على البالوعة الا شفنا شئ اختفى بسرع من عليها وكان ايضا برمضان ...
انا اعرف ان الجن تصفد بس هل المسلم هذا يرد احد عالم بهم يجيب لان عالمهم كبير ..

 

[جوزائيه مغروره]

مواقفكم تخرع بصراحه

بس اخر موقف صارلي وهذا مرات يتكرر اني اكون بروحي واسمع صوت امي المرحومه تناديني

وموقف صار لي وانا صغيره قبل لا امي تتوفى انه كنا بشقتنا نايمين كلنا بصاله عند يدتي الله يرحمها

ولا احد يهز ريلي اشوف ولا اختي الاصغر مني تقولي قومي خل نلعب باربي قلت لها انزين

تمقطت ولا احوش شعر يمي @@

منوووووووووووو

اختي نايمه @@

مو بس تصرقعت هههههههههههههههه جان انحاااااااااااش عند امي وابوي

 

[!witcha!]

لوووووووووول ماتيوزين من سوالفج
احب هالسوالف هيهيهي كله يزفوني بالبيت اذا سولف عن الينانوه
والله صارتلي وايد مواقف بس بذكرلكم جم سالفه
مره كنت نايمه والله بنااااات احس احد يمشي على فراشي :s يعني احس في ريول يم ريولي لول
احنا بيتنا 3 ادوار العام صعدت الدور الثالث فاضي محد ساكن فيه مافيه احد جان مره وحد احد يصفق 3 مراااااات انا احس ويهي صار احمرررررررر من الخرعه ;p
وخدامتنا حسبي الله عليها قالتلي مره انه ريلها كانت تعورها و يت بليل عيوزه شعرها ابيض تمسح على ريولها يمااااااااا صج خفت تقول كله بليل اشوفها بالمطبخ مع انه خدامتنا متدينه ماتوقع تجذب :×

 

[[ мαĻαķ 69 ]]

وعليكم آلسسلآم وآلرحمه
موضوعج حلوو :eh_s(7):
آنا آلحمدالله مآ اجوفهم عدل بس آجوف آلشي آلي بسرعه يتحرك ويختفي او مثلا يمر
يعني آجووف شي آبيض ومب وآضح ..
مره كنت آصلي آلفير ونفس آلشي مر من نصي عآلسرييع
وقبل كآن في آصوآت فوق آلسطح جنى حد يركض ومرآت يطلع آلصوت بالقو جنه مسآبقه ركض ع سطح بيتنآ
وآنآ وخوآتي نحسب آخوآنآ آلصغآر يلعبون فوق بس عقب نكتشف آنهم قآعدين تحت
وبعدين قمنآ نشغل قرآن ف بيتنآ وآحين آلحمدالله مآفي آصوآت كلشش

 

[توووفية]

وااي خرعتيني بروحي حلمانه امس انه يني قاعد يتلزق فيني روحي بغت تطلع بالحلم حاشني احساس غريب ...
طبعا اول ما تزوجت ما خلونا بحالنا كل يوم ياييلي بالحلم يخرعوني لدرجة الحلم جنة صج بعدين قالولي يسوون جذي بالللي توهم متزوجين هذا غير المواقف وتفتح البيبان حشا فلم رعب عشت برعب لين ولدت وطلعت من بيت حمولتي الحمدالله الحين ما قمت احلم واايد ولا يتعرضولنا الله يبعدهم وصرفهم عن الجمييع