انــتوا ويــا الينــانــوه "موضوع للتخريع الخوافين لا يدشون "

[الــــغاليـــه]

رد : انــتوا ويــا الينــانــوه "موضوع للتخريع الخوافين لا يدشون "

لووووووووووول

 

[الحلوه القمريه]

ياويلتي ويلتاه انا بروحي بالشقه ريلي مسافر شسوي بعمري بس بقول لكم سالفه صارت لي مره ريلي كان مسافر بدوره وانا ساكنه بشقه مع عيالي عاد بالليل نسيت سبحان الله اني اقفل الباب ورحت انام وانا توني بغط بالنومه والا اشوف بالزاويه مره كبيره لابسه عبايه بس شكلها كان مالوف بالنسبه لي غمضت وقلت يمكن يتهيا لي يوم ابطل عيني والا ويهها بويهي لازقه حيل بويهي جان تقولي قومي قفلي الباب انا تسمرت بمكاني وجسمي تخشب نطرت عشر دقايق وقمت قفلت الباب تخيلو شوي والا اسمع صوت الاصنصير يتبطل والا احد يبطل باب الشقه شوي شوي بس الباب مقفول طبعا انا طليت من العين السحريه والا واحد من العمال اللي يشتغلون بالبنشر اللي تحت العماره طبعا اهو على طول راح وانا طحت من طولي ودقيت على اخوي وياني مسكين الفير
بس صج كانت تحاول تنبهني وقعدت اسال نفسي هل ممكن انهم يتعايشون معانا ويساعدونا بوايد اشياء مادري بس مولاقيه تفسير للي صارلي اصلا يومها زين اني مابلت على روحي

 

[تيوليب أبيض]

بقولكم موقف صار معاي

كنامسافرين لجدتي

و متجمعين خالاتي و بناتهم و أهلي

المهم أخذت عيالي و رحت فوق بنومهم .... فوق كان فيه غرف خالاتي و من تزوجوا صار مهجور مافيه أحد

المهم نومت عيالي و نمت معاهم ........ بعد ساعات فتحت عيوني و الا أسمع أصوات و لجة جمعة خالاتيقلت بنزل لهم

أطل من فوق ( نظام بيتهم ممر الغرف فوق تطل علي الصالة ) و الا الدنيا ظلمة و صخة و الناس نايمة

استغربت و رديت نمت ........ قبل علي نياتي ماطري علي بالي جن قلت يتهيء لي

الحين كل مايطري علي الموقف أموت خوف

مع انه تدرون المفروض الواحد مايخاف و الا يدخله الجني

و المفروض احنا أقوي منهم بالقرأن يعنى اذا قرينا القرآن ينحاشون هذا سلاحنا

 

[تيوليب أبيض]

الحلوة القمرية ايه فيهم جن مسلم

انا دايما أقعد علي صلاة الفجر فجأة جذيه أبطل عيوني و الا يأذن كأن أحد قعدني

 

[eastfem]

رد: رد : انــتوا ويــا الينــانــوه "موضوع للتخريع الخوافين لا يدشون "

هذا 3 موضوع ادخله عن الينانوه اشساااااااااااااالفتكم عقب ما تخرعت من موقف هلت هالمواااااضيع يماااااااااااااامي شوفي موضوعي اللي بعده بديتوا تحطون مواضيع اينانوه
http://www.q8yat.net/images/smilies/1/nbvppw.gif

سخيفه

:botetoo:

 

[بنت النجف]

BOOOO !

هذا فاصل لوووووول ..

خوش فاصل :rerrerek:

 

[الــــغاليـــه]

رد : رد: رد : انــتوا ويــا الينــانــوه "موضوع للتخريع الخوافين لا يدشون "

سخيفه

:botetoo:

شوفي انا ماأعرفها والله الشاهد بس انتي بردج هذا اللي سخيفه يعني دام اسلوبج سوقي مو لازم تردين!!!
:23_asmilies-com:

 

[fyo0nka]

رد : انــتوا ويــا الينــانــوه "موضوع للتخريع الخوافين لا يدشون "

في مره من المرات شفتي اصابع على جتفج وانتي اتشووفين روحج بالمنظره؟؟ ولا احد يسحب منج الكفر وانتي نايمه ؟؟ ولا وانتي نايمه تسمعين صوت كيبورد اللاب توب او الكمبيوتر يطقطق بسرعه @@

 

[رآء يآء ميم]

رد : انــتوا ويــا الينــانــوه "موضوع للتخريع الخوافين لا يدشون "

يممممممممممممممممماااااااااااااااااااااااااي

ودي اكمل بس قريت الصفحه الاولى << خوافه

انا اتتذكر في قصه قريتها بامتحانات الفاينل الي طافت << الناس تدرس وهي الله يستر عليها

اسمها جبل الجن هذا الجبل بالسعوديه

بنات صج صج تخرع ويقولون انها صجيه


انا قلبي حسيته يرقص بوب وروك وسامري من الخوف

هذا الرابط بس ضعاف القلوب لايقرون

http://vb.eqla3.com/showthread.php?t=434993

 

[رآء يآء ميم]

رد : رد: رد : انــتوا ويــا الينــانــوه "موضوع للتخريع الخوافين لا يدشون "

شوفي انا ماأعرفها والله الشاهد بس انتي بردج هذا اللي سخيفه يعني دام اسلوبج سوقي مو لازم تردين!!!
:23_asmilies-com:

وهي مو لازم تحط رابط سخيف ومليغ وتافه ومال امه داعي دام دمها ثقيل

 

[*sweetgirl*]

بنات انا اكثر شي اييني تابعه وانا حامل فأشياء تصير لي مو طبيعيه

اول اقول جذب الي يصير لي بس مع الايام لا صرت اصدق وامووت رعب وقلبي ضعيييف حييل مفروض اتعلم ويقوى قلبي

اولا قبل لا اتزوج كنت دايما قبل لا انام علشان ادوخ احط سماعات واقعد اسمع اناشيد وجذي

فتخيلو بالاندماج التام ومغمضه عيوني وحاطه السماعات احد يصرررررررخ بقمه رااسه شنو يكون موقفج << خافت

بطلت عييني قلت يمكن مقلب من مقالب اخواني بس دورت يمين ييسار طلعت بره الغرفه ماكو احد قلت يمكن الشريط نفسه عدت الشريط سمعته مره ثانيه هم ماكو


ثانيه كان بحزه الامتحانات سهراانه علشان الدراسه والكل هم نايم غفت عيني شوي وفجأه جنه احد قالي بطلي عينج بطلتها ولا وييه اخضضضضضر مرعب حده حده قباااالي وحسييت طوفه الغرفه كلها قبال ويهي بشكل مرعب جدا وتمنيت ان ماغفت عيني هالدقيقه

بس تناسيت هالمواقع وكان تصير شغلات عاديه احد يناديني واروح يقولون لا ماناديناج

الحين سوالف التابعه بالحمل

بعد الزواج تزوجت وحملت بولدي بشهر الثامن واحد وقف فوووق راااسي انا بطلت عيني وسكرتها قلت اكيد بيروح بس ظل واقف سمييت ماكو فايده

اختفى شوي شوي ودخل الكبت يده الكبت تحركت وكنت حاطه جيسه بالكبت هم طلع صوت الجيسه انا طبعا قبببببه كنت حااامل لووول اركض ولا همني

بالحملة الثانيه كنت نايمه وياني ولدي ساحب كمبله وياه ونام عندي عادي

شوي بطلت عيني والا اشوف ولدي بنفس الموقف وبنفس الحركه يمشي قبالي بس شفاااف قمت تصروعت لان ولدي نايم يمي

وغير اشوف مره كلشي فيها اسوووووود قزززمه تمشي قبالي بس دايما يكون بحزة النوم الي توني بتعمق ولا احلم احلام مرعبه حددددها

اكمل لكم بعدين لوول بمواقف ارعب

 

[a7La_3eMeYa]

يمه بسم الله الرحمن الرحيم

 

[الحلوة محد يردها]

ياويلتي ويلتاه انا بروحي بالشقه ريلي مسافر شسوي بعمري بس بقول لكم سالفه صارت لي مره ريلي كان مسافر بدوره وانا ساكنه بشقه مع عيالي عاد بالليل نسيت سبحان الله اني اقفل الباب ورحت انام وانا توني بغط بالنومه والا اشوف بالزاويه مره كبيره لابسه عبايه بس شكلها كان مالوف بالنسبه لي غمضت وقلت يمكن يتهيا لي يوم ابطل عيني والا ويهها بويهي لازقه حيل بويهي جان تقولي قومي قفلي الباب انا تسمرت بمكاني وجسمي تخشب نطرت عشر دقايق وقمت قفلت الباب تخيلو شوي والا اسمع صوت الاصنصير يتبطل والا احد يبطل باب الشقه شوي شوي بس الباب مقفول طبعا انا طليت من العين السحريه والا واحد من العمال اللي يشتغلون بالبنشر اللي تحت العماره طبعا اهو على طول راح وانا طحت من طولي ودقيت على اخوي وياني مسكين الفير
بس صج كانت تحاول تنبهني وقعدت اسال نفسي هل ممكن انهم يتعايشون معانا ويساعدونا بوايد اشياء مادري بس مولاقيه تفسير للي صارلي اصلا يومها زين اني مابلت على روحي

شوفي حبيبتي انا جدتي كانوا يجونها و يعلمونها عن أماكن الأشياء الضايعة
و مرة من المرات خالي سوا حادث فكانت جدتي قاعدة و جاها و قالها ترا ولدج مسوي حادث بس ما فيه شي
و مرة ضاعت جوازاتنا و قعدت أمي تدورهم اليوم الثاني دقت علينا جدتي تقول تلقونهم في المكان الفلاني و فعلا لقيناهم

و هالشي مو بس يجي حق جدتي .. يجي حق ثنتين من خالاتي و بنت خالتي

 

[ĎєνiL.ĞιRL]

لووووووووول وانا اقرا الموضوع ..

اللاب سوه ريستارت بروحه وعلق مو راضي يتبطل كفخته جم كفخه يالله اشتغل ..

شكله تصرقع لووووووووول ..

 

[miss-zgrtiya]

رد : انــتوا ويــا الينــانــوه "موضوع للتخريع الخوافين لا يدشون "

واااااااااااااااي يه شلي خلاني ادخل هالموضووع لووول
خوفتوني .. بس حمدالله انا دايما قبل لا انام
اسم الله علي ما اتظل ايه ما اقراها .. < خوااافة حييييييييل

 

[cotton candy !]

رد : انــتوا ويــا الينــانــوه "موضوع للتخريع الخوافين لا يدشون "

قوه

بنات السالفه الي بقولكم اياها توها توها صارت لي وحدي خايفه مو مستوعبه الي صار احس ايدي قاعده ترجف !!

اليوم تهاوشت مع امي ورحت غرفتي وقفلت الباب واهيا معصبه قاعده تصرخ جان اروح تكرمون بالحمام

وفجيت الماي على اني قاعده اتسبح عشان ماسمع الصراخ لول

المهم

وانا من داخلي كنت خايفه حاسه ان امي راح تبطل الباب فطولت العب بالماي بالحمام

شوي والا جخ جخ جخ !! امبيي باب الحمام قام ينرقع بس محد يتكلم جان اقولها روحي قاعده اتسبح

وتسكر الليتات وتفجهم وتكفخ الباب جان اقولها رووووحي ( عبالي امي )

والا تقعد تلعب بالقفل جنه يايبه مفتاح تبي تفجه جان اصرررخ قتلها روووحي يالمينونه

والا اقول هالايه " وجعلنا من بين ايديهم سدا ومن خلفهم سدا فاغشيناهم فهم لايبصرون " ثلاث مرات

وظليت بالحمام بعدين قلت خل اطلع اشوف شسالفه معقوله امي سكتت مافي صووت هدووء

والا اطلع تخيلوووو كل شي نفس ماكان وباب داري مقفل واليتات مسكره ماكوووووووووو شي

امبي شسالفه حدي خايفه : (( شلي صار بالضبط !!

ملاحظه : اليوم ركبت ليتات حمر بغرفتي صارت جنها استيديو بس راح اشيلهم لان حدي اخترعت

 

[Flower20]

رد : انــتوا ويــا الينــانــوه "موضوع للتخريع الخوافين لا يدشون "

cotton candy
الظاهر هذ جن مسلم زعل لما شاافج زعلانة مع امج وحاول يصلح بينكم لووول
اتغشمر
نصيحة تصالحي مع امج

 

[candeya]

خلوقول سالفتي
قبل جم سنه انا او بنت خالتي قبل لا انتزوج كنا كله مع بعض الحين اهيا حامل وان انفصلت المهم

كانت عطلة نص السنه كان كل صيف بيت يدي او خالاتي واحنا كلنا كنا انسافر مصر نقعد طول العطلة هناك بس اللي صار هالسنة غير انا كان عندي صيفي اخر كورس او بنت خالتي نفس الشي او يدتي ماتبي اتسافر هالسنة او او كل بيت يدي بيسافرون بس خالي او مرته قالت حق خالتي انا انام عندها بس سافرو واضمنت انهم راحو قالت حق يدتي ماقدر ايي انام طبعا يدتي احترت بس مسكينه ما تحجت خالتي دقت على امي او قالت الموضوع انا بس سمعت امي اتسولف قلت شنو يعني انا موجوده انا اروح انام عندها العطلة كلها بعد المهم امي استانست شلت اغراضي اورحت على اساس انا ابروحي اسمعت بنت خالتي او يت اتنام المهم طبعا العطلة هذي كله مغامرات صارت وابيوم كنا قاعدين مع يدتي بالصاله تحت او قاعده اتغشمر معاها جان اتقولي العرس اللي بيي عاد دورج ترقصين فيه انتي مارقصت ابعرس افلانه قتله والله ايديده انا ماعرف ارقص المهم اقعدت اتسويلي حركات بعيونها الله يرحمها جان اقولها انا بحط اغنية او برقصلج الحين او قعدت استعبط او صار ضحك او متنا من الضحك غشت يدتي جان اتقولي من صجج قتلها اي من صجي قتلج ماعرف ارقص جان اتقولي لا بدام جذي لا اتفكرين ترقصين او تضحك او قامت اتقول حق امي والله ماهقيت بنتج غشمرجية او قامو خالاتي يدقون عليها من مصر ها اشلونج يما شمسويه منو عندج اتقولهم عندي الخير كله او تضحك مستانسه المهم قمنا بنام قبل صلاة الفير بشوي رحنا انا او بنت خالتي فوق عشان بنام صعدنا الدري صكيت باب الشقة توها بنت خالتي ابتفصخ ابلوزتها بتبدل والا نسمع البا ينطق حييييييييييييييييييييييييييييييييل اشوي وابينكسر تخيلو البيت مافي احد او يدتي دششناها اتنام واهيا متينه او ما تسمع او ماتقدر تمشي بالغصب يعني ماتقدر تركب دري والباب قاعد ينطق واقول منو او هم ينطق حيييييييييييييييييييييييييييييييل والتفت على بنت خالتي اقولها منو اتقولي بعد منو بسم الله الرحمن الرحيم واقولها من صجج رحت عند الباب حطيت راسي حيل عند فتحت الباب واصارخ منووووووووووووووووو جان اتحرك اليده مالت الباب حيييييييييييل فوق او تحت فوق او تحت اهني قلت خلاص بفتح الباب لان محد قاعد يرد المهم قمنا نقرا راح اللي كان قاعد يصير او قعدنا انقول هوا هوا اي هوا المهم رحنا دار خالتي بنام انسدحنا بفراشها جان نسمع منبه والدر كلها مافيها منبه اصلا او حيل او بنت خالتي قامت اتصارخ واي في احد قاعد يمسك اريولي جان افز والدار ظامة وانحاش برا الدار واقول اشقاعد يصير جان ياذن الفير المهم قمنا ثاني يوم رحت عند يدتي قتلها ايديدة امرشة احد امس علينا يطق الباب قالتلي لا امس انا نمت اوقعدت حق الصلاة














شتفسرون اللي صارلي انا او بنت خالتي
















علما بان البيت كبير فيلااااااا مو بيت او يدتي لا بغت شي ادق من البداله علينا بس انا حبيت اسالها ازيادة والبيت مافي احد














ليلحين ماني عارفة منووووووووووووووووووووووووووووووووووووووووووووووووو

 

[candeya]

مع العلم كانت اتصير لهم سوالف ابهالبيت اول لما كانو اصغار او لما كنا ساكنين في مع امي يتلنا فترة كنا ساكنين ابيت يدي او لو اقول لكم السوالف تبجون من الخرعه بس خلروح اتفطر لاني صايمه وارجع اكمل لكم معانات امي ابهالبيت

 

[ĎєνiL.ĞιRL]

يمه @@ !

انا شدششني موضوعي بليل :$ !!!

العاده كله ادش العصر الظهر فما اخاف لوووووووول ..

الحين تصرقعت !!!