انفصلت عن خطيبي بسبب....:"(

[Aisha..]

امبي مو من صجه هذا..انا اقول هذا شايفله شوفه و يدور الزله عليج عشان يفتك منج و اذا من الحين مو عاجبه خيووولي يروح عاشق يجي الف مشتاق و احسن لج ما ترتبطين فيه و لا تدزيله مسجات حتا لانه ما يستاهل

 

[Miss McDonald]

• سخيف
• حمدي ربج انه الله فكج منه !

 

[مارياq8]

كلمي اهلج يدقون على اهله

شسالفه انتي رخيصه لهدرجه خلا ص مابيج

 

[((رورو))]

يابنت الحلال خيره ان شاءالله اللي هدج بهالسبب التافه مايصلح يكون زوج والحمد لله اللي مرت على كذا ولا تزوجتيه وتوهقتي
ادري صدمه قويه بس ماتدرين وش الخيره فيه الحمد لله يمكن ربي فكج منه لانه مايصلح لج
ونصيحه اذا ان شاءالله تيسرت امورج على خير وانخطبتي لا تطلعين مع خطيبج لان هذا يقلل من الشوق والحب بعدها اذا صار الزواج مو فارح بج وايد ويمكن تزهدين في عينه عشان جذي احسن حل الثقل والاكتفا بالمكالمات او يزورج ببيت اهلج زياره سريعه
والله يوفقج وييسر امورج ويصبرج ولا تنسين الاذكار لان احتمال اللي صار يكون نفس لاقدر الله

 

[Maram23]

مشكوورين والله انا دقيت على اخته لان اي وحده بموقفي اتوقع بتسوي هل شي اذا تركها بحيره!!وكنت بتاكد السالفه اكبر من جذي ولا لا! واحنا قراايب وكنا نحب بعضض واييون بيتنا حتى بالمناسبات الصغيرره واخوه رفيج اخوي يعني ثقــه وناس محترمين بالنسبه لنا السالفه ماتسوى بس عنده لانه مستهتر تسوى ونص! وقامت الدنيا ! ولا الحمدالله كرامتي محفوظه ببيت اهلي وانشالله بييني الي يسواه ويسوى طوووايفه مع اني فقدت الثقه بالشباب واحس عمره بعد له دخل واهو مغرور ومتعود الناس تراضيه وتسال شفيييك..السالفه كلششش مو ملل واحد ميت بيشوفني يتركني لنفس السبب! لا طلع مستهتر وياي بيتزووج تسمعين بالشباب المستهتر بس ماتحسين فيهم الا لصار صج وفيج !علقنييي فيييييه وحسسني ماكو احد بهل دنيا غيري وببعدها بليله راح كل شيي انا يوم دقيت مو قصدي بصلح العلاقه لا والله كنت بطلع حرتي
ويصير اخذ وعطى وهوشه على الاقل ! رفيجاتي وبنات خالتي يسالوني اليوم شلي صار شقوول اقول يت براسه! جنه بيجرب علاقه حب باسم الزواج

 

[!الجادل الصعب!]

خلييييه يستريح بس ..
يدور السبه ويبي تركضين ورآه .. حبيبتي انتي تستاهلين واحد احسن من هذآ ..
غيري رقمج انتي وخليه يمووت ..

 

[عسل سل]

الي هذا اوله ينعااااااف تاااليه

تخيلي لو عندج عيال منه وفجاه خلااج

جذي اهون داامكم على البر ولاتتحسفين على شي انتي ماالج ذنب فييه فكري بذكاااء شووي

 

[Maram23]

عددل والله كلامكم وانا ناويه انشالله اغير رقميي عشان اذا دقق يدري اني غيرته عشاني مابييه يردلي بط جبدي الله يبط جبده شخصيات تخرعععع يعقدونج من الزواج كله
تخيلو من ساعه اخته العوده دقت علينننا تعتذررر من حركات اخوها وان اهما مارراح يلقون احسن مني الولدهم وانهم يدرون الغلط منه بس قالت مابيدنا شي والله وان امهم
مفتشله حتى تسمع صوت امييي قالت امي الخساره عليكم واحنا الحمدالله بنتنا معززه عندنا بييها نصيبها الي احسن الف مررررره ويعرف السنع وريال قد كلمته واحنا ماقلنا شي
احتراما للي بينا مو لولدكم الحمدالله يت من الحين سواياه لايوهق بنتنا بررردت جبدي والله ولا ابوووي لو شافه والله لايمسح فيه الارضض معصببب احس انه عايش حياته ولا جني كنت فيهاا

 

[أبكاني ذنبي]

الحمدلله خيره اذا هذا اوله ينعاف تاليه

زين الحمدلله عرفتي على حقيقته قبل يدخل عليج

وتصيرين مطلقه بعد الدخله


عسى ربي يعوضج بأخير منه ياااارب


ويفرج همج اللهم امييييين

 

[بقــآيآ جـروح]

فرقآآه عيد هذا لي عصب جم مره بيطلقج هذا يبيله عذر وله مو دآآشه بمخي
عشان مادقيتي تسالينه وين نطلع ياحجي اليوم بفلوس باجر بلاش
بتعرفين شوراه وشنو معشش بمخه​

 

[ام شووووق]

الله يصبرج

 

[ديانا سبنسر]

خليه يولي والبسي ولاتبجين حتى عليه يايرد ويرجع نفسه والابالطقاق يطقه

 

[Maram23]

مشكورين اجمعين يارب اهو عباله يا العصر ولا حددت اني كشت فيه مايسمح له غروره ينطر اكثر من جذي بريستيجه يخررب ناس عاهات وكنت قايلتله بس طااااف

 

[مضاويـ]

يا بنت الناس خيرررررررررررررررررررررره خيررررررره
فرحي شحقه ضايق خلقج !!

زين ما ملجتي عليه و يطلقج !! !

خيولي يبا ياااااااااااهل و انتي بنت ناس و الف من يتمناج ..

لا تبلشين عمرج بيهالو

 

[coralia]

الله يعينج حبيبتى

 

[اسرار الغلا]

الله يعوضج باللي احسن منه يا رب

 

[كويتية و لكن]

الله يعوض عليك حبيبتي

 

[شنوووفه]

الله يعيينج عسى ان تكرهو شيئا وهو خير لكم الله يرزقج بلي احسن منه يااارب
موفقه

 

[نشيج الروح]

لا تدزييييييييين له مسج أبدااااااااا ولا تبينين له أنج ميته عليه ... بيي لج إن شاء الله الأحسن والأكفأ منه ... هذا بيوم من الأيام مثل ما حبيتيه بتكرهيييييييينه تدريييين ليش لأن عيشتج معاه بتكون مثل الجحيم ... يعني من أولها بين لا استمريتي وعشتي الحلوة والمرة شبيصير ... أ
ادعي ربج أن يعوضج خير وابتسمي للحياة لأن هو ما يحبج ولو يحبج جان ما هدج فلا تحبين واحد ما يحبج

 

[bal8es]

أكيد في سبب 2
حاولي تعرفين مو كيفه يفج بدون ولا سبب ودامها خطوبه يعني شي رسمي مو سهل لازم في سبب مو لعب يهال