انقباضات و انا بالخامس

[Aloe Vera]

السلام عليكم
الله يمم على كل حامل و يرزق كل محرومه عاجلاًً

عندي سؤال





امس من الصبح حاسة بتعب غير اعتيادي
تحوشني انقباضات بدون الم
و حرارة بالظهر
و احس مزنوطة
و ضغط من تحت

و صارلي فترة زايدة الافرازات
بس مالهاً ريحة
لونها مايل عالاصفر الفاتح

انا بنص الخامس

الحين نمت و شبعت نوم الحمدلله و كانه مافيني شي

تتوقعون من التعب و الحركة ؟
امس وايد تحركت
ولا اروح اتطمن احسن؟

موعدي بعد اسبوع




شكراً

 

[قمر 777]

عادي من الاجهاد انا نفسج من شده الالم علبالي طلق مبكر لان نفس الم الطلق اييييني لما اجهد روحي
مايمنع تروحين طواري للاطمىنان وسلامتج

 

[.:lady bug :.]

روح تطمني الله يتمم عليج
بس اذا متحركه وتعبانه طبيعي والافرازات طبيعي
والانقباضات وجذي عادي البيبي يكبر حبيبتي

 

[Aloe Vera]

الحمدلله طمنتوني
يزاكم الله خير

 

[Mrs.H]

الانقباضات بالخامس مو شغلة طبيعية.. لازم تجيكين روحي حق دكتورتج اليوم وخل تشوفج.. او روحي طوارئ يسوولج سونار

وماتشوووفين شررر

 

[حنوشتي]

انااا مثلك ايضا بالخامس وحسيت بهذا الشي من يومين اعتقد من التعب

 

[Aloe Vera]

الله يسلمكم مشكورين

انا اقتنعت ان هالتعب كان من الحركة
اليوم انا مريحة روحي و مو حاسة بشي

بس هم شكلي بروح العيادة باجر ان شاء الله اتطمن

 

[@أم يوســـف@]

الله يتمم عليج

 

[زين ودلال]

الله يتمم عليج يااارب

لا تجهدين نفسج

واهم شي راااجعي اذا حاسه ان هالشي غريب عليج

 

[m.a.m154]

حبيبتي روحي راجعي احسن انا نفسج من الخامس تبدي معاي انقباضات اخذ الابره الزيتية وحبوب اليوتوبار والحمدالله تريحني حيييييل ولازم الراحه اطلعي وروحي عادي بش بدون مشي مسافات طويله وبذل مجهود

 

[أأأميرة الورد]

الله يطمنج ويثبته لج

راجعي احسن تتاكدين وتتطمنين على البيبي

 

[حوريه ...]

نصيحتي روحي تطمني ولاتسكتين ع روحج


بالخامس مو بشي سهل

حتا لو راح الالم مايمنع تروحين تطمنين

يمكن يرد

 

[Jannat]

اعتقد عادي حبيبتي انا بالسادس ونفس الشي اذا تحركت وايد اتعب وتيني انقباظات واحس روح مو مرتاحة

 

[ليلاس "]

بنات شلون الانقباضات بكريه ماعرف

انا احيانا احس رحمي ينتفخ زي الكورة مؤ كله جزء منه بعدين يرخييييي
هذه الانقباضات؟؟؟؟؟؟؟؟؟؟

 

[Aloe Vera]

ليلاس

يعني يصير البطن يابس و احس مو مرتاحة و ابي اخذ نفس عميق
بس بدون الم

انا راح امر الدكتورة اليوم ان شاء الله

و قريت بمواقع اجنبية ان الانقباضات تبدي من الشهر الخامس

 

[توته البحرين]

حبيبتي الانقباضات يعني البطن ينشد وتحطين يدج تحسين فيه يااابس ويرجع يرتخي واذا حسيتي بالشي بعد مره روحي المستشفى يسون لج تخطيط عشان يتاكدون مافيج شي ان شاء الله ونفس الوقت انتي تتطمنين

وبعدين الانقباضات ماتبتدي من الخامس لان بيعتبر شي مو طبيعي !! الانقباضات الطبيعيه تبتدي قبل الولااده بسس

لكن هم يعتمد على وضعج يعني يمكن اجهدتي نفسج وقتها وتعبتي والم بالظهر ودام عندج افرازات والم بظهرج او مثل مانقول جنه في خاصرتج شوي من ورى سوي فحص وانتي بكرامه بول عشا ن وتتاكدين مافيج لا سمح الله التهابات فالبول

لان بعض الالتهابات تسبب انقباضات نسميها premature contractions


وماعليج شر ان شاءالله

 

[امـ خــزامـى]

انا اتذكر تجيني الانقباضات من بدري
يعني بطني يصير قاسي ويتجمع البيبي بمكان ويصير مثل الكوره
وكانت هالكوره تطلع تحت ضلووعي مااقدر اخذ نفس
وماترووح الا اذا انسدحت وريحت

او اخذ شاور دافي


بس انا تطلع بعد مو بس بالحركه الكثيره حتى اذا طولت بالجلسه تطلعلي


وعادي كل شهر اكشف ويقولون طبيعي
وبالاخير ولدت ولاده مبكره بالاسبوع 31

 

[Aloe Vera]

انا اللي قاعدة احس فيه انقباضات بدون الم كلش مو مثل الطلق
اسمها العلمي braxton hicks

و كنت دايماً احس فيها بحملاتي اللي قبل بس ماتوقعت انها راح تبتدي من الخامس هالمرة

و بعدين حسب المواقع الطبية في ناس تبلش معاهم من الخامس

و اليوم ماحسيت فيها الا مرة وحدة

الحمدلله

 

[noufb]

يا التهاب ياجفاف بس هم تطمني

 

[درة التاج]

سلام عليكم
شلونك Aloe Vera
اتوقع الي معاك التهاب بالبول ناتج من جفاف او نقص. سوائل
في الجسم
كثري من شرب الماي
الله يسهل عليك