انقذوووني تراني غشيييمه

[D@LoOoL]

البنات ما قصروا




موفقه حبيبتي

 

[حسايف_]

حيااتي والله كسررتي خاااطري
اول شي الله يوفقج ويتمم لج ع خيرر
وانا ردي عليج بختصااار لان انتي مايبيلج جم سطر
لا يبيلج قعده محترمه لان ولا شي تعررفين سووري على الكلمه
بس ردي لج اهوو

مررري على قسم العناايه بالشرره اول شي وبعدين قسم الازياء وبعدين قسم العطوور وكل قسم شووفي المثبت رااح ينفعج ومري بعد قسم الازيا والاكسسوارات وتاالي عااد تعاالي هني وخلي بيدج نووت وقلم وسجلي اللي تحتااجينه وبس
وشكثررر مووااضيع هني اتجهزج وتبين لج اللي تحتااجينه

والله ييسرج حبووبه​

 

[فيونكة_وردية]

مرحبا حبيبتي

اول شي قسمي فلوسج ( وعزلي نفنوف العرس والصالون والمصوره ))

الذهب اخذي طقم او 2

بعين نجي للبدل
عندج ارقام مشاغل دوري وشوفي بدزهم لج عالخاص لانهم وايد انا مسيفتهم عندي بالنوتس
نقيلج بدل طوال وقصار اخذي 3 طوال و5 قصار هذول بدل مو دراريع !!!!

الدراريع عندج المشاغل ونقي على ذوقه منهم اخذي 5 بالكثر تحسبا لطواري والعزايم المفاجئه

ملابس الشقه عندج الافنيوز وسنتر بوينت وكذا محل لقطي منهم بنطرونات وتنانير وشورتات وبديات وحركات دلع شكلي نفلنيف تنانير برمودات شورتات كذا شي وكذا ستايل

البجايم وقمصان النوم

المحلات اوشيو_ لاسنزا _ وومن سيكرت _ اتش اند ام _ ناعومي _ دي سولي _ ترومبت _ انور _ القاسم _ اكس فورد
مريهم وشوفي اخذي كذا بجامه وقمصانج اخذي 3 طوال والباجي كلهم قصار وشكلي منهم لاتقولين استحي بتستحين اول يومين وبتفلينها ههههههههههههههه فاخذي عشان ما تتحسفين كورسيهات بيبي دولات شبك اللي يجيج كامل ترا حلووو حييل لاتنسين دلاغات للقمصان وفلاتات سلبرز للبجايم (( مداسات ))
لاتنسين الارواب اخذي واحد ثقيل طويل وو2 او 3 ستن طوال مثلا اسود ومشمشي وقصار ستن حلوين واغراء اذا كنتي لابسه قصير ")


الاكسسوارات (( قسمين ))

**غاليه وللرزه (( عندج الفراوله اللي بالبيرق هذا غالي شوي بس روعه مو الفراوله بو دينار ونص وايتاليان بالكوت
** وعاديه بالمحلات مالت الملابس ومحل اكسسوارات اكسيسوريز اسمه حلو وذرب وفي بالفروانيه محل اسمه ساره ونوران وشيك وهالسوالف لقطي منهم بالعربيد والحمرا
الساعات اخذيلج ثنتين غالين ذهبيه وسلفر لانهم يمشون مع كل شي وما يقيدون
واخذي الباجي ملونين مثلا ساعه حمرا وزرقا ووردي وفوشي وبيج وبني شكلي منهم اسعارهم حلوة في عندج محل اسمه رويال تايم بالفروانيه مجمع العربيد او الحمرا والمغاتير عندج _ اون تايم الافنيوز الفرق بينهم رويال تايم سويسري واون تاين صيني ((( معلومه ))
الكعوب والجناط
الجناط اخذيلج 3 غالين مثلا (( انا خذيت ماركه كابوتشي سوده بذهبي واوف وايت بذهبي ماركه ماركو فالنتينو )) من محل اسمه الماسه اسعارهم حيل حلوة ومناسبه وغير هالشي ماركه خذيتهم مع بواكتهم
وخذيت بيضه بذهبي من بيار كاردان بالافنيوز هذي اغلى وحده ب 250 ومتحسفه كلها جنطه وبتنهري خذيتها مع فلاتها مو بوكها لووووول

هذا مثال وانتي اخذي اللي يعجبج
الجواتي كرمج الله اخذي 2 طبي من بازار للتمشي والسفر حلوين وذربين حييل ومريحيل
اخذي كعوب بالالوان الاساسيه للحفلات ذهبي سلفر اسود ابيض بني بيج اوف وايت وبرونز
اخذي صنادل وفلاتات شكلي على ذوقج لان هذول بتلبسينهم مع لبس البيت

​

العطووووور

3 اقسام عربيه وفرنسيه اخذي 5 عربي و5 فرنسي كافي عشان تنوعين وهم بعد راهيه تصيرين يعني مو حدك حدك + مجموعات الجسم


اول شي العربيه
عندج الجزيره للعطور لا يطوفج اخذي منهم
عطر دايموند _ النخبه _ ونمبر 5 _ وعطر فيرنو لونه شفاف ومنقوش بالذهبي والاسود _ ومن القراش اخذي عطر عود وعنبر لونه ستيل وردي وعطر كرستال عود عنابي لا يطوفونج هالاثنين مهميييين وبتدعينلي هذول من الجزيره
واخذي بخوووووووووووور العرووووس خاص بالعروس روعه
ودهن عود العروس

من القرشي
خلطه القرشي
جموع الذهب
رامان الذهبي واحمر
ومسك العروس للمنطقه الحساسه وللطهاره روعه
وبخور للعروس ملكي ودهن عود

من امل الكويت اخذي بخور السلطانه وعطر امنيه بخري فيه الشقه ورشي من العطر رووعه


العطور الفرنسيه
كل وقت له عطر مهم جذا
عطوور الصبح يعني اول ما تغسلين وتلبسين شي ناعم ترشين منهم
_(( عندج عطر ماري مي _ عطر شانيل شانس _ عطر المسك من مجموعه بودي شوب _ قطرات المطر من اجمل ))

للمناسبات والمساء
العطور القويه مثل
مارتن ميكاليف _ سينما _ تريزور ان لوف _ باريسيان _ فلنتينو روكن روز _ بيور بويزن ديور _ بيل من سان لوران – 212 في أي بي _ كاشاريل الاحمر _ شوبارد_ كلوي لوف _ نارسيسو _ وعطر ترش ماك ايفوي سيكسي 9 ان حصلتيه علميني لانه منقطع روووعه وسكسي حيييل

هذول عطور لايعلى عليها وقويه وثابته

لقمصان النوم اخذيلج عطرين خاصين خاصين
عن نفسي خذيت (( لاليك الاسود _ كيم كارداشيان الاسود )) هذول بس للغراء وللقمصان يعني لاترشين الا اذا لبستي او اذا ناويه تغرينه

والله لايقوله اذا تزاعلتوا الله لايجيب الزعل رشي منهم (( ترى العطور لها سر ومفعولها سحري اهو تعود يشمه عليج للقمصان فاذا شمه راح يطخ وممكن يراضيج عشان ياخذ اللي يبي ههههههههههه شريره صح ") خطط خطط جهنميه

** مجموعات الجسم
من بودي شوب
عندج كذا نوع اختاري اللي يعجبج
خذيت انا منهم
جابانيز بلوسوم والفراوله والمسك
من باث اند بودي خذيت هم اسمها جابانيز بلوسوم
من فيكتوريا سيكرت لا يطوفج هذا
مجموعه اسمها بيور ساداكشن لونها بنفسجي نيلي على صوره ورده مكشكشه هههههههه حلوة مكشكشه شكلها جذي مكشكش رووعه وسكسيه
وبس خلصنا عطور



نجي للمكياج
اول شي كريم الاساس لازم انتي تجربينه على ويهج
بس احلى شي واللي خذيت ونفعوا معاي
كريم كريولاين رقم 2 للمناسبات الكبيره
وكريم شانيل ليفت لوميير رقم 20 يومي وخفيف
وكريم ميك اب فور ايفر hd نسيت رقمه هذااا حلوووو للمناسبات اذا ماتبين تلطخين وتحطين شي ثقيل وما يبين الخطوط التعبيريه بالوجه اذا فيج خطوط عند عينج عند شفايفج وزوايا الخدود صوب الشفايف الاقواس عرفتيهم يمين ويسار الشفه لما تضحكين ما يطلعون هالكريم يخفيهم
هذول الكريمات
والكونسيلر
خذيب بس كونسيلر ميك اب فور ايفر اللي صاير كانه باليت اكثر من درجه فيه بس

الشدوات
عندج ميك اب فور ايفر وماك وسان لوران وايستيلودر وديور هذول طبي وتخيري وعندج شدو نيبو من الهنود لازم تاخذينه وجيفاقو رووعه هالاثنين لازم تاخذينهم وكملي الباجي من الماركات مو شرط كلهم نقي
اللمعات
لمعه لاتطوفينها من ميك اب فور ايفر اسمها ستار باودر مدوره على كل شي تستخدمينها مكس مع الشدو اضاءه تحت الحاجب رووعه وعالخشم
لمعه محمود سعيد من الهنود للجسم لمعه منثوره
ولمعه جست قولد من الهنود هم روعه للجسم
من ماركه بينيفت اخذي لمعه الجسم الطواليه الحمرا لا تطوغينها لقمصان النوم قيمتها 10 وشوي بس شيييييييييييي وريحتها اغراء صايره مستطيل لونه احمر عليه رسمه بنت طول كف الايد واطول شوي حجمها بس شي شي شي وبتدعينلي



البودرات او البلاشرات
بودره كريم اساس شانيل
بودره نيبو اللي لونها بيضه ومستطيله
وبودره ديور اللي لونها كحلي على ازرق

بلاشرات الخدود
اخذي من نوبا المشمشيه والبرونز ومن بن ناي الورديه والوردي البيبي بنك الفاتح وباليت مربع فيه كذا لون بلاشر حلو وينفع
من ماك ومن ميك اب فور ايفر اخذي من فور ايفر بودرتهم الكرزيه رووعه مع الميك اب اذا حمرتج كرزيه شي شي شي

الكحل والماسكارا

الكحل القلم
اخذي اسود من ميك اب فور ايفر واسوج من الهنود ماركه مستر اند مسز رووعه وفحم ومايسيح

ومن ماركه مستر اند مسز الهنود اخذي هالالوان
البني والازرق الفاقع والاخضر الفاقع والابيض والبنفسجي والكحلي ولاخضر الروتانا كل هذول حلوين

الحين الكحل السايل
أي لاينر لانكوم ريشته طويله
أي لاينر محمود سعيد من الهنود رووعه ما استغني عنه ريشته طويله وسواده روعه
أي لاينر سان لوران ريشته قلم نهايته فرشاة

الماسكرا ت
ماكس فاكتور ماستر بيس
ديوور اخذي السوده والزرقا
وماسكرا ستوديو من فور ايفر

الحمر والقلوسات

احلى شي
سان لوران _ ايستي لودر _ ماااااااااااااك _ ومييييك اب فور ايفر

من نوبا اخذي الحمرا اللي ماتروح والفوشي باربي لونها وبس
وبسسسسسسسسسسسسسس لاتفكرين غيرهم هالمراكات يتكتلون ويتشققون ويعورون الشفايف


القلوسات
من ماك
من سنتر بوينت ماركه بورجوا منزلين قلوسات روووعه واخي اللي فيهم طعم بعد
اخذي درجات
وردي
شفاف
بيج
صدفي
مشمشي
وذهبي عشان تعطين لمسات للحمر المشمشيه بس لمشات ما تلونين الشفه كلها تطلع رووعه من النص بس تحطين

خلصنا ميك اب ان شاء الله ماكون نسيت شي

اغراض الجمعيه
يبيلج
شامبو وبلسم وبودري شاور وليفه
غسول وتقشير (( مجموعه للوجه غسول يومي ))
غسول للمنطقه الحساسه احسن شي انتيميت بالبابونج _ وكوتكس _ وفوط كير فري يوميه )

يبيلج معجون وفرشه ومضمضه
قطن قطه دوائر واعواد اذون
كريمات لوشنات
للوجه وللجسم ونصيحه للجسم اخذي جيرجنز وجليسوليد الاحمر الثقيل الاصلي روعه وينعم لاتنسين الفازلين متعدد الاستخدامات

فحم للبخور

وان شاء الله اكون فدتج ونفعتج
والله يوفقج ويفتحها عليج وتطلعين احلى عروس ياقلبي انتي ويسخرلج ريلج ويسعدج ويهنيج ياارب

فديتج والله ومابي منج غير الدعاء بظهر الغيب ان الله يوفقني ويفتحها علي ويتسهل امر عرسي ويسخرلي ريلي واكون في عينه كل شي واحب اليه من الدنيا ومافيها

وشكرا

 

[ya al3rosa]

فيونكة وردية مااا قصرررررت
بالتوفيق

 

[هاااايدي]

اي والله انا حدي مغمضه مااعرف شي والله يعلم مالي غير الله والبنات اللي بالمنتدى

وناطره ردود الباجي ونصايحهم

الله يوفقج ويهنيج ويكتبلج كل خير بحياتج
وينولج مرادج وتخلصين تجهيزج ع خيييييير يارب
بس حبيبتي مايجوز تقولين مالي غير الله والبنات
-الصح تقولين مالي غيرالله ثم البنات
وتقبلي مروري

 

[حلوه بس بلووه]

اب اب اب
البنات ما قصروا

 

[ملح الدنيا فيني]

 

[a7saaas_20]

السلام عليكم ورحمة الله وبركاتـــــــــــــــه ..,

اكاااااااااااااونتااااااااااااات تفيدج
بالمكيااااااااااااااااااااااااااااااااااااااااااااااااااااااج

اولا شقره ومزيونه للعنايه والجمال مفيييد وغنيه عن التعريف
خلطااااااااااتها للتبييييييييييييييض وعن تجرررررررربه رفيجتي تقول وحدة لون جسمها واتي شوفيها لككل شي تنصح

@mazyonaaa


تعرض افضل مكياج افضل رسمه للعين او شدو وفيه نصائح
@reham_makeup92


اكاونت ممثله الهام الفضاله جميل فيه من النصايح والحبوب الي تستعملهم شغلات تستعملهم ويومياتها
@elham_alfedhalah74

تعليم كيفية رسم الحواجب (خبيره تاتوا مخصصه لرسم الحواجب) وللشفايف ولجفن العين

@malak_tattoo



هذي بنت تعض شغل مكياج نصايح جذي
wo0owfashion@


تعرض كل الاكاونت الي تحتاجها العروس وتجهيزه
@3rosatna



هذا للاصباغ نوعا ما جميل الي حابه تصبغ الصالات قبل يوم اسقبالها
@aborabeea57


تعرض موديلات *** الشرق 2012
@aida_hassan



محل يصممون لج العلب والصناديق وصواني الحلو والتقديم
flying_colore99


عبير الياسين
@abeer_alyaseen



وووووووووووووبس تر المكياج جدا بسيط بس يبيله ممارسه خفيفه لا تستصعبينه


بالتوووووووووووووووووووفيييييييييق

 

[العنودبنت علي]

يسلمووووووووووووووووووووووو

 

[جوري الصالح]

الف مبرووك والله يوفقج ويهنيج ياااارب

 

[احسااس طفله]

بالتووفيق
وأب للافاده