اهلا رمضان رمضان قاننننننننننننناااااااااااااااا - شسويتي ؟

[Dancing^Queen]

احم يينا ويبنا صورنا
شوي وبنزلهم
واحب اقولكم امس رحت سوق السالميه اتس بجا ستايل
شريتحق البجا دراريع من شحلاته ابيه لوع جبدي ولوعت جبده
سويتله كم اخر
اخركم
شريت حق بناتي دراريع الوحده ب 11 علشان القياس
وشريتلي انا وحده ب 19 ودراعه حق العنونه ب 5
عقب كم اخر اخر كم ومكاسر لي الستار
ونشفان ريج
يالله افتكيت
وشرينا تكرمون نعول للبنات
وماجله رمضان
وماعون من سيتي سنر يصير بايركيس صخانات معزله ثلاث بسبعه وايد قود قود

يالله اورفوار خل اشتغل علي الصور

 

[زيـنـه]

قود قود كوين بالعافيه .. و ننطر الصور

 

[حنتوشه]

انا امس رحت حلويات صافي بالنزهه

وشريت حق خالتي ام ريلي وحق الوالده وحق يدت ريلي---------<< والله خساير

ههههههههههههههههه امس عطيت اليده وامي واليوم ان شاء الله بنتفطر عند خالتي

عندهم الرهش فضيع وفي نفسه على حلوىىىىىى واي اينن حده وسمسميه ام كاكاو وغريبه فستق وغريبه لوز

بس حسافه ما حطيتهم بطبق وهالسوالف هالسنه ماجهزت شغلي مبجر !!!

والماعون نفسه ايي معاه ماعون صغير حطيت داخله سكر نبات وهيل حركات وغلفوه بسولوفان

وبحاول اصوره اوريكم قبل لا اوديه

 

[د.شريفة]

مشكوره نفيشه وعليج بالعافيه الشغلات اللي شريتها وانا بعد
قلدتج
وصفتلوي سبوجه الحلوه ماقصرت
ورحت والله وشريت شغلات حلوه من عندهم شغلات قديمه
مثل ماقلتي صفهم ماعجبني فخليته يحطلي في علبه فلين
بعدين رحت شريت انا مواعين حلوه
وبصف فيهم الحلو وشريت منه حلوى ام الجزر خاصه باهل السكر
وبعد شريت لها مواعين بايركس صغار عليهم غطا هم بحط الحلو فيهم
والله يسلمج بصفهم بعد شوي واليوم اذا رحنا لهم بعطيهم
وان شاءالله يعجبهم
يستاهلون

 

[Dancing^Queen]

يالله قدرت انزلهم رديت البيت وحطيتهم بسرعه بسرعه بروح المطبخ اجهز حق الفطور

هذا الزبيل من بره


اهني لما شلنا الغطا

وزدت عليه بطل شربت قبل لا اوديه

اهني صوره المجند كاشف الرأس

وطبعا مثل مانتو شايففين في سفرطاس قمردين واشياء مكسرات مجيسه وسفرطاس رطيبات سنعه من القصيم
وبطل شربت ملبسته خيش
وبطل ماي ورد ملبس خيش
وقمر دين كبار شلافيح لفيته وحطيته بجيس خيش نفس ربعه عدد 2
وشكر قند بوعود وزعفران
ودمتم شاكرين


في ملحقات غربيه بس قوطي

 

[نزف]

وااااااااااااااااااااو كوكو


شكله يشوق


اكياس الخيش من وين ماخذتهم ؟؟


ذربين حدهم


وعليها بالعافيه راعية الهديه

 

[mrs_sugar]

مبارك عليكم الشهر
و كل عام و انتو بخير

شوفوا شنو شريت حق خالتي ام ريلي

هذا من حلويات الكواكب المعروف ببوفتين

طبق فيه 10 طوس ( جمع طاسة لغير الناطقين باللهجة المحلية ) متروسة حلويات كويتية قديمة من سمسمية و جبدة الفرس و جوامع و بيض القطا و غريبة

و حق الوالدة ماخذتلها جنطة برادا بس ما صورتها

 

[Dancing^Queen]

سانكيو اوي اوي نزف
عيوونج الحلوه ابله
الجياس الله يسلمج من سوق بو اميه المعلم
وهذول ارتب فيهم اكسسواراتي بس صار لهم هدف اخر بالحياه





مس شوغر
ماتبيني اصير امج ؟
تبيني ام
الله يخليها لج انشاءالله يارب
ابيه قعدت اتخيل الزمن يدور ويعطينا طوله العمر وعيالنا محتاسين شيهادونا
ياختي سلم الهييييييلق وخصوصا العنونه قناه الخليجيه ام شامه الرداحه الجميله ام كشه <<<يعني مادحه بنتي
ماظنتي تييبلي شي القبوطه بتييب حق حبيب القللللللللللللللللللب الابوووووووووووو العشق العشق
اتهقون شيبون لنا بذاك الوقت؟
اتوقع يروحون ويا صديقاتهم يشترون لنا شي تراديشونال مثلا سوفلليه او تشوكليت فوندو بمانسبه رمضان
بوفتين مايدور وقتها كلش كلششششش سوفاااااااااااااج واو اثانتك حده اقول مالت ماعدلت علي الالفيه


<<<حاقده من الحين الله يسلمكم
المهم بنات لايوقف لايوقف
ياي البلاء البلاء القرقييييعان فلم الرعب المخيف

 

[bambena]

مسز شوقر هذا انا طلبته اليوم من بوفتين باجر استلمه شحلاته يهبل

 

[Dancing^Queen]

عليكم بالعافيه بمي ومس شوقر

 

[سبائك]

روعه كوين ومس شوقر شغلكم يهببببببببل ماشاءالله

 

[رفرف]

سوينا غزو على بوفتين ...

نفوشه حبيبت قلبي شرتلي منه حق خالتي ام ريلي واشوه اني ماكثرت لأنها مسوية رجيم وانا ناسية
بالعربي احنا ناكل واهيه تطالع مسكينة ..

وحق امي شريت سيادة صلاة مع ثوبها ومصحف وووو ريلي يابلها دراعة وبناخذ لها بدلة العيد انشالله ..

والبنات باقيلهم تناتيف العيد ليلحين ماخلصت بشتريلهم اليوم انشالله ربطات شعر وابي درغ بوكشكش اوفوايت قياس المفعوصة العنونة 6 شهور وين القى كل اللي لقيتهم لون ابيض !!

واقي القرقيعاااااااااااااااااااااااااااااااااااااااااااااااان ببجي بحد يحاجيني والله ابجي ...
متى اشتري متى الفه متى اجيسة شسوي بعمري انا ؟؟

اي واستلمت عباياتي طلعو شحلاتهم حبيييييييييههم ...
نفوش ما بجيتي لما شفتيني والا لا ؟
لأن في ناس يحبون الذم أول مرة بحياتهم يمدحون عجبتهم عباتي جدا جدا..

 

[سبائك]

بالنسبه للقرقيعان انا بصراحه ما اسوي الا حق المدارس(الروضه فقط)

ولا حق الاهل سويت حق البجر بسسسسسسس من 8 سنين وهذا خبري بالقرقيعان

خذيت خق الروضه من فاشن مل كراتين يتسفطون ونحط داخلهم ككاو بس لما رديت البيت وعاينهم كلش ماعجبوني صغار حيل ما يكفو صبعين ككاو!!!

شكلي برد آخذ شكل ثاني الله يسهل

 

[ام طلال]

شغل البلعه كله خلصته بس باجي القرقيعان طبعا سويت لبس القرقيعان لكتاكيتي وباجي توزيعات القرقيعان ابي لون ذهبي وملابس العيد للحين ماسويت اي شي انطر المعاش ينزل من هنا وانا اطلب من النت من هنا ماابي بضاعه الكويت تلوع الجبد وغاليه
كوين عندي لج موقع لملابس البنات اينن تبينه قولي لايردج الا لسانج

 

[New Mum]

قواهم الله ..
أطفالي ما شفتو جياس سولفان شفافه ؟؟
الله شافت او بشوف بليز قولولي ضروري ولكم مني دعوه جميله

 

[New Mum]

للتنويه فقط لا غير
الله = اللي

 

[د.شريفة]

السلام عليكم شلونكم
شلون الصيام معاكم
انا الله يسلمكم قلت لكم رحت الكواكب للحلويات
والله ماقصرتوا بنات مشكورين
شغلاته حلوه
امس رحت حق امي ووديته له استانست واليوم بروح حق خالتي وبعطيها الشغلات الحلوه
وقلت بصورهم لكم واحط لكم الصوره
وزدت عليهم قرشتين وحده ماي لقاح وزعفران ووحده ماي لقاح
شوفي الصور





وبخصوص القرقيعان شريت الاغراض
بس بقى التزين والتغليف وبقى الكاكاوات بزرق على يوم الشويخ واشتري الكاكاو والحلاو والله يسهل وان شاءالله بعد بس اخلصهم اصورهم بس متى اشتغل فيهم الله العالم
اليوم ثاني يوم رمضان وبقى 11 يوم على القرقيعان شفتوا شلون الدنيا تركض

والله يسهل علي وعلى الجميع

 

[نزف]

أم طلال

دزيلي الموقع حبوبه ولا عليج امر



نيو مام

تبين اللي تكون كيس شفاف يعني مو رول ؟؟


تلقينها عند بو 100 .. وفي شفاف ساده وفي شفاف عليه ورود ملونه

وبعد قبل مده لقيتهم بمكتبة الواضح



د. شريفه

عليها بالعافيه الوالده تستاهل

 

[New Mum]

نزف حبيبتي والله و الله
قوليلي بليز اي بو اميه و ووين مكتبة الوضاح
ابي الساده ماعليهم خرابيط ؟؟

 

[نزف]

اي ياقلبي الساده ماغيرهم


مكتبة الواضح بالفحيحيل عندنا يم المنصور

وسوق بو ميه اسمه البرواز يم شارمل

مقابل سوق العايله