اهلا رمضان رمضان قاننننننننننننناااااااااااااااا - شسويتي ؟

[al7reyaa]

باركولي سويت شغله اليوم رحت البلوكات خذيت بطانه حق تنورتي اخيرا

 

[Dancing^Queen]

مبروك مبروك مبروك حريه


بنات اشكركم من اعماق قلبي احزين

 

[bambena]

حريه وديها الخياط بعدين اباركلج

الله يعينني الهدوم بالجياس ترس السياره مادري متى اخلص

 

[al7reyaa]

ميرسي لكل من ازرني
واي بامبينا
لو تدرين جم جيس وجيس وجيس عندي بالسياره جن سيارة راعي البردات
جيس فيه شحاطات من دفاشتي كاسره الكعب ومطلعه المساميير وبما انهم شحاطات زينين ومو مزلغين وديتهم اليوم الجمعيه ركب لهم وخلصنا
رحت البلوكات شريت المتر على 350فلس يا بلاش من القطان الحين نقعته باجرانشالله اوديه
باجي لي شحاطه كعب ماكو الا نايين ويست يونيفورم خدامتي ونعل حقاعيالي


يالله تصبحون على خير

 

[Dancing^Queen]

حريه شطوره يابت
عفيه علي الشطوره
وراعي البردات
ترا راعي القنفات يسلم عليج
سيارتي تحيي سيارتج
تمشي تمشي
ابيه بطلت درج السياره لقيت ميمه بنتي داخل من الاغراض الي فيها بتنطق

 

[نزف]

قوه بنات


انا على حطت ايدكم ماسويت شي

ودراعة اختي للحين ماطلعت

تقول باجر تخلص

وماشريت لي شي لا للقرقيعان ولا للعيد

 

[زيـنـه]

انا بلوية القرقيعاااااااااااان !!!!

 

[د.شريفة]

كوينه مبروك عليج القرقيعان
اشوه انج خلصتي
وعلى فكره شي حلو وراقي وكشخه
والفال لي اخلص
توني شابكه بس شويه قلت ربع ساعه وبروح اشتغل بالقرقيعان
بس خلاص خلاص الحين قلت اسلم عليكم وتالي اروح اشتغل
مابقى شي لا اله الا الله الوقت يركض اليوم دشينا سادس يوم من رمضان وبقى على القرقيعان
6 ايام
يعني اللي ماخلصت مثلي خل تشد الحيل
وتشد الرحال وتجابل الحلاو والكاكاو الديزاينات الحلوه
وتشتغل وتورينا تالي


ام سيارة راعي البردات والله مت من الضحك هاهاهاهاهاهاهاهاهي
اختي جذي اقولها شنو انتي خياطة متنقله
جياس جياس جياس كلها خامات
وتنانير وقمصان
اللي خربان يبيله تصليح ترجع للخياط مره ثانيه
اللي مسوي الموديل غلط
واللي واللي
انا توووووووووووووووووووووووووووبه محرمه من زمان ما اخيط وساعات والله ودي اخيط ودي
بس وين كلهم مو زينين ماقط طحت على خياط زين
اووووووووف



المهم انا اخليكم وبصير شقرديه
بروح اشتغل بالقرقيعان
اشوفكم على خير

 

[ام طلال]

سلامو عليكم
شلونكم خلصتوا شغلكم ولاّبعد انا بروح بعد شوي بياّع الورد جود الاقي عنده قرقيعان ابي لون ذهبي تعبت وبعدين ابي اصوّر فروخي بس ماكو وقت شغل المدرسه مايخلص وللحين لاشريت بدله للعيد لا لي ولا لعيالي وشعاري (مالي خلق)
واللي تتحجى عن سيارتها تعالي شوفي سيارتي كل شي فيها لي ركبت بلاد تشيلني وبلاد تحطني اسوي جرد ولاني ملحقه راس كل جيس محذوف بصوب وكله للمدرسه هنعمل ايه !!!!!!!وقرقيعان وقرقيعان

 

[Dancing^Queen]

العد التنازلي ياقدعاااااااااااان
شسويتو
ويلو ويلو ياويل ويلووووووووو
دراعتي تبي تصلييييييييييح وتبي كلللللللللللف
وتبي خيااااااااااااط
دراريع بناتي تصليييييييييييييييييح
الحفله يوم التنين ياقدعاااااااااااااااااااااااااااااان
وابي صالون ايي البيت
وابي اسوي هايلايت
وابي بدل العيد
خل نبوق بنك؟؟؟


نزف
اخترعي انا مخترعه يالله اخترعي اهووووووووووو اشتغلو اشتغلووووووووووووووووووووووو


ابله دكتوره شريفه
يالله وين الصور عاوزه صور ياابله



ام طلول
شنو مالي خلق
بالعيد شبتقولين
بحفله القرقيعان والكل مهيص وانتي تطالعين الورعان وتقولين ياليتيني استعيللللللللللللت

 

[رفرف]

أمس رحت شريت شبابيص حق بناتي حق العيد ..
وابي دلاغ بو كشاكش لون اوفوايت حق المفعوصة الصغيرة ... واختها بعد ..
من ويييييييييييييييييييييييييييييييييييييييين ؟

 

[زيـنـه]

كوكو .. شريت القرقيعان و الخرابيط بتعاتو .. و ينلف ان شاء الله الجمعه .
و هدوم القرقيعان حصلتها و لله الحمد .

و خل نراجع اللي بقى ..
هدية العيد حق الماما و الخاله .
بدلتي العيد لها نواقص .
و يبيلي روحه صاااااالووووون .

 

[سبائك]

تصدقون آنا استنتجت خلاصه من هالموضوع!!!!!

أن احنا وايد مكلفين نفسنا فوق طاقتها يا جماعه بهالشهر الفضيل!!!!

يعني من يبدي رمضان نهايل نبارك بالشهر ولا حنا ملحقين راس وفي وايد ناس ماقدرت أروح لهم أول 3 أيام شحليلي اوجب من رابع يوم بديت اخق ومن اتفطر ادور المخده وأناااااام لي ال10 وأقوم متكسره ولا لي خلق أحد الظاهر بدا يطلع علي التعب
وألحين احس بأرهاق عجيب جسمي كله يعورني من الهيله يوميا هذا غير التزامات البيت والمطبخ واليهال وتدريسهم

وشغله ثانيه بدال لا يصير رمضان شهر عباده وركده صار شهر هيله ومشاوط بالسوقه ولهثه
يا اما قرقيعان يا اما هدوم العيد يا اما دراريع يا اما هدايا امبيه امبيه وين بنلحق على كل هذا وفوقهم نتعبد ونذكر الله

 

[د.شريفة]

طاططا طاطاطاطا
واخيرا خلصت شكل الكبار
وبقى الصغار
اهي اهي اهي
بس لحد الحين ماعبيتهم قرقيعان
تبون اوريكم
اممم نطروا افكر
بنات نص اهلي يدشون المنتدى ورفيجاتي ماني عارضتهم الحين خل اوزعهم واوركم لاني صورتهم بس اخاف يتليقفون يشووفووون
تالي اواريكم
ورفرف شكلي اعرفج عدل مدل
لاني دخلت مووضوع وين كنتي تدرسين طلعتي نفس مدرستي بالضبط باالابتدائي والثانويه والمتوسطه حياج الله يا صديقتي اللي مادري مني اهيا

 

[د.شريفة]

سبوجه صح كلامج بس الحمدلله انا عن نفسي
خلصت حتى ملابس العيد لي ولعيالي خلصتهم اولا ماحب اطلع برمضان
وما حب الزحمه والحمدلله
ماعندي غير القرقيعان افضي نفسي ساعتين ثلاث عليه يومين لاثه وبيخلص ونعبد ربنا باوقات كثيره خصوصا عقب كل فرض والله يصلحنا ويهدينا ويتقبل منا ويغفر لنا
والله لا يلهينا الا في ذكره

 

[سبائك]

الله يزيدج من فضله يا شروفه

آنا الحمدلله خالصه هدوم العيد لي ولليهال بس باقيلي جواتي

وماخذه أجازه من الدوام الحمدلله

والقرقيعان بس بسوي حق روضة ولدي لاينكسر خاطره جدام أبلاته واليهال

وفوق هذا كله احس أن ما ركدت من دخل رمضان وآنا بلويه!!!!!

 

[د.شريفة]

الله يعطيج العافيه والله زين سويتي خذيتي اجازه
انا ماخذه اجازة امومه
والحمدلله سهاله
خلصت شغلي كله ماعندي ولا شي بس انا ناقصني شحاطه حلوه حق بدلة العيد والله يسهل
علينا وعليج
وقرقيعان للاهل ماراح توزعين لهم شي ...؟

 

[سبائك]

لا والله شروفه سويت بس حق البجر فقط من 8 سنين لما كان عمره سنه

وبس هذا ويه الضيف

ياختج قرقه القرقيعان ويبيله مقاقه وانا وحده كلش مو ماااااااااااال

وأذا باخذ الشي الي يترس العين باخذ الحبه مو أقل من 10 دنانير(طبعا لازم تتضمن قرشة بخور وككاو فاخر ومرات ديرم بعد ومره وصلني قرقيعان داخله ملفع تخيلي)!!!!!

يعني أذا بوزع على اهاليتنا كلهم بيطلع علي مو أقل من 500 دينار

 

[رفرف]

سباجة ...
اي والله صاجة صار رمضان والعيد استغفر الله همممم شايلينه بس انا اخلص لويتي قبل رمضان والسوق ماطبه كلللللللللش طول الشهر ...
بس يختي هم تبقى التناتيف دلاغ على شباصة على باند يختج ماجربتي البنات لوية البنات والا انا خالصة من زماااان ...

شريفة ..
ياخراشي ياخراشي عاد لما شفت صورتج بموضوع صوركم وانتو يهال حسيت ويهج مو غريب عني كلش كلش ..
عالخاص يابت وبلا فضايح ...

 

[د.شريفة]

سبوجه حبيبتي انتي سويتي من الحبه قبه
القرقيعان قرقيعان مو بخور وديرم
اشتري كاكاوات فليك ، كتكات ، ارو ، باونتي، تويكس ، مارس ، ...... الخ
وبس زينيهم بشي حلوووو وهذا القرقيعان ليش الكلافه يالغاليه ما الله امر


ورفرف عرفتيني ......؟؟
لالالا مايصير لازم انا اعرفج