بنات شلونكم شخباركم بخير ان شاءالله عسى ماشر وينكم طاخين
وصخه عندكم الظاهر نايمين في الويك اند اي اي يا حلات النوم وانتي صايمه
وسهرانه لي الصبح
انا في اجازة امومه وزوجي ما خذ اجازه بعد في رمضان اجازة (ابوبه) هاهاهاهاهاي
وسهر مع هاليهال لي الساعة 7 الصبح راعي البيت بيشتكي علينا
من اللويه اللي عندي والله فشله
بس شلت كل سيايير ولدي والعابه علشان مايزعجهم اخليه يلعب بالتركيب ويشوف دي بي دي على قولته يعني دي في دي
المهم وننام الصبح ونقعد الظهر
اقصد انا اقعد بس على الساعة 12 او 1 والعايلة الكريمه شخري
المهم ماقلت لكم قلت لكم قصة حياتي وماقتلكم لي وين وصلت
رحت صورت اليهال يختي صار عندي يهال اول اقول ولدي الحين اليهال
سعود ونور
سعود ارتز ونقز وطامر وافتر غصب استقر وصوروا جم لقطه قلت هالصور سلامات
ونور نتفه ماكملت ثلاث شهور مسخره التصوير نايمه وغصب غصب قعدت
ونقزتها ودلدغتها علشان تضحك
جان تفتج الحلج على شكل ضحكه مو راضي يتسكر متنا من الضحك
المهم صورنا وطلعنا وايدي على قلبي
رحت خذيت الصور
الا
الا
يهبلوووووووووووووووووووووون حبيت اعيالي
والله خوش صور
وايد حلوين بس ماراح احطهم مع القرقيعان لالالا
بس بلس القرقيعان
احب يكون لهم ذكرى حلوه
وعلى فكره احب التصوير
وارتزيت انا لازم اطلع
معاهم هووو امهم لازم بعد
واقولكم المصور روعه
بس مو دعايه للمصور بس شوفوا وسألوا مجرب
مصور جمعية صباح السالم رقم 3 فوق بس والله والله صوره حلوه وواضحه
انا من ثلاث اسنين وانا اصور عندهم سعودي
كل صوره صباح السالم
كل من يسألني عن الصور من وين ايهبلوووون
واذا شافوا غلاف الصور كل من يتعجب صباح السالم
ادري طايحه من عينكم بس انا قلت لكم وانتوا كيفكم
بس وسلامتكم وتعيشون
وكوينه ماراح احط لج الصور على الخاص ملوت القرقيعان لالالالا
بحطهم على العام الاسبوع الياي بعد الويك اند
العايله كلها تبي تقرقع الاسبوع الياي مايبون ايام الاسبوع
علشان المدارس
وبس
اشوفكم على خير
وترى تعلمت عليكم بنات صج وانتوا مادري وينكم كلش هدووووووووء ليلحين نايمين ...؟؟؟
