اهلا رمضان رمضان قاننننننننننننناااااااااااااااا - شسويتي ؟

[رفرف]

كوين انا مادل بالمباركية مانفع بس اهوه بسرداب الشايع نفسه وين المنصور حبيب القلب هذا جباله وفي كذا محل انا خذيت من اول محل بويهي ...

 

[Dancing^Queen]

خلص القرقيعان
بس انا تعبانه نفسيا وجسديا مرهقه جدا جدا
ابي طبيب نفسييييييييييييييييييييييييييييييييي
ساعدوووني ازروني صبروني بقا جم يوم
عي قوله بنتي وين الايام الحلوه السعيده ايام قبل وين ايامنا الحلوه
سويت حق المدرسه 29 قرقيعان
غير المدرسات


و13 قرقيعان حق حمولتي
غير اهلي
غير وغير وغير
والسيليكون حرق ايدي سوالي تشوهه
بس بقا باجر وانخلص

 

[د.شريفة]

القرقيعان السنة
غير
خلص قرقيعان بيت اهلي
والليلة حمولتي
وبس
خلصنا وملصنا
اليهال السنة في الفرجان شويه مافي احد
مادري عيال الفريج كبروا علشان جذي
مافي يهال
يقرقعون
والا صار قرقيعان بالايميل
انا خذيت ولدي
وفريت فيه على رفيجاتي يوزع قرقيعانه عليهم
واهو مايدرى وين الله حاطه
لبسته وكشخته
بدلته من تصميمي طلع طلعه السنة كل مانزل عند وحده من البنات صوروه كشخه كشخه
اهو مع ولد اختي نفس البدلات
بنجابي وبنطرون علائ الدين
وصديري فيه مخبات ومسباح والوان حلوه وغريبه والله يعافي محل متر الخام بو ربع

 

[Dancing^Queen]

http://www.q8yat.net/showthread.php?p=2161983&posted=1#post2161983



لقو نظره يابنات

 

[د.شريفة]

يالله شوفوا صور قريعان
سعود ونور
وعساكم من عواده

 

[سبائك]

بعد قلبي كوين صج يبين أنج تعبااااااانه الي سويتيه مو شويه الله يعطيج العاااااااافيه

د شريفه ماشاءالله خوووووش قرقيعان عساج على القوه وعساكم من عواده يارب


آنا حدي مريحه عمري سويت قرقيعان حق الروضه علبه كرتون حطيت فيها الككاو وحطيت لزقع فيها اسم ولدي وسلامتكم

وازيدكم من الشعر بيت للحين ما وديته حق الروضه مع أن حفلتهم كانت الاربعا الي فات

بصراحه لاعت جبدي من حفلات القرقيعان بالروضات عقب عيالي الكبار لوووووووويه بلووووووووووويه حتى الياهل تطير بوهته ما يدري وين ربه قاطه

قلت أن شاءالله الأحد أودي قرقيعانه يوزعه على أطفال الصف على ركاده وسنع ويستانس

 

[mrs_sugar]

انا السنة ريحت روحي من القرقيعان

ماكو شي للمدارس

و لا اهلي .. اساسا ما رحت .. كنت عند حمولتي

و حمولتي .. زبيل فيه قرقيعان و اغرف و احط بأكياس اليهال و بس​

 

[al7reyaa]

السلام عليكم
اعلن اني خلصت القرقيعان والعيد وبتفرغانشالله للعشرالاواخر
ولله الحمد والله ولي التوفيق

 

[زيـنـه]

هالموضوع للحين اهني !!

انا اكمل نواقصي .. و ان شاء الله اخلص

 

[Dancing^Queen]

حيث اني متنت
بدلتي تعلقت بالكبت
بس واصلتني طلبيه بفندها وبشوف شلبس
وعلي المتضرر اللجوء للقضاء
بناتي طلبتلهم واكسبرس شبيغ ووصلوهم لين صندوق انريكا
واراميكسملتزمين الصمت
ادش اجيك ماكو بالبوكس
والله يستر

 

[زيـنـه]

كوكو .. ارامكس الظاهر صيام هناك و مو مسوين اب ديت على البوكس .. سيم سيم حالتج .
انطر باقيج ... و اختي لها باقيج .. و الصندوء يصفر

جم لغه حجيت ؟

 

[al7reyaa]

السلام عليكم
واي يبت تنورتي من الخياط يكون مصلحها مصلح نص ومخلي نص يعني لازم اردها له باجر

 

[زيـنـه]

الحريه .. الله يعين .

 

[رفرف]

انا خلصت من الدلاغات ..
وملابس الخدم ..
وباقي تكرمون جوتي العيد والجنطة طالبتهم من النت ليلحين ماوصلو ..
\
والكارثة العظمى اني ماقايست بدلة العيد ..
اخاف انصدم ( لا عفية عيل انصدمي يوم العيد).
ان قايستها يوم العيد ومو قدي والله بتقلقص فيها وبروح حتتلبس يعني تتلبس ..

 

[أمواج البحر]

ويييي حسرة كوين

انا طالبه حق اليهال و على قولتج ارامكس ملتزيمن الصمت

عسى ما اتوهق و البس عيالي بالعيد هدوم قديمة :eh_s(1):

 

[al7reyaa]

زينه اي والله الله يعينني على الخياط

رفرف جنج ابليسه تقول بدلتي قصت

شريت يونيفورم طلععود لازم اصغره

 

[Dancing^Queen]

امواااااااااااااااااج
وينج
ترا اذا ماحنيتي علي اراميكس حنه عياييز الفريج منتي قابضه شي
جابليهم كم اخر
اخر كم
كم اخر
اخر كم
كل يوم نتصل عليهم ونقول وينكم ي الربع انقاذ انقاذ بسرعه بتييبون الهدوم والا بيعيدون ابانديرادو (شوفو الحلوين شووووووووووفو شوفو ايه لابسين شوفوووووووووو لابسين فناييل شووووووووفو)
المهم اني شريت حق عيالي داخليات يديد
واليوم عيد ميلادهم
امس كله اكرف اول شي بالطبيب ويا اختي وقبلها فطور ريلي مع ربع الدوانجه بغيت اقطعه واسويه غوزي واوزعه عليهم منها ياخذون منه اجر صدقه جاريه ومنها احد يقص فيه غيري
بغيت صج صج اقطعه
الل يطلعت من الدوام ماكملته من كثر ماصراخنا شايل يروح يطل بالجدور واييي يدق علي ياربي شسوييييييييييييييلكم صايم ومتسبب
المهم خلصنا فطور الدوانيه
خلصنا طبييب اختي والله ثلاث دكاتره افتر
قليتها رحت سابيله طلبت كيكه عيد ميلاد بناتي خلصت قليت عيالي
خلصت رحت خيطان ذات البراري والقيفان شريت حق اليهالو بالمدرسه الهدايا شريت 32 جيس
32 الوان وتلوين والبلو اوت كلرز (النفخ) ويا الرسمه مالتهم 32 قناع 32 جيس يلمع بو عيد ميلاد 32 ستيكرزات كبار و32 اقلام بو كراكيش و32 كرت واقعد جيس لاتجيس كل جيس ابطنه جيس اي نسيت التفافيخ بعد
والله اشتغل لين مادر يمتا الفير حتا جيام ماقدرت اجيم
والظحك مو جذي
الضحك ليش نمت وشلون نمت الله يسلمكم طقتني رخامه المغسله علي راسي
جان ادوخ
واصعرعر
وماقدرت افتح عيني
حطيت راس يونمت قلت حق ريلي بقو ست جياس سوهم شرحتله باربع جياس شلون يسوي وخليه علي عاتقه مسكين جيسين قعد يكرف فيهم طوووووووووووووووووووووووووووووووول الليل
قمت علي العشر مخترعه العشر صباحا يومين تاخير مديرو بيلعن خيري طيران الدوام جان اهون
رححت البنك
استلمت كرتي اليديد
ورحت الدوام وطحت طخاس اليهود
خلصت رديت البيت
ورا الفطور افزع لاتفزع
عندي جم قرقيعان وزعتهم علي اصحابهم حدي متاخره
ورحت شريت كيكه ثانيه
فطاير ثانيه
وبيتزا قيصر ثانيه
زرحت بيت اهلي نحتفل بعيد ميلاد عيالي
ابيه نكته اييب اليهال اصفق اصفق اصفق هييييييييييي يالله نفخووووووووووو
اللي بلعدووووووووووووووووووو تعال خل نغليكم هابي بيرث داي يالله خلص انفخ
قم روح اللي عبدووووووووو
خلصتو يالله ذلفو الدار لعبو <<<شمحديكم تذلون اليهال
واي ماطرا علي الا نون بنتي يوم ظرست طقيت اليهال بالنون بدال للا يلقطون قامو يجبون خافو افلعم بالقرقيعان تصرعو انخشو تحت امهاتهم وو وااااااااااااااااااااااااااااااااااااااااااااااا وااااااااااااااااااااااااا شسوينا ليش تطقونا واانا اصرخ مو كيييييييييييييفكم تعالو لقطو غصبا عليكم واحذف من اعماق قلبي الحزين في يهال صعروروروو

اهو يوم وعدا
وتوني يايه البيت
اراميكس وعدوني خيرا قالولي بدايه الاسبوع الياي او نصه

 

[جوكليت بار]

لووووووووووووووووول

كوين


طبعآ آنا ماااشريت لي ولااااااااااشي اهئ اهئ اهئ


صج بنات ابي يونيفورمات حلوة من وين ؟
غير ام محمد

 

[al7reyaa]

الرداء شارع فهد السالم يبيع ملابس خدم

 

[زيـنـه]

كوين .. كان الله في العون !
كل شي ايي مع بعض !

عندي شوية اغراض ما ادري متى اروح اسويهم .. يمكن اليوم ؟