اهلي قاعدين يستغلوني وطفح الكيل ! الله يخليكم ساعدوني

[وطنية توب]

صبااااح الخير,,,,,,,بنات عفيه طالبتكم ساعدوني و ادعو لي تنحل مشكلتي
والله مشكلتي معقدة لانه من اقر الناس لي

عفيه لا تطلعون من غير رد لو بس تدعون لي لانه انا في هم وغم وانطر الفرج من الله ومنكم

على الاقل خل افضفض وايد تعبانه

بدايه بتكلم عن وضع اهلي

اهلي الحمدالله مستورين و وضعهم عادي واحسن من غيرنا وامي وابوي عايشين على معاش التقاعدي
و اخواني وخواتي يشتغلون وشهاديهم كلهم جامعية والحمدالله عايشين حالهم حال غيرهم وعندي اخوان
يدرسون بجامعة خاصة

الله كتب لي نصيب مع ولد خير ونعمة و الله يعلم ما وافقنا علشان ولد فلوس لانه اولا يصيرون لنا وبعدين ولد
زين و رفيج اخواني و ما طمعنا فيهم والحمدالله عمي وخالتي و حمواتي يحبوني واحبهم وشايليني انا وعيالي
بكفوف الراحه وعاديني وحده منهم وفيهم واكثر بعد

المشكله يا بنات من تزوجت وانا قاعده اكتشف اشياء في اهلي وخصوصا للاسف امي وخواتي
انهم قاعدين يستغلوني ماديا

اولا انا ما كنت اشتغل و ريلي يعطيني مصروف والحمدالله مكفيني وزياده
و اهوه حبيبي من نفسه قالي عطي حق امج المقسوم و اذا احد من اهلج قاصره شي عطيهم بس بحدود!

وانا الحمدالله طول عمري ايدي مو لي يعني من قبل لا اتزوج حتى اعانه الجامعه كنت اشيل منها واعطيها حق امي
افرحها واعطي حق اخواني لما كانو بالثانوي والله العظيم ما امدح نفسي وامي اهيه كانت تشهد
اني قنوعه و ما اطلب شي فوق طاقة امي وابوي واهم يشهدون ويتكلمون ويقولون هالبنت غير خواتها
ما تعبتنا بطلبات,,,,, وسخيه وطيبه والي عندي كله لهم


المهم
من بعد فترة ما تزوجت ريلي حاله حال اي ريال يهدي مرته هدايا وانا من وناسه اوري امي وخواتي و الله
اني ما اهتم اول بالماركات يعني عادي اهم شي حلو
خواتي لما اواريهم يفز قلبهم وبدال ما يقولون عليج بالعافيه يدقروني

يعني مثلا يقولون
اي حلوه بس قديمة وشايفها على فلانه
وثانية شتقول؟ وايد في منها تقليد
و ثالثه عليج بالعافيه ولو انج مو كفو وتضحك

وما يمر اسبوع الا تدق وحده فيهم وتقول تبي تتسلفها مني حق استقبال رفيجتها
و غير الجناط والملابس والله انا ما عندي مانع وعادي بين خوات بس
ليش يكسرون فيني لما اورايهم وبعدين يركضون وراي ويبون يكشخون باغراضي؟!!

و الله اني قلت بكسر عينهم وقمت كل شهر اعطي وحده مبلغ رمزي علشان اكسبها
و غير هذا هم ما سلمت

عسى ما صار مناسبه انا الي اتكفل بصالونهم طبعا يحرجوني لما وقت الدفع
يطالعوني و تتحجج انها نقصها وخل ادفع لها واعطيهااا

وانا ادري انه عندها بس
انا شايفيني بنك مركزي!

غير اني لما حملت في بنتي البجر وكانت اختي حامل معاي واهيه مو بجر
يعني شي طبيعي البجر تفرح تشتري احلى واغلى شي و هالشي مو غريب علينا احنا يالكويتيات
بس سبحان الله لما اختي شافت تجهيزي غثتني تقول شنو هالخماجير وما يسوى شدعوة ولد امير ديانا
و حرام و مرده كلهم بينقطون و الياهل بسرعه يكبر
طبعا خلاص اهني بنفجر والله كنت شاريه لها طقم ديور حق بيبي قلت هديه مني بس دام هذا كلامها
ما تستاهل ما راح اعطيها ياه

و نيي حق امي كل شهر قلت لكم اعطيها و الحمدالله مبلغ حلو مو شويه و غير هدايا ساعات ماركه وجناط وعبي حرير و كل ما اسافر ريلي يشتري حقها وحق امها احلى شي يشوفه بالسوق

وكل هذا تتكلم عني اني انا بخيله ومقصره!!

وقبل لا اولد ريلي عطاني فلوس قالي بما انج تتنفسين عند امج عطيها فلوس تستاهل و عطيتها
بدال لا تشكرني وانا مو ناطره شكر لانه تستاهل اكثر من جذي
قالت لي اي كله بيطيرون حق ولادتج واستقبالج بالبيت ؟

انا استغربت منها ؟
قلت لها يمه حشا هالفلوس لج هديه من ريلي اهني شوي افشلت وانحرجت
بس هم ما عجبها
اي قوليله مشكور و لا يكلف على عمره وانا اخر مره اخذ منه علشان خاطر البيبي الي في بطنج بس
قلت لها يمااه تستاهلين اكثر ومشت عني امي

وبعدين اتصلت فيني تقولي تنفسي بيت خالتج احسن
احنا بيتنا يفشل و من ملجتي هذا الاثاث ما تغير
بنات اقسم بالله بيت اهلي حلووووو و صج على قد حالنا بس الحمدالله ابوي علطول يجدد بيتنا
ياثث بين فترة وفتره اثاث يديد حق امي واخر مره من علي عبدالوهاب قيمة القعده 3000 دينار
حرام عليها وتقول يفشل

قلت لها يمه ميخالف نغير ديكورات ونصبغ ونشتري تحف ولوحات يديده وجذي نغير الصاله

و رحت انا وريلي وشرينا و ريلي مسكين بالعكس يحب امي وما قال شي
بس انا خايفه انه خلاص اطق جبده ويقول عني وعن اهلي مو شايفين خير وعيال فقر

و بعد هم عبالكم امي اقتنعت بالي شريناه

لا اتصلت فيني قالت انها شرت طاوبة طعام جرانيت و نقصتها فلوس

قلت لها ان شالله جم وقالت لي جم؟
انا انصدمت مبلغ مو شويه
قلت لها يماه حاليا ما عندي وتوني بقولها شالسبب

جان تهب في ويهي و غثتني

ولدت و شفت الموت بعيني وبنتي بغت تروح مني
والحمدالله طلعت بسلامة وانا وبنتي

ولانها اول حفيده خالتي وكانت وايد فرحانه وخصوصا عقب ما طلعنا بسلامة
سوت لي استقبال
خواتي بدال لا يفرحون لي
قامو يتطنزون وخواتي يكسرون فيني وفي خاطري
عاد جنه اهم ما خبو روحهم لما ولدو
بس انا حرام علي ولانه يمكن علشان بنت ولد فلان
ما ادري ليش ما يتمنى لي الخير و يكفون شرهم علي

وعقب ولدت اختي عطيتها الطقم واستانست الحمدالله انا نييتي بعطيها قبل لا تولد
بس قلت ما ابيها تغثن لانه ادري راح تتفشل واقص ويها وفوق هذا اطلع مقصره وما استحي
المهم انا كنت في بيت اهلي و اختي بالمستفشى و والشي الي يضحك انها مسويه لها استقبال بالملكي
ويايبه نفس الحلو الي خالتي يايبته
وحاطه كفر و ورد

والله انه شي عادي بس اهم ليش يدقروني ويعيبون علي واخر شي يسوون نفسي


واااااايد اشيا قاعده تصير


قمت انحرج قبال حمولتي لما يشوفون وحده من خواتي لابسين ساعه ولا جنطه من هدايا الي حصلته
معني اوصيهم لا يلبسونه قبال اهل ريلي
بس عناد يلبسونه ويحرجوني


يحملوني اشيا فوق طاقتي
انزين وبعدين ولي متى

حاليا انا اشتغلت و طبعا ريلي حس بالي قاعد يصير
وحذرني بطريقة غير مباشره انه ماحد يستغلني

واهلي متعبيني وايد بطلباتهم و اذا ما سويت لهم

يزعلون علي ولما ازورهم ينفسون علي ويقطون نغزات
بدعوو فيني والي تقولي الي ما فيه خير اهله ما فيه خير بالناس
والي تقول ماطير طير كما ما طار و وقع
والي تقول من نفس عن كربته اخيه نفس الله كربته



ابي حل بديت اتعب و كل يوم نجره مع زوجي

شالحل اهاجر مثلا"!

 

[^^المهره^^]

اسمحيلي حبيبتي ولاتزعلين من كلمتي
انتي الغلطانه
المفروض من اولها
ماتعطينهم ليش انتي شكو بخواتج
انتي ملزومه من امج تعطينها مبلغ كل شهر و خلاص
وانتي تقولين ان حالتكم زينه و حالكم حال اغلب الناس
وخواتج بالجامعه وفي بجامعات خاصه
يعني مو معدمين
فا ليش انتي حاسه بالمسئوليه ناحية خواتج؟
انتي شكو فيهم؟
عندهم ام و ابو والي متزوجه عندها زوج
ماخبرنا اخت تكد على اختها في حياة امها و ابوها
انتي شخصيتج جذي تخلينهم غصب يستقوون عليج
من البدايه كان لازم تحطين لهم حد مايتعدونه
اذا ريلج مقتدر عليج بالف عافيه بس هذا مو معناته انج لازم تعطينهم او تعيشينهم في منفس المستوى الي انتي عايشه فيه
لا وياليت يقدرون ولا يستاهلون
الا غيره و حسد اللهم يا كافي
المفروض مثل ماقتلج شهريا تعطين امج يعني ماتقطعين عادتج
ومثال بالمناسبات
يعني رضان عيد عيد الام
بسسسسسسسسسسسسس
اما اخوانج و خواتج تراج منتي ملزومه فيهم
وقوي شخصيتج وخلي لج راي و كلمه لان اللي قاعد يصير ممكن يطيحهم من عين ريلج وهالشي كلش مو حلو

 

[حبيبتي إختي]

رد : اهلي قاعدين يستغلوني وطفح الكيل ! الله يخليكم ساعدوني

الله يعينج إختي لو أحد ثاني كان الكلام اختلف بس هذي امج وهذول خواتج وما اقدر اقولج إلا حاولي إنج تعفين عنهم وتصفحين لتنالي أجر المتقين، كما قال تعالى ( وسارعوا إلى مغفرة منربكم وجنة عرضها السموات والأرض أعدت للمتقين الذين ينفقون في السراء والضراءوالكاظمين الغيظ والعافين عن الناس والله يحب المحسنين. )
حبيبتي اصبري وأيقني بالفرج، فإن الله مع الصابرين، وإن الله لا يضيع أجر المحسنين، وما دام الإنسان يشعر بمراقبة الله له في تصرفاته فلا يتصرف الا بما يرضي الله فهو على خير عظيم، وما يحصل له من الشدة والبلاء إنما هو لرفع درجته وتكفير سيئاته فلا يحزن ولا ييأس. ومن قابل السيئة بالإحسان يوشك أن يصير العدو له صديقاً، والمبغض له محباً، كما قال الله تعالى) : ادفع بالتي هي أحسن فإذا الذي بينك وبينه عداوة كأنه ولي حميم* وما يلقاها إلاالذين صبروا وما يلقاها إلا ذو حظ عظيم ) فاثبتي على ما أنت فيه من الخير وقومي بما أوجب الله عليك من البر والإحسان لوالدتك واهلك، وتلطفي في دعوتهما ودعوة أسرتك إلى الخير، فإن الأسلوب الحسن له أثره في نفوس الآخرين .​

والله يوفقج ويهديهم .​

 

[وطنية توب]

رد : اهلي قاعدين يستغلوني وطفح الكيل ! الله يخليكم ساعدوني

اسمحيلي حبيبتي ولاتزعلين من كلمتي
انتي الغلطانه
المفروض من اولها
ماتعطينهم ليش انتي شكو بخواتج
انتي ملزومه من امج تعطينها مبلغ كل شهر و خلاص
وانتي تقولين ان حالتكم زينه و حالكم حال اغلب الناس
وخواتج بالجامعه وفي بجامعات خاصه
يعني مو معدمين
فا ليش انتي حاسه بالمسئوليه ناحية خواتج؟
انتي شكو فيهم؟
عندهم ام و ابو والي متزوجه عندها زوج
ماخبرنا اخت تكد على اختها في حياة امها و ابوها
انتي شخصيتج جذي تخلينهم غصب يستقوون عليج
من البدايه كان لازم تحطين لهم حد مايتعدونه
اذا ريلج مقتدر عليج بالف عافيه بس هذا مو معناته انج لازم تعطينهم او تعيشينهم في منفس المستوى الي انتي عايشه فيه
لا وياليت يقدرون ولا يستاهلون
الا غيره و حسد اللهم يا كافي
المفروض مثل ماقتلج شهريا تعطين امج يعني ماتقطعين عادتج
ومثال بالمناسبات
يعني رضان عيد عيد الام
بسسسسسسسسسسسسس
اما اخوانج و خواتج تراج منتي ملزومه فيهم
وقوي شخصيتج وخلي لج راي و كلمه لان اللي قاعد يصير ممكن يطيحهم من عين ريلج وهالشي كلش مو حلو

حبيبتي صح كلامج وادري انا غلطانه بالبدايه كنت مغفله وثانيا انا طبعي سخيه كنت اتوقع ابهطريقه اخلي الناس تحبني
ثالثا غيرت اسلوبي معاهم قامو يسوون لي حرب نفسية بالعيد مثلا وزعت عيادي تخيلي وحده تقط علي نغزه
مفروض انتي دبل تعطين
وبعد مره خالتي مسويه استقبال حق حماي و عزمت امي وخواتي وحده منهم تتافف قبالي شالبس ما عندي
ماني رايحه سكت حقرتها قلت بقلبي مو الااا
ولا ثاني يوم تتصل فيني عطيني سلفه قلت لها ما عندي وكبتي مفتوح لج
زعلت ولي يومكم هذا نفسها حامضه علي
وطبعا امي مطلعتني غلطانه وما استحي

الله يعينج إختي لو أحد ثاني كان الكلام اختلف بس هذي امج وهذول خواتج وما اقدر اقولج إلا حاولي إنج تعفين عنهم وتصفحين لتنالي أجر المتقين، كما قال تعالى ( وسارعوا إلى مغفرة منربكم وجنة عرضها السموات والأرض أعدت للمتقين الذين ينفقون في السراء والضراءوالكاظمين الغيظ والعافين عن الناس والله يحب المحسنين. )

حبيبتي اصبري وأيقني بالفرج، فإن الله مع الصابرين، وإن الله لا يضيع أجر المحسنين، وما دام الإنسان يشعر بمراقبة الله له في تصرفاته فلا يتصرف الا بما يرضي الله فهو على خير عظيم، وما يحصل له من الشدة والبلاء إنما هو لرفع درجته وتكفير سيئاته فلا يحزن ولا ييأس. ومن قابل السيئة بالإحسان يوشك أن يصير العدو له صديقاً، والمبغض له محباً، كما قال الله تعالى) : ادفع بالتي هي أحسن فإذا الذي بينك وبينه عداوة كأنه ولي حميم* وما يلقاها إلاالذين صبروا وما يلقاها إلا ذو حظ عظيم ) فاثبتي على ما أنت فيه من الخير وقومي بما أوجب الله عليك من البر والإحسان لوالدتك واهلك، وتلطفي في دعوتهما ودعوة أسرتك إلى الخير، فإن الأسلوب الحسن له أثره في نفوس الآخرين .​

والله يوفقج ويهديهم .​

كلامج حلو بس انا تعبت بالبدايه قلت بساعدهم لوجه الله
بعدين انقلبوو علي
هذول اهلي تعرفون شنو اهلي يعني اذا ما ارتحت لهم عند منو ارتاح

صرت اكره اذا صارت مناسبه و لا حتى الزوارة بكبرها اكرهاااا
شوفو لي اي درجه وصلت
ومصيبه اهلي ما كانو جذي اشفيهم ؟

 

[Tom ♥ Jerry]

.


حبيبتي خلاص لأزم تصيرين جديه و قآسيه شوي
ليه متى يعني بتصرفين عليهم
كل وحده تشتغل و عندهآ ريل ! آوكي آمج اتييبين لها هديه مو مشكله !
اتييبين حق وحده من خوآتج هديه حلوه بمناسبه أوكي !
بس عآد لا يزيد الزود محد يرضاهآ حتى ريلج مآ يرضى !

انا اقول لا تعودينهم على هالشي خلاص ! :/
و حتى لو آحرجوج دفعي حق نفسج و قوليلهم سوري مآ عندي !
و خلاص الحق مآ ينزعل منه ! ..

و بالنسبه لكلأمهم و طنآزتهم > و آلله مستغربه هذول شلون اسمهم " خوآت " ! :/
طنشي حبيبتي و كلا قولي انا راضيه
يعني مثلا زوجج يآبلج هديه و دقروج و تطنزوآ على الهديه
قوليلهم انا رآضيه و عآجبتني مآ خذيت رآي آحد
دقريهم مثل مآ يدقرونج عشان مآ يتمآدون آكثر .,. كل مآلهم و يتمآدون
و آنتي بآيدج توقفينهم أو تخلينهم يتمآدون آكثر :*


.

 

[الـوايـلـيـة]

خوووش اهل
بس انتي معطتهم وجه؟؟
ولا تطلبينمن زوجج خيرته بيمل
ديري بالج

 

[masoo 511]

اسمحيلي حبيبتي ولاتزعلين من كلمتي
انتي الغلطانه
المفروض من اولها
ماتعطينهم ليش انتي شكو بخواتج
انتي ملزومه من امج تعطينها مبلغ كل شهر و خلاص
وانتي تقولين ان حالتكم زينه و حالكم حال اغلب الناس
وخواتج بالجامعه وفي بجامعات خاصه
يعني مو معدمين
فا ليش انتي حاسه بالمسئوليه ناحية خواتج؟
انتي شكو فيهم؟
عندهم ام و ابو والي متزوجه عندها زوج
ماخبرنا اخت تكد على اختها في حياة امها و ابوها
انتي شخصيتج جذي تخلينهم غصب يستقوون عليج
من البدايه كان لازم تحطين لهم حد مايتعدونه
اذا ريلج مقتدر عليج بالف عافيه بس هذا مو معناته انج لازم تعطينهم او تعيشينهم في منفس المستوى الي انتي عايشه فيه
لا وياليت يقدرون ولا يستاهلون
الا غيره و حسد اللهم يا كافي
المفروض مثل ماقتلج شهريا تعطين امج يعني ماتقطعين عادتج
ومثال بالمناسبات
يعني رضان عيد عيد الام
بسسسسسسسسسسسسس
اما اخوانج و خواتج تراج منتي ملزومه فيهم
وقوي شخصيتج وخلي لج راي و كلمه لان اللي قاعد يصير ممكن يطيحهم من عين ريلج وهالشي كلش مو حلو

نفس كلامها

 

[أم حمودي**MALL**]

الله يعينج مو شويه اللي قاعد يصير
لازم تغيرين شخصيتج شوي مع خواتج
وبالنسبه لامج الله يهداها ليش تسوي جذيه
والله حاسه فيج اختي وبصراحه ماعندي حل هذي امج ولازم تصبرين عليها

 

[عيش و مرق]

زوجج مو مجبور يصرف على اهلج سواء امج او خواتج

انتى تبين تعطين امج اوكى بس خواتج شكو وخلج رسميه ولا تزورين وايد عشان لايكثرون الحكى عليج وخلى زيارتج خاطفه وى تقولين شرولى وعطونى وهدايا سكتى ولبسي وانتى ساكته

وقولى جمعت من معاشى وزوجى على قروض عشان لايقولون اخذى من زوجج سديها بويهم مره وحده

 

[mo0o0n22]

رد : اهلي قاعدين يستغلوني وطفح الكيل ! الله يخليكم ساعدوني

الله يفرج كربتك ... وهذوول اهلك شتسوين بعد ..

بس شوفي ابدئي عطي امك بس مبلغ كل شهر والباقي طنشي ... واذا تكلموا عطيهم طاااااف.. شوي شوي بيتعودون ..

واذا بيقاطعونك او بيسوون مشكله ... اتركيهم لانهم مايستاهلون علشاان وصخ دنيا يسوون كذا..

بس لاازم تتغيرين ومن اللحين قسمي معااشك ... ولاتغيرين راايك ابدا ..

بعدين يهابونك ويحترمونك .. صدقيني

 

[أسيرة_أحزاني]

رد : اهلي قاعدين يستغلوني وطفح الكيل ! الله يخليكم ساعدوني

معنات كلامج عطيتيهم ما عطيتيهم نفس الشي يعني راح يتكلمون فيج راح يتكلمون

الي عليج بامج واذا خواتج بعااازه عطيهم

بس تصرفين عليهم بالهبل بمناسبه وغير مناسبه هالشي يمرض

انتي وراج عايله كامله غير هالبنت الله بيرزقج بعيال ان شاءالله شتسوين حزتها ؟ تقطعين نفسج لاهلج ولا عيالج

انا اعرف وحده مثلج كل ماطلبوها اهلها عطتهم اخرتها قامت تقطها بالويه وتقول ماعندي وكلهم انقرصو منها وما قامو يطلبون

 

[الأميرة جوري]

رد : اهلي قاعدين يستغلوني وطفح الكيل ! الله يخليكم ساعدوني

ترا زوجج منتبه بس ساكت ليمن ينفجر وحاولي تحججين باي شء قولي تغير علي صار مايعطيني مثل اول علشان يعرفون ان صج ماعندج شيء ومايطلبون منج ولاتقولين عن اي شيء بينج وبين زوججج سواءا شريتوا اهدالج عطاج مبلغ قولي تغير وتحطمى علشان يخلونج بصراحه حيل مستغلينج وانتى مو ملزومه فيهم ماعليج الا من امج

 

[منيرة خالد]

الله يعينج

لازم تغيرين من اسلوب التعامل مع اهلج ومو كل شي تتكلمين عنه اقضوا حوائجكم بالكتمان - وحاولي تكونين رسميه لين ما يتعدلون ويعرفون ان الصندوق اغلق وخاصه انهم مو بأزمه او مشكله


واهتمي بحياتج مع زوجج ولا تدخلينه بمشاكلج وطلبات اهلج كلش علشان ما يعايرج بعدين -



عاد تصدقين >> الشعب المصري اغلبه يتعامل مع بعض بهالطريقه ولد عم بنت خالتج يجي يطلب منج وياكل عندج ولا تنترس عينه


ثقافة شعوب غريبه

 

[tbola]

رد : اهلي قاعدين يستغلوني وطفح الكيل ! الله يخليكم ساعدوني

ربي يصبرج ترا الدنيا دواره باجر راح يتغير الحال والكل راح يشكرج وراح يعتذرونلج بس انتي طولي بالج

وترا الرسول وصانا على ام ميخالف لو تذبحج لو تسوي فيج اي شي تحميلها وادري انه فيج الخير وانتاي ماقصرتي عليها وخواتج حقرييهوم

وربي يسهل عليج انشالله

 

[love love]

شوووووفي ياقلبي

اهلج للاسف ماراح يكونون لج عزوه باجر

فاحسن شي حافظي على ريلج ولا تخسريينه باي طريقه

لا تعطينهم ولافلس ولا تسلفيينهم وخل يتكلمون اهم اساسا جذيه ولا جذيه يتكلمون ويحروونج

 

[mafio98]

اختي لازم تغيرين من نفسج انا الي ماعرفهم احتريت!!!!
اول شي انتي مو ملزومه بخواتج انتي ملزومه بامج بس عطيها ولاتقصرين معاها بالي تقدرين عليه اما خواتج تساعدينهم بس بشي يسوى موحق صالون ولا بدله ليش وين معاشهم وين ريايلهم اهم الي مكلوفين فيهم اما اذا وحده مديونه اوعندها سالفه ومحتاجه صج عطيها بس من طيبج مواهي تطلب وغير هذا مااشوف له داعي تراوينهم شنوياب لج او شنو حط لج هذا شي بينج بينج وبين ريلج واخر شي ترى مو حلوه تقولين حق ريلج كل شي ولا انا عطيت اختي ولا سويت لهامادري اشوفهامو حلوه
واخرشي الله يوفقج مع ريلج ويهدي بالج

 

[kramilah]

رد : اهلي قاعدين يستغلوني وطفح الكيل ! الله يخليكم ساعدوني

شوووفي يالغاليه مثل ماقالوا البنات انا مابي اقول انج انتي الغلطانه واقط اللوم عليج
بس انتي لو من البدايه مو معطيتهم وجه كان ماصار اللي صار بس ماعليه انشالله لج الاجر
لان اهم شي نيتج صافيه ومااستغليتي اي وحده وبريتي بأمج اهم شي الله يصبرج ويكون بعونج انشالله
تقبلي مروري...

 

[Wa'97a]

رد : اهلي قاعدين يستغلوني وطفح الكيل ! الله يخليكم ساعدوني

الله يعينج

 

[am faisal]

حبيبتى طنشيهم واحفظى فلوسك وما لهم الا الاحترام والتقدير واول مشكلة تصادفك سيكونون اول المتخاذلين الطيبة الزايدة اكشفتلى الايام انة داء يودى بصاحبة للتهلكة النفسية انا اكثر وحدة عانيت مثلك واكثر اى وحدة من خواتى تنام بالمستشفى حتى لو ولادة اقابلها ليل نهار اهمل بيتى وعيالى من بتسوى عملية احضر قبل لايحضرونها للعملية واتم معها بالمستشفى يوم بالاسبوع مخصصتة لخواتى وعيالهم واسويلهمكل شى يبونة شاخرتها ولدى دش العناية 3منهم مازاروة وديناة للخاج علاج على حسابنا ولا وحدة قطت دينار بس تقدر تقط 200دينار اكسسوار لحفلة 600لفستان وانا يا ما شريت وفرحت واهديت وموهذابس ردينا اللة على شاهد ما جانى احد منهم يشوفة او يتحمدلنا بالسلامة احلف باللة العظيم ان كل ما قلتة هو حقيقة ليست خيال خلتنى اضرب اخما س باسداس هذا جزاى بعضهم شلتة على ايدينى وربيتة كنت الام والاخت حلالة المشاكل واكتشفت انى اخت للحاجة اخت الخدمات العامة للطوارى اللى متهاوشة مع زوجها اللى تبى السايق اللى عندها موعد تبينى اروح وياها وعند الحاجة تلتفتين ما تلقين احد مكان خالى ومو حش هذى هى الحقيقة انا كنت اشوف ولدى ابو 17 سنة يموت قدامى وبحاجة لجمع فلوس باقسى سرعة لان حالتة حرجة فكرت فيهم لاجدهم اول المتخا ذلين فتحسفت قد شعر راسى على كل فلس وكل هديةوكل تعب تعبتة وياهم انا ما ادرى شلو ن قلت كل هذا بس ما بى يصير فيك اللى صار لى اهتمى بزوجك وعيالك واحفظى اى شى يعطيك زوجك ما تدرين الزمن شيخبيلك وقتها ما تحتاجين لاحد هذا درس علمتنى اياة الحياة بس باقسى واصعب طريقة

 

[غرور وايل]

الله يعينج

حبووبه بصصراحه اللي تستااهل انج تعطينها فلووس امج وبسس وبعدين اخواتج احقريهم وطااف
ليما يتعوودوون

يبا زووجج ترا انسسان له وقت وراح ينفجر
لا تسبيين مششاكل لنفسسج عششان اخواتج متزوجات وعندهم من يصصرف عليهم