اهلي قاعدين يستغلوني وطفح الكيل ! الله يخليكم ساعدوني

[نويرة الكويت]

رد : اهلي قاعدين يستغلوني وطفح الكيل ! الله يخليكم ساعدوني

بصراحه لاتزعلين

رفعتي ضغطي والله

انتي الحين من خواتج يدقرون فيج وبعدين يقولون عطيني الجنطه الفلانيه والساعه الفلانيه ليش ماتردين عليهم

ليش ماتقولين انتي موتقولون انها قديمه او موعاجبتكم ليش ادقون وتطلبونها

وبالله كل ماريّلج عطاج شي تورين خواتج صج انهم خواتج بس موكل شي ينقال و موكل شي اوريهم اياه

ميخالف هذي نفس

بس لدرجة انه تصير مشكله بينج وبين ريّلج لا والله مني وحدكم عاد لاتعطينهم ويه وخففي يزعلون ميخالف اهم شي حياتج انتي

بس انتي امبين عليج انج مارتدين عليهم لان جذي قاعدين يستغلونج

فأنتي ردي عليهم بأسلوب حلو ومقتع عشان مايفكرون انه يستغلونج او شي

عرفتي اشلون حبيبتي

 

[فاقده حنان ابوه]

الله يعينج ويكون بعونج

خليهم يقطون عليج حجي بالطقاق سوي روحج مو مهتمه اهم شي ان ريلج ما يمل ترا الريال اذا مل مصيبه

 

[Anastasia]

وكل هاللي سويتيه عصار قلبج ولا بين بعينهم ومشينين النفس .. منصجج تحاتين الحين اذا قطعتي شبيصير ؟ يعني شبيسوون اكثر من اللي سووه؟
.
توقعي في حمله تحميض البوز عليج .. فترة اذا صبرتي فيها وصمدتي بترتاحين طول عمرج ..
خلج قوية قطعي العرج وسيحي دموه

 

[مينونه1]

اول شي : الله يهدي خواتج وامج
جوفي امج عطيها كل شهر مبلغ بسيط اللي تقدرين عليه عطيها
اما خواتج قولي لهم ماقدر اعطيكم لان ريلي ماقام يعطيني فلوس مثل قبل
مب كل مره تعطينهم يعني مثلا لو عيد ميلاد اختج اليوم تهدينها هديه ولا شي اما ان كل شهر وكل طلعه وكل سهره بتصرفين عليهم ترا مب حاله ذي
ريلج مسوؤل عنج مب مسؤول عن هلج
انتي قعدي معاهم وفهميهم الموضوع وقولي لهم ترا ريلي ماقام يعطيني مثل قبل وخلااص انا بس بعطي امي كل شهر اما انتو ماقدر اعطيكم لان الفلوس اللي عندي يادوب تكفيني وسوري ماقدر اعطيكم بس امي بعطيها كل شهر
وصج اهمه هلج وجي بس ترا والله بيمل ريلج لانه هو مب ملزوم فيهم
:sfg: