اهل ريلي و دعوة العزايم

[noo7a]

طلعه شاليه
و ملجه ولد اخوه
احس ماله داعي يدقون و يعزمون
انتي اكيد لازم تتواجدين صرتي وحده منهم مو غريبه
ماله داعي الرسميات

 

[منجامور]

يعني امبين انهم على نياتهم

هم يذكروج بس على اساس انهم اللي مايتصلوا

انا احس عادي

 

[رضاهم جنه]

يمكن هذا طبعهم بالعزيمه

مثلا عندج مثال اهلي اذا كان عندهم عشاء يبلغون الرجال ويقولون جيبوا الاهل معاكم مو معقوله امي تبي تدق على كل بيت وعلى كل وحده من حريم اخواني تقول تعالوا عندنا عشاء

مدام يحبونج وتحبينهم لا تبدين بهالسوالف الصغيره الي مالها معنى واحمدي ربج انهم يقولون بلغ زوجتك بعض الحمايل يهددون عيالهم ياويلك اذا مرتك درت بالعزيمه !!!!

 

[" ام حمود "]

هذي سوالف حريم وريلج ماله دخل بالعزايم وخرابيط وثاني شي ريلج المفروض يتكلم يقولهم انا مالي شغل بالسوالف هذي دقوا ع زوجتي ادري انتي وريلج واحد بس هالسوالف يكلمونج انتي وريلج يطلع برا المووضووع
او قطي لهم نغزات عاد الحريم شغالين نغزات
قولي لهم ع الاقل دقوا علي شكو ريلي بسوالف عزايم ماله دخل
اذا قالوا حق ريلج لاتروحين ، اذا اتصلوا قالوا رليش ماييتي قولي محد عززمني
واذا قالوا قلنا حق ريلج قولي ليش ماتتصلون علي ؟
واجهيهم احسن ع الاقل يكون عندج مقدار مو يطنشونج

 

[أم توتو]

انا قبل اسبوعين حطيت موضوع نفسج جذيه مرت حماي عندها تمايم بنتها ولا علمنتني بس انا مارحت

وقالت لي وينج ماجيتي قلت لها محد قالي

لا تروحين الا اذا احد قالج ودق عليج شخصيا لان ساعات ولدهم يقول روحي لهم وكلميهم

واخر شي اروح واتفشل مافي احد ولا مايبون احد يدري شعندهم ماعندهم كم مرة حصلت لي وانحرج

اللي يبيني عندي جوالي يدقون عليه

 

[honey lust]

عادي دام انهم زينين و حلوين عااااااااادي

 

[&&الجــــازي&&]

شوف حبيبتي اذا هم زينين احمدي ربج وخليج من هالسوالف بعدين انتي وريلج واحد يعني تعتبرون بيت ابو فلان
اما سالفة انج ادقين عليها عشان تعزمج لا والله واذا انتي كارهه هالحركه تقدرين تفهمينها باسلوب حلو (اخت ريلج)