اهل زوجي عقدوني :(

[انتظر حبه]

رد : رد: اهل زوجي عقدوني

رورو

اول شي مبارك عليج الشهر

ثاني شي ... القابض على دينه يا أخيتي

شوفي حبوبة انتي من بيئة وزوجج من بيئة والاختلاف بالعادات وارد

كونج انتي سعودية في امور موجودة عندكم مو موجودة هني والعكس صحيح ... انا من رأيي الشخصي انج تستمرين على حجابج ونقابج ... ولا تقاطعين أهل ريلج... انتي توج عروس يديدة للحين ما تعرفتوا على بعض عدل

روحي وزوريهم بحجابج ونقابج وعباتج ... وجبيهم وحبي راس خالتج ... وعوديهم ان تعليقاتهم الجارحة تستقبلينها بابتسامة وتجاهل وع الوقت بتثبتيلهم طيبة قلبج وبتفرضين مكانتج بينهم وبقلوبهم.

تقربي من خالتج وايد ودايما عديها حسبة امج ... هاديها وتقربي منها ... وبالنسبة للجمعات اللي فيها رياييل ... احنا هني واتكلم عن أهلي على وجه التحديد وما أعمم على الباقين

يوم الجمعه يوم الزوارة عندنا فنلروح كلنا ونقعد على سفره وحده ريل اختي موجود وحريم اخواني واخواني على سفرة وحده ، انا البس عباية راس وطول الوقت عباتي علي ما أقطها وبالعكس نسولف واكيد كل شي بحدود.

الله يتمم عليج زواجج ان شاء الله ومع الوقت بتتقبلينهم وبتتوعدين وهم بع بيتقبلونج ويتعودون

وهذا شهر الخير اشتري حق خالتج هديه وروحيلها

انا مع الاخت

 

[0oR0R0 honeyo0]

روحي تحبه غصب,,
مريم1,,حوآآوة
مشكورين على ردودكم ..

 

[الفدنه]

الله يهديهم

 

[kuwaitya_zoGaa]

سألى زوجج نقابي مضايقك ؟؟
ومن رايي طلعى من بيتهم

 

[moni_88]

قال الله تعالى: ( وَمَن يَتَّقِ اللَّهَ يَجْعَل لَّهُ مَخْرَجاً{2} وَيَرْزُقْهُ مِنْ حَيْثُ لَا يَحْتَسِبُ )
اذن من طين واذن من عجين <<

 

[احلى سماء]

انتي صح

اللي قاعده تسوينه هو الصح

انتي مو بحاجة اهل زوجج دام طبعهم هالطبع

وعلى فكره ترا انا نفس قصتج بالضبط

هم حابسه روحي ببيتي
ومالي شغل فيهم

زوجي كل يوم يهاوشني روحي روحي
اقول اخوانك وعيالهم رايحين جايين

ماكو خصوصيه للحريم ومكان منعزل لهم
حتى كله شيلتي على راسي
ما اقدر انزلها
بس صراااااااااااااحه
اللي مسليني دراستي واهلي قريبين اروح لهم واتفسح مع امي واطلع والا زوجي حتى طلعات ما يطلع


خلج على موقفج وثباتج
وانتي بينتي لهم سبب استيائج ان مافي خصوصيه للحريم ورجال داخل وطالع
ماقاعدين تاخذين راحتج وهالوضع مو طبيعي ولا سليم

الله يثبتج حبيبتي على اخلاقج وتربيتج وهي الصح

 

[وبعدين؟]

رد : اهل زوجي عقدوني

يالغالييييييييييه نظامنا بالكويت جذي لو انه غلط بس عادي تقعدين ويا حموانج بنقابج وحشمتج لاتكبرين الموضووع وانتي وضميرج

 

[0oR0R0 honeyo0]

الله يجزاكم كل خير الي رديتو علي ومشكورين ..

 

[نور الكوثر]

ميخالف خليج انتي الزينه وخلج علما تربيتي عليه ربي يطرح فيج البركه ويكسيج من ثوب الستر بزياده

 

[0oR0R0 honeyo0]

نور الكوثر مشكوره حبيبتي ..

 

[انصاريه قمره]

ما فيها شي يا قلبي اذا زوجج محرمج موجود تقعدين بنقاابج مستمعه فقط طول عمرنا باليمعاات نقعد كل واحد وزوجته وبعد العصاري الرياييل يتوكلون على الله كل وااحد شغله والحريم يظلون قاعدين لي الليل